Ásta geri grein fyrir alvarlegum ásökunum sínum

Ögmundur Jónasson heilbrigðisráðherra sagði á Alþingi fyrir stundu að hann færi fram á það að Ásta Möller þingmaður gerði grein fyrir alvarlegum ásökunum sínum gagnvart læknum í landinu. Ögmundur sagðist ætla að ræða ummæli Ástu um MS lyfið Tysabri á fundi heilbrigðisnefndar á miðvikudaginn.

Kosning um formann Samtaka atvinnulífsins hafin

Rafræn kosning formanns Samtaka atvinnulífsins er hafin meðal aðildarfyrirtækja samtakanna. Kosningin hófst í morgun en Þór Sigfússon, formaður SA, hefur ákveðið að gefa áfram kost á sér sem formaður. Þór er að ljúka sínu fyrsta starfsári sem formaður Samtaka atvinnulífsins en hann tók við formennsku á aðalfundi SA þann 18. apríl 2008.

Klínísk sjónarmið ráða því hverjir fá Tysabri lyfið

Björn Zoëga, framkvæmdastjóri lækninga á Landspítala, segir læknisfræðileg sjónarmið og niðurstöður rannsókna ráða því hvaða sjúklingar fái Tysabri meðferð á spítalnum. Ein aðalástæðan fyrir töf eru dauðsföll eftir gjöf lyfsins erlendis. Lyfið er nýtt og hefur hamlandi áhrif á MS sjúkdóminn.

Námsstefna fyrir atvinnulausa

Námsstefna verður haldin 3. apríl næstkomandi þar sem fjallað verður um tækifæri og úrræði fyrir einstaklinga sem hafa misst atvinnuna. Fjallað verður um breytingar á löggjöfinni og hvaða möguleikar felast í þeim. Námsstefnan er haldin á vegum nefndar félags- og tryggingamálaráðuneytis er vinnur að vinnumarkaðsúrræðum.

Opið í Bláfjöllum

Eftir vætutíð undanfarna daga er opið í Bláfjöllum í dag. Að sögn rekstrarstjóra svæðisins er fráært veður, sól og heiðskýrt og nóg af snjó. Í dag er opið í fjallinu til klukkan níu í kvöld.

Ríkið sjái um hjónavígslur

Ríkið á að sjá um hjónavígslur en trúfélög ákveði sjálf hvaða sambúðarform njóti blessunar hjá sér. Þetta er maðal þess sem segir í drögum að ályktunum um fjölskyldumál sem lögð verður fyrir landsfund Sjálfstæðisflokksins.

Fær átta milljónir vegna vélsleðaslyss

Eigandi vélsleða var dæmdur til þess að greiða stúlku rúmlega átta milljónir króna í bætur vegna slyss sem hún varð fyrir er hún ók vélsleðanum. Slysið átti sér stað árið 2002 við Hafravatn og féll hún af sleðanum og fékk þungt höfuðhögg. Eigandi vélsleðans er talin hafa borið ábyrgð á því að stúlkan sem þá var sautján ára gömul hafi ekki verið með hjálm.

Stjórnendurnir fóru í 60 ferðir til útlanda

Stjórnendur Sameinaða lífeyrissjóðsins fóru 60 sinnum til útlanda, þar af rúmlega 30 boðsferðir, og í sex laxveiðiferðir á vegum sjóðsins á tímabilinu 2003 til 2008. Þetta kemur fram í svari sjóðsins við fyrirspurn frá Félagi vélstjóra og málmtæknimanna.

Guðjón Arnar: Flokkurinn er ekki í góðu standi

,,Flokkurinn er náttúrulega ekki í góðu standi þegar koma svona uppákomur. Alls ekki. Þetta kemur manni algjörlega í opna skjöldu," segir Guðjón Arnar Kristjánsson, formaður Frjálslynda flokksins, um aðspurður um brotthvarf Ásgerðar Jónu Flosadóttur og tveggja þingmanna úr flokkknum.

Skartgripaþjófurinn handtekinn

Lögreglan á höfðuðborgarsvæðinu handtók í morgun mann, sem grunaður hefur verið um þjófnaði úr skartgripaverslunum undanfarna daga. Ábendingar bárust frá fólki strax eftir að fjölmiðlar birtu myndir af viðkomandi fyrir helgina. Þegar unnið var úr vísbendingunum beindist athyglin að tilteknum manni er kom heim og saman við fyrirliggjandi upplýsingar. Hann hefur viðkennt aðild að brotunum og gefið skýringu á tilefni þeirra. Maðurinn verður yfirheyrður nánar í dag.

