Nefnd um erlendar fjárfestingar skoðar aðkomu Magma að HS Orku

Nefnd um erlendar fjárfestingar sem skipuð er af Alþingi og hefur það hlutverk að fylgjast með að lögum um erlendar fjárfestingar sé framfylgt mun á næsta fundi skoða aðkomu Magma Energy Sweden að HS Orku. Í tilkynningu frá Silju Báru Ómarsdóttur, fulltrúa í nefndinni segir að í fjórðu grein laganna sé fjallað um takmarkanir á fjárfestingu erlendra aðila í atvinnurekstri hérlendis.

Andlátið virðist ekki tengjast saknæmu athæfi

Búið er að bera kennsl á lík mannsins sem fannst látinn í Reykjavíkurhöfn í gær. Ekki er búið að greina aðstandendum hins látna frá nafni hans og því verður nafnið ekki birt í fjölmiðlum.

Kenningar Darwins of umdeildar fyrir Bandaríkjamenn

Framleiðendur bresku bíómyndarinnar Creation sem fjallar um ævi og störf Charles Darwin eru í vandræðum þar sem þeim hefur ekki tekist að finna dreifingaraðila að myndinni í Bandaríkjunum. Þar á bæ þykir efnið of eldfimt, en Darwin setti fyrstur manna fram þróunarkenninguna svokölluðu í bókinni Uppruni tegundanna.

Mömmu Ágústar úthýst af YouTube

YouTube myndskeið, þar sem ung dönsk kona auglýsir eftir barnsföður sínum, hefur vakið mikla eftirtekt í Danmörku að undanförnu. Nú hefur danska ferðamálastofan, VisitDenmark, fjarlægt myndskeiðið af YouTube.

Þjófótt par og bíll í vitlausum bæjarhluta

Par var handtekið við verslun N1 í Hrísmýri aðfaranótt föstudags en það hafði brotist inn í verslunina og var að bera þýfi út í bifreið sem það var á.

Stálu fimmtíu gróðurhúsalömpum

Fimmtíu gróðurhúsalömpum var í nótt, mánudag, stolið úr gróðrastöðinni Espiflöt í Laugarási.

Kanna persónuverndamál vegna viðskiptatengslaforrits

„Ríkisskattstjóri er að kanna persónuverndaþátt málsins," segir Skúli Eggert Þórðarson ríkisskattstjóri í samtali við Vísi.

Rússar lána Venesúelamönnum fyrir vopnum

Rússar hafa fallist á að lána Venesúelamönnum rúmlega tvo milljarða dollara til vopnakaupa.

Helstu menn Hollywood saman í mynd

Þrjár hasarmyndahetjur sameina krafta sína í kvikmynd, sem frumsýnd verður næsta sumar og hefur vakið mikla eftirvæntingu.

Deilur um hund enduðu með hnífstungu

Tæplega fimmtugur Dani stakk mann um þrítugt í magann í gærkvöldi eftir deilur um hund þess fyrrnefnda sem hann var að viðra.

Handtekinn eftir tíu bankarán

Maður, sem grunaður er um að hafa rænt tíu banka í fjórum ríkjum Bandaríkjanna, var handtekinn í Missouri á laugardaginn. Fyrrverandi lögreglumaður, sem látið hefur af störfum fyrir aldurs sakir, sá ræningjann á vegahóteli í borginni Kingdom.

Á sjöunda hundrað handteknir í Úganda

Að minnsta kosti 640 manns voru handteknir og fjórtán týndu lífinu í óeirðum í Kampala, höfuðborg Austur-Afríkuríkisins Úganda, um helgina.

Bin Laden ávarpar Bandaríkjamenn

Barack Obama er ófær um að stöðva stríðsátök í Afganistan. Þetta segir Osama bin Laden í hljóðupptöku sem hann kallar ávarp til bandarísku þjóðarinnar og var gert opinbert af fjölmiðlaarmi al Qaeda-hryðjuverkasamtakanna um helgina.

Ýsan hækkaði í verði síðasta fiskveiðiár

Ýsa hækkaði mun meira á fiskmörkuðum á nýliðnu fiskveiðiári heldur en þorskur þótt hún sé enn talsvert ódýrari en þorskurinn til útflutnings.

Enn unnið að því að bera kennsl á lík

Lögreglan á höfuðborgarsvæðinu mun nú hafa einhverjar vísbendingar um af hverjum líkið er, sem fannst í Reykjavíkurhöfn í gærmorgun.

Veitingahús fylltist af reyk

Tjón varð í pitsustað í Ögurhvarfi í Kópavogi í gærkvöldi, þegar hann fylltist af reyk.

Ók niður umferðarskilti á Akureyri

Ekið var á umferðarskilti á Akureyri í gærkvöldi, en ökumaður stakk af á bílnum.

