Ökumaður undir áhrifum morfíns, rítalíns, amfetamíns og kannabis

Lögreglan á Suðurnesjum handtók um helgina þrjá ökumenn vegna gruns um að þeir ækju undir áhrifum fíkniefna. Um var að ræða tvo karlmenn og eina konu.

Sýnatökur leiddu í ljós að tveir ökumannanna höfðu neytt margvíslegra fíkniefna. Annar þeirra viðurkenndi neyslu á morfíni, rítalíni, amfetamíni og kannabis. Hinn reyndist hafa neytt amfetamíns og ópíumblandaðra efna.

Sýnatökur staðfestu að þriðji ökumaðurinn hafði neytt kannabisefna.

Tveir ökumannanna eru rúmlega tvítugir en sá þriðji rúmlega fertugur.