„Tilfinningalegt tjón“ - myndband úr eftirlitsmyndavél Lindu

Brotist var inn á skrifstofu Lindu Pétursdóttur á líkamsræktarstöðinni Baðhúsinu í morgun. Einkatölvu hennar var stolið og þar með fjölskyldumyndum síðustu fimm ára. Linda hafði tekið afrit af myndunum en þeim var einnig stolið.

Smástirni fór nálægt jörðu

Smástirni á stærð við flutningabíl fór framhjá jörðu í morgun í um 45 þúsund kílómetra hæð. Það er talsvert nálægt, miðað við stærðir í geimum.

Enn haldið sofandi í öndunarvél

Karlmanni sem missti meðvitund í tanki við Strandgötu um hádegisbilið í gær er enn haldið sofandi. Samkvæmt upplýsingum frá yfirlækni gjörgæslu Landspítalans við Fossvog er líðan mannsins óbreytt.

Bætist í hóp mótmælenda

Um fjörutíu og fimm manns eru nú samankomnir fyrir utan Stjórnarráðshúsið og fer þeim fjölgangi en þar var boðað til tunnumótmæla klukkan tíu í dag.

Kínverjar tala ekki við Norðmenn

Kínverjar hafa nú afboðað alla fundi með sjávarútvegsráðherra Noregs og Lisbeth Berg-Hansen hefur hætt við heimsókn sína til Peking.

37 fórust þegar lest ók á hópferðabíl

37 fórust í morgun og 12 eru alvarlega slasaðir eftir að hópferðabíll ók í veg fyrir lest í austurhluta Úkraínu. Bílstjórinn virti að vettugi aðvörunarsírenur við lestarsporið og ók út á teinana. Hinir slösuðu eru allir alvarlega slasaðir eftir því sem björgunarfólk á staðnum segir. Umferðarslys og lestarslys eru tíð í Úkraínu sökum lélegs viðhalds og úr sér genginna umferðarmannvirkja.

Fámenn og friðsæl mótmæli

Rúmlega tuttugu manns standa við tunnur fyrir utan Stjórnarráðshúsið og mótmæla. Lögreglan er með nokkurn viðbúnað eftir að skemmdarverk voru unnin á húsinu í nótt af ölvuðum manni.

Lögreglan hefur girt af Stjórnarráðshúsið

Lögreglan hefur girt af Stjórnarráðshúsið með gulum borðum vegna mótmæla sem boðað hefur verið til við húsið nú klukkan tíu. Fáir mótmælendur eru á staðnum en lögreglan er með nokkurn viðbúnað.

Tunnumótmæli að hefjast við Stjórnarráðshúsið

Boðað hefur verið til mótmæla við Stjórnarráðshúsið milli klukkan tíu og tólf undir yfirskriftinni: Tunnum ríkisstjórnina. Nokkur fjöldi mótmælenda svaf úti við Stjórnarráðshúsið í nótt til að vekja athygli á bágri stöðu fjölda fólks.

Brotist inn í Baðhúsið

Brotist var inn í líkamsræktarstöðina Baðhúsið við Brautarholt undir morgun og þaðan meðal annars stolið tölvu úr afgreiðslunni. Einnig var rótað mikið til í leit að verðmætum. Þjófurinn komst inn um glugga á bakhlið og hefur líklega farið þar út líka, en hann er ófundinn.

Sautján létust í árekstri í Póllandi

Sautján létust í hörðum árekstri sunnan Varsjár í Póllandi í morgun. Slysið varð í svartaþoku þegar vöruflutningabíll fór yfir á rangan vegarhelming og skall framan á smárútu með fullum þunga. Sextán farþegar rútunnar voru látnir þegar að var komið og sá sautjándi lést á spítala. Einn til viðbótar er alvarlega slasaður.

N-Kórea: Elsti sonurinn vill ekki erfðaveldi

Elsti sonur Kim Jong-Il leiðtoga Norður Kóreu, Kim Jong-nam, segist vera mótfallinn því að litli bróðir hans taki við stjórnartaumunum í landinu eins og allt útlit er nú fyrir.