Steingrímur skrifar undir Færeyjalánið í kvöld

Steingrímur J. Sigfússon, fjármálaráðherra, fer til Færjeyja í kvöld þar sem undirritaður verður samningur sem þjóðirnar hafa gert með sér um greiðslukjör lánsins sem Færeyingar buðu Íslendingum í kjölfar bankahrunsins.

Sigurjón stofnar nýtt fréttatímarit

Sigurjón M. Egilsson, blaðamaður, hefur ákveðið að stofna nýtt fréttatímarit sem verður alfarið óháð peningaöflum og stjórnmálum. Þegar eru komin loforð um hlutafé, að fram kemur á vefsíðu Sigurjóns.

Enn fækkar í Frjálslynda flokknum

Ásgerður Jóna Flosadóttir sem nýverið var kjörin varaformaður Frjálslynda flokksins hefur ákveðið að segja sig úr flokknum. Hún segir að Guðjón Arnar Kristjánsson, formaður flokksins, vilji ekki gera nauðsynlegar breytingar á flokknum. Ásgerður var kjörin varaformaður á landsþingi sem haldið var fyrir níu dögum.

Sjúkratryggingar endurgreiða 55 milljónir

Sjúkratryggingar Íslands að endurgreiða sjúkratryggðum einstaklingum kostnað vegna heilbrigðisþjónustu á seinasta ári í heildina 55 milljónir króna. Rúmlega 14.000 einstaklingar njóta góðs af, að fram kemur í tilynningu frá stofnunni. Upphæðirnar eru misháar en meðalgreiðsla á hvern einstakling er um 4.000 krónur.

Aðstoðarmannakerfi þingmanna verði lagt niður

Afnema ber aðstoðarmannakerfi þingmanna og efla nefndasvið Alþingis þess í stað. Þetta segir í drögum að ályktun sem liggur fyrir landsfundi Sjálfstæðisflokksins sem hefst með setningarræðu Geirs H. Haarde, fráfarandi formanns flokksins, á fimmtudaginn. Flokkurinn telur einnig brýnt að fækka ráðuneytum enda væri slík hagræðing gott fordæmi gagnvart öðrum stofnunum stjórnsýslunnar.

75 þúsund hafa þegar talið fram

Hátt í sjötíu og fimm þúsund skattframteljendur höfðu skilað inn skattaskýrslum sínum í morgun en í dag er síðasti dagurinn til að skila inn framtali. Hægt er að sækja um frest til að skila framtalinu og gildir hann fram í næstu viku. Að venju hafa margir framteljendur nýtt sér það.

Útvarpsstöð Ástþórs í loftið

Ástþór Magnússon og félagar í Lýðræðishreyfingunni hófu útsendingar Lýðvarpsins klukkan 07:00 í morgun. Í tilkynningu frá hreyfingunni segir að í hádeginu verði Fréttavaktin send út þar sem hlustað verður á fréttir ríkisútvarpsins með hlustendum.

Sigla til Ísafjarðar með veikan skipverja

Grænlenskur togari siglir nú fulla ferð áleiðis til Ísafjarðar með veikan sjómann sem þarf að komast undir læknishendur. Talið er að hann sé með botnlangakast og hafa skipstjórnendur verið í sambandi við þyrlulækni Landhelgisgæslunnar og notið aðstoðar hans.

Fjórhjólamenn handteknir eftir spjöll

Lögreglan á Suðurnesjum handtók í gærkvöldi tvo menn eftir að þeir höfðu spólað upp jarðvegi á friðlýstu svæði við Setberg, rétt sunnan við Sandgerði, og loks spólað hjólin föst.

Óku vélsleðum fram af hengju

Tveir menn slösuðust þegar þeir óku vélsleðum sínum fram af hengju og lentu ofan í gilli austan við Sandfell í Öxarfirði í gær. Annar missti meðvitund en rankaði brátt við sér.

Réðust á pizzasendil í Reykjanesbæ

Þrír dökkklæddir menn með lambhúshettur réðust á pizzusendil við Hrannargötu í Reykjanesbæ laust fyrir klukkan tíu í gærkvöldi. Einn þeirra var vopnaður hnífi og sló hann sendilinn tvisvar í höfuðið með skeftinu og hinir tveir lömdu hann líka.

