Ökukennari í þriggja ára fangelsi fyrir kynferðisbrot

Haukur Helgason ökukennari var í dag dæmdur í héraðsdómi í þriggja ára fangelsi fyrir kynferðisbrot gegn ungum drengjum að sögn verjanda hans, Helga Jóhannessonar.

Ellefu þúsund aldraðir áttu hlutabréf í bönkunum

Pétur Blöndal þingmaður Sjálfstæðisflokksins tók þátt í umræðu utan dagskrár um peningamarkaðssjóði viðskiptabankanna í dag. Þar benti hann á að margir ættu um sárt að binda eftir fall bankanna.

Blóðugt niðurskurðarfrumvarp

Fjárlagafrumvarp ríkisstjórnarinnar er blóðugt niðurskurðarfrumvarp, að mati Steingríms J. Sigfússonar formanns Vinstri grænna.

Fangar yfirheyrðir vegna andlátstilkynningar

Lögreglumaður frá rannsóknardeild lögreglunnar á Selfossi er nú staddur í fangelsinu á Litla-Hrauni til að taka skýrslur af föngum vegna falskrar dánartilkynningar í Morgunblaðinu í gær.

Versnandi veður

Versnandi veður af suðaustri er nú í aðsigi á landinu sunnan og vestanverðu, þar á meðal í höfuðborginni. Spáð er að veðrið verði verst um níuleytið í kvöld og má búast við vindhraða allt að 28 metrum á sekúndu. Hviður í námunda við fjöll kunna að slá í allt að 50 metrum á sekúndu, til að mynda á Kjalarnesi, undir Hafnarfjalli á Snæfellsnesi og víðar.

Kaup í peningamarkaðssjóðum kölluðu ekki á sérstakt eiginfjárframlag

Kaup ríkisbankanna á bréfum í peningamarkaðssjóðum kölluðu ekki á sérstakt eiginfjárframlag bankanna að sögn viðskiptaráðherra. Þetta kom fram á Alþingi í morgun.

Atlantsolía lækkar eldsneytið

Atlantsolía hefur lækkað verð á bensíni um tvær krónur og á díselolíu um 0,50 krónu. Díselolíá hefur því lækkað um 4 krónur á einum sólarhring en í gær lækkaði félagið um 3,5 krónur.

Fulltrúar allra flokka komi að ráðningu sérstaks saksóknara

Fulltrúar allra flokka á Alþingi munu koma að ráðningu sérstaks saksóknara sem ætlað er að rannsaka grun um refisverða háttsemi í aðdraganda og í tengslum við bankahrunið. Þetta kom fram í svari Björns Bjarnasonar dómsmálaráðherra við fyrirspurn Steingríms J. Sigfússonar formanns VG.

Dæmdar fyrir að misþyrma kynsystur sinni

Þrjá stúlkur allar innan við tvítugt voru dæmdar í Hérðasdómi Reykjavíkur í morgun fyrir hrottalega árás á jafnöldru sína. Meðal annars stungu þær sígarettu í líkama hennar og neyddu hana til að borða sígarettuna.

Útilokar ekki frekari skattahækkanir

Nú rétt í þessu var að ljúka blaðamannafundi í Alþingishúsinu þar sem fjárlagafrumvarpið var kynnt. Ingibjörg Sólrún Gísladóttir, Geir H. Haarde og Árni Mathiesen ræddu við fjölmiðla. Geir útilokaði ekki að skattar yrðu hækkaðir frekar en samkvæmt frumvarpinu verður tekjuskattur hækkaður um 1 prósentustig.

Tekjuskattur verður hækkaður um eitt prósentustig

Tekjuskattur hækkar um 1 prósentustig auk heimildar til hækkunar á útsvari. Með þessum og fleiri aðgerðum mun halli ríkissjóðs verða 165 – 170 milljarðar króna en hefði að óbreyttu geta orðið u.þ.b. 215 milljarðar.

N1 lækkar verð á sjö þúsund vörutegundum

Olíufélagið N1 hefur lækkað verð á yfir sjö þúsund vörutegundum hjá sér í morgun auk þess sem eldsneytisverð hjá fyrirtækinu hefur enn einu sinni lækkað. Lækkanirnar ná að sögn til fjölmargra vöruflokka en bensínlítrinn lækkaði um tvær krónur í morgun og dísellítrinn lækkaði um fjórar krónur.