Palestínumenn líta ekki við tilboði Ísraela

Palestínumenn hafa hafnað tilboði Ísraelsmanna um að láta tímabundið af framkvæmdum í landnemabyggðum á Vesturbakkanum. Benjamín Netanyahu forsætisráðherra Ísraela sagðist vera reiðubúinn að láta af framkvæmdunum í ákveðinn tíma, ef leiðtogar Palestínu myndu viðurkenna tilvist Ísraels sem ríkis.

Mesta jafnréttið er á Íslandi

Ísland heldur efsta sætinu á jafnréttislista World Economic Forum, annað árið í röð. Samkvæmt skýrslunni er Ísland það land í heiminum þar sem mest jafnræði ríkir á milli karla og kvenna.

Árásarmannsins enn leitað

Lögreglan á höfuðborgarsvæðinu leitar enn að manni, sem réðst á 16 ára stúlku í Laugardalnum í Reykjavík síðdegis í gær og veitti henni áverka með steini.

Síldin gengin inn á Breiðafjörð

Mikið af síld úr íslenska sumargotssíldarstofninum er nú gengin inn á Breiðafjörð og eru stórar torfur undan Grundarfirði og Stykkishólmi.

Braut rúður í Stjórnarráðshúsinu

Tæplega þrítugur karlmaður gekk berserksgang fyrir utan Stjórnarráðshúsið við Lækjargötu um hálftvö leitið í nótt og braut þar átta rúður með barefli.

Gríðarlegt tjón í bruna í Hafnarfirði

Gríðarlegt tjón varð þegar mikill eldur gaus upp í stórum dekkjalager á hjólbarðaverkstæðinu Pit Stop við Rauðhellu, austan við Álverið í Straumsvík laust fyrir klukkan hálf eitt í nótt.

Grunnur lagður að sameiningu fjögurra ríkisháskóla

Svo getur farið að innan nokkurra ára verði fjórir ríkisháskólar sameinaðir í einn. Katrín Jakobsdóttir, mennta- og menningarmálaráðherra, hefur sett á fót samstarfsnet skólanna, „með hugsanlega sameiningu í huga“, eins og segir í greinargerð fjárlagafrumvarps næsta árs.

Enn einn handtekinn vegna fjársvikamáls

Karlmaður var í gær úrskurðaður í gæsluvarðhald fram á föstudag vegna rannsóknar lögreglunnar á höfuðborgarsvæðinu á umfangsmiklu fjársvikamáli. Maðurinn er talinn tengjast málinu sem snýst um svik á virðisaukaskatti, þar sem sviknar voru út um 270 milljónir króna.

Réðust inn á heimili í Hveragerði

Fjórar manneskjur í annarlegu ástandi vegna fíkniefnaneyslu, frömdu húsbrot í Hveragerði í nótt. Fólkið ruddist þar inn á heimili sambýlisfólks um fimmtugt, hafði í hótunum og þóttist vera að innheimta einhverja skuld.

Fjölgað um 35% á vanskilaskrá

Íslendingum sem eru í svo miklum skuldakröggum að þeir eru komnir á vanskilaskrá hefur fjölgað um 35 prósent á tveimur árum. Um 22 þúsund Íslendingar eru með skuldir sem komnar eru í löginnheimtu, þar sem hefðbundnum lögfræðilegum innheimtuaðgerðum er beitt við innheimtu kröfunnar, og þar með á vanskilaskrá.

Lögregluþjónn fer í fangelsi

Grískur lögregluþjónn var í gær sakfelldur fyrir að hafa myrt fimmtán ára ungling með skotvopni í miðborg Aþenu síðla árs 2008. Hann var dæmdur í ævilangt fangelsi.

Rannsaka síðustu daga Sigurplasts

Grunur leikur á að gögn hafi verið fjarlægð úr bókhaldi iðnfyrirtækisins Sigurplasts í Mosfellsbæ þegar fyrri eigendur fóru frá og áður en nýr framkvæmdastjóri á vegum Arion banka tók við því fyrir um hálfum mánuði. Þá hefur tölvukerfi fyrirtækisins legið niðri frá sama tíma. Ekki er vitað hvað var gert við það, samkvæmt heimildum Fréttablaðsins.

