Umtalsvert magn fíkniefna haldlagt

Lögreglan í Reykjavík hefur lagt hald á umtalsvert magn fíkniefna sem fannst falið í nágrenni borgarinnar. Málið er til rannsóknar hjá fíkniefnadeild lögreglunnar í Reykjavík. Ásgeir Karlsson, yfirmaður fíkniefnadeildarinnar, vill engar frekari upplýsingar gefa um málið á þessu stigi.

Málflutningur í Baugsmálinu hafinn

Töf varð á réttarhaldi í Baugsmálinu við upphaf þinghalds í Héraðsdómi í morgun þegar settur saksóknari lagði fram ný gögn varðandi bílainnflutning Baugsfjölskyldunnar. Reiknað er með að málið verði dómtekið síðar í dag.

Ráðherra beitir sér ekki fyrir fríum máltíðum í framhaldsskólum

Þorgerður Katrín Gunnarsdóttir menntamálaráðherra ætlar ekki að beita sér fyrir því að boðið verði upp á fríar máltíðir í framhaldsskólum landsins. Þetta kom fram í utandagskrárumræðu á Alþingi í dag.

Mál fyrrverandi yfirlæknis tekið fyrir í Héraðsdómi

Mál Stefáns Einars Matthíassonar, fyrrverandi yfirlæknis á Landspítalanum, gegn spítalanum var tekið fyrir í Héraðsdómi Reykjavíkur í morgun. Stefáni var vikið úr starfi yfirlæknis á æðaskurðlækningadeild Landspítalans síðastliðið haust eftir að hann neitaði að hætta rekstri læknastofu sem hann starfrækti meðfram störfum sínum á spítalanum.

Excel Airways leigir átta nýjar vélar

Excel Airways, dótturfélag Avion Group, gekk í dag frá samningi um leigu á átta nýjum flugvélum. Vélarnar verða notaðar á flugleiðum félagins frá Gatwick-flugvelli í London og Manchester til áfangastaða á Kanaríeyjum, Suður-Evrópu og við Miðjarðarhafið.

Impregilo skilar greinargerð vegna uppsagnarinnar

Oddur Friðriksson, yfirtrúnaðarmaður starfsmanna hjá Impregilo, hefur tekið við greinargerð frá fyrirtækinu þar sem uppsögn trúnaðarmanns í síðustu viku er rökstudd af þeirra hálfu. Oddur hefur þegar sent greinargerðina áfram til lögmanna verkalýðsfélagsins Afls til skoðunar og verður tekin ákvörðun á næstu dögum hvort uppsögnin verði kærð.

Enn ein töfin á Baugsmálinu

Töf varð á áframhaldandi aðalmeðferð í Baugsmálinu í Héraðsdómi Reykjavíkur í morgun þegar settur saksóknari lagði fram ný gögn í málinu. Gögnin tengjast bílainnflutningi sem deilt er um í málinu.

Vatn flæðir yfir vegi

Miklir vatnavextir eru víða um land vegna óvenju mikilla hlýinda. Dæmi eru um að vatn hafi flætt yfir vegi, en þó hvergi þjóðvegi. Ekki er vitað um teljandi tjón vegna vatnselgs en það gæti komið í ljós þegar vatn fer að sjatna.

Apóteksræninginn enn ófundinn

Ungi maðurinn sem rændi apótekið við Smiðjuveg í Kópavogi um hádegisbil í gær er enn ófundinn. Lögreglan í Kópavogi hélt uppi víðtækri eftirgrennslan í gær en án árangurs.

Engey notuð sem frystihús, löndunar- og útflutningshöfn

Loðnuveiðarnar eru komnar aftur í gang eftir brælu í gær og leggja sjómenn nú ofurkapp á að ná sem mestum verðmætum út úr þeim litla kvóta sem eftir er. Þar sem frystigetan í landi er ekki næg hefur risatogaranum Engey verið lagt við bryggju í Sundahöfn.

Tekist á um reykingafrumvarp

Tekist var á um hvort banna ætti reykingar á veitingastöðum á opnum fundi sem Heimdallur, félag ungra sjálfstæðismanna í Reykjavík, hélt í gærkvöldi. Framsögumenn voru þingmennirnir Birgir Ármannsson, Sjálfstæðisflokki og Ásta Ragnheiður Jóhannesdóttir, Samfylkingu og Kristinn Tómasson yfirlæknir Vinnueftirlits ríkisins.

MTV tónlistarhátíðin kostar um það bil 1,5 - 2 milljarða króna

Það kostar á bilinu einn og hálfan til tvo milljarða að halda tónlistarhátíð evrópudeildar sjónvarpsstöðvarinnar MTV hér á landi. Helga Margrét Reykdal, framkvæmdarstjóri True North, segir það ekki vera spurningu um hvort hátíðin verði haldin hér á landi heldur hvenær.