Tap í sjóðum lækki skattstofn

Talsmaður neytenda, Gísli Tryggvason, hvetur þá sem hafa tapað á peningamarkaðssjóðum við slit þeirra í haust að sækja um skattaívilnanir til ríkisskattstjóra. Skattaívilnun mundi þýða lægri tekjuskattsstofn. Skattstjóri hafði áður hafnað því að einstaklingar ættu rétt á ívilnunum, en Gísli telur að meta beri hvert og einstakt tilvik.

Svara fyrir sjónvarpsþátt

Umfjöllun sænska ríkissjónvarpsins um mjölvinnslu Eskju hf. á Eskifirði hefur dregið dilk á eftir sér. Í þættinum, sem Fréttaauki Sjónvarps fjallaði um í gær, er rætt við þá Hauk Björnsson framkvæmdastjóra og nafna hans Jónsson verksmiðjustjóra.

Ísland er engu að síður ódýrt

Tvöföld gengis­skráning íslensku krónunnar hér á landi og erlendis truflar ferðaþjónustuna hér á landi. Ferðamenn, sem skoða verð til dæmis á netinu, og miða við gengi íslensku krónunnar erlendis reikna út allt annað verð en miðað við gengið hér.

Vilja gufubað við Laugarvatn í sumar

Viðræður eru í gangi um að koma á fót bráðabirgða­aðstöðu fyrir gufubað á Laugarvatni í sumar. Viðræður standa yfir um afnot af húsnæði, en niður­staða liggur ekki fyrir. Gufa ehf., sem hyggur á rekstur heilsulindar á svæðinu, kemur ekki að vinnu við mögulega bráðabirgðaaðstöðu.

Hefur gengið vonum framar

„Þetta hefur gengið vonum framar hingað til og við getum ekki verið annað en sátt, því við höfðum reiknað með meiri samdrætti. En auðvitað eru blikur á lofti hér eins og annars staðar,“ segir Jón Ingvar Pálsson, yfirlögfræðingur hjá Innheimtustofnun sveitarfélaga, sem sér um innheimtu meðlagsgreiðslna. Innheimtuhlutfall greiðslnanna hefur lækkað í kringum ellefu prósent frá því á sama tíma á síðasta ári.

Ekki leitað til sérfræðinga í skattaskjólum

Íslensk yfirvöld hafa ekki nýtt sér aðgang að sérfræðingum í fjármagnsflutningum, skattaskjólum og peningaþvætti þótt þeim hafi staðið það til boða síðan í september. Engin mál tengd bankahruninu eru komin á það stig segir saksóknari hjá efnahagsbrotadeild Ríkislögreglustjóra.

Grétar Mar: Ríkisstjórnin verður að semja við sjómenn

„Með aðgerðarleysinu er Steingrímur að brjóta mannréttindi á íslenskum sjómönnum, og þá sérstaklega þessum tveimur frá Tálknafirði sem fóru með mál sitt alla leið til mannréttindadómstóls og sigruðu þar," segir Grétar Mar, þingmaður Frjálslynda flokksins í Suðurlandskjördæmi en hann er ekki sáttur við að íslenska ríkisstjórnin, og Steingrímur J. Sigfússon sjávarútvegsráðherra, hafi ekki samið við sjómennina um bætur.

Verksmiðjustjóri var lækkaður í tign - ekki rekinn

Haukur Jónsson var ekki sagt upp hjá fiskimjölsverksmiðjunni Eskju hf. eftir að sænskur fréttaskýringaþáttur tók við hann viðtal. Í tilkynningu frá Eskju segir að Haukur starfi hinsvegar ekki lengur sem verksmiðjustjóri, heldur undir nýjum yfirmanni.

Starfsfólk SPRON: Okkur var sagt upp í beinni

„Við erum ósátt við að viðskiptaráðherra hafi sagt okkur upp í beinni útsendingu,“ sagði formaður starfsmannafélags SPRON, Ólafur Már Svansson í dag. Starfsfólk bankans safnaðist saman á tilfinningaþrungnum fundi á Grand Hóteli í dag.

Vinstri grænir bundnir gegn Sjálfstæðisflokknum

Landsfundi Vinstri Grænna lýkur nú í kvöld en verið er að leggja lokahönd á ályktanir fundarins.

Sami dómari dæmdi Benjamín fyrir líkamsárás og nauðgun

Benjamín Þór Þorgrímsson gagnrýnir dómara sem dæmdi hann í fangelsi fyrir þrjár líkamsárásir á dögunum. Leiðir dómarans og Benjamíns hafa áður legið saman.

