Ökukennari í þriggja ára fangelsi fyrir kynferðisbrot

Haukur Helgason ökukennari var í dag dæmdur í héraðsdómi í þriggja ára fangelsi fyrir kynferðisbrot gegn ungum drengjum að sögn verjanda hans, Helga Jóhannessonar.

Vísir flutti fréttir af málinu í vor og greindi frá því að sex drengir, á aldrinum fjórtan til sautján ára, hafi kært Hauk til lögreglu fyrir kynferðisbrot. Þeir voru allir nemendur Hauks í ökunámi, þeir eldri að læra á bíl en þeir yngri á skellinöðru.

Í framhaldinu greindi Vísir frá því að kennarinn hafi farið úr landi og var hann búsettur í Svíþjóð á þeim tíma.