Samflokksmenn skora á Þorgerði að tryggja starfsemi HA

Vörður, félag ungra sjálfstæðismanna á Akureyri, skorar á Þorgerði Katrínu Gunnarsdóttur menntamálaráðherra og þingmenn Sjálfstæðisflokksins, að leita leiða til að tryggja starfsemi Háskólans á Akureyri til framtíðar og að hann fái að vaxa með sama krafti og áður.

SAM-félagið kaupir kvikmyndahús í Danmörku

Úrás íslenskra kaupsýslumanna nær nú til kvikmyndahúsageirans því SAM-félagið, sem rekur meðal annars Sam-bíóin hér á landi, hefur keypt Cinemaxx-kvikmyndahúsakeðjuna í Danmörku. Með kaupunum má búast við að miðasala SAM-félagsins nærri fjórfaldist.

Clinton, Blair og Annan á karlaráðstefnu?

Árni Magnússon félagsmálaráðherra hefur boðið þremur af leiðtogum heimsins til alþjóðlegrar karlaráðstefnu um jafnréttismál sem haldin verður hér á landi í haust. Svör frá leiðtogunum hafa ekki borist en ráðherrann mun kynna ráðstefnuna á fundi Sameinuðu þjóðanna í næstu viku.

Endur í Frakklandi og Hollandi fá sprautu

Sérfræðingar Evrópusambandsins hafa samþykkt umsóknir Frakka og Hollendinga um að fá að bólusetja alifugla gegn flensunni sem herjar á bræður þeirra um víðan völl. Samþykkið er þó háð nokkrum skilyrðum.

Vilja stóriðju á Suðurland

Samtök sunnlenskra sveitarfélaga vilja stóriðju á Suðurland. Í skýrslu samtakanna sem kynnt var í dag er svæðið sagt góður kostur fyrir fyrirtæki í stóriðju. Það eina sem vanti til að reisa megi orkufrekan iðnað á Suðurlandi er stórskipahöfn.

Vopnað rán í apóteki

Ungur maður vopnaður hnífi réðst inn í Apótekarann við Smiðjuveg í Kópavogi um hádegisbilið í dag og heimtaði lyf. Starfsfólk apóteksins þorði ekki annað en að verða við óskum mannsins og lét hann hafa eitthvað af lyfjum. Maðurinn komst á brott á hlaupum.

Íslenski draumurinn

Íslendingar taka mun meira mark á draumum en nágrannaþjóðirnar. Þeir tala meira um drauma, ráða í þá og trúa á að draumar geti sagt fyrir um framtíðina í mun meira mæli en aðrar Vestur-Evrópuþjóðir. Þetta er niðurstaða doktorsrannsóknar Adriënne Heijnen sem byggð er á vettvangsrannsóknum í Hrunamannahreppi á árunum 1994-2000.

Gengislækkun krónunnar hafði áhrif víða um heim

Gengislækkun krónunnar í gær hafði víðtæk áhrif á alþjóðlegum gjaldeyrismarkaði samkvæmt frétt á heimasíðu Financial Times. Þar er sagt að lækkun krónunnar hafi valdið titringi á mörkuðum með jaðargjaldmiðla sem spákaupmenn hafa sótt í að kaupa í von um háa ávöxtun á sama hátt og erlendir aðilar hafa fjárfest í krónunni í stórum stíl.

Ríkisendurskoðandi kominn með gögnin frá Vilhjálmi

Ríkisendurskoðun og Fjármálaeftirlitið hafa fengið gögn frá Vilhjálmi Bjarnasyni aðjúnkt í viðskiptafræðum vegna aðkomu þýska bankans Hauck und Afhauser, að kaupum á Búnaðarbanka Íslands á sínum tíma. Sigurður Þórðarson ríkisendurskoðandi sagði of snemmt að segja til um hvort stofnunin hæfi sjálfstæða athugun á málinu.

Vitnaleiðslum í Baugsmálinu lokið

Vitnaleiðslum í Baugsmálinu lauk fyrir Héraðsdómi Reykjavíkur á þriðja tímanum í dag. Málflutningur hefst í fyrramálið og stendur fram eftir degi en að honum loknum verður málið tekið í dóm. Fram kom við vitnaleiðslur að hluti vegna leiðréttinga á innflutningsgjöldum á einni bifreið af fjórum sem deilt er um hefði runnið til góðgerðarmála.