Prófkjör NV: Ásbjörn sigraði Einar

Nú er talningu lokið í prófkjöri sjálfstæðismanna í NV kjördæmi. Ásbjörn Óttarsson í Snæfellsbæ skaust í efsta sæti listans þegar síðustu atkvæði höfðu verið talin og telst því sigurvegari prófkjörsins, samkvæmt fréttavef Skessuhorns.is.

Sálfræðingar og áfallateymi á SPRON-fundi

Áfallateymi og sálfræðingar voru á fundi sem starfsmenn SPRON áttu með fjármálaráðuneytinu. Fundurinn hófst klukkan tvö eins og Vísir greindi frá fyrr í dag en honum er nú lokið. Fundurinn var haldinn á Grand Hótel.

Átta atkvæði á milli Einars og Ásbjörns

Einar K. Guðfinnsson, fyrrum sjávarútvegsráðherra vermir fyrsta sætið í hörðum prófkjörsslag í Norðvesturkjördæmi en meirihluti atkvæð hefur verið talinn, eða alls 2400 atkvæði.

Ármann ekki á þing

Þingmaðurinn Ármann Kr. Ólafsson mun ekki taka sæti á lista Sjálfstæðisflokksins í Suðvesturkjördæmi en hann hafnaði í sjöunda sæti.

Kristján Þór í formanninn

Kristján Þór Júlíusson, fyrsti maður á lista í Norðausturkjördæmi, gefur kost á sér í formann Sjálfstæðisflokksins. Bjarni Beneditksson hefur þegar gefið út að hann sækist eftir formannsembættinu. Því verður þetta í fyrsta skiptið í átján ár sem barist verður um formannsembættið í Sjálfstæðisflokknum.

Verksmiðjustjóri rekinn vegna fréttaskýringaþáttar

„Ég hef ekkert um málið að segja," segir Haukur Jónsson fyrrverandi verksmiðjustjóri fiskimjölsverksmiðjunnar Eskju á Eskifirði en hann var rekinn úr starfi eftir að viðtal við hann birtist í sænskum fréttaskýringaþætti fyrir skömmu.

Gríðarlega mjótt á munum i prófkjöri NV-kjördæmi

Mikil spenna ríkir á talningarstað á Hótel Borgarnesi þar sem talið er í prófkjöri Sjálfstæðisflokks í NV kjördæmi. Samkvæmt Skessuhorni.is er búið að telja 2400 af 2700-2800 atkvæðum.

Vélsleðaslys: Þyrlu snúið við

Vésleðaslys varð norður í Öxarfirði rétt eftir hádegi. Þyrla Landhelgisgæslunnar var kölluð út en henni var snúið við eftir að læknir mat aðstæður að hennar væri ekki þörf.

Fjármálaráðuneytið fundar með starfsfólki SPRON

Nú stendur yfir fundur með fjármálaráðuenytinu við starfsfólk SPRON eftir að skilanefnd var settur yfir bankann í gær. Fundurinn er á Grand Hótel og er lokaður.

Einar K Guðfinnsson efstur í prófkjöri

Talning í prófkjöri Sjálfstæðisflokksins í NV kjördæmi hófst klukkan 9 í morgun. Nú er búið að telja 800 atkvæði eða um 27prósent samkvæmt fréttavefnum skessuhorn.is.

Stóreykur stuðning við sérstakan saksóknara

Fjármálaráðherrann, Steingrímur J. Sigfússon sagði í viðtali við Egil Helgason í Silfri Egils nú fyrr stundu að hann hygðist stórauka stuðning við embætti sérstaks saksóknara. Embættið hefur legiðundir gagnrýni um að vera fjársvelt og fáir sem starfa fyrir það en nú eru fjórir sem þar starfa. Frumvarp þess eðlis liggur fyrir inn á þingi að hans sögn.

Kristján Þór líklega í formannsframboð

Heimildarmenn Vísis innan úr Sjálfstæðisflokknum segja að þeir búist við þvi að Kristján Þór Júlíusson muni bjóða sig fram til formanns á Landsfundi flokksins um næstu helgi.

Súlukóngur styrkir Sjálfstæðisflokkinn

Súlukóngurinn Ásgeir Þór Davíðsson, eða Geiri á Goldfinger, eins og hann er iðullega kallaður, styrkti Sjálfstæðisflokkinn um þrjúhundruð þúsund krónur fyrir alþingiskosningarnar árið 2007. Það er hæsta mögulega upphæðin sem má gefa stjórnmálaflokki.