Arnarverk bauð lægst í breikkun Suðurlandsvegar

Verktakafyrirtækið Arnarverk ehf í Kópavogi bauð lægst í breikkun Suðurlandsvegar, en tilboð voru opnuð í dag. Alls bárust um 15 tilboð í áfangann. Um er að ræða tvöföldun og breikkun Hringvegar frá Fossvöllum í Lögbergsb

Hraðakstur á gossvæðinu veldur óþægindum fyrir bændur

Beiðni hefur borist frá lögreglunni á Hvolsvelli og bændum á öskufallssvæðinu um að ökumenn, sem leið eiga um svæðið, stilli hraða í hóf þar sem aska á vegum gýs upp við hraðakstur og veldur auknum óþægindum fyrir bændur.

Íslendingar megi ekki fela umræðu um hugsanlegar hættur

„Ég hélt að við Íslendingar hefðum lært þá lexíu að það þjónar ekki hagsmunum okkar sem þjóðar að reyna að fela eða þagga niður vitneskju um hugsanlega hættur,“ sagði Ólafur Ragnar Grímsson, forseti Íslands, í samtali við Reykjavík síðdegis á Bylgjunni.

Engin þörf fyrir grímur í Reykjavík

Engin þörf er fyrir grímunotkun á höfuðborgarsvæðinu eða öðrum svæðum þar sem ekki er talin hætta á öskufalli. Þetta kemur fram í nýrri tilkynningu frá almannavörnum.

Sjálfboðaliðum vegna eldgossins safnað á Facebook

Síða á Facebook hefur verið stofnuð til þess að safna sjálfboðaliðum sem eru tilbúnir að aðstoða bændur og aðra íbúa á gossvæðinu.

ASÍ vill funda um nýjan stöðugleikasáttmála

Alþýðusamband Íslands boðaði í dag til fundar með þeim aðilum sem höfðu frumkvæði að stöðugleikasáttmálanum í fyrra.

Drakk hugsanlega stíflueyðinn fyrir mistök

Karlmanni sem var úrskurðaður í gæsluvarðhald vegna gruns um að hafa átt þátt í því að karlmaður um fertugt innbyrti stíflueyði, hefur verið sleppt úr gæsluvarðhaldi.

Bæklingur um viðbrögð við öskufalli kominn út

Í dag var gefinn út á rafrænu formi þýddur bæklingur með leiðbeiningum um viðbúnað fyrir, eftir og meðan á öskufalli stendur.

Flestir vantreysta Morgunblaðinu og DV

Flestir vantreysta Morgunblaðinu og DV í könnun MMR þar sem spurt var um traust almennings til fjölmiðla. Fréttastofa Ríkisútvarpsins nýtur langmesta traustsins en alls sögðust 78,5 prósent treysta fréttastofunni. Tæp 5 prósent segjast vantreysta henni.

Flugi til London aflýst - en flogið til fjölda annarra borga

Í ljósi þess að heimildir til flugs til fleiri flugvalla í Evrópu hafa verið veittar stefnir Icelandair að því að fljúga í fyrramálið til Kaupmannahafnar, Stokkhólms, Osló, Amsterdam, Parísar og Manchester/Glasgow.

Sjóræningjar taka þrjú skip

Sómalskir sjóræningjar hafa rænt þrem tailenskum fiskiskipum tæplega 2000 kílómetra frá ströndum Sómalíu.

Hringt í erlenda starfsmenn og þeir spurðir hvort þeir séu á lífi

„Þetta er ekki mjög klókt hjá honum,“ segir Torfi G. Yngvason einn af eigendum Arctic Adventures um ummæli Ólafs Ragnars Grímssonar, forseta, sem hann lét falla í þættinum Newsnight í breska ríkissjónvarpinu (BBC).

Fimmtán högg með lögreglukylfu -myndband

Lögregluþjónn í Chicago hefur verið kærður fyrir ofbeldi og brot í starfi eftir að hann barði 28 ára gamlan mann sundur og saman með kylfu sinni.

Samningar í höfn hjá Norðuráli á Grundartanga

Kjarasamningar tókust milli Norðuráls Grundartanga ehf. annars vegar og FIT, VLFA, Stéttarfélags Vesturlands, VR og RSÍ hins vegar, kl. 01.30 aðfararnótt 20. apríl. Fundur hafði þá staðið í rúma 16 klukkutíma. Samningurinn gildir til 31. desember 2014. Þetta kemur fram á vefsíðu Ríkissáttasemjara.

Fjármálaráðherra gagnrýnir yfirlýsingar Ólafs Ragnars

Steingrímur J. Sigfússon, fjármálaráðherra, kallaði eftir hófstilltari og upplýstari umræðu um gosið í Eyjafjallajökli á Alþingi í dag.

Iceland Express til Kaupmannahafnar

Stefnt er að því, að vél Iceland Express til Kaupmannahafnar fari í loftið klukkan 21:30 í kvöld. Flugvallaryfirvöld í Kaupmannahöfn hafa lýst því yfir, að völlurinn verði opnaður flugumferð seint í kvöld, enda eru nýjustu verðurspár á flugleiðinni hagstæðar.