Háskólanemar sviku út 300 milljóna bætur

345 háskólastúdentar í lánshæfu námi voru skráðir atvinnulausir á síðasta skólaári og þáðu atvinnuleysisbætur sem þeir áttu ekki rétt á. Þetta kom í ljós þegar nemendaskrár háskólanna voru keyrðar saman við upplýsingar um þá sem þegið hafa atvinnuleysisbætur.

Boðið að sýna Fridu í Mexíkó

Leiksýningin Frida… viva la vida verður að öllum líkindum sýnd í Mexíkó á næsta ári. Edgardo Bermejo Mora, menningarfulltrúi Mexíkó á Norðurlöndunum, var viðstaddur frumsýningu verksins á föstudag og varð svo hrifinn að hann ætlar að vinna að því að koma sýningunni á leiklistarhátíðir í Mexíkó. Þá hefur hann boðist til þess að finna þýðanda til að snara verkinu yfir á spænsku.

555 fasteignir í nauðungarsölu í Árborg

Samtals 199 fasteignir hafa verið seldar í nauðungarsölu hjá sýslumannsembættinu á Selfossi það sem af er þessu ári, að sögn Ólafs Helga Kjartanssonar sýslumanns. Þá eru 355 eignir nú í slíku söluferli. Til samanburðar má geta þess að allt árið í fyrra voru nauðungarsölur á fasteignum 129.

Í hundrað á fjórum sekúndum

„Þessi bíll ætti að útrýma hugmyndinni um sænska líffræðinginn við stýrið á litlum, kraftlausum og hallærislegum bíl,“ segir Teitur Þorkelsson hjá ráðgjafafyrirtækinu Framtíðarorku, um rafmagnssportbílinn Tesla.

Þykir sölumennska Securitas óábyrg

„Okkur finnst þetta óábyrg sölumennska og einkennilegt að fyrirtæki sem vill tengja sig við öryggi kjósi að kynna þjónustu sína á þennan hátt,“ segir Brynhildur Pétursdóttir, starfsmaður Neytendasamtakanna. Samtökunum hefur borist kvörtun vegna símasölu öryggisvörslufyrirtækisins Securitas.

Lögreglan mætti ekki á pókermótið

„Þetta hefur gengið eins og lygasögu. Pókerinn er orðinn gríðarlega vinsæll hérna á Íslandi og það komust færri að en vildu,“ segir Jóhann Ólafur Schröder, einn skipuleggjenda Íslandsmótsins í póker, sem haldið var um helgina.

Ókeypis bílastæðum fækkað

Gjaldfrjálsum bílastæðum fyrir starfsfólk Reykjavíkurborgar verður fækkað á næstu misserum. Ráðhúsið og skrifstofa borgarinnar í Borgartúni eru dæmi um mannmarga vinnustaði borgarinnar sem líklegt er að finni fyrir því.

Elsta kona Bandaríkjanna er stuðningsmaður Boston Red Sox

Mary Josephine Ray sem talin er vera elsta núlifandi kona Bandaríkjanna er mikill stuðningsmaður hafnaboltaliðsins Boston Red Sox. Mary fæddist 17. maí 1895 og er því 114 ára gömul. Japanska konan Kama Chinen sem er sögð elsta konan heims fæddist í byrjun maí sama ár. Mary sem er búsett í New Hampshire veit um fátt betra en ís og súkkulaðikossana frá Hershey's.

Kanna hæfi starfsmanna gömlu bankanna sem enn starfa í bönkum

Fjármálaeftirlitið skoðar nú hæfi ákveðinna starfsmanna gömlu bankanna sem enn eru við störf í bönkunum og hvort þeir tengist málum sem eru til rannsóknar vegna bankahrunsins. Þá er hæfi allra lykilstjórnenda og stjórna allra fjármálafyrirtækja, vátryggingarfélaga og lífeyrissjóða til endurskoðunar.

Leita af leiguhúsnæði til að hýsa fanga

Rúmlega 1600 manns eru á biðlista um afplánun vararefsingar í fangelsi vegna ógreiddra fésekta samkvæmt skýrslu ríkisendurskoðunar. Útistandandi sektir nema tæpum milljarði króna og öll fangelsi landsins eru yfirfull.

Landsmenn óvelkomnir í sumarhöll Lýðs

Mikil öryggisgæsla er við sumarhús Lýðs Guðmundssonar í Fljótshlíð. Myndavélar og skilti eru til varnar því að ókunnugir fari upp að húsinu.

Einkaþota sem var í eigu Baugs tekin yfir

GE Capital, dótturfélag General Electric, hefur tekið yfir einkaþotu sem var í eigu dótturfélags Baugs en fyrirtækið átti veð í vélinni. Verðmat vélarinnar er í kringum tveir og hálfur milljarður íslenskra króna.

