Ígræðsla líffæra flyst til Gautaborgar

Í dag var undirritaður samningur um ígræðslu líffæra við Sahlgrenska háskólasjúkrahúsið í Gautaborg. Þetta þýðir að líffæraígræðslur Íslendinga flytjast frá Kaupmannahöfn til Gautaborgar um áramótin. Gert er ráð fyrir að samningurinn verði um 18% ódýrari en samningurinn sem nú er í gildi.

Aðilar vinnumarkaðarins funda

Aðilar vinnumarkaðarins funduðu fyrr í dag um stöðugleikasáttmálann og verður fundarhöldum fram haldið í kvöld, að sögn Ingibjargar R. Guðmundsdóttur varaforseta ASI. Hún vill ekki tjá sig um gang viðræðnanna og segir að staðan muni skýrist næsta sólarhring.

Kveikt í búningsklefa í Arnarfirði

Í vikunni var tilkynnt um að búið væri að kveikja í skúr við sundlaugina í Reykjafirði/Arnarfirði og væri skúrinn brunninn til ösku.

Fimm þúsund börn lögð í einelti

Um fimm þúsund börn eru lögð í einelti í grunnskólum landsins á hverju ári samkvæmt tilkynningu frá Heimili og skóla - landssamtökum foreldra. Óttast er að eins og nú árar sé hætta á að þeim eigi enn eftir að fjölga sem verða fyrir barðinu á einelti.

Kærðir fyrir að stela vatni í heitu pottana

Í síðustu viku voru tveir sumarbústaðeigendur kærðir fyrir meintan þjófnað á heitu vatni með því að rjúfa innsigli á inntaksloka og hafa aukið rennsli inn í húsin samkvæmt lögreglunni á Selfossi.

Bilanir hjá Vodafone

Truflanir eru á GSM og 3G þjónustu Vodafone á Vestfjörðum, Norður- og Austurlandi. Truflanirnar má rekja til skemmda sem urðu á ljósleiðara við Geitháls í Reykjavík. Unnið er að viðgerð. Einnig eru truflanir á útsendingum útvarpsstöðva 365 á Akureyri. Truflanir eru á útsendingu Bylgjunnar og sjónvarpsútsendingum Digital Íslands á norðanverðu Snæfellsnesi af sömu ástæðu.

Aðdáendasíða í nafni Steingríms Njálssonar - níu aðdáendur skráðir

Svo virðist sem hinn margdæmdi barnaníðingur, Steingrímur Njálsson, sé kominn með Facebook reikning, en athygli vekur að nær allir vinir hans á síðunni, sem eru níutíu talsins, eru undir tvítugt, flestir á menntaskólaaldri.

Barðastrandarræningjarnir dæmdir í fangelsi

Fjórir piltar voru dæmdir í Héraðsdómi Reykjavíkur í dag fyrir aðild sína að hinu svokallaða Barðastrandarráni, þar sem ráðist var á úrsmið á Seltjarnarnesi á heimili hans og hann rændur. Málið vakti mikinn óhug en svipað mál hafði komið upp á Arnarnesi skömmu áður.

Hafa fengið yfirlýsingu stjórnvalda

Aðilar vinnumarkaðarins hafa fengið í hendurnar yfirlýsingu stjórnvalda varðandi stöðugleikasáttmálann, sem stjórnvöld lofuðu þeim eftir fund þeirra í gær. Ef að stöðugleikasáttmálinn heldur ekki munu kjarasamningar renna út á morgun og upplausn myndast á vinnumarkaði. Gert er ráð fyrir því að ASÍ og Samtök atvinnulífsins muni funda vegna málsins seinna í dag.

Sviptur ævilangt

Rúmlega fertugur karlmaður var dæmdur fyrir að aka undir áhrifum áfengis og fíkniefna í Héraðsdómi Vesturlands í dag. Maðurinn var stöðvaður í apríl síðastliðnum á Akrafjallsvegi. Hann var að auki með lítilræði af amfetamíni í sínum fórum.

Niðurskurði heilbrigðisstofnunnar á Blönduósi harðlega mótmælt

Stjórn Starfmsnnafélags Heilbrigðisstofnunarinnra á Blönduósi (HSB) mótmælir harðlega niðurskurði heilbrigðisstofnunarinnar á Blönduósi. HSB vill meina að niðurskurðurinn sé meiri en á mörgum öðrum heilbrigðisstofnunum.

Vill ekki upplýsa hverjir hafa fengið viðtal

Forsætisráðuneytið neitar að upplýsa hverjir hafa fengið viðtal hjá Jóhönnu Sigurðaróttur síðan núverandi stjórn tók við valda þann 1. febrúar.

