Skynsamlegar tillögur

Skynsamlegt gæti verið að halda inni heimildum Fjármálaeftirlitsins til að grípa inn í rekstur fyrirtækja, eins og Kaarlos Jännäres leggur til í skýrslu sinni, segir Gylfi Magnússon viðskiptaráðherra.

Borgarahreyfingin sprettur úr búsáhaldabyltingunni

Borgarahreyfingin kynnti áherslur sínar og frambjóðendur á blaðamannafundi í gær, þar fengu fjórflokkarnir á baukinn. Hreyfingin leggur hart að núverandi stjórn að leggja fram frumvarp um persónukjör.

AGS tortryggir lausn á jöklabréfavanda

Ekki liggur fyrir hversu háar upphæðir liggja í jöklabréfum og öðrum innistæðum erlendra aðila hér á landi. Eigendur mögulega erlendir á pappír en íslenskir í raun segir viðskiptaráðherra. AGS tortryggir skipti á eignum lífeyrissjóða.

Starti frestað vegna rigninga

Íslenski ofurhlauparinn Ágúst Kvaran, sem tekur þátt í Sahara-maraþoninu, hljóp 33 kílómetra í hlaupinu í gær. Hlaupið átti að byrja á sunnudagsmorguninn en startinu var frestað um einn sólarhring vegna rigninga í eyðimörkinni. Fyrsta hlaupið hefur verið fellt niður.

Breyting á dreifingu Fréttablaðsins

Frá og með 1. apríl nk. verða gerðar breytingar á dreifingu Fréttablaðsins. Með breytingunum er fest í sessi dreifing blaðsins til yfir 90 prósenta þjóðarinnar á höfuðborgarsvæðinu og helstu þéttbýlisstöðum á landsbyggðinni. Til þessa hefur dreifing blaðsins verið tryggð til 93 prósenta þjóðarinnar. Fréttablaðið verður borið út til 80 þúsund heimila sem nemur 75 prósentum allra heimila. Að auki verður blaðið aðgengilegt í Fréttablaðskössum, sem finna má í hverfum valinna þéttbýlisstaða eða á völdum dreifingar-stöðum.

Gjaldeyrishöftin halda ekki

Leki virðist vera á gjaldeyrisskilareglum Seðlabankans. Ekki er öllum þeim gjaldeyri skilað sem skila ber til bankans samkvæmt reglum hans sem settar voru á grundvelli laganna um gjaldeyrishöft.

Lokadagur ábendinga í dag

Lokadagur til að senda inn ábendingar og umsagnir um stefnu Reykjavíkurborgar í loftslags- og loftgæðamálum er í dag. Reykjavíkurborg óskar eftir liðsinni borgarbúa varðandi ábendingar um hvernig megi bæta loftgæði í borginni og sporna gegn gróðurhúsaáhrifum af mannavöldum.

Segir Davíð og félaga rógbera

„Það er sama hvað þeir sóða miklum óþverra út í þjóðfélagið. Það er sama hvað þeir atyrða, uppnefna og rógbera marga einstaklinga [...] Þeir endurheimta ekki traust þjóðarinnar á ný með þannig vinnubrögðum,“ ritaði Björgvin G. Sigurðsson, fyrrum viðskiptaráðherra, í pistli á Pressunni.is í gær.

Gagnrýna ríkið fyrir arðinn

Póstmannafélag Íslands gagnrýnir stjórnvöld fyrir að greiða sér arð af starfsemi Íslandspósts á sama tíma og stjórnendur fyrirtækisins telja sig ekki geta staðið við umsamdar launahækkanir til starfsmanna Íslandspósts. Þetta kemur fram á vef Bandalags starfsmanna ríkis og bæja (BSRB).

Metaðsókn í laugarnar

Metaðsókn hefur verið í sundlaugar Hafnarfjarðarbæjar það sem af er árinu. Þetta kemur fram í tilkynningu frá Hafnarfjarðarbæ. Í tilkynningunni kemur fram að alls syntu 69.378 gestir í laugum bæjarins fyrstu tvo mánuði þessa árs, sem er 41.310 fleiri en stungu sér til sunds á sama tíma á síðasta ári. Í þeim aðsóknartölum eru ekki talin með skólabörn né sundfólk á vegum Sundfélags Hafnarfjarðar og Fjarðar.

Mótmælir lokun deildar

„Geðverndarfélag Akureyrar og nágrennis mótmælir harðlega lokun dagdeildar geðdeildar FSA [Fjórðungssjúkrahússins á Akureyri] og lýsir yfir þungum áhyggjum af afleiðingum þessarar gjörðar fyrir geðsjúka á svæðinu," segir í tilkynningu frá félaginu.

