Eldur í litlu timburhúsi á Ísafirði

Eldur kviknaði út frá eldamennsku í litlu timburhúsi á Ísafirði í gærkvöldi. Húsráðandi hafði náð að slökkva eldinn með handslökkvitæki áður en slökkviliðið kom á vettvang, en þá var orðinn talsverður reykur i húsinu, sem liðið ræsti út. Húsráðanda sakaði ekki.

Nær 9.000 manns skipað að yfirgefa Wagga Wagga

Mikil flóð hafa valdið því að nær 9.000 manns hefur verið skipað að yfirgefa bæinn Wagga Wagga í New South Wales í Ástralíu.

Björgvin, Arnór og Davíð fyrir Landsdóm í dag

Björgvin G. Sigurðsson fyrrverandi viðskiptaráðherra, mun gefa skýrslu fyrir Landsdómi þegar þinghaldi verður fram haldið í Þjóðmenningarhúsinu klukkan níu.

Rafmagnsleysi veldur truflunum á ferðum Eurostar

Rafmagnsleysi í norðurhluta Frakklands hefur m.a. valdið miklum truflunum á ferðum Eurostar hraðlestarinnar sem gengur á milli Parísar og London.

Hrói höttur á sveimi í bænum Braunschweiger

Óþekktur Hrói höttur er á sveimi í bænum Braunschweiger í Neðra Saxlandi. Þessi einstaklingur hefur dreift hátt í 200.000 evrum á leynilegan hátt til ýmissa góðgerðarstofnana., kirkna og líknarstofnanna í bænum á undanförnum dögum.

Höfuðgasleiðslan um Sínaí sprengd í loft upp

Höfuðgasleiðslan frá Egyptalandi til Ísraels og Jórdaníu, sem liggur um Sínaí eyðimörkin var sprengd upp í gærkvöldi.

Tengsl milli drykkju unglinga og kvikmynda- og sjónvarpsefnis

Umfangsmikil könnun á unglingadrykkju sýnir að tengsl eru á milli kvikmynda- og sjónvarpsefnis sem unglingarnir horfa á og þess hve mikið áfengi þeir drekka.

Ofurþriðjudagur er í dag hjá Repúblikönum

Hinn svokallaði ofurþriðjudagur er í dag í prófkjörum Repúblikanaflokksins í Bandaríkjunum. Kosið verður í 10 ríkjum og geta úrslitin í þeim ráðið miklu um hver verður forsetaefni flokksins í kosningunum í haust.

200 manns keppa í skák í Hörpu

Reykjavíkurskákmótið hefst í Hörpu í dag og stendur í viku.

Romney spáð velgengni áfram

Mitt Romney gerir sér vonir um að styrkja stöðu sína í forkosningum Repúblikanaflokksins enn frekar í dag, þegar kosið verður í tíu ríkjum samtímis.

Fjöldi manns í mótmælum

Alvarlegir ágallar á framkvæmd forsetakosninganna í Rússlandi færa andstæðingum Vladimírs Pútín vopn í hendur. Opinber talning segir hann hafa fengið nærri 64 prósent atkvæða.

Milljarða samningur

Sterkustu börn í heimi?

Tveir bræður frá Rúmeníu eru eflaust sterkustu börn í heimi en þeir eru einungis fimm og sjö ára. Giuliano og Claudiu Stroe byrjuðu að stunda lyftinga þegar þeir voru tveggja ára gamlir en það er pabbi þeirra sem hefur látið þá lyfta lóðum reglulega. Styrkurinn hjá þeim er hreint út sagt ótrúlegur og í raun ótrúverðugt að svona ungir piltar geti haft svona mikinn styrk. Það eru þó ekki allir sem eru ánægðir með það hversu sterkir bræðurnir eru og hafa ýmsir gagnrýnt að ekki sé hollt fyrir svona litla og unga skrokka að lyfta mikið. En myndband af bræðrunum hefur slegið í gegn á netinu og hægt er að horfa á það með því að smella á meðfylgjandi hlekk.

Óveðrið gengur yfir á næstu klukkutímum

Óveðrið sem nú er á Suðuvesturlandinu mun ganga yfir á milli klukkan 22 og 23 í kvöld en mjög hvasst er til dæmis á höfuðborgarsvæðinu. Það mun þó halda áfram að rigna í kvöld og nótt. Á austurlandi er búist við miklu hvassvirðri í nótt og á morgun. Samkvæmt veðurfræðingi á Veðurstofunni má búast við miklum vindhviðum um allt land í nótt. Fólk er hvatt til að fylgjast með hlutum sem gætu fokið til í vindinum og festa þá vel niður. Þá skal fólk passa að niðurföll séu ekki stífluð í og við gangstéttir.

