Reyna að plástra mein Samfylkingarinnar

Samfylkingarfélagið á Fljótsdalshéraði vill að svonefnd Umbótanefnd Samfylkingarinnar taki til starfa sem fyrst til að leiða í ljós hvort hægt sé að plástra þau mein, sem hrjá Samfylkinguna um þessar mundir.

Vanþekking einkennir niðurskurðarhugmyndir

Virðingarleysi, skortur á samráði og vanþekking á staðháttum er rauði þráðurinn í mótmælum, sem nú dynja á stjórnvöldum vegna fyrirhugaðs niðurskurðar í heilbrigðismálum, sem verður lang mestur á landsbyggðinni.

Bjarni fékk ekkert fundarboð

Bjarni Benediktsson, formaður Sjálfstæðisflokksins, fékk ekkert fundarboð á fund ríkisstjórninnar með stjórnarandstöðunni í morgun. Hann segist tilbúinn í samstarf við ríkisstjórnina en segist ekki tilbúinn að taka þátt í einhverju sýndarsamráði.

Staðfestir viðræður við talibana

Hamid Karzai forseti Afganistans hefur staðfest að ríkisstjórn hans eigi í samningaviðræðum við talibana. Bandaríska dagblaðið Washington Post skýrði frá þessu í síðustu viku.

Borgin leggur þrjár milljónir í menningarsjóð Lennon

Reykjavíkurborg hefur lagt þrjár milljónir króna í menningarsjóðinn Imagine Peace - Reykjavík og mun árlega leggja honum til eina milljón króna á næstu þremur árum. Borgin stofnaði sjóðinn í samstarfi við Yoko Ono, ekkju Johns Lennon, en hún hefur enn ekki lagt fé í sjóðinn. Hún mun styrkja sjóðinn með beinu fjárframlagi en upphæðin hefur ekki verið gerð opinber. Yoko Ono er ekki formlegur aðili að sjóðnum en hann er stofnaður með hennar stuðningi.

Fulltrúar Hreyfingar og Framsóknar mættu á fundinn

Reglulegum fundarhöldum um skuldavanda heimilanna var fram haldið í morgun klukkan tíu en sérstökum hópi hefur verið komið á laggirnar og er stefnt að því að funda daglega uns niðurstaða fæst í málið. Hópinn skipa fimm ráðherrar, forsætis-, fjármála-, dóms-, félags- og viðskiptaráðherra ásamt fulltrúum stjórnarandstöðunnar.

Kínverjar refsa Norðmönnum

Kínverjar hafa aflýst fundi með sjávarútvegsráðherra Noregs sem átti að halda á miðvikudag. Lisbeth Berg-Hansen ráðherra er nú í Sjanghæ til þess að heimsækja norska skálann á heimssýningunni sem þar stendur yfir.

Upprættu kannabisræktun

Lögregla stöðvaði kannabisræktun í kjallaraíbúð í austurborginni á föstudag. Í tilkynningu segir að við húsleit hafi fundist tæplega 200 kannabisplöntur á lokastigi ræktunar. Á sama stað var einnig lagt hald á ýmsan búnað sem tengist starfsemi sem þessari. Húsráðandi, karl á fertugsaldri, var handtekinn í þágu rannsóknarinnar og játaði hann aðild sína að málinu.

Ólga meðal starfsfólks FME vegna nýrrar stöðu

Hópur starfsmanna Fjármálaeftirlitsins (FME) er uggandi vegna fyrirhugaðrar ráðningar í stöðu sviðsstjóra rekstrarsviðs. Starfið er nýtt innan Fjármálaeftirlitsins en ekki var gert ráð fyrir því í rekstraráætlun stofnunarinnar.

Drottningin nefnir nýtt skip

Elísabet Englandsdrottning mun síðar í dag í Southampton nefna nýtt skemmtiferðaskip Cunard skipafélagsins, en skipið er nefnt í höfuðið á drottningunni. Skipið er 92 þúsund tonn og er næst stærsta skip sem félagið hefur látið smíða, og það þriðja sem skýrt er í höfuðið á drottningunni. 16 þilför eru á skipinu og er það smíðað í svokölluðum Art deco stíl sem var allsráðandi á þriðja áratug síðustu aldar.

Styttist í að námamenn líti dagsljósið á ný

Björgunarmenn í Chile leggja nú lokahönd á göngin sem boruð hafa verið niður til námamannanna 33 sem hafa verið fastir neðanjarðar í rúma tvo mánuði.

Nasistabúningur kom frambjóðanda í bobba

Repúblikani sem er í framboði til fulltrúadeildar Bandaríkjaþings er í bobba eftir að myndir birtust af honum í Nasistabúningi. Rich Lott er í framboði í Ohio en líkur á því að hann nái kjöri í nóvember eru taldar hafa minnkað stórlega eftir að myndirnar birtust.