Mannréttindaráð fagnaði afmæli mannréttindayfirlýsingar SÞ

Mannréttindayfirlýsing Sameinuðu þjóðanna lagði grunn að mannréttindakerfi nútímans og þó hún sé ekki lagalega bindandi þá hafa mörg ríki byggt stjórnarákvæði sín á henni.

Hver Grímseyingur fær 45.000 kr. frá samgönguráðherra

Grímseyingar fá langhæsta framlag á mann í úthlutun samgönguráðherra á 250 milljónum króna vegna samdráttar í aflamarki á þorski á árinu. Rösklega 45 þúsund krónur koma í hlut hvers íbúa í Grímsey.

Hross á röltinu á Selfossi

Sex hross brugðu sér í kaupstað í nótt, sprönguðu um götur Selfoss og hópuðust saman við pósthúsið, líkt og þau ættu erindi þangað.

Tveir erlendir ferðamenn fundust í Þórsmörk

Björgunarsveitarmenn frá Hvolsvelli fundu seint í gærkvöldi tvo erlenda ferðamenn heila á húfi í Básum í Þórsmörk, en þeir höfðu gengið yfir Fimmvörðuháls.

Stálu fjórum stórum flatskjám í innbroti

Brotist var inn í verslunina Öreind í Kópavogi í nótt og þaðan meðal annars stolið fjórum stórum flatskjám. Þjófarnir komust undan á bíl og eru þeir ófundnir. Vitni að innbrotinu segir að mennirnir hafi talað saman á erlendu tungumáli.

Misræmi í fullyrðingum Björgvins og aðstoðarmanna

Björgvin G. Sigurðsson, viðskiptaráðherra, og aðstoðarmenn hans greinir verulega á um þegar kemur að málefnum endurskoðunarfyrirtækisins KPMG og gamla Glitnis.

Breytingar á mótmælum - Þögn í 17 mínútur

Engar ræður verða fluttar á mótmælunum á Austurvelli næstkomandi laugardag. Þess í stað verður fólk hvatt til að líta til Alþingishússins, lúta höfði og hafa þögn í nákvæmlega 17 mínútur. Þetta kemur fram í tilkynningu frá Herði Torfasyni.

Vinnubrögð Sigrúnar Elsu og Sóleyjar sérkennileg

Óskar Bergsson, formaður framkvæmda- og eignaráðs Reykjavíkur, segir að sér komi á óvart á að sama tíma og meirihlutinn í borgarstjórn bjóði minnihlutanum upp á að vinna að fjárhagsætlun með sér skuli fulltrúar minnihlutans rísa upp í miðri vinnu og gefa út yfirlýsingu líkt og gert var í dag.

ESB-aðild skipti sköpum fyrir Svía

Íslenska bankakreppan er mun alvarlegri og dýpri en sú sem Svíar gengu í gegnum í byrjun síðasta áratugar að mati Göran Person, fyrrverandi forsætisráðherra Svíþjóðar. Hann segir að Evrópusambandsaðild hafi skipt sköpum fyrir Svía til að vinna bug á kreppunni.

Gætu þurft að borga 70 þúsund á ári til RÚV

Fjögurra manna fjölskylda getur lent í þeirri stöðu að þurfa greiða um 70 þúsund krónur á ári til Ríkisútvarpsins samkvæmt frumvarpi menntamálaráðherra.

Sérákvæði mun reyna á samningamenn í aðildarviðræðum

Evrópusambandið endurskoðar sjávarútvegsstefnu sína, sem meðal annars á að færa aðildaríkjunum meiri stjórn. Horft er til reynslu Íslendinga og Norðmanna af fiskveiðistjórnunarkerfum.

Iðnnám er komið í tísku

Metaðsókn er í kreppunni í stærstu iðnskóla landsins. 1350 nemar innrituðust í Verkmenntaskólann á Akureyri síðastliðið haust og höfðu þeir aldrei verið fleiri. En það var þó fyrir kreppu og fækkar alla jafna á vorönn. En nú er öldin önnur.