Gamlir flugkappar minnast árásar

Fjórir eftirlifandi flugliðar úr fyrstu loftárás Bandaríkjanna á Japan í síðari heimsstyrjöldinni komu saman um síðustu helgi í tilefni af því að 68 ár voru liðin frá því hún var gerð.

Iðnaðarráðherra: Það á að láta sérfræðinga spá gosi í Kötlu

„Mín skoðun er sú að það eigi að láta almannavarnir og vísindamenn um það að meta hvort eldgos í Kötlu sé á næsta leyti,“ segi Katrín Júlíusdóttir, iðnaðarráðherra vegna ummæla Ólafs Ragnars Grímssonar sem sagði í viðtali í þættinum Newsnight sem er sýndur í breska ríkissjónvarpinu að það væri ekki spurning hvort Katla gysi heldur hvenær.

Reynsluflug Airbus sýndi ekkert óeðlilegt

Flugvélaframleiðandinn Airbus nýtti sér í gær áætlað reynsluflug til þess að meta áhrifin sem aska frá Eyjafjallajökli hefur á flugvélar sem fljúga yfir Evrópu.

Engar hreyfingar í Kötlu

Engar hreyfingar tengdar Kötlu mælast á stöðvum vestan og austan Mýrdalsjökuls samkvæmt tilkynningu frá Jarðvísindastofnun Háskóla Íslands.

Frækileg björgun í fallhlífarstökki

Tuttugu og fjögurra ára gömul þýsk kona átti vinkonu sinni líf sitt að launa þegar fallhlífarstökk hennar misheppnaðist um síðustu helgi.

Davíð og Halldór réðu ferðinni við bankasöluna

Davíð Oddsson og Halldór Ásgrímsson réðu einir ferðinni þegar bankarnir voru einkavæddir á sínum tíma. Þetta segir Steingrímur Ari Arason sem þá sat í einkavæðinganefnd. Hann segir að reglum hafi verið vikið til hliðar og flokkshagsmunir settir í öndvegi.

Fiskútflytjandi segist tapa fimm milljónum á dag vegna flugbanns

Fiskútflytjandi í Sandgerði segir fyrirtæki sitt tapa fimm milljónum á dag vegna flugbanns í Evrópu. Skortur á ferskvöru hefur víða látið á sér kræla í Evrópu vegna gossins í Eyjafjallajökli.

Röskun flugs Icelandair hefur áhrif á 20 þúsund farþega

Icelandair mun í dag fljúga fimm flug til fjögurra Evrópuborga og tvö flug til Bandaríkjanna. Frá því eldgosið í Eyjafjallajökli lokaði flugumferð til og frá fjölmörgum Evrópulöndum fimmtudaginn 15. apríl hafa orðið miklar truflanir á flugi félagsins, þrátt fyrir að Keflavíkurflugvöllur hafi verið opinn allan tímann.

Íbúafundir haldnir á Laugalandi og í Vestmannaeyjum í dag

Í dag verða íbúafundir haldnir á Laugalandi og í Vestmannaeyjum með yfirvöldum og almannavarnanefnd í héraði, ásamt dýralækni, veðurfræðingi, jarðvísindamanni og fleiri sérfræðingum og fulltrúum stofnana sem koma að málum.

Lögreglan á Hvolsvelli þakkar fyrir aðstoðina

Lögreglan á Hvolsvelli hefur ekki átt sjö dagana sæla síðan gosið á Fimmvörðuhálsi hófst. Nú undanfarið hefur verið gríðarlegur viðbúnaður vegna gossins í Eyjafjallajökli.

Fangelsi fyrir innflutning á kókaíni og kannabisræktun

Héraðsdómur Reykjavíkur dæmdi í gær karlmann á þrítugsaldri í níu mánaða fangelsi fyrir meðal annars innflutning á 110 grömmum af kókaíni. Einnig var hann dæmdur fyrir kannabisræktun og umferðarlagabrot.

Maður sem innbyrti stíflueyði enn þungt haldinn á gjörgæslu

Karlmaður um fertugt sem innbyrti stíflueyði í teiti um helgina er ennþá haldið sofandi og er í öndunarvél á gjörgæslu Landspítalans að sögn vakthafandi læknis.

Ferðaþjónustan lítur ummæli Ólafs Ragnars alvarlegum augum

„Þetta er auðvitað grafalvarlegt mál,“ segir Erna Hauksdóttir, framkvæmdastjóri Samtaka ferðaþjónustunnar um viðtal sem birtist við Ólaf Ragnar Grímsson, forseta Íslands, í breska ríkisútvarpinu (BBC) nú um helgina.

Óvenju margir með Norrænu

Ferjan Norræna er væntanleg til Seyðisfjarðar um níu leytið með nokkuð á sjötta hundruð farþega, sem er meira en venjulega á þessum árstíma. Á sjöunda hundrað fara með ferjunni út klukkan átta annað kvöld og fullbókað er með henni frá Færeyjum til Danmerkur.

