Samstöðufundur á Selfossi vegna niðurskurðar

Boðað hefur verið til samstöðufundar við Hótel Selfoss síðdegis til að mótmæla fyrirhuguðum niðurskurði í heilbrigðisþjónustu.

Útvarpsstöðin Suðurland FM verður með beina útsendingu fyrir þá sem ekki eiga heimangengt. Samstöðufundurinn hefst klukkan fimm.

Á sama tíma og mómælin hefjast byrjar fundur sunnlenskra sveitastjórnamanna með heilbrigðisráðherra, þingmönnum og forsvarsmönnum heilbrigðistofnana á Suðurlandi. Sá fundur er haldinn inni á Hótel Selfossi.

Víða um land hafa verið haldnir mótmælafundur síðustu daga þar sem stór hluti íbúða á viðkomandi svæðum mætir. Má því búast við nokkrum fjölda við Hótel Selfoss síðdegis.

Í fjárlögum ársins 2011 er gert ráð fyrir 16 prósenta niðurskurði á Heilbrigðisstofnun Suðurlands, eða um 412 milljónum króna

Vegna þessa er gert ráð fyrir að segja þurfi upp allt að 60 manns sem þar starfa en stöðugildin nú eru 240.