Seðlabankamálið á seinustu metrunum í þinginu

Þriðja og síðasta umræðan um seðlabankafrumvarpið hófst rétt eftir klukkan ellefu á Alþingi þegar að Álfheiður Ingadóttir, formaður viðskiptanefndar, fór yfir vinnu og tillögur nefndarinnar. Gert er ráð fyrir að frumvarpið verði að lögum síðar í dag.

Stjórnmálafræðingar vilja endurheimta stolnar fartölvur

Brotist var inn í húsnæði Háskóla Íslands í nótt og voru tvær fartölvur teknar ófrjálsri hendi. Eigandi annarrar tölvunnar var til að mynda nýbúinn að setja inn jólamyndir af börnum og fjölskyldu þegar tölvunni var stolið.

Árni Matt hættur - neitaði því í morgun

Árni Mathiesen, fyrrverandi fjármálaráðherra, hefur ákveðið að hætta í stjórnmálum og gefa ekki kost á sér í framboði til Alþingis í komandi kosningu. Í yfirlýsingu sem hann sendir flokkssystkynum sínum í Suðurkjördæmi segir hann að á ferðum sínum um kjördæmið undanfarið hafi berlega komið í ljós að vilji sé til breytinga innan Sjálfstæðisflokksins. Árni vildi ekkert kannast við það í morgun að hann væri að hætta.

Gasmaður enn á gjörgæslu

Maðurinn sem slasaðist í húsabruna á Akureyri, þar sem tuttugu og fimm gaskútar fundust, er enn í öndunarvél á gjörgæslu Borgarspítalans. Maðurinn brenndist illa eftir að einn kútanna lak og orsakaði sprengingu fyrir um tveimur vikum síðan. Við slökkvistarf uppgvötaðist að maðurinn geymdi tuttugu og fimm gaskúta á heimilinu sínu og olli gríðarlegri hættu með athæfinu.

Hættur í Frjálslynda flokknum - tveir eftir

Kristinn H. Gunnarsson þingmaður hefur sagt sig úr þingflokki Frjálslynda flokksins. Þetta kom fram í bréfi sem hann sendi forseta Alþingis og var lesið upp við setningu þingfundar fyrir stundu.

Báðar konurnar úr Þykkvabæ á batavegi

Önnur konan sem lenti í vinnuslysi í Kartöfluverksmiðjunni í Þykkvabæ, er kominn á almenna deild og er á batavegi samkvæmt vakthafandi lækni á gjörgæslu Borgarspítalanum.

Sjálfstæðisflokkurinn er óstjórntækur

Birkir Jón Jónsson, varaformaður Framsóknarflokksins, segir að Sjálfstæðisflokkurinn sé óstjórntækur flokkur. Flokkurinn kunni ekki að vera í stjórnarandstöðu og þurfi lengri tíma til að aðlagast nýjum vinnubrögðum. Hann segir að það hafi beinlínis verði undarlegt að fylgjast með upphlaupum sjálfstæðismanna í þinginu undanfarið.

Funduðu með ráðherra um eignir auðmanna

Talsmenn Radda fólksins, sem staðið hafa fyrir vikulegum mótmælafundum á Austurvelli í vetur, áttu fund með Rögnu Árnadóttur, dóms- og kirkjumálaráðherra, í gær en tilefni fundarins var að kynna fyrir henni kröfu hreyfingarinnar um kyrrsetningu eigna auðmanna.

Hittast í Lækningalind Bláa Lónsins

Ingibjörg Sólrún Gísladóttir formaður Samfylkingarinnar og Jens Stoltenberg forsætisráðherra Noregs og formaður norska verkamannaflokksins munu funda í dag kl. 16.30 í húsakynnum Bláa Lónsins, nánar tiltekið í hinni svokölluðu Lækningalind.

Kaupendur fasteigna geta setið eftir með milljónatjón

Mögulegt er að kaupendur nýrra fasteigna sitji eftir með tjón sem nemur hundruðum þúsunda eða jafnvel milljónum króna fari byggingarfyrirtæki á hausinn. Þetta segir Haukur Örn Birgisson, stundakennari í lögfræði við viðskiptadeild HÍ og lögmaður hjá ERGO lögmönnum.