Stíflan gæti brostið á hverri stundu

Sérfræðingar á vegum Evrópusambandsins keppast nú við að koma í veg fyrir annað eðjuflóð í Ungverjalandi. Sjö hafa þegar látist í Ungverjalandi eftir að úrgangslón við álverksmiðju í landinu brast og rauð eitureðjan flæddi um nærliggjandi sveitir.

Hneykslun yfir framferði SA

Samtökin Sól á Suðurlandi lýsa mikilli hneykslun á framferði Samtaka atvinnulífsins , sem þau segja klaga umhverfisráðherra fyrir að vilja fyrir Hæstarétti skera úr um réttaröryggi almennings í byggðum við Þjórsá, vegna hugmynda um virkjanir þar.

Ólafi og Össuri boðið til Palestínu

Forsætisráðherra Palestínu hefur boðið Ólafi Ragnari Grímssyni, forseta Íslands og Össuri Skarphéðinssyni utanríkisráðherra, í heimsókn til Gasasvæðisins. Þetta kom fram á fundi sem Ismal Hanyeh átti með Sveini Rúnari Haukssyni, formanni félagsins Ísland-Palestína, í gær.

Margir Íslendingar í sambúð

Ungir Íslendingar eru líklegri til að vera í sambúð en gengur og gerist meðal ríkja Evrópusambandsins (ESB).

Út undir bert loft í vikunni

Fyrstu námumennirnir af þeim 33 sem hafa verið lokaðir niðri í námugöngum síðan í ágúst eiga nú von á því að komast út undir bert loft á miðvikudaginn. Um helgina tókst að bora ný göng niður til þeirra en verið er að styrkja þau að innan með málmröri svo þau falli ekki saman.

IP-staðlar betri lausn í flugi

Upplýsingatækni Fyrstu raunprófanir heims á notkun internetstaðla (VoIP) í samskiptum flugumferðar­stjórnar við flugvélar áttu sér stað hér á landi í nýliðnum mánuði.

Fimm ættliðir af sex hafa séð Rigoletto

Gissur Ólafur Erlingsson, langafi aðalstjörnu óperunnar Rigoletto, Ólafs Kjartans Sigurðarsonar, mætti á generalprufu sýningarinnar á fimmtudaginn. Ólafur Kjartan sjálfur er nýlega orðinn afi þannig að Gissur er þar með orðinn langalangalangafi en Gissur varð 101 árs í mars síðastliðnum. Rigoletto var frumsýnd á laugardaginn var.

Vert að fylgjast með Rúnu

Rúna Magnúsdóttir, eigandi Connected-Women.com og meðstofnandi BRANDit, komst á lista sem birtur var á heimasíðu viðskiptatímaritsins Forbes yfir tuttugu konur í alþjóða­viðskiptalífinu sem Forbes telur vert að fylgja eftir á samfélagsvefnum Twitter.

Öllum farþegum bjargað

Eystrasaltsferjan Lisco Gloria stóð í ljósum logum úti af ströndum Þýskalands um helgina eftir að sprenging varð um borð. Flytja þurfti 236 manns frá borði.

Auka öryggi vegfarenda

Landflutningar-Samskip ætla að koma fyrir alsjálfvirkum hjartastuðtækjum í flutningabílum á öllum helstu akstursleiðum félagsins til að auka almennt öryggi vegfarenda.

Nýtt leðjuflóð óhjákvæmilegt

Óhjákvæmilegt er að stífla úrgangslóns við súrálverksmiðju í Ungverjalandi bresti með nýju flóði rauðrar eiturleðju, að því er haft er eftir Zoltan Illes, umhverfisráðherra Ungverjalands.

Vötnin að þorna upp vegna hita og þurrks

„Þessi lága vatnsstaða er nú einfaldlega vegna þess hversu heitt hefur verið í veðri og úrkomulítið,“ segir Óli Þór Árnason, veðurfræðingur á Veðurstofu Íslands, um óvenjulega lágt yfirborð stöðuvatna á höfuðborgarsvæðinu um þessar mundir.

Eiginkonan handtekin

Bítlafjör í Háskólabíói - Ringo söng með

Bítilinn Ringo Starr, Yoko Ono, Sean Lennon og mæðginin Olivia og Dhani Harrison, ekkja og sonur bítilsins George Harrison, sungu saman lagið Give Peace a Change á tónleikum hljómsveitarinnar Plastic Ono Band í Háskólabíói í gær.

Þeir sem eru flinkir í prófkjöri óttast persónukjör

Formaður allsherjarnefndar Alþingis segir að ekkert standi í vegi fyrir því að frumvarp um persónukjör verði lagt fram á Alþingi í vetur. Hann vísar því á bug að persónukjör dragi úr möguleikum kvenna til að komast á þing.

Um fimmhundruð manns mótmæltu á Egilsstöðum

Um fimmhundruð manns mótmæltu niðurskurðartillögum til heilbrigðisstofnanna á starfssvæði Heilbrigðisstofnunnar Austurlands á borgarafundi á Egilsstöðum í dag. Þar voru tvær ályktanir samþykktar þar sem fram kemur að niðurskurðartillögurnar séu aðför að heilbrigðisþjónustu á starfsvæði HSA.