Halli á endurskoðuðum fjárlögum 150 milljarðar

Halli á endurskoðuðum fjárlögum næsta árs verður um 150 milljarðar króna. Búist er við að umfangsmikill niðurskurður verður kynntur á morgun.

Þremur bjargað úr Akstaðaá

Þremur karlmönnum var fyrir stundu bjargað úr bifreið sem sat föst í Akstaðaá á Þórsmerkurleið. Mennirnir gátu hringt eftir aðstoð og fengu þeir fyrirmæli að halda kyrru fyrir í bílnum þar til aðstoð bærist, sem þeir og gerðu.

Vilja mannaflsfrekar framkvæmdir

Stjórn Stéttarfélags Vesturlands lýsir yfir þungum áhyggjum af hratt versnandi atvinnuástandi á félagssvæði sínu. Stjórnin vill að ríkisstjórnin ráðast í mannaflsfrekar framkvæmdir.

Rannsókn lögreglu á amfetamínverksmiðju gengur vel

Rannsókn á amfetamínverksmiðju í Hafnarfirði gengur að sögn lögreglu vel. Þrír karlar sátu um tíma í gæsluvarðhaldi vegna rannsóknar málsins en tveir þeirra afplána nú dóma vegna annarra mála og sá þriðji er laus úr haldi.

Leikskólakennarar neyðast til að skrifa undir

Félag leikskólakennara og launanefnd sveitarfélaga skrifuðu undir nýjan kjarasamning í gær. Samkomulagið felur í sér 20.300 króna hækkun grunnlauna. Félag tónlistarkennara skrifaði einnig undir samskonar samning í gær.

Andlátstilkynning kærð til lögreglu

Fangelsismálastofnun hefur kært andlátstilkynningu sem birtist í Morgunblaðinu í dag. Í blaðinu er sagt frá andláti Hákons Rúnars Jónssonar og hann sagður hafa látist eftir langvarandi veikindi og er þeim sem vilja minnast hans bent á reikningingsnúmer.

Fleiri horfa á fréttir Stöðvar 2 en RÚV - aðra vikuna í röð

Fréttir Stöðvar 2 eru með meira áhorf en fréttir RÚV vikuna 1. til 7. desember. Þetta er önnur vikan í röð sem fréttir Stöðvar 2 mælast hærri en fréttir RÚV.

Alþingi samþykkir breytingar á húsnæðismálalögum

Samþykkt hefur verið á Alþingi frumvarp Jóhönnu Sigurðardóttur, félags- og tryggingamálaráðherra, um breytingu á lögum um húsnæðismál. Lögin veita heimild fyrir því að lengja lánstíma lána vegna greiðsluerfiðleika í allt að 30 ár í stað 15 ára og hámarkslánstími hjá Íbúðarlánasjóði er lengdur úr 55 árum í 70 ár.

Krefjast réttlætis vegna peningamarkaðssjóða

Baráttuhópur sem berst fyrir því að fá tap sitt í peningabréfum Landsbanka bætt, hefur opnað vefsíðuna www.rettlaeti.is. Meðlimir hópsins, sem eru um fimm hundruð talsins, krefjast þess að innistæður þeirra séu tryggðar líkt og annarra sparifjáreigenda. Þeir hafa gefið stjórnvöldum frest til fimmtánda desember til að koma til viðræðna við sig um úrbætur. Að öðrum kosti verði gripið til aðgerða.

Fullyrða að ekki sé forgangsraðað í þágu mannaflsfrekra framkvæmda

Meirihluti borgarstjórnar vinnur ekki eftir þeirri yfirlýstu stefnu sinni að nýta fyrirhugaða 6 milljarða lántöku borgarinnar í mannaflsfrekar framkvæmdir til að styðja við atvinnustig. Þetta segja Sigrún Elsa Smáradóttir, borgarfulltrúi Samfylkingarinnar, og Sóley Tómasdóttir, varaborgarfulltrúi Vinstri grænna.

Velferðasvið og SÁÁ undirrita samning um búsetuúrræði

Velferðarsvið Reykjavíkurborgar hefur gert samning við SÁÁ vegna búsetuúrræðis með félagslegum stuðningi við áfengis- og vímuefnaneytendur í bata. Stella Kr. Víðisdóttir, sviðsstjóri velferðarsviðs Reykjavíkurborgar, og Þórarinn Tyrfingsson, yfirlæknir SÁÁ, undirrituðu samninginn í dag.

