Tekist á um reykingafrumvarp

Tekist var á um hvort banna ætti reykingar á veitingastöðum á opnum fundi sem Heimdallur, félag ungra sjálfstæðismanna í Reykjavík, hélt í gærkvöldi. Framsögumenn voru þingmennirnir Birgir Ármannsson, Sjálfstæðisflokki og Ásta Ragnheiður Jóhannesdóttir, Samfylkingu og Kristinn Tómasson yfirlæknir Vinnueftirlits ríkisins. Ásta Ragnheiður, sem er fylgjandi reykingabanninu gaf lítið fyrir þau rök að þeir sem ekki vildu vinna á veitingastöðum sem leyfa reykingar gætu fengið sér aðra vinnu. Nefndi hún í því sambandi tónlistarmennina Ingimar Eydal, Svavar Gests, Hauk Morthens og Ellý Vilhjálms sem öll létust af völdum krabbameins sem rekja mætti til óbeinna reykinga en ekkert þeirra reykti. Birgir Ármannsson benti á að þegar skerða ætti atvinnufrelsi og eignarrétt einstaklingsins af heilsufarsástæðum þá bæri að fara vægustu leiðina en hann telur að frumvarpið sem nú liggur fyrir gangi of langt. Þar sé til dæmis ekki gert ráð fyrir að veitingamenn geti sett upp sérstök reykherbergi eins og Svíar hafa gert með sínum lögum sem og Ítalir og Tékkar. Kristinn Tómasson yfirlæknir sagði að markmið vinnu væri velmegun og vellíðan. Hann sagði algengi öndunarfærakvilla hjá starfsfólki á veitingastöðum snarlækka við reykingabann. Einnig benti hann á að í þessari atvinnugrein starfi um það bil fimm þúsund manns, aðallega konur á barneignaaldri en áhætta ófrískra kvenna af óbeinum reykingum er mjög mikil. Að hans mati ætti það að vera næg rök til að banna reykingar á veitingastöðum.

Framsögumenn voru þingmennirnir Birgir Ármannsson, Sjálfstæðisflokki og Ásta Ragnheiður Jóhannesdóttir, Samfylkingu og Kristinn Tómasson yfirlæknir Vinnueftirlits ríkisins. Ásta Ragnheiður, sem er fylgjandi reykingabanninu gaf lítið fyrir þau rök að þeir sem ekki vildu vinna á veitingastöðum sem leyfa reykingar gætu fengið sér aðra vinnu. Nefndi hún í því sambandi tónlistarmennina Ingimar Eydal, Svavar Gests, Hauk Morthens og Ellý Vilhjálms sem öll létust af völdum krabbameins sem rekja mætti til óbeinna reykinga en ekkert þeirra reykti. Birgir Ármannsson benti á að þegar skerða ætti atvinnufrelsi og eignarrétt einstaklingsins af heilsufarsástæðum þá bæri að fara vægustu leiðina en hann telur að frumvarpið sem nú liggur fyrir gangi of langt. Þar sé til dæmis ekki gert ráð fyrir að veitingamenn geti sett upp sérstök reykherbergi eins og Svíar hafa gert með sínum lögum sem og Ítalir og Tékkar. Kristinn Tómasson yfirlæknir sagði að markmið vinnu væri velmegun og vellíðan. Hann sagði algengi öndunarfærakvilla hjá starfsfólki á veitingastöðum snarlækka við reykingabann. Einnig benti hann á að í þessari atvinnugrein starfi um það bil fimm þúsund manns, aðallega konur á barneignaaldri en áhætta ófrískra kvenna af óbeinum reykingum er mjög mikil. Að hans mati ætti það að vera næg rök til að banna reykingar á veitingastöðum.