Skattaáform ríkisstjórnarinnar harðlega gagnrýnd

Engin sátt er í augsýni í deilu aðila vinnumarkaðarins og stjórnvalda vegna stöðugleikasáttmálans. Skattaáform ríkisstjórnarinnar eru harðlega gagnrýnd en ASÍ vill að persónuafsláttur verði hækkaður um tæpar 7 þúsund krónur.

Áfram réttað yfir miðbaugsmaddömunni

Framhald aðalmeðferðar í máli Catalínu Ncoco og Finns Bergmannssonar fer fram eftir hádegi í dag. Catalina hefur verið ákærð fyrir mansal og að hafa haft tekjur af vændi kvenna auk þess að eiga þátt í fíkniefnainnflutningi. Þá hefur Finnur verið ákærður fyrir hlutdeild í brotunum.

Jóhanna og Steingrímur ekki á Saga Class

Jóhanna Sigurðardóttir forsætisráðherra og Steingrímur J. Sigfússon fjármálaráðherra eru nú stödd á þingi Norðurlandaráðs í Stokkhólmi í Svíþjóð. Fleiri ráðherrar eru á þinginu og má þar nefna Árna Pál Árnason og Svandísi Svavarsdóttur. Athygli vakti að forsætis- og fjármálaráðherra ferðuðust ekki á Saga Class á leiðinni út.

Vilja hugmyndir stúdenta um niðurskurð

„Á næsta miðvikudag munum við setja upp kassa í öllum byggingum háskólans þar sem fólk getur komið með hugmyndir að niðurskurði,“ segir Arnþór Gíslason, formaður fjármálanefndar Stúdentaráðs Háskóla Íslands en fyrir liggur að talsverður niðurskurður muni bitna á háskólanum. Kassarnir verða settir upp í tilefni þess að á miðvikudaginn verður fjármáladagurinn haldinn hátíðlegur í skólanum.

McDonalds hættir á Íslandi

Skyndibitakeðjan McDonalds er að hætta á Íslandi samkvæmt tilkynningu frá Lyst efh. Ástæðan er sú að Lyst ehf., þarf að kaupa aðföng erlendis vegna sérstakra staðla Macdonalds. Í staðinn mun skynbitastaðurinn Metro taka við af McDonalds og má þar finna íslenska hamborgara með íslensku hráefni.

AGS: Ísland enn ekki komið á dagskrá

Edurskoðun áætlunar Íslands og Alþjóðagjaldeyrissjóðsins er enn ekki komin á dagskrá framkvæmdastjórnar sem reglulega er uppfærð á heimasíðu sjóðsins. Í síðustu viku lýstu stjórnvöld og forsvarsmenn sjóðsins því yfir að fyrsta endurskoðun áætlunarinnar, sem hefur tafist í marga mánuði vegna Icesave deilunnar, yrði að öllum líkindum tekin fyrir í framkvæmdastjórn AGS á miðvikudaginn kemur, þann 28. október.

Ekki verður sagt frá gestum Jóhönnu

Forsætisráðuneyti Jóhönnu Sigurðardóttur neitar að gefa upp hvaða fólk hefur fengið viðtal við hana, síðan núverandi stjórn hóf störf 1. febrúar. Þetta er rökstutt í svarbréfi til blaðsins með því að stjórnvöldum beri ekki skylda til að veita slíkar upplýsingar, enda varða þær ekki eitt sérstaklega tiltekið mál.

Brotist inn í Júpíter

Tilkynnt var um eitt innbrot í gærkvöldi í Reykjavík en óprúttnir aðilar höfðu brotist inn í skipið Júpíter sem er í slipp í Reykjavíkurhöfn. Þjófarnir brutu rúðu til þess að komast inn í skipið en óljóst er hverju var stolið. Að öðru leyti var nóttin róleg hjá lögreglunni. Þó var einn ökumaður tekinn fyrir að aka undir áhrifum.

Fjöldi útlendinga flytur til landsins

Tæplega 7.000 hafa flutt af landi brott á fyrstu níu mánuðum ársins og ef heldur fram sem horfir verður sú tala komin í 9.000 í árslok. Það er svipuð tala og í fyrra. Það sem skilur hins vegar á milli er að í fyrra voru Íslendingar 36 prósent þeirra sem fluttu af landi brott, en í ár stefnir í að þeir verði helmingur. Þetta kemur fram í tölum Creditinfo.

Stöðugleikasáttmáli gæti verið úr sögunni

Margt þarf að koma til svo að friður haldist á vinnumarkaði. Á þriðjudag tekur stjórn Samtaka atvinnulífsins ákvörðun um hvort kjarasamningar verða framlengdir.

Kanna jarðhita á grískum eyjum

Verkfræðistofan Mannvit vinnur nú að kortlagningu jarðhitasvæðis á grísku eyjunum Milos og Komolos fyrir gríska náma­fyrirtækið S&B minerals. Verkefnið hefur falist í hagkvæmniathugun og viðnámsmælingum.