Íslandsmet í blóðsöfnun í dag

Um 200 blóðgjafar komu í heimsókn í Blóðbankann að Snorrabraut í Reykjavík í dag sem er Íslandsmet í blóðsöfnun á einum degi, samkvæmt upplýsingum frá Blóðbankanum.

Fólk þarf ekki að vera hrætt við að mæta í vinnuna á morgun

"Ég vil benda fólki á að líkurnar á svona árásum eru litlar og það þarf ekki að vera hrætt við að mæta í vinnuna á morgun. En það sem fyrirtæki þurfa nauðsynlega að gera núna, er að gera sig tilbúin fyrir þennan möguleika,“ segir Eyþór Víðisson öryggisfræðingur hjá VSI, öryggishönnun og ráðgjöf.

Mjólkin fram og til baka milli landshluta - arfavitlaust segir bóndi

Kúabændur á norðanverðum Vestfjörðum standa í stríði við Mjólkursamsöluna um lokun mjólkurstöðvarinnar á Ísafirði og segja arfavitlaust að aka mjólkinni í aðra landshluta og síðan aftur að sunnan til neytenda fyrir vestan. Fyrir fjörutíu árum voru níutíu kúabændur á norðanverðum Vestfjörðum en nú eru aðeins níu eftir. Bændurnir fáu sem eftir eru framleiða þó samtals meiri mjólk en allur fjöldinn gerði áður.

Rólegur í yfirheyrslum hjá lögreglu - tilbúinn að mæta örlögum sínum

Árásarmaðurinn er þrjátíu og fjögurra ára gamall Reykvíkingur en hann átti í vanskilum og sá lögmannsstofan um að innheimta eitt af lánum hans. Maðurinn virkar rólegur og yfirvegaður í yfirheyrslum hjá lögreglu. Ekkert bendir til þess að hann hafi verið undir áhrifum fíkniefna eða lyfja.

FME vill að íslensku bankarnir stilli innheimtuaðgerðum í hóf

Fjármálaeftirlitið hefur beint tilmælum til íslensku bankanna um að stilla innheimtuaðgerðum í hóf meðal þeirra sem réttaróvissa ríkir um í kjölfar gengislánadóms Hæstaréttar um miðjan Febrúar. Fulltrúar bankanna verða kallaðir á fund efnahags- og viðskiptanefndar Alþingis á morgun til að kanna viðbrögð þeirra við tilmælum FME. Á heimasíðu stjórnarráðsins segir að skuldastaða heimilanna var á meðal mála sem fjallað var um á fundi ráðherranefndar um efnahagsmál í dag. Að loknum fundinum á morgun er ætlunin að ræða nánar hvort þörf sé á auknum lagaheimildun, svo sem til að samræma aðgerðir sýslumanna, tryggja flýtimeðferð, endurupptöku mála sem reist voru á ólögmætum forsendum og til að tryggja gjafsókn eða skaðleysi neytenda í afdrifaríkum prófmálum. Nánar á heimasíðu stjórnarráðsins.

Haldið sofandi í öndunarvél - með sár á brjósti, hálsi og kviðarholi

Rúmlega sextugur karlmaður liggur þungt haldinn á gjörgæsludeild Landspítalans eftir að honum var sýnt banatilræði á lögmannskrifstofu í dag. Hann hlaut sár á brjóst, háls og kviðarhol.

Landsdómsmáli fram haldið á morgun - Davíð, Arnór og Björgvin mæta

Skýrslugjöf Geirs H. Haarde fyrir Landsdómi, sem staðið hefur yfir í allan dag er nú lokið. Málinu verður fram haldið klukkan tíu í fyrramálið en ekki klukkan níu eins og var í dag.

Gæsluvarðhalds krafist yfir árásarmanninum

Lögreglan ætlar að fara fram á gæsluvarðhald á morgun yfir manninum sem rést á karlmann á lögfræðiskrifstofunni Lagastoð í morgun. Lögreglan segir í tilkynningu sem var send fjölmiðlum rétt eftir klukkan fimm að svo virðist sem innheimta minniháttar skuldar hafi verið tilefni líkamsárásarinnar.

