Segir viðbrögð vegna hvalveiði skaðleg þjóðinni

Fjármálaráðherra segir að viðbrögð bandarísku verslunarkeðjunnar Whole Foods Market við hvalveiðum Íslendinga sýni, að veiðarnar hafi skaðleg áhrif á hagsmuni þjóðarinnar. Meta þurfi hvort hvalveðum skuli haldið áfram.

Kostnaður einkaspítalans fellur ekki á skattborgara

Kostnaður við bráðaþjónustu myndi aldrei falla á íslenska ríkið segir hjúkrunarfræðingur hjá Salt sem hyggur á samstarf með Mayo Clinic í Reykjanesbæ. Hægt væri að hefja starfsemina í lok ársins.

Tekist á um sunnlenska orku

Sjálfstæðismenn í Suðurkjördæmi halda kjördæmisþing á Hótel Selfossi í dag og hófst þingið klukkan 13. Samkvæmt heimildum Sunnlendings.is hyggjast sjálfstæðismenn í Árnessýslu bera fram tillögu á þinginu þess efnis að virkjuð orka á Suðurlandi verði nýtt til atvinnuuppbyggingar á Suðurlandi en ekki annarsstaðar. Á þinginu mun kjörnefnd jafnframt kynna tillögu að framboðslista Sjálfstæðisflokksins í Suðurkjördæmi vegna komandi kosninga til Alþingis.

Skíðasvæði víða opin

Skíðasvæðið á Siglufirði opnar klukkan tíu og verður opið til fjögur. Vindurinn er hægur og veðrið milt. Þá er skíðasvæðið í Tindastól einnig opið til kl 17 í dag.

Þriggja bíla árekstur á Hellisheiðinni

Færðin á hellisheiðinni snarversnaði nú síðdegis með skyndilegri snjókomu en fyrir tæplega hálftíma síðan varð þriggja bíla árekstur við Kambana.

Íslensk yfirvöld geta kyrrsett eignir á aflandseyjum

Í nýrri skýrslu sem Arnar Jensson, tengiliður Ríkislögreglustjóra við Europol, sendi frá sér í dag, kemur fram að íslensk yfirvöld séu nú í samstarfi við sérstaka skrifstofu Europol sem aðstoðar samstarfslöndin viða að hafa uppi á ávinningi afbrota, kyrrsetja/haldleggja hann og undibúa upptökukröfur.

Ungir Framsóknarmenn fengu styrk Valgerðar

„Þessu styrkur var fyrir norræna ráðstefnu ungs fólks sem Samband ungra Framsóknarmanna áttu aðild að, en styrkurinn var í gegnum þá," segir Valgerður Sverrisdóttir, fyrrum utanríkisráðherra, en í skýrslu ríkisendurskoðunar um fjárframlög til stjórnmálaflokka kemur fram að utanríkisráðuneytið hafi styrkt Framsóknarflokkinn um nítíu þúsund krónur. Þá gegndi Valgerður stöðu utanríkisráðherra.

Aldís fannst látin

Aldís Westergren fannst látin í Langavatni í dag. Lögreglan og hjálparsveitir voru búnir að leita á svæðinu áður, en vegna betra færis þá fannst hún í dag.

Utanríkisráðherrann Valgerður styrkti eigin flokk

Utanríkisráðuneytið styrkti Framsóknarflokkinn um nítíu þúsund krónur árið 2006 samkvæmt gögnum Ríkisendurskoðunar um fjárframlög til stjórnmálaflokka. Þá var Framsóknarkonan Valgerður Sverrisdóttir utanríkisráðherra en hún gengdi því embætti frá 2006-2007.

Össur Skarphéðinsson: Útilokar samstarf við Sjálfstæðismenn

Iðnaðarráðherran Össur Skarphéðinsson skrifar í pilsti á vefsvæði Eyjunnar að hann sé sammála formannsefni Sjálfstæðisflokksins, Bjarna Benediktssonar, um að flokkarinn ættu ekki að fara í samstarf eftir næstu kosningar.

Meðstjórnendur kosnir hjá VG

Kosning til meðstjórnanda á flokksþingi Vinstir grænna var að ljúka. Greidd voru 251 atkvæði og náðu eftirtaldir félagar kjöri sem aðalmenn í stjórn flokksins:

Neyðarlínan var í meirihlutaeigu ríkisins

Neyðarlínan var ekki orðinn opinbert hlutafélag þegar Sjáfstæðisflokkurinn falaðist eftir framlagi til flokksins en félagið var hinsvegar í meirihlutaeigu ríkisins.

