Fleiri fréttir

Samkynhneigðir í Washington ganga í það heilaga

Hjónabönd samkynhneigðra eru loks lögleg í Washington-ríki í Bandaríkjunum. Á fimmtudaginn síðastliðinn sóttu hátt í 1.000 pör um sérstakt leyfi til að ganga í það heilaga. Það var síðan í gær sem fyrirvarinn rann út og rúmlega 140 hjónavígslur fóru þá fram.

Kröfðust jöfnunar kynjahlutfalla

Um fjörutíu vaskar stúlkur frá Vífilsskóla í Garðabæ sóttu íþróttafréttamenn fréttastofunnar heim í dag og báðu þá um að leggja sig fram við að jafna hlutföll kynjanna í umfjöllun sinni. Þeir lofa bótum en hópurinn áætlar að hafa aftur samband ef hann sér ekki árangur.

Þriðjungur Drangsnesinga að missa vinnuna

Öllu fiskverkafólki á Drangsnesi, tíu manns, hefur verið sagt upp störfum, og horfur eru á að fimm aðrir missi vinnuna hjá útgerðarfélagi. Slæm staða á saltfiskmörkuðum, kvótaskortur í ýsu og óseld grásleppuhrogn hafa á skömmum tíma snúið atvinnuhorfum til hins verra. Óveðursskýin hrannast nú upp í sjávarbyggðum eins og Drangsnesi. Þar hefur saltfiskverkun nú stöðvast en oddviti Kaldrananeshrepps,

Ríkið heggur ekki á hnútinn

Allar hugmyndir um björgun hjúkrunarheimilsins Eirar, sem fela í sér að ríkið leggi til peninga, hafa verið slegnar út af borðinni. Búist er við átökum á fulltrúaráðsfundi sem haldinn verður á föstudag.

Dómari byrsti sig við saksóknara

Skúli Magnússon, einn þriggja dómara í Vafningsmáli sérstaks saksóknara, brýndi raustina verulega í samtali við saksóknarann Hólmstein Gauta Sigurðsson í andsvararæðu þess síðarnefnda undir lok málflutnings í Héraðsdómi Reykjavíkur í dag.

Hrunið gerði ekki öll lán ólögleg

"Hrun íslensks efnahagslífs breytti ekki öllum lánveitingum í ólögmæta gerninga,“ sagði Þórður Bogason, verjandi Guðmundar Hjaltasonar, í málflutningsræðu sinni í Vafningsmálinu sem hann lauk við í Héraðsdómi Reykjavíkur fyrir stundu. Þórður talaði í tæpar tvær klukkustundir.

Höndin fór í færibandið

Starfsmaður fiskvinnslufyrirtækisins Vísi í Grindavík lenti með hægri höndina í færibandi á laugardag. Fiskur hafði safnast upp við enda færibandsins og ætlaði starfsmaðurinn að ýta honum frá með þeim afleiðingum að hönd viðkomandi klemmdist milli pappaspjalds og rennu á bandinu. Í fyrstu var talið að starfsmaðurinn hefði handarbrotnað og var hann fluttur á Heilbrigðisstofnun Suðurnesja. Þar kom í ljós að höndin var óbrotin en mikið marin.

Öll salerni á skemmtistöðum fá Neyðarmóttöku-límmiða

Velferðarráðherra veitti í dag gjöfum til Neyðarmóttöku vegna nauðganga viðtöku við athöfn í húsnæði Landlæknis á Barónstíg. Gjafirnar eru meðal annars nýr og endurhannaður bæklingur um sálrænar afleiðingar kynferðisofbeldis, sem hefði skort á Neyðarmóttökunni í mörg ár.

Ákæran gegn Magnúsi stendur

Hæstiréttur felldi í dag úr gildi úrskurð Héraðsdóms Reykjavíkur um að máli gegn Magnúsi Guðmundssyni í al-Thani málinu skuli vísað frá. Ákæran gegn honum verður því tekin til efnislegrar meðferðar í Héraðsdómi Reykjavíkur.

Verjandi segir Lárusi hafa gengið gott eitt til

Ekkert vitni í Vafningsmálinu hefur borið um að Lárus Welding og Guðmundur Hjaltason hafi haft nokkuð með það að gera að lána Milestone tíu milljarða föstudaginn 8. febrúar 2008. Því er útilokað að telja sannað að þeir hafi gerst sekir um umboðssvik með þeirri lánveitingu. Þetta sagði Óttar Pálsson, verjandi Lárusar, í tveggja og hálfrar klukkustundar ræðu sinni í Héraðsdómi Reykjavíkur sem hann lauk fyrir stundu.