Samstaða kaus nýjan varaformann

Á fundi stjórnar Samstöðu, flokks lýðræðis og velferðar, 29. febrúar síðastliðinn var Sigurjón Norberg Kjærnested kjörinn annar varaformaður flokksins eftir að Sigurður Þ. Ragnarsson ákvað að segja skilið við flokkinn.

Geir: Afskipti mín af Icesave hefðu engu breytt

"Afskipti mín af því hvort Icesave ætti að vera í dótturfélagi í Bretlandi eða ekki hefðu engu breytt, og hefðu verið úr takti við málið," sagði Geir H. Haarde, fyrrverandi forsætisráðherra, fyrir Landsdómi í morgun.

Árásarmaðurinn í yfirheyrslu

Maðurinn sem fór inn á lögfræðiskrifstofuna Lagastoð í morgun vopnaður hnífi og stakk Skúla Sigurz, framkvæmdastjóra skrifstofunnar, hefur verið í yfirheyrslum eftir hádegi í dag.

Neyðarástand í Blóðbankanum: "Þurfum að spýta í lófana“

"Við höfum þurft að grípa til neyðarbirgða,“ segir Sveinn Guðmundsson, yfirlæknir Blóðbankans, en hann hefur lýst yfir neyðarástandi í Blóðbankanum þar sem sárlega vantar blóð. Meðal þess sem helst þarf eru blóðflokkarnir O plús og mínus og A einnig í plús og mínus.

Forsetaframboð: Hinir halda ótrauðir áfram - Ástþór lofar Spánarferð

Jón Lárusson lögreglumaður, sem fyrstur tilkynnti um framboð til forseta fyrir komandi kosningar, segir staðráðinn í að halda framboði sínu til streitu þrátt fyrir yfirlýsingu Ólafs Ragnars Grímssonar frá því í gær þess efnis að hann hyggist bjóða sig fram að nýju.

Segir Guðlaug Þór hafa komið gögnum í Kastljós

Gunnar Andersen, fyrrverandi forstjóri Fjármálaeftirlitsins telur alþingismanninn Guðlaug Þór Þórðarson hafa komið gögnum um sig til Kastljóss og að þau gögn hafi verið undirstaðan í umfjöllun þáttarins um hann í nóvember síðastliðnum. Stjórn FME kærði Gunnar til lögreglu fyrir helgi vegna gruns um að hann hafi brotið af sér í starfi með því að hafa, með ólögmætum hætti, aflað sér upplýsinga um Guðlaug Þór.

Landsdómur: Samantekt klukkan fimm

Þorbjörn Þórðarson og Breki Logason fréttamenn fara yfir það sem gerðist í aðalmeðferð Landsdómsmálsins í Þjóðmenningarhúsinu á milli klukkan 16 og 17.

Landsdómur: Sjötta samantekt - myndskeið

Þorbjörn Þórðarson og Breki Logason fréttamenn fara yfir það sem gerðist í aðalmeðferð Landsdómsmálsins í Þjóðmenningarhúsinu á milli klukkan 15 og 16.

Landsdómur: Fimmta samantekt - myndskeið

Þorbjörn Þórðarson og Breki Logason fréttamenn fara yfir það sem gerðist í aðalmeðferð Landsdómsmálsins í Þjóðmenningarhúsinu á milli klukkan 14 og 15.

Landsbankinn átti ekki nægar eignir fyrir dótturfélagið

Landsbankinn þurfti að leggja fram eignir sem ekki voru fyrir hendi, hefði hann ætlað sér að stofna sérstakt dótturfélag um starfsemi sína í Bretland, eða svokallað Icesave reikninga. Þetta sagði Geir H. Haarde, fyrrverandi forsætisráðherra, fyrir Landsdómi í morgun.

Landsdómur: Fjórða samantekt - myndskeið

Þorbjörn Þórðarson fréttamaður fer yfir það sem gerðist í aðalmeðferð Landsdómsmálsins í Þjóðmenningarhúsinu á milli klukkan 13 og 14. Sigríður Friðjónsdóttir hélt þar áfram að taka skýrslu af Geir H. Haarde.

Ummæli í DV dæmd dauð og ómerk: Rannsókn var ekki hafin

Ritstjórar DV, þeir Reynir Traustason og Jón Trausti Reynisson, auk fréttastjórans Inga F. Vilhjálmssonar, er gert að greiða Jóni Snorra Snorrasyni 200 þúsund krónur hver fyrir ummæli sem birtust um Jón Snorra í DV í mars á síðasta ári.