Saksóknari skoðar 49 mál

„Þessir fletir geta alltaf komið upp í rannsóknum á efnahagsbrotum. Við gefum þessu gaum ásamt öðru,“ segir Ólafur Þór Hauksson, sérstakur saksóknari. Í netútgáfu breska dagblaðsins Times sagði í gær að þeir sem rannsaki hrun Glitnis, Kaupþings og Landsbankans skoði hvort ásakanir um peningaþvætti eigi við rök að styðjast auk óvenjulegra lánveitinga til aðila þeim tengdum.

Mesti viðbúnaður í sögunni

Viðbúnaðurinn við svínaflensunni er sá mesti í Íslandssögunni að mati Haraldar Briem sóttvarnalæknis. „Ég hugsa að það hafi aldrei verið viðbúnaður í stíl við þetta nokkurn tímann á Íslandi. Við erum búin að undirbúa okkur nokkuð stíft í fjögur ár. Þá höfðum við í huga þessa

Þrjú hundruð verk mikilvæg þjóðararfi

Um 300 listaverk í eigu Íslandsbanka og Nýja Kaupþings eru talin mikilvæg þjóðararfi og eigi því ekki að fara úr ríkiseigu. Þetta kemur, samkvæmt heimildum Fréttablaðsins, fram í mati sem unnið hefur verið á listaverkasöfnunum. Viðræður hafa verið í gangi á milli ríkisvaldsins og bankastjórnanna um verkin og er búist við að málið klárist í næstu viku.

Þrjár milljónir fyrir eina stöng í Alta

Verndarsjóður villtra laxastofna, NASF, undir stjórn Orra Vigfússonar, fékk í sinn hlut allt að fimmtán milljónir króna í árlegu veiðileyfauppboði sínu í Ósló. Meðal annars fengust þrjár milljónir fyrir eina stöng í tvo daga á frægasta veiðisvæði árinnar Alta í Noregi. Áin er nálægt bænum Alta sem er í Finnmörku í Norður-Noregi. Veiðivefurinn vötn&veiði segir frá þessu.

Níu manns á gjörgæslu með svínaflensu

Níu manns á aldrinum 30 til 63 ára liggja nú á gjörgæslu vegna svínaflensu. Einn er á Akureyri en átta á Landspítalanum og hefur þeim fjölgað um tvo síðan í gær. Þeir komu báðir utan af landi á síðasta sólarhring, annar frá Neskaupstað en hinn frá Vestmannaeyjum.

Vilhjálmur: Stöðugleikasáttmálinn hangir á bláþræði

Lítið þokaðist í samningaviðræðum ríkisstjórnarinnar og aðila vinnumarkaðarins um stöðugleikasáttmálann í dag. Upplausn blasir við á vinnumarkaði náist ekki samkomulag á næstu tveimur sólarhringum.

Félagsmálaráðherra bregst við gagnrýni á skuldavandafrumvarp

„Fjarstæða er að halda því fram að þeir sem veðjuðu á fall krónunnar fái skuldir sínar felldar niður en hirði gróðann samkvæmt nýrri löggjöf um lausn á skuldvanda einstaklinga, heimila og fyrirtækja,“ segir í tilkynningu frá félags- og tryggingamálaráðuneytinu. Sértæk skuldaaðlögun byggist á því að þeir sem eigi í miklum greiðsluerfiðleikum greiði eins stóran hlut af skuldum sínum og greiðslugeta þeirra leyfi og að eignir gangi jafnframt upp í skuldir.

Þrautarlending hafin í Þjóðmenningarhúsinu

Tugir verkalýðsforkólfa og fulltrúar atvinnurekenda mættu í Þjóðmenningarhúsið rétt fyrir klukkan þrjú þar sem þeir sitja á fundi með ríkisstjórninni og reyna til þrautar að bjarga stöðugleikasáttmálanum. Búist er við að fundurinn standi í um tvær klukkustundir.

Íslendingar mega ekki gleyma því hvernig valdi var misbeitt

Íslendingar mega aldrei gleyma því hvernig Hollendingar og Bretar misbeittu Alþjóðagjaldeyrissjóðnum til að ná sínu fram í Icesave deilunni. Þetta segir Ólafur Ragnar Grímsson forseti Íslands.

Flosi Ólafsson látinn

Flosi Ólafsson leikari lést á sjúkrahúsi í gær. Flosi hefur dvalið á sjúkrahúsi undanfarna daga en hann slasaðist í alvarlegu bílslysi í vikunni.