Ríkisendurskoðandi hafnar bullbrigslum

Sveinn Arason ríkisendurskoðandi gerir athugasemdir við ummæli Álfheiðar Ingadóttur, fyrrverandi heilbrigðisráðherra, í Fréttablaðinu á laugardag. Þar lýsti Álfheiður ummælum Ríkisendurskoðunar í skýrslu um framkvæmd fjárlaga yfirstandi árs sem „bulli“.

Sæstrengur fyrir umframorku

Raforkuframleiðsla Kárahnjúkavirkjunar hefur að meðal­tali verið á bilinu þrjú til fjögur prósent umfram áætlanir á ári frá því að virkjunin var tekin í notkun.

Grunur um mistök hermanna

Rannsókn verður gerð á því hvort bandarískir hermenn hafi valdið dauða breskrar konu, Lindu Norgrove, þegar þeir hugðust bjarga henni frá mannræningjum í Afganistan í síðustu viku.

Vill atkvæðagreiðslu um kattahald

Jón Gnarr borgarstjóri vill atkvæðagreiðslu um kattahald í Reykjavík. S. Björn Blöndal, aðstoðarmaður borgarstjóra, segir að ekkert sé búið að ákveða um framkvæmd atkvæðagreiðslunnar en málið sé í skoðun.

Þorgerður Katrín vill fund vegna St. Jósefsspítala

Þorgerður Katrín Gunnarsdóttir, þingmaður Sjálfstæðisflokksins, hefur óskað eftir fundi þingmanna Suðvesturkjördæmis vegna St. Jósefsspítala/Sólvangs og boðaðs niðurskurðar í fjárlagafrumvarpi fyrir árið 2011. Þorgerður vill að á fundinn verði boðaðir allir þingmenn suðvesturkjördæmis, sveitarstjórnmenn í Hafnarfirði, framkvæmdastjóri spítalans, forystumenn áhugahóps um framtíð St. Jósefsspítala/Sólvangs og heilbrigðisráðherra.

Rándýrt málverk eftir Michelangelo uppgötvað

Talið er að búið sé að uppgötva eitt af merkilegustu málverkum listamannsins Michelangelos. Það er talið vera 190 milljóna sterlingspunda virði og einn merkasti listafundur aldarinnar, segir sérfræðingur í samtali við breska blaðið Daily Telegraph. Verðmæti listaverksins gæti jafngilt 33 milljörðum íslenskra króna.

Stofnfrumumeðferð hafin í Bandaríkjunum.

Fyrsta opinbera tilraunin til þess að nýta stofnfrumur við meðferð sjúklinga er hafin í Bandaríkjunum. Matvæla- og lyfjaeftirlitið gaf læknum í Atlanta heimild til þess að hefja notkun slikra fruma í meðferð við mænuskaða. Stofnfrumur geta komið í stað ýmissa fruma sem starfa í líkamanum, þar á meðal taugafruma.

Tugmilljóna króna fjárdráttur í Hvítasunnusöfnuðinum

Upp hefur komist um tugmilljóna króna fjárdrátt hjá Hvítasunnusöfnuðinum. Málið verður kært til lögreglunnar, en það verður kynnt söfnuðinum á félagsfundi í kvöld.

Hvetur Kínverja til að taka þátt í baráttunni fyrir mannréttindum

Ólafur Ragnar Grímsson, forseti Íslands, ítrekar fyrri hvatningar sínar til kínverskra ráðamanna og beinir því til alþjóðasamfélagsins að það sameinist í baráttunni fyrir mannréttindum svo að málfrelsi verði hvarvetna virt og engir séu hnepptir í fangelsi vegna skoðana sinna.

Össur hvetur Kínverja til að sleppa Liu Xiaobo

Össur Skarphéðinsson utanríkisráðherra hvetur kínversk stjórnvöld til að sleppa Liu Xiaobo, handhafa friðarverðlauna Nóbels í ár, úr haldi. Segir ráðherra engan eiga að sitja í fangelsi fyrir skoðanir sínar.