Sjálfstæðisflokkur gæti náð meirihluta með 43%

Sjálfstæðisflokkurinn gæti náð meirihluta í Reykjavík með 43 prósent atkvæða, en flokkurinn hefur fimm sinnum náð meirihluta í Borgarstjórn með minnihluta atkvæða. Miklu skiptir hvernig atkvæði skiptast á önnur framboð. Fleiri vilja sjá Dag B. Eggertsson í stóli Borgarstjóra, samkvæmt nýrri könnun en mjótt er þó á munum á milli þeirra.

Efnahagsstefna ríkisstjórnarinnar harkalega gagnrýnd

Stjórnarandstaðan gagnrýndi efnahagsstefnu ríkisstjórnarinnar harðlega þegar rætt var um viðvaranir matsfyrirtækisins Fitch, gengislækkun krónunnar og ólgu á mörkuðum á Alþingi í dag. Þá fagnaði hún yfirlýsingum forsætisráðherra í kvöldfréttum NFS í gær um að ekki væri svigrúm fyrir alla þá stóriðju sem hugmyndir væru uppi um.

Hallór og Blair funduðu

Halldór Ásgrímsson, forsætisráðherra Íslands, og Tony Blair, forsætisráðherra Bretlands, funduð í dag á heimili Blair á Downingstræti í London. Forsætisráðherrarnir ræddu meðal annars mögulega aðild Íslands að Evrópusambandinu og hvernig hægt væri að koma málum svo fyrir að Ísland gæti búið við fiskveiðistefnu bandalagsins.

Engin ólga á Íslandi vegna skopteikninga af Múhameð spámanni

Árni Magnússon, félagsmálaráðherra, segir engar upplýsingar hafa borist ráðuneytinu um að til árekstra hafi komið vegna skopmyndanna af Múhameð spámanni sem birst hafa í evrópskum blöðum síðustu vikurnar. Þetta kom fram í utandagskrárumræðu um stöðu útlendinga á Íslandi á Alþingi í dag.

Höfuð forsætisráðherra notað í áróðursskyni

Auglýsing bresku náttúruverndarsamtakanna IFAW sem birtist í dagblaðinu The Times í morgun samræmist ekki siðareglum Sambands íslenskra auglýsenda, sem byggðar eru á siðareglum Alþjóðaverslunarráðsins. Í auglýsingunni hefur andlit Halldórs Ásgrímssonar verið klippt inn í aðra mynd af starfsmanni fiskborðs sem réttir fram hvalkjöt á bakka.

Krónan veiktist um rúm 2% í dag

Gengi íslensku krónunnar veiktist um rúm 2% í dag og hefur því veikst um 6,4% á síðustu tveimur dögum. Titringinn á gjaldeyrismarkaði má rekja til skýrslu matsfyrirtækisins Fitch sem birt var í gær.

Barnahús verðlaunað

Barnahús verður verðlaunað af alþjóðlegu barnaverndarsamtökunum ISPCAN, International Society for the Prevention of Child Abuse and Neglect. Forstjóra Barnaverndarstofu hefur verið tilkynnt þetta en verðlaunin verða afhent á heimsráðsstefnu samtakanna í byrjun september á þessu ári. ISPCAN eru einu þverfaglegu heimssamtökin á sviðið barnaverndar en markmið þeirra er að vinna gegn ofbeldi og vanrækslu barna um allan heim.

Vitnaleiðslum lokið

Vitnaleiðslum í Baugsmálinu fyrir Héraðsdómi Reykjavíkur lauk á þriðja tímanum í dag. Málflutningur í málinu hefst í fyrramálið og að honum loknum verður málið dómtekið.

Samískur joiksöngur, rímur, rokk og passíusálmarnir á Vetrarhátíð

Samískur joiksöngur, rímur, rokk og passíusálmarnir í flutningi meistara Megas er meðal þess sem sjá má og heyra á Vetrarhátíð í Reykjavík í ár. Vetrarhátíðin hefst á morgun en hún var fyrst haldin árið 2002.

Ríkisskattstjóri leggur ekki mat á útreikninga á skattbyrði

Ríkisskattstjóri hefur ekki lagt mat á útreikninga Landssambands eldri borgara á að skattbyrði hafi aukist hjá þeim sem hafa lægstar tekjur eða ellilífeyri. Í tillkynningu sem Indriði H. Þorláksson, ríkisskattstjóri, sendi frá sér segir að hann hafi hvorki staðfest né hafnað niðurstöðu Landssambands eldri borgara eða annarra í umræðu sem hefur farið fram um skattbyrði.

Ekki marktækur munur á fylgi Vilhjálms og Dags

Ekki er marktækur munur á fylgi Dags B. Eggertssonar og Vilhjálms Þ. Vilhjálmssonar, borgarstjóraefni Samfylkingarinnar og Sjálfstæðisflokksins, í embætti borgarstjóra í vor samkvæmt borgarmálakönnun sem Félagsvísindastofnun Háskóla Íslands gerði fyrir Samfylkinguna 14.-19. febrúar.