Ungmenni á ofsahraða í Bolungarvíkurgöngum

Svo virðist sem fámennur hópur ungra ökumanna stundi hraðakstur í Bolungarvíkurgöngum. Fram kemur á heimasíðu Umferðarstofu að þótt hraðakstur einskorðist síður en svo við bifhjólamenn, þá segja forráðmenn lögreglunnar á Vestfjörðum að algengt sé að einstaka bifhjólamenn fari á ofsahraða um göngin og láti félaga sína vakta ferðir og staðsetningu lögreglu á meðan.

Lætur brimið ekki hafa áhrif

„Ég byrjaði 12. apríl 1963, það var föstudagurinn langi. Þetta man ég nákvæmlega,“ segir Atli Aðalsteinsson í Vestmannaeyjum, sem hefur spilað á golfvellinum þar í 49 ár með hléum.

Landsdómur: Þriðja samantekt - myndskeið

Þorbjörn Þórðarson fréttamaður fer yfir það sem gerðist í aðalmeðferð Landsdómsmálsins í Þjóðmenningarhúsinu á milli klukkan 11 og 12. Sigríður Friðjónsdóttir hélt þar áfram að taka skýrslu af Geir H. Haarde.

Landsbankinn kærði árásarmanninn til lögreglu fyrir þjófnað

Maðurinn, sem hefur verið handtekinn vegna morðtilraunar í morgun, var með vélhjól á lánum hjá SP-Fjármögnun. Samkvæmt heimildum fréttastofu kærði Landsbankinn manninn til lögreglu vegna þess að maðurinn hélt því fram að hjólið væri horfið.

Brynjar Níelsson: Hvaða starfsmaður sem er hefði getað lent í árásinni

"Starfsfólkið er í áfalli,“ sagði Brynjar Níelsson, formaður Lögmannafélags Íslands, en hann starfar á sömu skrifstofu og hnífaárásin átti sér stað í morgun. Hann sagði í samtali við fréttastofu að skrifstofunni verði lokað í dag vegna rannsóknar lögreglu og verður áfram næstu daga.

Var ekki hægt að vefengja mat erlendra endurskoðenda

Geir Haarde segir að nú sé augljóst að eigið fé bankanna hafi samanstaðið af uppblásnum eignum. Það hefði hins vegar ekki verið hægt að benda á þetta fyrir hrun bankanna. "Átti ríkisstjórnin að draga í efa að úppáskriftir alþjóðlegra endurskoðunarfyrirtækja væri í lagi,“ sagði Geir.

Landsdómur: Önnur samantekt - myndskeið

Þorbjörn Þórðarson fréttamaður fór yfir það sem gerðist í aðalmeðferð Landsdómsmálsins í Þjóðmenningarhúsinu á milli klukkan 10:00 og 11. Sigríður Friðjónsdóttir tók þar skýrslu af Geir H. Haarde.

Guðni hlaut áverka þegar hann reyndi að bjarga manni frá hnífaárás

Guðni Bergsson, lögfræðingur og fyrrverandi landsliðsfyrirliði í knattspyrnu, hlaut skurðáverka þegar hann reyndi að koma samstarfsmanni sínum til bjargar í morgun. Karlmaður stakk manninn ítrekað með hnífi. Guðni var stunginn tvívegis í lærið en árásin átti sér stað skömmu fyrir klukkan tíu í morgun á lögfræðistofunni Lagastoð í Lágmúla.

Björgvin ekki leyndur neinu - samt haldið frá fundum

Geir Haarde, fyrrverandi forsætisráðherra, telur að Björgvin G. Sigurðsson, fyrrverandi viðskiptaráðherra, hafi ekki verið markvisst leyndur neinum upplýsingum í aðdraganda að hruni bankanna. Þetta sagði Geir þegar Andri Árnason verjandi hans spurði hann út í upplýsingar sem einstakir ráðherrar höfðu frá samráðshópi um fjármálastöðugleika.

Starfsmaður lögfræðistofu stunginn - einn handtekinn

Karlmaður var stunginn á lögfræðistofu í Reykjavík í Lágmúla í morgun. Einn maður hefur verið handtekinn samkvæmt heimildum Vísis. Svo virðist sem maðurinn hafi ráðist á starfsmanninn snemma í morgun og stungið hann nokkrum sinnum.

Fullyrtu að fall Lehman hefði engin áhrif á íslensku bankana

Fulltrúar bankanna fullyrtu á fundi með Geir Haarde, þann 18 september 2008, að bankarnir væru nægjanlega vel fjármagnaðir til ársins 2009. Þetta fullyrti Geir fyrir Landsdómi í morgun.