Árásarmanns enn leitað

Mannsins, sem réðst á stúlku í Reykjavík í dag,. er enn leitað. Samkvæmt lýsingu lögreglu er hann um 170 sentimetrar á hæð, skolhærður og meðalmaður að vexti. Hann var í dökkum jakka eða dökkri peysu, í hvítum skóm með rauðum röndum.

Ekki hafa fengist nákvæmar upplýsingar um málavexti. Þó er vitað að hún er 16 til 17 ára gömul. Hún var flutt á slysadeild á fjórða tímanum í dag eftir að hún fannst við verslun Heimilistækja á Suðurlandsbraut. Óljóst er hvar árásin var gerð en að sögn lögreglu benti stúlkan í átt að Laugardal.