Lést í bílslysi

Eldri kona, sem varð fyrir strætisvagni á Nýbýlavegi í Kópavogi á föstudagsmorgun, er látin. Konan var flutt á slysadeild eftir slysið og þaðan á gjörgæsludeild, þar sem hún lést. Slysið varð um níuleytið á föstudagsmorgunn en strætisvagninum var ekið austur Nýbýlaveg.

Óalgengt að konur séu lagðar inn með morgunógleði

"Við hérna á Landspítalanum sjáum svona sjúklinga reglulega,“ segir Ebba Margrét Magnúsdóttir, kvensjúkdóma- og fæðingarlæknir um morgunógleði ófrískra kvenna. Eins og öll heimsbyggðin hefur séð var Katrín, eiginkona Vilhjálms Bretaprins, lögð inn á spítala í síðustu viku með morgunógleði, en hún er barnshafandi.

Tveir menn eltu blaðbera

Tveir menn á dökkleitri bifreið eltu blaðburðarkonu, sem var að störfum í Keflavík snemma á laugardagsmorgun. Að sögn lögreglu varð konan skelfingu lostin, tók til fótanna og bankaði upp á í næsta húsi, þar sem hún dvaldi þar til lögregla kom. Húsráðendur þar kváðust einnig hafa séð bifreiðina lóna inn götuna. Lögreglan rannsakar málið og biður þá sem kunna að geta gefið upplýsingar um það að hafa samband í síma 420-1800.

Dæmi um að fólk bíði í ár eftir að dánarorsök sé kunn

Dæmi eru um að fólk hafi þurft að bíða í tæpt ár eftir að fá dánarorsök látinna ástvina staðfesta en enginn réttarmeinarfræðingur er starfandi á landinu. Yfirlæknir reiknar með að ástandið vari í rúmt ár til viðbótar eða þar til réttarmeinarfræðingur tekur til starfa í byrjun þarnæsta árs.

Býst við fleiri uppsögnum um næstu mánaðamót

Laun hjúkrunarfræðinga hafa skerst það mikið á síðustu árum að þeir hafa í raun unnið launalaust í eitt af síðustu fimm árum. Þetta fullyrðir formaður Félags íslenskra hjúkrunarfræðinga og jafnframt að búast megi við fleiri uppsögnum um næstu mánaðarmót ef ekkert verði gert.

Vill fimm og hálfs árs fangelsi yfir Lárusi Welding

Saksóknarinn í svonefndu Vafningsmáli fer fram á fimm og hálfs ár fangelsisdóm yfir Lárusi Welding, fyrrverandi forstjóra Glitnis, og fimm ára dóm yfir Guðmundi Hjaltasyni, fyrrverandi framkvæmdastjóra fyrirtækjasviðs bankans. Saksóknarinn, Hólmsteinn Gauti Sigurðsson, lauk rétt í þessu rúmlega tveggja klukkustunda langri málflutningsræðu sinni.

Drangsnesingar reka bæjarútgerð og fiskvinnslu

Íbúar Drangsness við Steingrímsfjörð ásamt sveitarfélaginu Kaldrananeshreppi standa saman að útgerð kvótamesta bátsins og stærsta fyrirtækisins, Fiskvinnslunnar Drangs. Þetta kom fram í þættinum "Um land allt," á Stöð 2 í gærkvöldi. "Ég held að það megi alveg örugglega segja að það sé hjartað í byggðinni á Drangsnesi því að hérna starfar stór hluti og þetta er eign samfélagsins algerlega," sagði Óskar Torfason, framkvæmdastjóri Drangs.

Útvarpsmennirnir miður sín eftir sjálfsmorð hjúkrunarkonunnar

Mel Greig, annar þáttastjórnenda ástralska útvarpsþáttarins sem gerðu símaat í sjúkrahúsinu þar sem Kate Middleton dvaldi í síðustu viku, brast í grát í viðtali við ástralska sjónvarpsstöð í gærkvöldi. Hjúkrunarkonan sem tók við símtalinu svipti sig lífi á föstudag.

Of Monsters and Men mæta aftur til Jay Leno í kvöld

Íslenska hljómsveitin Of Monsters and Men munu koma fram í Tonight Show, spjallþætti Jay Leno, í kvöld. Þetta er í annað sinn á þessu ári sem hljómsveitin kemur fram í þættinum, sem er einn sá vinsælasti í Bandaríkjunum. Leikarinn Matt Damon verður gestur þáttarins, að sögn heimasíðu sjónvarpsstöðvarinnar NBC.com. Ekki er ljóst hvort að sveitin muni einungis taka lagið eða verða til viðtals.

Löng málflutningstörn hafin

Málflutningur er hafinn í Héraðsdómi Reykjavíkur á lokadegi réttarhaldanna í Vafningsmáli sérstaks saksóknara. Það er saksóknarinn Hólmsteinn Gauti Sigurðsson sem flytur mál sitt í upphafi. Áætlað er að það gæti tekið um tvær klukkustundir.