Enn veiðist gulldeplan

Gulldepla er aftur farin að veiðast, en um tíma var óttast að hún væri gengin út úr íslensku fiskveiðilögsögunni til suðurs. Hún fannst aftur um það bil 130 sjómílur suður af Vestmannaeyjum og eru nú átta skip að veiðum.

Allt á huldu um næsta bankastjóra

Allar líkur eru á því að Davíð Oddsson og Eiríkur Guðnason seðlabankastjórar láti af störfum á morgun þegar að breytingar á lögum um Seðlabanka Íslands verða samþykktar. Þá mun nýr bankastjóri taka við til bráðabirgða þangað til búið verður að skipa nýjan bankastjóra eftir auglýsingu.

Seðlabankafrumvarp afgreitt úr nefnd

Frumvarp Jóhönnu Sigurðardóttur forsætisráðherra um breytingar á stjórnskipulagi Seðlabanka Íslands var afgreitt frá viðskiptanefnd Alþingis í kvöld með einni breytingartillögu, sem fulltrúar Samfylkingar, VG og Framsóknarflokks í nefndinni standa að. Þriðja og síðasta umræða um frumvarpið fer fram á Alþingi á morgun og verður þá frumvarpið afgreitt sem lög.

Seðlabankafrumvarpið endar í klúðri

Birgir Ármannsson, fulltrúi Sjálfstæðisflokksins í viðskiptanefnd Alþingis, segir að meðferð seðlabankafrumvarpsins hafi endað í algjöru klúðri líkt. Á fundi viðskiptanefndar í kvöld var frumvarpið samþykkt úr nefnd og verður að öllum líkindum að lögum á morgun.

Endurskoðun kjarasamninga frestað fram í lok júní

Á fimmta tímanum í dag skrifuðu forystumenn Alþýðusambands Íslands og Samtaka atvinnulífsins undir samkomulag um frestun á endurskoðun kjarasamninga til loka júnímánaðar.

Biðlaun gætu numið 37 milljónum króna

Kostnaður ríkisins vegna biðlauna þeirra ráðherra og aðstoðarmanna sem létu af störfum við síðustu ríkisstjórnarskipti gæti numið 37 milljónum króna. Þetta kemur fram í svari forsætisráðuneytisins við fyrirspurn fréttastofu.

Opinberar bókhald sitt

Sigríður Andersen, sem býður sig fram í prófkjöri Sjálfstæðisflokksins í Reykjavík fyrir næstu kosningar hefur ákveðið að birta yfirlit yfir eignir og skuldir sínar og eiginmanns síns á heimasíðu sinni.

Catalina enn í gæsluvarðhaldi

Hæstiréttur hefur vísað frá máli Catalinu Mikue Ncogo, sem kærði gæsluvarðhaldúrskurð yfir henni. Catalina er grunuð um aðild að fíkniefnamáli og að hafa haft tekjur af vændi ungra kvenna, sem hún hafi flutt mansali hingað til lands. Héraðsdómur Reykjaness úrskurðaði konuna í gæsluvarðhald til 27. febrúar. Málinu var vísað frá dómi og því stendur gæsluvarðhaldið.

Tilboði Óskars í Morgunblaðið tekið

Íslandsbanki gekk í dag að tilboði Óskars Magnússonar lögmanns og viðskiptafélaga hans, í Árvakur, útgáfufélag Morgunblaðsins.

Sveitastjóra sagt upp störfum

Sveitarstjórn Skeiða- og Gnúpverjahrepps gekk fyrirvaralaust frá starfslokum Sigurðar Jónssonar, sveitarstjóra, í gær. Í Sunnlenska fréttablaðinu kemur fram að blogg sveitarstjórans og ofreiknuð laun höfðu áhrif á brotthvarfið.

Geðspekivefur HÍ opnaður í dag

Sigurður Guðmundsson, forseti Heilbrigðisvísindasviðs, opnaði sérstakan vef um geðrækt við Háskóla Íslands á Háskólatorgi í dag.