Íslendingum hefur fjölgað um 400 í ár

Í lok fyrsta ársfjórðungs 2010 bjuggu 317.900 manns á Íslandi, 159.900 karlar og 158.800 konur. Landsmönnum hafði þá fjölgað um 400 frá árslokum 2009 þegar þeir voru 317.500. Erlendir ríkisborgarar voru 21.600 í lok ársfjórðungsins. Á höfuðborgarsvæðinu einu bjuggu 201.200 manns.

Laus sæti með SAS til Osló eftir þrjá tíma

Farþegaþota frá SAS er nú á leið til landsins með farþega frá Osló. Vélin heldur til baka eftir um það bil þrjá klukkutíma. Um 100 sæti eru laus í vélinni fyrir þá sem þurfa að komast til Noregs.

Bond settur í salt

Framleiðslu á nýjustu James Bond myndinni hefur verið hætt um óákveðinn tíma. Framleiðendur myndarinnar segjast ekki vilja taka áhættuna á því að gera myndina, sem er sú 23 í röðinni, vegna óvissu um fjárhagslegt bolmagn og framtíð MGM kvikmyndaversins.

Opnað á milli Markarfljóts og Skóga

Þjóðvegurinn á milli Markarfljóts og Skóga var opnaður í gærkvöldi, en hann hefur verið lokaður síðan gosið hófst í Eyjafjallajökli og vegurinn var rofinn við Markarfljótsbrú.

Stefnt að flugi í dag - aflýst til London

Icelandair hefur tilkynnt að tveimur áætluðum flugum félagsins til London í dag, 20. apríl, hefur verið aflýst.

Flug að komast í samt lag - blikur þó á lofti

Fyrstu farþegaflugvélarnar í Norður-Evrópu hófu sig til flugs í morgun eftir nær algert fimm daga flugbann vegna Eldgossins í Eyjafjallajökli.

Sæfari fékk á sig brotsjó

Engan sakaði þegar Grímseyjarferjan Sæfari fékk á sig brotsjó með þeim afleilðingum að rúður brotunuðu í gluggum og sjór komst inn í skipið, þegar það var á leið til Grímseyjar í gær.

Öskufallið dreifist umhverfis jökulinn

Búist er við að öskufall úr Eyjafjallajökli dreifist umhverfis jökulinn í dag, en ekki aðeins til suðurs og suðausturs, eins og verið hefur. Nú er réttur mánuður síðan gos hófst í Fimmvörðuhálsi, sem flutti sig svo í Eyjafjallajökulinn.

„Verðum að bíta í það súra epli“

Fersk jarðarber, kryddjurtir og viðkvæmar káltegundir með stuttan líftíma mun skorta hér á landi til skamms tíma vegna röskunar á millilandaflugi til meginlands Evrópu. Ávextir og grænmeti með lengri líftíma eru yfirleitt flutt hingað sjóleiðina.

Hrafn fer fram á stærri lóð

Hrafn Gunnlaugsson leikstjóri segir að lausn kunni að vera í sjónmáli í deilu hans og borgaryfirvalda.

Höfuðpaurs í kókaín-smygli leitað á Spáni

Átta manns, sjö karlar og ein kona, sitja nú í gæsluvarðhaldi grunuð um að tengjast innflutningi á rúmlega þremur kílóum af mjög sterku kókaíni til Íslands fyrr í mánuðinum. Kókaínið kom í tveimur sendingum frá Alicante á Spáni, og vó hvor sending um 1.600 grömm.

Koma í veg fyrir að spennufíklar stelist inn á lokuð svæði

Lögreglan á Hvolsvelli hefur gríðarlegt eftirlit með Suðurlandsvegi undir fjöllunum til þess að koma í veg fyrir að óheiðarlegir spennufíklar stelist inn á lokuð svæði.

Flugumferð í eðlilegt horf á fimmtudaginn

Gera má ráð fyrir að flugumferð geti verið komið í eðlilegt horf á fimmtudaginn eftir gríðarlega röskun frá því í síðustu viku. Þetta er mat Loftferðaeftirlits Evrópu, eða Eurocontrol, að því er AFP greinir frá.

Aðsóknarmet á Vísi

Aldrei hafa fleiri skoðað Vísi en í síðustu viku. Notendur fóru upp í tæp 407 þúsund samkvæmt vef Samræmdrar vefmælingar og fjölgaði þeim um 47% miðað við fyrri viku. Hver notandi er aðeins talinn einu sinni.

Reykjavíkurborg virkjar varúðaráætlanir vegna gossins

Reykjavíkurborg hefur í varúðarskyni virkjað viðbragðsáætlanir sínar í samræmi við ákvarðanir Almannavarnarnefndar höfuðborgarsvæðisins, jafnvel þó að hverfandi líkur séu á að öskufall verði á höfuðborgarsvæðinu að mati Veðurstofu Íslands. Er það gert til að tryggja viðeigandi vöktun og undirbúning í ljósi eldgossins í Eyjafjallajökli. Heilbrigðiseftirlit Reykjavíkur fylgist náið með loftgæðum og vatnsbólum borgarinnar og sendir frá sér viðvaranir og leiðbeiningar ef ástæða þykir til.