Greiðsluaðlögun samþykkt

Alþingi samþykkti í gær frumvarp dómsmálaráðherra um greiðsluaðlögun vegna efnahagsástandsins. Nú verður hægt að gera breytingar á kröfum í eigu Íbúðalánasjóðs eða fjármálafyrirtækja í eigu ríkisins sem tryggðar eru með veði í íbúðarhúsnæði hérlendis sem ætlað er til eigin nota.

Björn gagnrýnir Guðbjart forseta

Björn Bjarnason gagnrýnir Guðbjart Hannesson, forseta Alþingis, og segir hann hafa gleymt sjálfsögðum heillaóskum til nýrra formanna Sjálfstæðisflokks og Samfylkingar við upphaf þingfundar í dag. Auk þess hafi Guðbjartur ekki vitað að fyrir 60 árum hafi Alþingi samþykkt aðild Íslands að Atlantshafsbandalaginu.

Rýmingu að ljúka á Siglufirði - hættustig einnig á Ólafsfirði

Enn er hættustig á Ólafsfirði og Siglufirði. Rýming 30 húsa á Siglufirði hefur gengið vel og lýkur innan skamms, að sögn varðstjóra lögreglunnar á Akureyri. Öll eru húsin á reiti 8.

Borgarafundur um breytingar

„Eftir efnahagshrun og ógöngur síðustu mánuða krefjast kjósendur breyttra vinnuaðferða af hálfu ráðamanna. Vilja frambjóðendur breytingar? Fáum við breytingar eða verður allt við það sama eftir kosningar?" segir í tilkynning um borgarafund sem haldinn verður í Deiglunni á Akureyri næstkomandi fimmtudag.

Víða slæmt ferðaveður

Vegna sjóflóðahættu hefur öllum mokstri verið hætt í Ólafsfjarðarmúla og á Siglufjarðarvegi, að fram kemur í tilkynningu frá Vegagerðinni. Mjög slæmt veður er á Norðaustur og Austurlandi. Mikil ófærð er og ekkert ferðaveður. Eftir að þjónustu líkur á Vestfjörðum, Norðaustur og Austurlandi má búast við því að vegir verði ófærir.

Lagt til að 19 fái ríkisborgararétt

Allsherjarnefnd Alþingis hefur lagt til að 19 einstaklingar frá 15 löndum verði veittur íslenskur ríkisborgararéttur á yfirstandi þingi. Elsti einstaklingurinn er fæddur 1965 og sá yngsti 1994.

Bjarni: Við erum ekki frjálshyggjuflokkur

Sjálfstæðisflokkurinn er ekki frjálshyggjuflokkur, að mati Bjarni Benediktssonar nýkjörins formanns flokksins. „Við erum hægriflokkur. Hægriflokkur vill ekki stjórna með boðum með bönnum. Hann vill treysta á atvinnulífið og vill halda skattheimtu í lágmarki. Við erum hinsvegar enginn frjálshyggjuflokkur,“ sagði Bjarni sem var gestur Íslands í dag fyrr í kvöld.

Þrjátíu hús rýmd á Siglufirði

Veðurstofan í samráði við lögreglustjórann á Akureyri hefur ákveðið að lýsa yfir hættustigi á Ólafsfirði og Siglufirði. Á Ólafsfirði er það reitur 6. Á reitnum er dvalarheimilið Hornbrekka og verða íbúar þar fluttir til innan hússins.

Stefna bankanna réð mestu

Kaarlo Jännäri, fyrrverandi forstjóri finnska Fjármálaeftirlitsins, telur að framganga bankanna hafi ráðið mestu um hrun þeirra síðasta haust. Hann hefur unnið skýrslu fyrir stjórnvöld um hvernig regluverk fjármálakerfisins var hér fyrir hrun og hvernig eftirlitinu var háttað.

Funduðu með Rögnu vegna hælisleitenda

Óvenjulegur fundur átti sér stað í dómsmálaráðuneytinu í morgun þegar þangað mættu hælisleitendur og stuðningsmenn þeirra til að ræða við ráðherra. Fundurinn var nokkuð tilfinningaþrunginn en fólkið krefst mannréttinda fyrir flóttamenn hér á landi.

Spáir því að Íslendingar verði olíuþjóð

Íslendingar eiga eftir að verða olíuþjóð, segir helsti sérfræðingur Noregs í Jan Mayen svæðinu, og líkir því við verðmætustu olíusvæði heims. Nýjustu hljóðbylgjumælingar sem gerðar voru á Drekanum í fyrra lofa góðu og mikill áhugi er meðal olíufélaga að kaupa upplýsingarnar.

Starfsfólki MK veitt áfallahjálp

Starfsfólki Menntaskólans í Kópavogi var veitt áfallahjálp í dag, en mikið uppnám hefur verið í skólanum eftir að kennari var dæmdur fyrir að hafa barnaklám í fórum sínum. Margrét Friðriksdóttir, skólameistari, segist enga vitneskju hafa haft um málið.