17 stiga hiti á Þingvöllum

Veðurbliða hefur verið nánast um land allt í dag og víða sést óvenju háar hitatölur, miðað við októbermánuð.

Boðað til svefnmótmæla

Hópur mótmælenda hefur boðað til nokkurskonar svefnmótmæla líkt og í byrjun mánaðarins. Þá munu mótmælendur sofa úti við stjórnarráðshúsið á Lækjargötunni en mótmælin munu fara fram aðfaranótt þriðjudags.

Fjöldi manns mótmælti á Seyðisfirði

Fjöldi manns mætti á samstöðufund við Sjúkrahúsið á Seyðisfirði í dag en þar var ályktun samþykkt. Í henni koma fram efasemdir um að um raunverulegan sparnað sé að ræða í niðurskurðaráætlunum ríkisins. Bent er á mikinn kostnað við flutning sjúklinga.

Ekki ástæða til þess að bjóða Framsókn í ríkisstjórn

Jóhanna Sigurðardóttir, forsætisráðherra, telur að þingmeirihluti ríkisstjórnarinnar nægi til að koma fjárlagafrumvarpinu í gegnum Alþingi. Ekki sé ástæða til að bjóða framsóknarmönnum sæti í ríkisstjórn.

Hitti forsætisráðherra Palestínu

Sveinn Rúnar Hauksson, formaður félags Íslands-Palestínu, átti í dag fund með forsætisráðherra Palestínu.

Rúmlega 1500 manns við tendrun Friðarsúlunnar

Í tilefni af tendrun Friðarsúlunnar á 70 ára fæðingarafmæli John Lennon, bauð Yoko Ono gestum í fríar kvöldsiglingar til Viðeyjar í gærkvöldi. Elding flutti rúmlega 1500 manns yfir sundin en aldrei fyrr hefur Elding flutt jafn marga farþega til Viðeyjar á jafn skömmum tíma.

Arnþór Helgason: Liu Xiaobo talinn ógna hagsmunum heildarinnar

„Það er inngróið í kínverska þjóðarsál að halda þjóðinni saman,“ segir Arnþór Helgason, formaður Kínversk-íslenska menningarfélagsins og vinuáttusendiherra Kínverja á Íslandi.

Telur niðurfærslu skulda mögulega

Dómsmálaráðherra segist hafa efasemdir um að almenn niðurfærsla skulda væri of þungbær fyrir ríkissjóð. Skoða þurfi málið í víðara samhengi. Forsætisráðherra segir að efnahagsáætlun stjórnvalda og Alþjóðagjaldeyrissjóðsins gæti þurft að taka breytingum verði ráðist í slíka aðgerð.

Gleðiganga í skugga blóðugra átaka

Serbneska lögreglan lenti í hörðum átökum við óeirðaseggi í Belgrad sem ætluðu að stöðva Gleðigöngu samkynhneigðra þar í borg.

Kínverjar vita ekki hver Liu Xiaobo er eða hvaða verðlaun hann fékk

Þrátt fyrir að Kínverjinn Liu Xiaobo hafi unnið nóbelsverðlaunin fyrir helgina vita fáir landar hans hver hann er og en færri að hann hafi unnið verðlaunin og fyrir hvað.

Slökktu ljósin og hjólaðu í vinnuna

Í dag eru fleiri en 7000 atburðir í 188 löndum þar sem vakið er athygli á frekar auðveldar leiðir til að draga úr loftslagsvá. Meðal annars í París.

Íslendingar mótmæla í Danmörku

Íslendingar í Danmörku hafa aftur boðið til mótmæla fyrir framan íslenska sendirráðið í Kaupmannahöfn á sama tíma og boðað hefur verið til mótmæla í Reykjavík.

Mótmæli á Egilsstöðum

Boðað hefur verið til mótmælafundar á Egilsstöðum klukkan þrjú í dag vegna boðaðs niðurskurðar á fjárframlögum til Heilbrigðisstofnunar Austurlands.

Fyrsta myndin af feðgum í Norður-Kóreu

Norður-Kóreska sjónvarpið sýndi í gær í fyrsta skiptið myndir af leiðtoga landsins Kim Jong-Il ásamt syni hans Kim Jong-un en sá er talinn líklegur eftirmaður föður síns í starfi.

Google hannar sjálfakandi bíl

Verkfræðingar Google fyrirtækisins hafa hannað sjálfkeyrandi bíl, og ekið honum þúsndir kílómetra án óhappa.

Einn handtekinn fyrir líkamsárás

Einn karlmaður var handtekinn á Akureyri í nótt fyrir líkamsárás. Samkvæmt upplýsingum frá lögreglunni náðist árásarmaðurinn og er hann í haldi. Hann verður yfirheyrður þegar hann vaknar.

John Lennon minnst um allan heim

Hundruðir manna komu saman í Strawberry Fields í Central Park í New York í gær til þess að minnast sjötugs afmæli Bítilsins John Lennon samkvæmt frétt New York Post.