Aðilar vinnumarkaðarins funda

Aðilar vinnumarkaðarins funduðu fyrr í dag um stöðugleikasáttmálann og verður fundarhöldum fram haldið í kvöld, að sögn Ingibjargar R. Guðmundsdóttur varaforseta ASI. Hún vill ekki tjá sig um gang viðræðnanna og segir að staðan muni skýrist næsta sólarhring.

Ef að stöðugleikasáttmálinn sem var undirritaður 25. júní heldur ekki munu kjarasamningar renna út á morgun og upplausn myndast á vinnumarkaði.

Ríkisstjórnin fundaði með aðilum vinnumarkaðarins og fulltrúum sveitarfélaganna tvisvar um helgina. Lítillar bjartsýnni gætti í máli forystumanna Samtaka atvinnulífsins og Alþýðusambands Íslands eftir fund í gær.

Aðilar vinnumarkaðarins telja að ríkisstjórnin hafi ekki staðið við sinn hluta stöðugleikasáttmálans. Benda þeir meðal annars á að stýrivextir eru ekki komnir niður í eins stafs tölu og þá hafi ýmsar stóriðjuframkvæmdir tafist. Einnig hafa boðaðar skattahækkanir ríkisstjórnarinnar verið gagnrýndar.