Jón Baldvin gefur kost á sér í forvali Samfylkingarinnar

Jón Baldvin Hannibalsson, fyrrverandi formaður Alþýðuflokksins og ráðherra, gefur kost á sér í eitt af átta efstu sætum á lista Samfylkingarinnar í Reykjavík fyrir þingkosningar vorið 2009. Í fréttatilkynningu frá Jóni kemur fram að framboðið sé sett fram án vísunar til tiltekins sætis með fyrirvara um og í trausti þess að boðað stjórnarfrumvarp um breytingar á kosningalögum, er feli í sér rétt kjósenda til persónukjörs, nái fram að ganga þannig að væntanlegir alþingismenn öðlist ótvrírætt umboð kjósenda.

Öskudagur á Dvergasteini

Það var líf og fjör á leikskólanum Dvergasteini í dag þar sem öskudagurinn var haldinn hátíðlegur í dag eins og vera ber. Alls kyns kynjaverur voru á ferli á leikskólanum eins og sjá má á meðfylgjandi myndum en á þeim má meðal annars sjá sjóræningja, ljón og þá félaga Karíus og Baktus. Á meðal þess sem krakkarnir gerðu sér til gamans var að slá köttinn úr tunnunni.

Býður Helgu Sigrúnu velkomna í kjördæmið

Siv Friðleifsdóttir, þingmaður Framsóknarflokksins í Suðvesturkjördæmi, er hvergi bangin og metur stöðu sína í kjördæminu góða. Hún býður Helgu Sigrúnu Harðardóttur, oddvita flokksins í Suðurkjördæmi, velkomna í kjördæmið.

Peningaverðlaun fyrir þá sem hjálpuðu við að finna fjórhjólin

Jakob Sigurðsson rekur fyrirtækið Fjórhjólaævintýri ásamt föður sínum og bróður. Fyrir helgi var fimm fjórhjólum stolið frá fyrirtækinu sem metin eru á rúmlega ellefu milljónir króna. Feðgarnir auglýstu þegar í stað eftir hjólunum sem nú eru komin í leitirnar en lögregla handtók sex aðila í tengslum við málið. Jakob segir feðgunum létt og þeir ætli að hafa samband við þá sem hjálpuðu við að upplýsa málið. Feðgarnir höfðu nefnilega lofað peningaverðlaunum fyrir vísbendingar sem hjálpuðu við leitina.

Rúmlega átta þúsund börn eiga atvinnulausa foreldra

Ásta Ragnheiður Jóhannesdóttir, félags- og tryggingamálaráðherra ávarpaði í dag málþing nemenda í félagsráðgjöf við Háskóla Íslands um áhrif efnahagsþrenginga á fjölskylduna. Í máli hennar kom meðal annars fram að rúmlega átta þúsund börn eigi foreldra án atvinnu. Í lok október var þessi tala tæplega þrjú þúsund.

Ingibjörg ákveður sig í vikunni

Ingibjörg Sólrún Gísladóttir, formaður Samfylkingarinnar, mun síðar í vikunni greina frá áformum sínum um eigin aðkomu að íslenskum stjórnmálum í nánustu framtíð. Ingibjörg hefur verið í leyfi síðustu þrjár vikur til að jafna sig eftir veikindi undanfarinna mánaða. Óvíst hefur verið hvort að hún hafi hug á að sækjast eftir endurkjöri sem formaður Samfylkingarinnar og sem þingmaður.

Ríkið kannar áfram málsvörn gegn Bretum

Núverandi ríkisstjórn hefur ekki breytt ákvörðun seinustu ríkisstjórnar um stuðning stjórnvalda við hugsanlega málshöfðun skilanefnda Landsbankans og Kaupþings á hendur breska ríkinu og að hugsanlega verði farið með málið fyrir Mannréttindadómstól Evrópu.