Fríkirkjan sjónvarpar frá útför Rúnars Júlíussonar

Útför Rúnars Júlíussonar tónlistarmanns verður sýnd í beinni í Fríkirkjunni í Reykjavík og í Duus-húsum í Reykjanesbæ. Séra Hjörtur Magni Jóhannsson Fríkirkjuprestur segist telja að um nýbreytni sé að ræða.

Halldór móti tillögur um aðstoð til Íslendinga

Samstarfsráðherrar Norðurlandanna hafa ákveðið að fela Halldóri Ásgrímssyni, framkvæmdastjóra Norrænu ráðherranefndarinnar, að móta tillögur um aðgerðir sem eiga að koma Íslendingum til aðstoðar í þeirri fjármálakreppu sem nú stendur yfir. Þetta var ákveðið á fundi ráðherranna sem haldinn var í Kaupmannahöfn í dag.

Skilorðsbundið fangelsi fyrir að veitast að lögreglumönnum

Karlmaður á fertugsaldri hefur verið dæmdur í þriggja mánaða skilorðsbundið fangelsi fyrir að veitast tvívegis að lögreglumönnum.

Björgvin vissi ekki um eignarhlut Baldurs í Landsbankanum

Baldur Guðlaugsson ráðuneytisstjóri í fjármálaráðuneytinu gerði Björgvini G. Sigurðssyni viðskiptaráðherra ekki grein fyrir því að hann væri hluthafi í Landsbankanum áður en hann sat fund ásamt viðskiptaráðherra með Alistair Darling fjármálaráðherra Breta.

Flestir treysta Jóhönnu

Flestir Íslendinga, eða 64%, segjast bera mikið traust til Jóhönnu Sigurðardóttur félagsmálaráðherra samkvæmt niðurstöðum skoðanakönnunar sem unnin var af MMR.

Eru til upptökur af viðvörun Davíðs til ráðherra?

Ágúst Ólafur Ágústsson þingmaður Samfylkingar, segir ljóst að Davíð Oddsson seðlabankastjóri verði að gera hreint fyrir sínum dyrum varðandi samtöl hans við ráðherra í ríkisstjórninni. Á fundi viðskiptanefndar sagðist Davíð hafa varað ráðherra við að núll prósent líkur væru á því að bankarnir myndu lifa af í aðsteðjandi erfiðleikum. Þessi viðvörun gæti hafa verið hljóðrituð.

Þrettán þúsund króna hrekkur í Morgunblaðinu

Það kostar rúmar 13 þúsund krónur að fá dánartilkynningu birta í Morgunblaðinu, segir Gylfi Þór Þorsteinsson, auglýsingastjóri blaðsins. Í morgun birtist tilkynning um að Hákon Rúnar Jónsson væri látinn.

Viðgerð lokið hjá Vodafone

Viðgerð er lokið á GSM kerfi Vodafone og GSM samband er því aftur komið í eðlilegt horf á höfuðborgarsvæðinu. Í tilkynningu frá Vodafone var beðist velvirðingar á þeim óþægindum sem truflanirnar kunni að hafa valdið.

Ófært að miða hlunnindaskatt miðað vð bílverð í dag

Það er algjörlega ófært og í andstöðu við stefnu ríkisstjórnar, um að koma til móts við heimilin í landinu, að uppreikna hlunnindaskatt af bifreiðum miðað við verðlista bifreiðaumboðana eins og hann er í dag. Þetta segir Özur Lárusson, framkvæmdastjóri Bílgreinasambandsins,

Fregnir af andláti fanga stórlega ýktar

Undarlegt mál er komið upp í fangelsinu á Litla - Hrauni en í Morgunblaðinu í dag er sagt frá andláti Hákons Rúnars Jónssonar, refsifanga. Hákon er sagður hafa látist eftir langvarandi veikindi og er þeim sem vilja minnast hans bent á reikningingsnúmer. Þetta kom forsvarsmönnum Litla - Hrauns í opna skjöldu enda amar ekkert að Hákoni.