Sjö ráðherrar brotið jafnréttislög

Ögmundur Jónasson, innanríkisráðherra, segist ekki hafa íhugað að segja af sér vegna brota hans á jafnréttislögum. Sjö ráðherrar hafa í gegnum tíðina gerst brotlegir við lögin vegna ráðningar karls í stað konu.

Strætó keyrir út á land

Strætó bs. stækkaði í dag þjónustusvæði sitt þegar akstur hófst til Stykkishólms, Búðardals, Hólmavíkur og Reykhóla.

Það gerist varla krúttlegra - tvíburar slá í gegn á netinu

Þessi ellefu mánaða gömlu tvíburar eru aðeins of krúttlegir. Myndskeið af þeim dansa við gítarspila föður síns tröllríður nú internetinu. Yfir sjö milljónir hafa horft á þá á tæplega mánuði. Sjón er sögu ríkari, eins og sést á meðfylgjandi myndskeiði.

Ekki verið að kjósa um aðskilnað ríkis og kirkju

Ekki er verið að kjósa um aðskilnað ríkis og kirkju í komandi þjóðaratkvæðagreiðslu, segir lögfræðimenntaður stjórnlagaráðsmaður. Ef meirihluti kjósenda vill ákvæði um þjóðkirkju úr stjórnarskrá, þýðir það einfaldlega að kirkjan missir stjórnarskrárvernd sína.

Fá að snúa aftur heim

Um fjögur þúsund íbuar í bænum Marbella á Costa Del Sol, sem flúðu heimili sín vegna mikilla skógarelda í síðustu viku, hafa nú snúið aftur til síns heima. Slökkviliðsmenn náðu töku um á eldinum í gær en eldur logaði á tólf kílómetrasvæði. Miklir þurrkar hafa verið á svæðinu undanfarnar vikur og hefur hitinn verið gríðarlega. Um fjögur hundruð slökkviliðsmenn hafa barist við eldana með flugvélum og þyrlum síðustu vikur.

Ákærurnar felldar niður

Saksóknarar í Suður-Afríku hafa fellt niður ákærur á hendur tvö hundruð og sjötíu námuverkamönnum í landinu. Mennirnir voru ákærðir á dögunum fyrir að bera ábyrgð á dauða þrjátíu og fjögurra samstarfsfélaga sinna sem lögreglan skaut til bana um miðjan mánuðinn.

Stofnandi Pirate Bay handtekinn í Kambódíu

Gottfrid Svartholm, einn af stofnendum skráarsíðunnar Pirate Bay, var handtekinn í Kambódíu á dögunum. Alþjóðleg handtökuskipun var gefin út á hendur honum í apríl síðastliðnum.

Glæsileg þýsk skúta við Reykjavíkurhöfn

Þýska skólaskútan Alexander von Humboldt II liggur nú við Reykjavíkurhöfn. Skipið kom hingað frá Dublin í gærdag og heldur heim á leið til Þýskalands á fimmtudag. Tæplega 80 manns komu með skipinu, þar af eru 54 nemar. Samkvæmt bæklingi um skipið, sem fréttastofa fékk við höfnina, mega nemarnir vera á aldrinum 14 til 75 ára.

Biskup Íslands segir upplýsingavef ekki áróðursvef

Biskupsstofa opnar síðar í þessum mánuði sérstakan upplýsingavef vegna þjóðaratkvæðagreiðslunnar þar sem kjósendur taka afstöðu til þess hvort ákvæði um þjóðkirkju eigi að vera í stjórnarskrá Íslands. Biskup Íslands segir þetta ekki verða áróðursvef heldur til að auðvelda almenningi aðgang að upplýsingum.

Ögmundur ætlar ekki að biðjast afsökunar

Ögmundur Jónasson segist í góðri trú hafa ráðið karl í embætti sýslumanns á Húsavík þó niðurstaða kærunefndar jafnréttismála sé að hann hafi brotið jafnréttislög. Þrátt fyrir harða gagnrýni sér Ögmundur ekki ástæðu til að biðjast afsökunar.

Guðbjartur í Lundúnum: Ólympíumótið stórkostleg upplifun

"Mér finnst skipta máli að sýna þessu áhuga ekki síður en hinum Ólympíuleikunum. Þetta eru að mínu mati stórkostlegri Ólympíuleikar- það er alveg makalaust að fylgjast með því hvað fólk getur," segir Guðbjartur Hannesson, velferðarráðherra, sem er nú staddur í Lundúnum að fylgjast með Ólympíumóti fatlaðra.