Sjúkraþjálfarar óánægðir með kaup og kjör

Sjúkraþjálfarar á Landsspítalanum hafa undanfarin ár starfað við stöðugt meira álag, krappari kjör og lélegri aðstæður vegna langvarandi niðurskurðar í heilbrigðiskerfinu, segir í ályktun stéttarfélags sjúkraþjálfara.

Ekki sama gjöf og brúðargjöf hjá tollinum

Brúðargjafir frá fólki búsettu erlendis eru tollfrjálsar en hámarksverðmæti annarra gjafa frá útlöndum sem ekki þarf að borga toll af er 10 þúsund krónur. Hámarkið hefur staðið í stað í ríflega fjögur ár.

Indverjar settu heimsmet í fjöldasöng

Yfir 100.000 Indverjar komu saman í borginni Kanpur í gærdag til að syngja þjóðsöng landsins. Með þessu komust þeir í heimsmetabók Guinness fyrir mesta fjölda fólks sem syngur þjóðsöng sinn í einu.

Heilsu Katrínar Middleton hrakaði um helgina

Heilsu Katrínar Middleton hertogaynjunnar af Cambridge hefur hrakað yfir helgina en hún þjáist af alvarlegri morgunógleði í framhaldi af því að hún er orðin ólétt.

Sjómenn bíða betra veðurs til að komast á síldveiðar

Breiðfirskir smábátasjómenn bíða þess nú að veður skáni svo þeir komist út til síldveiða í reknet, eftir að Steingrímur J. Sigfússon atvinnuvegaráðherra bætti um helgina 300 tonnum við kvótann, sem var uppurinn.

Berlusconi tilkynnir formlega um framboð sitt

Silvio Berlusconi hefur tilkynnt formlega að hann muni gefa kost á sér í komandi þingkosningum á Ítalíu. Þetta sagði hann í viðtali um helgina á einni af sjónvarpsstöðvunum sem eru í eigu hans.

Morsi kallar út herinn vegna þjóðaratkvæðagreiðslu

Muhameð Morsi forseti Egyptalands hefur fyrirskipað her landsins að annast öryggimál og verja opinberar byggingar og stofnanir í aðdraganda þjóðaratkvæðagreiðslu um breytingar á stjórnarskrá landsins.

Roskinn maður slasaðist við fall

Roskinn karlmaður féll aftur fyrir sig á gatnamótum Frakkastígs og Laugavegar um klukkan ellelfu í gærkvöldi, og skarst á höfði. Hann var fluttur á slysadeild.

Dánarorsök ókunn tæpu ári eftir andlát

Dæmi er um að aðstandendur þurfi að bíða í rúmlega tíu mánuði eftir að fá niðurstöður um dánarorsök eftir krufningu hjá Landspítalanum. Enn á eftir að rannsaka dánarorsök um 50 einstaklinga sem létust á árinu.

Gagnrýnir lögregluna

Lýður Guðmundsson gerir ?alvarlegar athugasemdir við rannsóknaraðferðir lögreglu? í máli gegn honum og Bjarnfreði H. Ólafssyni lögmanni. Í greinargerð verjanda Lýðs, Gests Jónssonar, eru rannsóknaraðferðir lögreglunnar sagðar í ósamræmi við grundvallarreglur sakamálalaga og að lögregla hafi brotið gegn hlutlægnis- og meðalhófsreglum.

Jólin verða í vaxandi tungli sem boðar gott

Ætlað er að veðurfar verði með ágætum í desember, þó svo að smávægilegar umhleypingar verði, samkvæmt spá Veðurklúbbsins á Dalbæ. Greint er frá nýrri spá klúbbsins á vef Dalvíkurbyggðar.

Leitað til mín sem sáttasemjara

Guðbjartur Hannesson velferðarráðherra hafði ekki fyrr hlotið glæsilega kosningu í flokksvali Samfylkingarinnar í Norðvesturkjördæmi en hann tilkynnti um framboð sitt til formennsku í flokknum. Ákvörðunin kom svo sem ekki á óvart því nafn hans hafði lengi verið í umræðunni um formannsslaginn.

Reykurinn kom úr örbylgjuofninum

Lítil hætta reyndist vera á ferð varðandi eld sem í fyrstu var talinn koma úr JL húsinu. Í ljós kom að reykur kom frá íbúð úr fjölbýlishúsi sem snýr að portinu á bak við JL húsið.

Þúsundir gæddu sér á Stollen kökunni

Þúsundir komu saman í miðborg Dresden í Þýskalandi í gær til að taka þátt í hátíð sem sérstaklega er tileinkuð Stollen kökunni víðfrægu.

Sjá næstu 50 fréttir

Mest lesið