Neyðarlínan styrkti Sjálfstæðisflokkinn

Opinbera hlutafélagið Neyðarlínan ohf greiddi Sjálfstæðisflokknum þrjúhundruð þúsund krónur í framlag til kosningabaráttu flokksins fyrir síðustu kosningar. Hámarks framlag til stjórnmálaafls eru þrjú hundruð þúsund krónur. Athygli vekur að ríkissjóður á 73,6 prósent í Neyðarlínunni, restin skiptist á milli Reykjavíkurborgar, Landsvirkjunnar og Orkuveitu Reykjavíkur.

Steingrímur endurkjörinn formaður

Steingrímur Jóhann Sigfússon var endurkjörinn sem formaður Vinstri grænna en hann hefur gegnt embættinu frá stofnun flokksins.

Grunaður um fíkniefnaakstur og þjófnað

Einn karlmaður var handtekinn á Suðurnesjum grunaður um lyfjaakstur í nótt. Lögreglan færði manninn á lögreglustöðina þar sem þvag- og blóðprufa voru teknar úr manninum. Í ljós kom að í bifreið mannsins mátti einnig finna þýfi.

Ekki fleiri mótmælafundir - í bili

Raddir fólksins, sem hafa staðið fyrir mótmælafundum á Austurvelli í allan vetur, eða síðan 11. október, boða hér með hlé á fundunum um óákveðinn tíma. Enginn fundur verður því á Austurvelli á morgun, laugardaginn 21. mars.

Sjálfstæðisflokkur og Samfylking ekki á leið í samstarf

Geir H. Haarde segir að langt sé í að Sjálfstæðisflokkur og Samfylking fari aftur saman í samstarf. Þetta kom fram í spjalli Geirs við Sölva Tryggvason á Skjá einum nú í kvöld. Geir sagðist biðjast afsökunar á öllum þeim mistökum sem hann hefur gert. Hann gæti hinsvegar ekki beðist afsökunar á mistökum annarra.

Samfylkingin stendur vel þrátt fyrir tap

Samfylkingin tapaði mest allra stjórnmálaflokka á árinu 2007 eða um 90 milljónum króna. Skúli Helgason fyrrum framkvæmdarstjóri flokksins segir tapið skiljanlegt þar sem rekstur stjórnmálaflokka sé nokkurskonar vertíðarbúskapur. Á kosningaári eyði flokkarnir en noti hin til þess að safna fé. Hann segir Samfylkinguna hafa náð að greiða allar sínar kosningaskuldir frá árinu áður sem sé einsdæmi.

Nauðsynlegt að dreifa áhættu af orkusölu

Fulltrúar Samfylkingar og Vinstri grænna telja ljóst af endurskoðunarskýrslu við ársreikning 2008 að nauðsynlegt sé að dreifa mun betur áhættu af orkusölu til stóriðju.

Varast skal pólitískar stöðuveitingar

Í skýrslu Endurreisnarnefndar Sjálfstæðisflokksins sem birt var í dag segir að flokknum hafi verið legið á hálsi að hafa staðið fyrir pólitískum stöðuveitingum. Því verði flokkurinn að taka af skarið og heita því og sjá til þess að opinberar stöðuveitingar verði ákveðnar á faglegum og hlutlægum grundvelli. Þá segir að Sjálfstæðisflokkurinn hefði átt að beita sér fyrir því að skera á tengsl stjórnmálaflokka, ríkisstofnana og viðskiptabanka.

Björgvin skipar efsta sætið í Suðurkjördæmi

Kjördæmisþing Samfylkingarinnar í Suðurkjördæmi samþykkti framboðslista sinn fyrir komandi kosningar til Alþingis á fundi sínum í kvöld. Björgvin G. Sigurðsson skipar efsta sæti listans en athygli vekur að Lúðvík Bergvinsson þingmaður er í tuttuguasta sæti listans. Á listanum eru jafn margar konur og karlar og hlutfall kynjanna er líka jafnt í 10 efstu stætunum og í þeim 10 neðstu.

Rætt um að krónubréf fari í mannvirkjagerð

Viðræður standa yfir við erlenda eigendur krónubréfa um að hluta þeirra verði umbreytt í fjárfestingar í orkuverum og samgöngumannvirkjum á Íslandi. Slíkir samningar gætu létt þrýstingi af krónunni og um leið stuðlað að umfangsmiklum framkvæmdum.

Ráðherra hefur spurningar um einkasjúkrahús

Ögmundur Jónasson heilbrigðisráðherra vill fá því svarað hvort íslenskir skattgreiðendur eigi að verða bakhjarl einkasjúkrahúss fyrir erlenda sjúklinga, sem áformað er á Suðurnesjum.

Rúmlega fjögur þúsund plöntur á þremur mánuðum

Lögreglan stöðvaði aðra stóra kannabisverksmiðju á Kjalarnesinu í gær. Alls hafa rúmlega 4000 plöntur verið haldlagðar það sem af er ári. Við erum enn að fá ábendingar um framleiðslustaði og erum ekki hættir segir yfirmaður fíkniefnadeildar.