Á yfir höfði sér dauðadóm

Bandarískur hermaður hefur verið ákærður fyrir morð á tvítugri stúlku hér á landi síðastliðið sumar. Stúlkan sem var bandarísk var einnig varnarliðsmaður á Keflavíkurflugvelli og var í flugsveit hersins. Verði maðurinn fundinn sekur á hann yfir höfði sér dauðadóm eða lífstíðarfangelsi.

Hvert förum við nú nema hvergi!

Borgarstjóri afhjúpar listaverk í miðri Reykjavíkurtjörn eftir setningu Vetrarhátíðar sem sett verður á morgun klukkan 20.30. Mun þetta vera eitt af tuttugu verkum eftir Stellu Sigurgeirsdóttir sem komið verður víðsvegar um Reykjavík og mun sýningin standa yfir í sex mánuði eða fram yfir Menningarnótt 2006.

Food and fun hátíðin sett í dag

Verið er að setja matar- og skemmtihátíðina Food and fun, eða matur og skemmtun, á Nordica hóteli þessa stundina. Þetta er í fimmta sinn sem Icelandair heldur hátíðina í samstarfi við íslenskan landbúnað og veitingamenn.

Lækkun á innkaupsverði lyfja hefur ekki skilað sér

Lækkun á innkaupsverði lyfja hefur ekki skilað sér í sama mæli til almennings og til ríkisins, vegna vaxandi fákeppni á lyfsölumarkaðnum, að mati Jóns Kristjánssonar heilbrigðisráðherra.

Menntaskólanemendur á Akureyri skrópuðu í dag

Stór hluti nemenda Menntaskólans á Akureyri skrópaði í dag og gekk í fylkingu á mótmælafund vegna fyrirhugaðrar skerðingar á námi til stúdentsprófs. Talsmaður nemenda segir til skammar að menntamálaráðherra skyldi ekki hitta nemendur að máli. Skólameistari MA leggst gegn verkföllum en skilur aðgerðir nemenda.

Gengi krónunnar í frjálsu falli

Gengi krónunnar og innlendur hlutabréfamarkaður var í frjálsu falli í morgun en rétti nokkuð úr kútnum laust fyrir hádegi. Hlutabréfavísitalan hefur lækkað um þrjú prósent í morgun og sama lækkun hefur orðið á úrvalsvísitölu hlutabréfa. Fjármálaráðherra segir að þetta kunni að skýrast af leiðréttingu á markaðnum sem neikvæð skýrsla Fitch Ratings, frá í gær, hafi hleypt af stað.

Kunna ekki að reikna út skattbyrði almennings

Hvorki Fréttastofa NFS, Kastljós Ríkissjónvarpsins, Stefán Ólafsson prófessor né ríkisskattstjóri, kunna að reikna út skattbyrði almennings, að mati Árna M. Mathiesens fjármálaráðherra.

Áætlað að vitnaleiðslum ljúki í dag

Spurt var um viðskiptamannareikninga, lánveitingar og bókhaldslykla í Héraðsdómi Reykjavíkur í dag þegar aðalmeðferð í Baugsmálinu var fram haldið þar í morgun. Áætlað er að vitnaleiðslum verði lokið í dag og málflutningur fari síðan fram á morgun.

Halldór Ásgrímsson og Tony Blair hittust í Downingstræti tíu í morgun

Halldór Ásgrímsson forsætisráðhera og Tony Blair forsætisráðherra Bretlands hittast á formlegum fundi í Downingstræti tíu, fyrir hádegi í dag. Búist er við að þar ræði þeir alþjóðlamál almennt.

Fjármálaráðherra gerir athugasemd við umfjöllun Kastljóssins

Árni M. Mathiesen fjármálaráðherra gerði í gær formlega athugasemd við umfjöllun Kastljóssins á Ríkissjónvarpinu um skattamál. Í þættinum var meðal annars komist að þeirri niðurstöðu að skattbyrði hafi aukist hjá öllum tekjuhópum nema hátekjumönnum.

Eldur við Skemmuveg

Eldur kviknaði í atvinnuhúsi við Skemmuveg í Kópavogi í gærkvöldi, þar sem veisluþjónusta er meðal annars til húsa. Eldurinn var snarlega slökktur en skemmdir urðu af reyk. Eldsupptök verða könnuð í dag.

Krónan veikist

Krónan veiktist í gær um fjögur komma fjörtíu og fjögur prósent eftir að fréttir bárust af því að matsfyrirtækið Fitch Ratings hefði breytt lánshæfismati ríkissjóðs Íslands úr stöðugu í neikvætt.