L-listinn gagnrýnir Sjálfstæðisflokk og VG

L-listi fullveldissinna hafnar því alfarið að hægt sé að starfa með Samfylkingunni á grunni þeirrar stefnu sem flokkurinn setur nú í öndvegi að sækja um aðild að ESB. Framboðið varar við tækifærispólitík og hentistefnu gömlu stjórnmálaflokkanna sem hvergi verði átakanalegri en í orðræðu Sjálfstæðisflokks og Vinstri grænna um Evrópumál, að fram kemur í tilkynningu L-listans.

Hrærður eins og skyr yfir ákvörðun Símans

„Ég segi bara eins og formaður Sjálfstæðisflokksins, ég er hrærður eins og skyr. Þetta er virkilega flott og bendir til þess að hjartað hjá þeim slái í takt við alla aðra,“ segir Sveinn Guðmundsson, formaður Hjartaheilla á höfuðborgarsvæðinu, um þá ákvörðun Símans að gefa samtökunum allan ágóða sinn af símasöfninni á laugardaginn.

Greiðsluaðlögun samþykkt samhljóða

Í dag voru samþykkt á Alþingi lög um breytingu á lögum um gjaldþrotaskipti svonefnda greiðsluaðlögun sem taka gildi 1. apríl. Með þessari breytingu á lögunum er skuldara gert kleift að leita nauðasamnings til greiðsluaðlögunar við kröfuhafa sína með aðstoð umsjónarmanns. Frumvarpið var samþykkt samhljóða með 46 atkvæðum.

Botninn sleginn úr NATÓ á Austurvelli

Útifundur Samtaka hernaðarandstæðinga hófst á Austurvelli klukkan 17. Að sögn lögreglu eru fundargestir rúmlega 150 talsins. 60 ár er í dag liðin frá því að Alþingi samþykkti inngöngu Íslands í Atlantshafsbandalagið, NATÓ. Krafa samtakanna er að Ísland standi utan hernaðarbandalaga.

Síminn gefur Hjartaheill ágóða vegna söfnunar

Síminn hefur ákveðið að gefa Hjartaheill allan sinn ágóða af símasöfnun samtakanna á laugardag. Síminn tók 79 krónur fyrir hvert símtal í 900 númer og samkvæmt því sem Vísir kemst næst nemur upphæðin rúmri milljón.

Vildu ræða utanríkismálaskýrslu á NATO afmæli

Nokkrar umræður sköpuðust í þinginu í dag undir liðnum störf þingsins vegna þess að 60 ár eru liðin í dag frá því að Íslendingar ákváðu að ganga í Atlantshafsbandalagið, NATO. Ekkert var þó minnst á það í dagskrá þingsins fyrir daginn í dag.

Steingrímur vonast til að gengið styrkist

Steingrímur J. Sigfússon fjármálaráðherra sagðist á þingi í dag vonast til þess að gengið íslensku krónunnar fari að styrkjast á ný á næstunni. Bjarni Benediktsson, nýkjörinn formaður Sjálfstæðisflokksins spurði ráðherrann hvaða skýring væri á því að krónan væri að gefa eftir, sem væri mikið áhyggjuefni.

Óðinn valdi Þorgerði besta ræðumanninn

Þorgerður Katrín Gunnarsdóttir alþingismaður var ræðumaður nýafstaðins landsfundar Sjálfstæðisflokksins, að mati Óðins, félags launþega í Sjálfstæðisflokknum. Í öðru sæti var Davíð Oddsson og í þriðja sæti var Kristján Þór Júlíusson.

Rannsókn á Hummer-ákeyrslu á lokastigi

Maðurinn, sem ekið var á á Hverfisgötu í janúar, er enn meðvitundarlaus. Hann varð fyrir Hummer-jeppa sem er í eigu athafnamannsins Ásgeirs Davíðssonar, einatt kenndum við Goldfinger. Rannsókn málsins er á lokastigi að sögn lögreglu.

Handteknir með landabrugg, gaskúta og fallhlíf í bílnum

Lögreglan á Selfossi handtók fjóra menn sem voru á fer í bifreið á Suðurlandsvegi í Ölfusi í síðustu viku. Í bifreiðinni fundust nokkrir gaskútar sem vöktu grunsemdir lögreglumannnanna, en fyrr um morguninn hafði lögreglu borist tilkynning um þjófnað á gaskúti frá heimili á Selfossi.

Litháar á drekkhlöðnum bíl játuðu innbrot

Litháarnir tveir sem lögreglan á Selfossi handtók í liðinni viku játuðu að hafa brotist inn í sumarbústað í nágrenni Flúða. Alls brutust þeir inn í níu sumarbústaði. Lögreglan varð var við mennina í síðustu viku en það vakti ahygli þeirra hversu sigin afturendi bílsins var.