Draga ætti Bush og Blair fyrir Alþjóðaglæpadómstólinn

Draga ætti Tony Blair, fyrrverandi forsætisráðherra Brertlands, og George Bush, fyrrverandi forseta Bandaríkjanna, fyrir Alþjóðaglæpadómstólinn í Haag vegna innrásar Breta og Bandaríkjamanna í Írak.

Engin mótmæli vegna Ísaks

Vegna fellibylsins Ísaks urðu mótmælin sem skipulögð voru fyrir utan landsþing Repúblikanaflokksins í Tampa í Flórída aldrei að veruleika. Á landsþingi Demókrataflokksins í Charlotte sem hefst í þessari viku er hins vegar búist við miklum mótmælum.

Bílsprengja í Damaskus

Fimmtán létust þegar bílsprengja sprakk í nágrenni við palestínskar flóttamannabúðir í Damaskus, höfuðborg Sýrlands, seint í gærkvöldi. Nokkrir eru særðir eftir sprenginguna en hún olli miklum skemmdum á byggingum. Ríkisfréttastöð landsins segir vopnaða hryðjuverkamenn hafa verið að verki og vísar þar til andstæðinga Bashar Assad Sýrlandsforseta.

Stúlka slegin í miðborginni

Karlmaður var fluttur með höfuðáverka á slysadeild eftir slagsmál í miðborginni rétt fyrir klukkan fimm í morgun. Ekki er vitað hversu alvarlegir áverkarnir eru á þessari stundu en lögregla hefur ekki haft hendur í hári árásarmannsins.

20 þúsund á flugeldasýningu

Um tuttugu þúsund gestir Ljósanætur í Reykjanesbæ fylgdust með flugeldasýningu í gærkvöldi sem markaði lok hátíðarinnar.

Sóknargjöld verða hækkuð á ný

Kirkjuþing samþykkti ályktun þar sem þess er krafist að sóknargjöld verði hækkuð að nýju. Í ályktuninni segir að leiðrétting sóknargjalda sé nauðsynleg og að sóknir landsins hafi tekið á sig skerðingu sem sé 25% umfram aðrar stofnanir sem heyra undir innanríkisráðuneytið.

Spá útgáfuhrinu erótískra bóka

Fimmtíu gráir skuggar er íslenskt heiti erótísku skáldsögunnar Fifty Shades of Grey kemur út í íslenskri þýðingu í næstu viku. Upplagið er þrefalt samkvæmt upplýsingum útgefanda bókarinnar, Forlagsins, sem verst fregna um nákvæmar upplagstölur.

Ögmundur fyrir 8 árum: "Ráðherrar fari á skólabekk til að læra jafnréttislög"

Formaður Jafnréttisráðs segir það meira en sérkennilegt að Ögmundi Jónassyni, innanríkisráðherra, finnist í lagi að hann brjóti mannréttindalög. Í nágrannalöndum hefði honum verið gert að segja af sér samdægurs.

Fjórðungur kennara hefur ekki trú á skóla án aðgreiningar

Fjórðungur íslenskra grunnskólakennara hefur ekki trú á hugmyndafræði skóla án aðgreiningar, en aðeins 42 prósent eru jákvæð gagnvart henni samkvæmt nýrri könnun meðal kennara. Þá telja 77 prósent kennara að álag í kennslu hafi aukist mjög mikið á undanförnum fimm árum.

Erró heiðursborgari Reykjavíkur

Borgarráð samþykkti á fundi sínum, fimmtudaginn 30. ágúst, að gera listamanninn Erróað heiðursborgara Reykjavíkur. Jón Gnarr borgarstjóri tilkynnti þetta við hátíðlega athöfn við opnun sýningar á verkum listamannsins í Listasafni Reykjavíkur í dag.

Stríðsbrúðurin líklega komin í leitirnar

Dóttir íslenskrar konu, sem hvarf sporlaust á sjötta áratugnum, segist ekki hafa vitað um þann hrylling sem móðir hennar gekk í gegnum í fyrra hjónabandi sínu. Svo virðist sem Ragna Esther Gavin sé komin í leitirnar eftir sextíu ár.

Kviknaði í bíl í Mosfellsbæ

Eldur kom upp í bifreið í Mosfellsbæ eftir hádegi í dag. Samkvæmt upplýsingum frá varðstjóra hjá slökkviliðinu var bíllinn kyrrstæður þegar eldurinn kom upp. Eigandi hans var búinn að slökkva eldinn þegar slökkvilið kom á vettvang. Ekki er grunur um íkveikju. Talið er að eldurinn hafi kviknað út frá rafmagni. Enginn slasaðist.