Vara við fölskum atvinnutilboðum

Efnahagsbrotadeild ríkislögreglustjóra segir að upp á síðkastið hafi borið á því að íslenskum aðilum hafi borist tölvupóstar frá erlendum aðilum sem óska eftir að ráða fólk til vinnu. Atvinnutilboð þessi eru gjarnan um að viðkomandi taki að sér að leggja til bankareikninga í sínu nafni sem hinn erlendi aðili geti millifært inn á peninga.

„Við eða Sjálfstæðisflokkurinn“

Pólarnir í íslenskum stjórnmálum eru Vinstrihreyfingin grænt framboð og Sjálfstæðisflokkurinn. Flokkarnir eru hinir raunverulegu valkostir, að mati Steingríms J. Sigfússonar.

Allir stjórnmálaflokkarnir töpuðu fé árið 2007

Allir stjórnmálaflokkar landsins sýndu tap á rekstri sínum árið 2007 samkvæmt úttekt Ríkisendurskoðunar. Mesta tapið varð hjá Samfylkingunni eða 90 milljónir kr. en tekjur flokksins þetta ár námu 193 milljónum kr.

Benjamín: Mætti að halda að dómarinn og Ragnar séu frændur

Benjamín Þór Þorgrímsson, sem einnig er þekktur sem Benni Ólsari, er ósáttur með fjórtán mánaða fangelsisdóm sem hann hlaut í dag fyrir þrjár líkamsárásir. Hann er búinn að áfrýja dómnum til Hæstaréttar.

Aðalmeðferð í máli ofbeldisfulls föður

Aðalmeðferð fór fram í máli þriggja barna föður á höfuðborgarsvæðinu sem sakaður hefur verið um hrottalegt ofbeldi gagnvart þremur börnum sínum. Mál mannsins komst í hámæli síðastliðið haust þegar að fréttastofa Stöðvar 2 og Vísis sagði frá máli mannsins en hann hefur meðal annars verið sakaður um að nota eitt barna sinna sem hnífaskotskífu.

Framsóknarforysta í mótsögn við sjálfan sig

Sigurður Kári Kristjánsson, þingmaður Sjálfstæðisflokksins, segir verðugt verkefni að komast því hversu margar mótsagnir hafi komið fram í málflutningi forystumanna Framsóknarflokksins á síðustu vikum um stuðning flokksins við minnihlutastjórn Jóhönnu Sigurðardóttir.

Benni Ólsari dæmdur í 14 mánaða fangelsi

Benjamín Þ. Þorgrímsson var í dag dæmdur í fjórtán mánaða óskilorðsbundið fangelsi fyrir þrjár líkamsárásir. Ein líkamsrárásin, á Ragnar Magnússon athafnamann, var tekin og sýnd í sjónvarpsþættinum Kompási. Þá var Benjamín dæmdur til að greiða 865 þúsund krónur í sakarkostnað.

Sjálfstæðisflokkurinn fékk mest fjármagn frá fyrirtækjum

Sjálfstæðisflokkurinn fékk hæst fjárframlög frá fyrirtækjum, af öllum stjórnmálaflokkum, sem buðu fram árið 2007 samkvæmt ársreikningum stjórnmálaflokkanna fyrir árið 2007.

Starfsfólk HB Granda fær launahækkunina

HB Grandi hefur ákveðið að greiða starfsfólki fyrirtækisins þær launahækkanir sem samið hafði verið um að tækju gildi 1. mars áður en aðilar vinnumarkaðarins komu sér saman um að fresta þeim. Ákvörðunin hefur þegar verið kynnt starfsfólki fyrirtækisins, að fram kemur í tilkynningu.

Stíf fundarhöld um umdeildar arðgreiðslur hjá HB Granda

Forsvarsmenn útgerðarfélagsins HB Granda funduðu fyrr í dag með forystumönnum Eflingar um umdeildar arðgreiðslur til eigenda félagsins. Nú er að hefjast fundur forsvarsmanna fyrirtækisins og forystumanna Eflingar með starfsfólki fyrirtækisins. Arðgreiðslurnar hafa verið harðlega gagnrýndar að undanförnu enda var ákveðið að fresta launahækkunum til starfsmanna sem búið var að semja um. Jóhanna Sigurðardóttir forsætisráðherra hefur sagt að tillagan um að greiða út arð sé siðlaus.