Hálfur Dettifossvegur verri en enginn

Ferðaþjónustuaðilar á norðausturhorni landsins óttast hrun, þegar bara hálfur Dettifossvegur verður opnaður meðfram Jökulsárgljúfrum næsta sumar, og segja að ferðamennirnir muni sleppa Ásbyrgi og byggðunum við norðurströndina.

Fleiri síldartorfur finnast á sundum við Stykkishólm

Rannsóknaskipið Dröfn hefur staðfest að miklar síldartorfur eru nú við innanverðan Breiðafjörð á sundunum við Stykkishólm. Tvö síldveiðiskip eru á leið þangað. Menn bíða hins vegar milli vonar og ótta niðurstaðna um hversu alvarleg sýking er í síldinni.

Gylfi: Íslenskir bankamenn þeir verstu í heimi

Íslenskir bankamenn voru þeir verstu í heimi, segir Gylfi Magnússon viðskiptaráðherra á vef breska blaðsins Times í dag.

Telur að forsetinn hafi eitthvað að fela

„Það er eitthvað segir manni að það sé eitthvað í þeim sem hann vill ekki að líti dagsins ljós," segir Sveinn Andri Sveinsson hæstaréttarlögmaður um þá ákvörðun Ólafs Ragnars Grímssonar forseta Íslands að birta einungis hluta af þeim bréfum sem Rannsóknarnefnd Alþingis fékk frá honum.

Loftbelgjastöð á Egilsstöðum

Bæjarstjórn Fljótsdalshéraðs hefur samþykkt að veita byggingarleyfi fyrir loftbelgjastöð á Egilsstaðaflugvelli. Frá þessu er greint í vefritinu Austurglugganum. Flugstoðir sóttu um byggingarleyfi innan flugvallarins á Egilsstöðum fyrir aðstöðu háloftastöðvar fyrir veðurrannsóknaloftbelgi. Þaðan á að sleppa á sjálfvirkan hátt loftbelgjum með ýmsum mælitækjum til rannsókna á veðurfari í háloftunum yfir Íslandi.

Handteknir fyrir líkamsárás við Nasa

Tveir voru handteknir fyrir líkamsárás í nótt en þeir réðust á mann við skemmtistaðinn Nasa á Austurvelli. Sá sem fyrir árásinni varð missti meðvitund og var honum komið á slysadeild til aðhlynningar. Árásarmennirnir gistu fangageymslur yfir nóttina og bíða yfirheyrslu hjá lögreglu.

Kárahnjúkavinnubúðir verða hótel á Langanesi

Tafir á Helguvíkurframkvæmdum urðu til þess að vinnubúðir, sem áttu að fara þangað frá Kárahnjúkum, lentu í höndum hollenskrar konu, sem nú er að breyta þeim í íbúðahótel á Langanesi fyrir sextíu gesti.

Strembin varnarbarátta framundan hjá öryrkjum

Nýkjörinn formaður Öryrkjabandalags Íslands segir að framundan sé erfið og strembin varnarbarátta fyrir velferðarkerfinu. Hann segir að félagsmenn sínir séu áhyggjufullir yfir þeim mikla niðurskurði sem hefur verið boðaður.

Bóndinn sem hafnaði veginum fær 35 milljóna bætur

Bóndinn við Kópasker, sem hafnaði því að Hófaskarðsleið færi í gegnum land sitt, hefur fengið 35 milljónir króna í bætur frá Vegagerðinni. Nágrannar saka hann um einstrengingshátt en sjálfur neitar bóndinn að ræða málið. Íbúar á norðausturhorni landsins segja það hneyksli að ekki sé unnt að opna nær fullbúinn veg.

Neyðarástand í Bandaríkjunum vegna svínaflensunnar

Barack Obama Bandaríkjaforseti hefur lýst yfir neyðarástandi vegna svínaflensunnar í Bandaríkjunum.

Telur að þingmeirihluti sé fyrir Icesave málinu

Björn V. Gíslason, þingmaður VG, gerir ráð fyrir að ríkisstjórnarflokkarnir geti klárað Icesave málið án stuðnings stjórnarandstöðunnar. „Mér heyrist það, á þeim sem hafa tekið til máls og tjáð sig í umræðunni, að þeir sem að höfðu efasemdir uppi um þetta í vor að þetta sé komið í þann búning sem ríkisstjórnarflokkarnir geti klárað þetta í," segir Björn Valur.

Forsetinn mærði Björgólf í bréfi

Ólafur Ragnar Grímsson, forseti Íslands, mærði Björgólf Thor Björgólfsson í bréfi sem hann sendi honum sumarið 2002 eftir ferð forsetans til Rússlands. Í bréfinu þakkar forsetinn Björgólfi, sem þá var ræðismaður Íslands í Rússlandi, fyrir þátttöku hans í undirbúningi og framkvæmd opinberrar heimsóknar forsetans til Rússlands.