Fólk nýti bílastæði við Laugardalsvöll

Lögreglan á höfuðborgarsvæðinu beinir þeim góðfúslegu tilmælum til ökumanna sem eiga leið um Laugardalinn að nýta þau bílastæði sem þar eru í stað þess að leggja ólöglega á eða við götur á svæðinu.

Árásarmanns enn leitað

Mannsins, sem réðst á stúlku í Reykjavík í dag,. er enn leitað. Samkvæmt lýsingu lögreglu er hann um 170 sentimetrar á hæð, skolhærður og meðalmaður að vexti. Hann var í dökkum jakka eða dökkri peysu, í hvítum skóm með rauðum röndum.

Óskað eftir vitnum að slysi í Kópavogi

Lögreglan á höfuðborgarsvæðinu óskar eftir vitnum að umferðarslysi sem varð á Reykjanesbraut í Kópavogi, sunnan Smáralindar síðastliðinn fimmtudag. Slysið varð á milli kl. 14 og 14.30 þegar rauðri bifreið, trúlega af gerðinni Nissan Sunny, var ekið í veg fyrir svart bifhjól af gerðinni Kawasaki NNJA á fyrrnefndum stað en ökutækin voru á norðurleið.

Ísraelar bjóða áframhaldandi frystingu

Ísraelar hafa boðist til þess að framlengja frystingu á landnemabyggðum á Vesturbakkanum ef heimastjórn palestínumanna fellst á að viðurkenna Ísrael sem þjóðríki gyðinga.

Ráðist á unga konu - árásarmanns leitað

Ung stúlka, 16 til 17 ára gömul, var flutt á slysadeild á fjórða tímanum í dag eftir að á hana var ráðist. Að sögn lögreglu var um grófa árás að ræða og er árásarmannsins leitað. Að sögn vakthafandi læknis á slysadeild er stúlkan í skoðun og frekari upplýsingar eru ekki gefnar að svo stöddu.

Fannst meðvitundarlaus í tanki við Strandgötu

Karlmanni er haldið sofandi á gjörgæsludeild Landspítalans í Fossvogi eftir að hann missti meðvitund í tanki við Strandgötu í Hafnarfirði fyrr í dag.

Konur kaupa viljandi of lítil föt

Yfir helmingur 4000 breskra kvenna sem talað var við vegna nýlegrar könnunar viðurkenndi að hafa keypt á sig of lítil föt. Hugsunin er: „Þegar ég er búin að missa fimm kíló smellpassa þessar buksur á mig."

Fæðingamet slegið á Akranesi

Fæðingamet, sem sett var á síðasta ári, hefur þegar verið slegið á Sjúkrahúsinu á Akranesi þrátt fyrir að október sé aðeins skammt á veg kominn.

Samstöðufundur á Selfossi vegna niðurskurðar

Boðað hefur verið til samstöðufundar við Hótel Selfoss síðdegis til að mótmæla fyrirhuguðum niðurskurði í heilbrigðisþjónustu.

Hver var í alvöru fyrstur til tungslsins?

Það eru til allskonar samsæriskenningar um fyrstu ferð manna til tunglsins. Sú róttækasta gengur útá að það hafi verið svindl frá upphafi til enda. Menn hafi ekki komist til tunglsins ennþá.

Stuðningsfulltrúar gagnrýna norræna velferðarstjórn

Stjórn félags ráðgjafa og stuðningsfulltrúa mótmælir harðlega niðurskurði í heilbrigðisþjónustu og velferðarmálum. „Samkvæmt nýju fjárlagafrumvarpi ætlar norræna velferðarstjórnin í stórfelldan og sársaukafullan niðurskurð sem mun bitna alvarlega á heilbrigðisþjónustu og velferð, og koma verst niður á byggðum utan höfuðborgarsvæðisins. Í þessum niðurskurði felst líka mikil fækkun starfsfólks við heilbrigðisstofnanir og við velferðarþjónustu. Félag ráðgjafa og stuðningsfulltrúa mótmælir þessari ráðagerð hástöfum!,“ segir í tilkynningu sem stjórn félagsins hefur sent frá sér.