Vilja stóriðju á Suðurland

Samtök sunnlenskra sveitarfélaga vilja stóriðju á Suðurland. Í skýrslu samtakanna sem kynnt var í dag er svæðið sagt góður kostur fyrir fyrirtæki í stóriðju. Það eina sem vanti til að reisa megi orkufrekan iðnað á Suðurlandi er stórskipahöfn. Þar sé Þorlákshöfn góður valkostur en Siglingastofnun hafi þegar sýnt fram á að slíkt sé framkvæmanlegt. Í skýrslu samtakanna kemur fram að 70% af allri raforku landsins er framleidd á Suðurlandi og auknir virkjanamöguleikar séu á svæðinu.

Kjartan segir ýmsa stóriðjukosti fyrir hendi. Þannig geti það til dæmis verið álframleiðsla eða svokölluð græn stóriðja eins og grænmetisframleiðsla á stórum skala.

Kjartan segir landkosti mikla á svæðinu og þá sé nú verið að kynna fyrir aðilum sem hugsanlega gætu flutt starfsemi á svæðið. Menn geri sér þó grein fyrir því að tíma geti tekið að laða að fyrirtæki. Gríðarlegur aðflutningur fólks sé á svæðið og þrátt fyrir að atvinnuástand sé gott nú sé verið að hugsa til framtíðar.