Vilja að strætó verði nemendum að kostnaðarlausu

Stúdentaráð Háskóla Íslands hvetur sveitarfélög landsins til að bjóða námsmönnum öllum frítt í strætó. Markmið þess að bjóða námsmönnum gjaldfrjálsar strætóferðir er minni umferð einkabíla í borginni, aukin áhersla á notkun almenningssamgangna, umhverfisvernd og aukinn sparnaður fyrir stúdenta.

60 ár frá átökunum á Austurvelli

Samtök hernaðarandstæðinga standa fyrir útifundi á Austurvelli klukkan fimm í dag í tilefni af því að 60 ár eru liðin frá því Alþingi samþykkti þingsályktunartillögu um inngöngu Íslands í Atlantshafsbandalagið.

Fimmtug kona beit lögregluþjón

Fimmtug kona hefur verið ákærð fyrir að bíta í vinstri þumal lögreglumanns og klórað hann í andlitið í ágúst 2007. Konan hafði verið handtekinn og var færð í fangamóttöku lögreglunnar við Hverfisgötuna í Reykjavík.

Barnshafandi kona var föst í bíl á Oddskarði

Björgunarsveitirnar Gerpir frá Neskaupsstað og Brimrún frá Eskifirði voru kallaðar út um klukkan 4:30 í nótt vegna konu sem sat föst í bíl á Oddskarði, Eskifjarðarmegin, en hún var á leið á sjúkrahús til að fæða barn. Í tilkynningu frá Landsbjörgu segir að björgunarsveitarbíll frá Eskifirði með lækni innanborðs hafi verið sendur af stað og var hann kominn að bíl konunnar um klukkustund síðar og var ekið með hana áleiðis til Neskaupsstaðar. Eftir þónokkra svaðilför fæddist lítil stúlka á Fjórðungssjúkrahúsinu í Neskaupsstað.

Sterar og kannabis á Akureyri

Síðastliðið laugardagskvöld framkvæmdi lögreglan á Akureyri húsleit hjá karlmanni á þrítugsaldri. Hjá honum fundust 70 grömm af kannabisefnum og tæki og tól til fíkniefnaneyslu.

Fyrrverandi gjaldkeri ÍA ákærður fyrir fjárdrátt

Þorvarður B. Magnússon, fyrrverandi gjaldkeri Íþróttabandalags Akraness, hefur verið ákærður fyrir fjárdrátt. Þorvarður er grunaður um að hafa dregið sér og notað heimildarlaust í eigin þágu sex milljónir og fimmhundruð

Óvissustig í Ólafsfirði og Siglufirði og á Vestfjörðum

Snjóflóðavakt Veðurstofu Íslands í samráði við lögreglustjórann á Akureyri hefur ákveðið að setja á óvissustig vegna snjóflóðahættu í Ólafsfirði og Siglufirði. Þetta kemur fram í tilkynningu frá Almannavarnadeild Ríkislögreglustjóra.

Mikil aðsókn í sundlaugar Hafnafjarðar

Mikil aðsókn hefur verið að sundlaugum Hafnarfjarðarbæjar það sem af er árinu 2009. Fyrstu tvo mánuði ársins höfðu um 41 þúsund fleiri gestir sótt laugarnar en á sama tíma árið 2008 en alls hafa 69 þúsund gestir synt í laugum bæjarins í janúar og febrúar. Inni í þessum tölum eru ekki skólabörn né sundfólk á vegum Sundfélags Hafnarfjarðar og Fjarðar.

Fimm bíla árekstur við Leirvogsá

Enginn slasaðist þegar fimm bílar lentu í árekstri við Leirvogsá á Kjalarnesi í gærkvöldi. Þar var vonskuveður og flughálka og lokaði lögregla veginum um tíma. Víða er orðin ófærð á norðanverðu landinu og á Vestfjörðum og veðurspáin er slæm.

Þáðu átta boðsferðir á tveimur árum

Starfsmenn lífeyrissjóðsins Stafa fóru í átta boðsferðir á árunum 2006-2007. Framkvæmdastjóri Lífeyrissjóðs starfsmanna Kópavogsbæjar fór í ferð til Moskvu haustið 2007 á vegum Glitnis og Lífeyrissjóður bænda sendi mann í sömu ferð.

Meirihluti vill stjórnlagaþing

60,8 prósent segjast telja að kjósa eigi til stjórnlagaþings í haust. 39,2 prósent eru því mótfallin. Stuðningur við stjórnlagaþing er meiri meðal kvenna en karla. 68,1 prósent kvenna er fylgjandi kosningum til stjórnlagaþings, en 54,6 prósent karla. Þá er aðeins munur á afstöðu eftir búsetu, en íbúar á landsbyggðinni eru heldur hlynntari stjórnlagaþingi en íbúar höfuðborgarsvæðisins.