Handtekin fjórum sinnum eftir að hafa hlustað á AC/DC

Bandarísk kona var handtekin fjórum sinnum á rúmlega sólarhring eftir að mikill hávaði barst frá íbúð hennar í bænum Epping í New Hampshire á dögunum. Það var ekki vegna partýhalda sem lögreglan var kölluð á heimili hennar heldur var konan, sem heitir Joyce Coffey, að hlusta á lagið Highway To Hell með hljómsveitinni AC/DC í öll skiptin. Eftir þrjár heimsóknir handtók lögreglan hana en sleppti henni fljótlega. Stuttu síðar barst tilkynning um að nú væru lög með hljómsveitinni Guns N' Roses byrjuð að hljóma. Hún var svo handtekin eftir að frændi hennar reyndi að nálgast eigur sínar í íbúðinni en var laminn með pönnu í höfuðið. Hún var þá handtekin. Coffey ku hafa verið undir áhrifum áfengis. Dómari ráðlagði henni að nota heyrnatól næst þegar hún hlustaði á rokkið. Málið hennar verður tekið fyrir 15. október næstkomandi.

Ráðist á heimasíðu Útlendingastofnunar

"Við erum búin að kæra þetta til lögreglu og þetta er komið í ferli þar,“ segir Kristín Völundardóttir, forstjóri Útlendingastofnunar. Ráðist var á heimasíðu stofnunarinnar í morgun en þetta er í annað skiptið á tæpri viku sem það gerist.

Getnaðarvarnar- og hjartalyf í skolpi hér á landi

Getnaðarvarnar- og hjartalyf eru á meðal efna sem mælast í skolpi á Íslandi, þetta sýnir ný norræn rannsókn.

Mun ræða Clint Eastwood hjálpa Mitt Romney?

Stjórnmálaskýrendur í Bandaríkjunum velta því nú fyrir sér hvernig ræða leikstjórans Clint Eastwood, á flokksþingi Repúblikana á dögunum, falli í kramið hjá kjósendum.

Ráðuneytið skoðar málið

Verið er að fara yfir úrskurð kærunefndar jafnréttismála í innanríkisráðuneytinu, eftir að nefndin úrskurðaði að Ögmundur Jónasson innanríkisráðherra hefði brotið gegn jafnréttislögum. Engin ákvörðun hefur enn verið tekin um framhaldið.

Hamraborgarhátíð í Kópavogi

Fjölmargir hafa lagt leið sína á Hamraborgarhátíðina í Kópavogi í dag en þetta er í þriðja sinn sem hátíðin er haldin. Hamraborginni hefur verið breytt í göngugötu þar sem m.a. er hægt að gera góð kaup á svokölluðum skottmarkaði þar sem bæjarbúar selja gömul föt og notaði muni beint úr skottinu á bílnum sínum.

Harður árekstur strætisvagna

Að minnsta kosti tuttugu og níu létust þegar tveir strætisvagnar skullu saman á þjóðvegi í norðausturhluta Nígeríu í gærkvöldi. Eldur kom upp í strætisvögnunum og brunnu margir farþeganna inni. Þjóðvegir í Nígeríu eru á meðal þeirra hættulegustu í heimi, samkvæmt alþjóðlegu heilbrigðisstofnuninni. Lögreglan rannsakar nú áreksturinn, en ekki hefur verið hægt að bera kennsl á alla þá látnu.

Boðað til kirkjuþings vegna þjóðaratkvæðagreiðslu um stjórnarskránna

Ákvæði um þjóðkirkju í stjórnarskrá er umræðuefni aukakirkjuþings sem stendur yfir í dag. Til þingsins var boðað vegna komandi þjóðaratkvæðagreiðslu um endurskoðun stjórnarskrárinnar.

Vill fund vegna fjárframlaga til stjórnmálaflokka

Margrét Tryggvadóttir, þingmaður Hreyfingarinnar, hefur óskað eftir því að stjórnskipunar- og eftirlitsnefnd Alþingis fái ríkisendurskoðenda á fund sinn hið fyrsta til að ræða fjárframlög fyrirtækja sem telja má tengda aðila til stjórnmálaflokka.

Vöffluilmur eftir undirskrift kjarasamnings

Vöffluilminn lagði frá Karphúsinu í gærkvöldi, venju samkvæmt, eftir að skrifað var undir kjarasamning milli Framsýnar- stéttarfélags og Landssambands smábátaeigenda vegna sjómanna á smábátum að 15 brúttótonnum.