Gæslan þarf að skera niður eins og aðrar stofnanir

Þremur þyrluflugmönnum hefur verið sagt upp hjá Landhelgisgæslunni. Félag atvinnuflugmanna gagnrýnir uppsagnirnar og segir þær skerða þjónustu m.a. við sjófarendur. Félagið segir forsendu þess að hægt sé að fara í björgunarflug út á opið haf sé að hafa tvær vaktir sem nú verði erfitt að manna. Georg Lárusson forstjóri segir hinsvegar að uppsagnirnar taki ekki gildi fyrr en í haust, en telur að þrátt fyrir þær verði hægt að manna tvær vaktir. Hann segir á bilinu 20-30 manns missa vinnuna hjá gæslunni sem þurfi að skera niður eins og aðrar stofnanir.

ESB skýrslan kemur seðlabankafrumvarpi ekki við

Í minnisblaði sem dreift var í viðskiptanefnd fyrr í dag um leið og nefndarmenn fengu hina umtöluðu Larosiere skýrslu í hendur, segir að skýrslan snúi ekki með beinum hætti að því frumvarpi um breytingar á lögum um Seðlabanka Íslands sem nú er til umfjöllunar í viðskiptanefnd.

Helga Sigrún hjólar í Siv

Helga Sigrún Harðardóttir, oddviti Framsóknarflokksins í Suðurkjördæmi, hefur ákveðið að gefa kost á sér í fyrsta sæti flokksins í Suðvesturkjördæmi. Siv Friðleifsdóttir situr í því sæti og sækist eftir endurkjöri. Prófkjör um efstu sæti á framboðslista framsóknarmanna í kjördæminu fer fram laugardaginn 7. mars. Ólafur Magnússon, framkvæmdastjóri Mjólku, sækist einnig eftir fyrsta sætinu.

Skattabreytingar ekki á dagskrá ríkisstjórnarinnar

Steingrímur J. Sigfússon, fjármálaráðherra, segir skattabreytingar ekki vera á dagskrá ríkisstjórnarinnar af augljósum ástæðum. Ríkisstjórnin sitji í skamman tíma og fjárlög verði samþykkt í haust.

Seðlabankamálið tekið fyrir í viðskiptanefnd í kvöld

Boðað hefur verið til fundar í viðskiptanefnd klukkan 18:15 í kvöld. Þar verður rætt um frumvarp um Seðlabanka Íslands og verður málið væntanlega afgreitt úr nefndinni í kvöld nái vilji stjórnarflokkanna fram að ganga.

Sex handteknir vegna stolnu fjórhjólanna - nokkrir enn í haldi

Sex aðilar voru handteknir á höfuðborgarsvæðinu í gærkvöldi í tengslum við stuld á fimm fjórhjólum í Grindavík fyrir helgi. Flestum þeirra var sleppt úr haldi fljótlega en nokkrir eru enn í haldi. Samkvæmt upplýsingum frá rannsóknardeild lögreglunnar á suðurnesjum er rannsókn í fullum gangi og á viðkvæmu stigi en málið er nokkuð stórt að þeirra sögn. Fjórhjólin voru metin á rúmar ellefu milljónir króna en auk hjólanna var öðrum búnaði einnig stolið.

Enn í gæsluvarðhaldi vegna mannsláts í sumarbústað

Hæstiréttur hefur staðfest úrskurð Héraðsdóms Suðurlands frá 18.febrúar um gæsluvarðhald yfir manni sem grunaður er um stórfellda líkamsárás með þeim afleiðingum að fórnarlambið lést skömmu síðar.

Fyrri ákvörðun um málarekstur gegn Bretum stendur

Þórunn Sveinbjarnardóttir, varaformaður utanríkismálanefndar og fyrrum ráðherra, sagði að ákvörðun ríkisstjórnar Geirs H. Haarde um að leita réttar Íslendinga fyrir Mannréttindadómstóli Evrópu vegna beitingar breskra stjórnvalda á svonefndum hryðjuverkalögum standa. Ákvörðun ríkisstjórnar Geirs var tekin í byrjun árs. Jafnframt var tilkynnt að ekki yrði höfðað mál gegn breska ríkinu þar í landi.

Fundu ný Gulldeplumið djúpt suður af Vestmanneyjum

Ný Gulldeplumið eru fundin djúpt suður af Vestmannaeyjum. Sjö skip eru nú þar á veiðum. Öll fengu þau einhvern afla í gær en bræla og leiðindaveður er á svæðinu og því ekki hægt að kasta í morgun.

