Funduðu með ráðherra um eignir auðmanna

Talsmenn Radda fólksins, sem staðið hafa fyrir vikulegum mótmælafundum á Austurvelli í vetur, áttu fund með Rögnu Árnadóttur, dóms- og kirkjumálaráðherra, í gær en tilefni fundarins var að kynna fyrir henni kröfu hreyfingarinnar um kyrrsetningu eigna auðmanna.

Á fundinum fóru fram ítarleg og hreinskiptin skoðanaskipti um málið, að fram kemur í tilkynningu. Fram kom að starfsemi embættis sérstaks saksóknara er komin á fullt skrið.

,,Ráðherra ítrekaði að saksóknari hefði lagaúrræði til að kyrrsetja eignir auðmanna og vilji væri fyrir hendi hjá ráðuneytinu að afgreiða tilskylda rannsóknarvinnu fljótt og vel,” segir í tilkynningu Radda fólksins.