Henti glerflösku í gegnum rúðu á skemmtistað

Dyraverðir á skemmtistað í miðborginni óskuðu eftir aðstoð lögreglu um eittleytið í nótt eftir að maður henti glerflösku í gegnum rúðu á staðnum. Þeim tókst að halda honum þar til aðstoðin barst en maðurinn var mjög æstur og streittist á móti handtöku þegar lögreglu bar að garði. Hann gistir nú fangageymslur og verður yfirheyrður í dag.

Ætlaði að ná fram hefndum - ruddist inn í vitlausa íbúð

Maður á fimmtugsaldri ruddist inn í íbúð á Akureyri um þrjúleytið í nótt og hafði þaðan á brott með sér tölvu. Húsráðanda var verulega brugðið og kallaði til lögreglu sem hafði upp á hinum seka og endurheimti þýfið. Svo virðist sem maðurinn hafi ætlað að jafna sakir við annan mann með athæfinu en fór inn í ranga íbúð. Hann var undir áhrifum áfengis en málið telst nú upplýst.

Biluð dæla brýtur á höfundarrétti Rúríar

"Enginn listamaður er sáttur við að verk hans séu sýnd í öðru en sínu rétta formi enda kveða lög á um að sé listaverk haft til sýnis í skemmdu eða biluðu ástandi, sé það brot á sæmdarrétti,“ segir myndlistarkonan Rúrí.

Barði í lögreglubifreið og lýsti vanþóknun sinni á störfum lögreglu

Mjög ölvaður karlmaður barði í lögreglubifreið og var með óspektir og alls kyns fúkyrði gagnvart lögreglu um fimmleytið í morgun. Honum var skellt í járn en maðurinn hélt áfram að lýsa vanþóknun sinni á störfum lögreglu, sem fann á honum fíkniefni við leit.

Lenti í "venjulegum útistöðum"

Maður var sleginn um í úthverfi Reykjavíkur um þrjúleytið og var árásarmaðurinn handtekinn en sá hafði einnig brotið rúðu í fyrirtæki skammt frá. Við yfirheyrslur bar hann því við að hafa lent í "venjulegum útistöðum" en hann fær að útskýra mál sitt frekar fyrir lögreglu þegar af honum rennur.

Kirkjuþing hófst í morgun

Auka-kirkjuþing hófst með helgistund klukkan níu í morgun. Þá tók við umræða um þjóðaratkvæðagreiðslu um endurskoðun stjórnarskrárinnar og ákvæðis um þjóðkirkjuna. Reglulegt kirkjuþing fer fram í nóvember en til þessa þings var sérstaklega boðað vegna atkvæðagreiðslunnar. Á dagskrá þingsins er einnig tillaga til þingsályktunar um hækkun sóknargjalda. Gert er ráð fyrir að þinginu ljúki í dag.

Hyggjast selja þyrluna hérlendis

Matthias Vogt, þyrlueigandi og flugmaður, ætlar að selja fisþyrlu sína hérlendis. Hann flaug henni ásamt Markusi Nescher, félaga sínum, hingað til lands í lok júlí og hafa þeir ferðast um landið síðan.

Sífellt fleiri í karlaklippingu

Í fyrra gekkst 581 undir ófrjósemisaðgerð hér á landi, 424 karlar og 157 konur, samkvæmt samantekt embættis Landlæknis. Það eru heldur færri aðgerðir en 2010, en nokkuð fleiri en 2004 til 2009.

ÍLS vill auðvelda gjaldfellingu

Sigurður Erlingsson, forstjóri Íbúðalánasjóðs (ÍLS), segir allt of marga lánþega sjóðsins hafa danglað í lánafrystingu í upp undir þrjú ár án þess að gera nokkuð í sínum málum. Ef menn ekki leiti til umboðsmanns skuldara þurfi að einfalda og stytta ferlið til gjaldfellingar lána.

Foreldrar fá að ráða hvort barnið sé busað

Foreldrar nýnema við Menntaskólann í Reykjavík (MR) verða að samþykkja bréflega að barn þeirra sé tollerað í busaviku skólans.

Sjómælingabátur við eftirlit

Eftirlits- og sjómælingabáturinn Baldur hefur í sumar verið notaður við sameiginlegt fiskveiðieftirlit Landhelgisgæslunnar og Fiskistofu. Eftirlitinu er þannig háttað að eftirlitsmenn Fiskistofu fara um borð í bátana, fara yfir veiðarfæri, afla, lögskráningu, samsetningu afla og afladagbækur. Hjá grásleppubátum er einnig kannaður netafjöldi, sem má vera 100 net á hvern lögskráðan skipverja um borð.

Fyllingin norðan Hörpu fjarlægð

Enn standa yfir framkvæmdir á lóð Hörpu, tónlistarhússins við höfnina í Reykjavík.