Höskuldur: Atriði í skýrslunni sem vert er að kanna gaumgæfilega

Nefndarmenn í viðskiptanefnd Alþingis fengu í morgun hina umtöluðu evrópuskýrslu um fjármálalegan stöðugleika. Höskuldur Þórhallsson, þingmaður Framsóknarflokksins, segir að nú gefist mönnum ráðrúm til þess að kynna sér efni skýrslunnar en hann segist nú þegar hafa rekist á atriði sem vert væri að kanna gaumgæfilega hvort setja eigi í lög hér.

Gríðarlegur áhugi á sjósundi - opnunartími lengdur

,,Aðsóknin hefur verið að aukast í hverri viku og það er alltaf að koma nýtt fólk," segir Árni Jónsson, deildarstjóri í útivistarmiðstöð Nauthólsvíkur, um gríðarlegan áhuga fólks um þessar mundir á sjósundi.

Stjórnmálamaðurinn þvældist fyrir seðlabankastjóranum

Davíð Oddsson seðlabankastjóri færði í Kastljósviðtali í gærkvöldi bestu rök sem hingað til hafa komið fram um hvers vegna stjórnmálamaður á ekki að vera seðlabankastjóri, segir Einar Mar Þórðarson stjórnmálafræðingur. Ljóst sé að ríkisstjórnin hafi ekki tekið mark á aðvörunum Davíðs, þar sem hún hafi verið að hlýða á málflutning stjórnmálamannsins, ekki seðlabankastjórans Davíðs. Þá segir hann Davíð hafa gefið arftaka sínum Geir Haarde falleinkunn.

Starfsmenn Mest styrkja Mæðrastyrksnefnd

Starfsmannafélag byggingavöruverslunarinnar Mest afhenti Mæðrastyrksnefnd Reykjavíkur peningastyrk í morgun. Mest fór í gjaldþrot á síðasta ári og yfir 100 manns misstu vinnuna. Þrátt fyrir að einhverjir þeirra séu ekki komnir með vinnu, var það einróma ákvörðun að láta Mæðrastyrksnefnd Reykjavíkur njóta uppgjörs starfsmannafélagsins og voru peningarnir afhentir í morgun.

Víða ekki hægt að ryðja vegna óveðurs

Vetur ríkir nú á norðaustanverðu landinu og hefur víða orðið ófært. Sumstaðar er ekki hægt að ryðja vegi vegna óveðurs, en ekki er vitað til að vegfarendur hafi lent í hrakningum.

Gagnrýna seðlabankafrumvarpið og verktakakaup Guðlaugs

Frjálshyggjufélagið furðar sig á þeim fljótfærnisvinnubrögðum sem minnihlutastjórn VG og Samfylkingar vill viðhafa við breytingar á lögum um Seðlabanka Íslands. Jafnframt gagnrýnir félagið óþarfa áherslu Guðlaugs Þór Þórðarson, fyrrverandi heilbrigðisráðherra, í ráðgjöf utan ráðuneytisins.

Samkomulag um háhraðanet til allra landsmanna

Fjarskiptasjóður og Síminn undirrituðu í dag samning um uppbyggingu háhraðanets um allt land. Með samningum er öllum landsmönnum tryggt háhraðanet fyrir árslok 2010. Um er að ræða tæplega 1800 heimili og verða þau fyrstu tengd innan mánaðar. Samningurinn er til fimm ára.

Viðskiptanefnd kölluð saman vegna seðlabankafrumvarps

Viðskiptanefnd Alþingis hefur verið kölluð saman til fundar. Seðlabankafrumvarpið er eina málið á dagskrá. ,,Forseti skipuleggur dagskrá þingsins, ekki ég. Ég boða bara fundi í viðskiptanefnd og hef gert það," sagði Álfheiður Ingadóttir, formaður nefndarinnar, aðspurð hvort hún eigi von á því að frumvarpið verði tekið til umræðu á þingfundi sem hefst klukkan 13:30. Hún á von á því að fundurinn standi stutt.