Sjálfstæðismenn gefa út bók um endurreisn atvinnulífsins

Endurreisnarnefnd Sjálfstæðisflokksins gefur í dag út bók með tillögum og hugmyndum um uppbyggingu íslensks efnahagslífs sem mótaðar ahfa verið á undanförnum vikum. Í tölvuskeyti sem sendur var út til sjálfstæðismanna segir að mörg hundruð sjálfstæðismenn hafi sett sitt mark á tillögurnar og komið að vinnslu bókarinnar. Landsfundur Sjálfstæðisflokksins muni svo taka afstöðu til þessara hugmynda og sjálfstæðismenn nota hana sem vegvísi í endurreisninni sem framundan er.

Forsetabílinn stoppaði stutt í stæði fyrir fatlaða

Forsetabifreið Ólafs Ragnars Grímssonar stoppaði í stæði fyrir fatlaða í Bankastræti í gær. DV.is greindi frá því að bifreiðinni hafi verið lagt í stæðið allt að sex mínútur en Örnólfur Thorsson, forsetaritari, segir að bifreiðin hafi staðnæmst í stæðinu í 30 til 40 sekúndur.

Önnur kannabisverksmiðja á Kjalarnesi

Lögreglan uppgötvaði aðra kannabisverksmiðju á Kjalarnesi í gærkvöldi en í fyrrakvöld fann lögregla aðstöðu þar sem stórfelld framleiðsla fór fram. Í aðstöðunni sem uppgötvaðist í gær voru um eittþúsund plöntur en af þeim eru 700 svokallaðir græðlingar sem lögregla segir benda til að verksmiðjan hafi verið á byrjunarstigi.

Björgunarsveitamenn leita Aldísar á morgun

Björgunarsveitir Slysavarnafélagsins Landsbjargar munu leita að Aldísi Westergren, sem saknað hefur verið síðan 24. febrúar, á morgun. Leitað verður á svæði í kringum heimili hinnar týndu, þar með talið svæðið í kringum Reynisvatn.

Ögmundur afnemur dagdeildargjöldin

Ögmundur Jónasson, heilbrigðisráðherra, greindi frá því í ríkisstjórn í morgun að hann afnæmi svokölluð dagdeildargjöld sem lögð voru á 1. janúar 2009.

Útilokar ekki að stjórnarflokkarnir gangi bundnir til kosninga

Jóhanna Sigurðardóttir segir að formennska í Samfylkingunni sé ögrandi og spennandi verkefni sem hún sem forsætisráðherra hafi ekki getað skorast undan. Hún segir brýnt að Samfylkingin verði leiðandi afl í næstu ríkisstjórn og sér fyrir sér sömu flokka áfram, nái þeir meirihluta. Jóhanna útilokar ekki að flokkarnir gangi bundir til kosninga.

OR lokar fyrir aðgang að Facebook

Orkuveita Reykjavíkur ákvað í morgun að loka fyrir aðgang að Facebook á meðal starfsmanna fyrirtækisins. Að sögn Eiríks Hjálmarssonar, upplýsingafulltrúa OR, þótti stjórnendum fyrirtækisins ljóst að facebook væri tómstundaþjónusta sem væri notuð í helst til miklu mæli.

Sakar stjórnvöld um að brjóta á rétti til fæðingarorlofs

Lára V. Júlíusdóttir hæstaréttarlögmaður sakar stjórnvöld um að brjóta á rétti bankafólks til fæðingarorlofs. Hún segir að lítið hafi verið að marka yfirlýsingar gömlu ríkisstjórnarinnar og segir að nýja stjórnin hafi ekki virt sig svars um málið.

Landsfundur VG settur í dag

Nýir frambjóðendur eru áberandi í efstu sætum framboðslista Vinstri Grænna á höfuðborgarsvæðinu. Landsfundur hreyfingarinnar verður settur í Reykjavík eftir hádegið.

Ræddu loftrýmisgæslu og aukna samvinnu í öryggismálum

Loftrýmisgæsla Dana, aukin samvinna Norðurlanda í öryggismálum og samstarf íslensku landhelgisgæslunnar og danska flotans um leit, eftirlit og björgun á Norðurslóðum voru meðal þeirra mála sem rædd voru á fundi Søren Gade, varnarmálaráðherra Danmerkur með Össuri Skarphéðinssyni utanríkisráðherra og Rögnu Árnadóttur dómsmálaráðherra. Koma Gade tengist loftrýmisgæslu danska hersins, sem stendur yfir fram að mánaðarmótum.

Á 132 km hraða á Gullinbrú

Nokkuð bar á hraðakstri á höfuðborgarsvæðinu í gær og voru allnokkrir ökumenn teknir fyrir þær sakir. Að sögn lögreglu var grófasta brotið framið á Gullinbrú í Grafarvogi á móts við bensínstöð Olís en þar mældist bíll 18 ára pilts á 132 km hraða. Fleiri piltar á líku reki voru staðnir að hraðakstri í gær en það voru líka eldri og reyndari ökumenn.