Óljóst hvort Borgarahreyfingin lifi út kjörtímabilið

Þingmenn Borgarahreyfingarinnar íhuga enn hvort þeir hyggist starfa áfram fyrir hreyfinguna eftir miklar deilur um lög og framtíð hennar á landsfundi í gær. Stjórnmálafræðingur segir skipulags-og reynsluleysi einkenna flokkinn og ómögulegt sé að segja til um hvort hann lifi út kjörtímabilið.

Úrslitin á Íslandsmeistaramótinu í póker ráðast í kvöld

Úrslit liggja ekki fyrir á Íslandsmeistaramótinu í póker sem nú fer fram í fyrsta skipti. Um 190 manns hófu leika í gær en þegar mótið hófst að nýju í dag voru um 30 spilarar eftir.

Faðir Grænu byltingarinnar látinn

Margir sérfræðingar eru þeirrar skoðunar að með grænu byltingunni hafi verið komið í veg fyrir alheims hungursneyð á síðari hluta tuttugustu aldarinnar.

Biðja um hjálp við að bera kennsl á látinn mann

Lögreglan á höfuðborgarsvæðinu vinnur nú að því að bera kennsl á karlmann sem fannst látinn í Reykjavíkurhöfn á tíunda tímanum í morgun. Ekkert er vitað um tildrögin, en unnið er að rannsókn málsins.

Leiðtogarnir takast á í kappræðum

Angela Merkel, kanslari Þýskalands og leiðtogi kristilegra demókrata, mætir Frank Walter Steinmeier, utanríkisráðherra og leiðtogi jafnaðarmanna, í kappræðum í kvöld. Þjóðverjar ganga til þingkosninga eftir hálfan mánuð.

Schwarzenegger minntist fallinna slökkviliðsmanna

Í dag fór fram minningarathöfn í Los Angeles um tvo slökkviliðsmenn sem týndu lífi þegar þeir börðust við skógarelda í nágrenni borgarinnar í lok ágúst. Þá breiddust skógareldar stjórnlaust um stórt svæði norður af Los Angeles. Þúsundir þurftu að flýja heimili sín og stórt svæði íbúðabyggðar varð eldunum að bráð.

Hulda starfar einungis í nokkrar vikur í heilbrigðisráðuneytinu

Í síðustu viku var tilkynnt að Hulda Gunnlaugsdóttir myndi taka að sér tímabundna verkefnisstjórnun í heilbrigðisráðuneytinu. Áður hafði verið tilkynnt að hún myndi taka sér ársleyfi frá störfum sem forstjóri Landspítalans en brotthvarf hennar hefur vakið vangaveltur en innan við ár síðan hún tók við sem forstjóri spítalans.

Dorrit ofarlega á lista yfir litríkustu maka þjóðarleiðtoga

Dorrit Moussaieff forsetafrú er í áttunda sæti á lista Time fréttaritsins yfir litríkustu maka þjóðarleiðtoga. Í tímaritinu er því lýst hversu hugmyndarík hún sé og hversu dugleg hún sé að vekja athygli á ýmsu sem Ísland hafi upp á að bjóða, eins og Omega 3 töflur, Latabæ, hnéaðgerðir, heilsulindir vatn á flöskum og lambakjöt. Þá liggi hún almennt ekki á skoðunum sínum.

Skáksveit Salaskóla Norðurlandameistari

Skáksveit Salaskóla í Kópavogi hefur tryggt sér Norðurlandameistaratitil grunnskóla í skák þrátt fyrir að ein umferð sé eftir. Sveitin hefur unnið allar viðureignir sína og á nú aðeins eftir að keppa við aðra sveit heimamanna, en Svíar sendu tvær sveitir til keppni. „Afrek þessarar sveitar eru einstök en hún skartar nú Íslandsmeistaratitli, Norðurlandameistaratitli og heimsmeistaratitli. Ólíklegt er að nokkur skáksveit grunnskóla hafi unnið þvílík afrek,“ segir á heimasíðu Salaskóla.

Ekki búið að bera kennsl á hinn látna

Ekki er búið að bera kennsl á ungan mann sem fannst látinn í Reykjavíkurhöfn í morgun. Lögregla telur að maðurinn hafi verið á þrítugsaldri. Ekkert er vitað um tildrög, en unnið er að rannsókn málsins.

Segja skýrslu vistheimilisnefndar lögfræðilegan orðaleik

Fólk sem var vistað á Kumbaravogi í æsku er afar ósátt við þann hluta skýrslu vistheimilisnefndar sem fjallar um Kumbaravog. Þau vilja að þessi tiltekni hluti skýrslunnar verði endurskoðaður. Þau segja að játning manns hjá lögreglu um kynferðisbrot hafi verið dregin í efa í skýrslunni. Skýrslan er lögfræðilegur orðaleikur, að mati Maríu Halldórsdóttur.

Óvíst hvort norska stjórnin haldi velli

Alls er óvíst að ríkisstjórn Jens Stoltenbergs haldi velli í þingkosningunum sem fram fara í Noregi í dag. Fyrir aðeins nokkrum dögum var allt útlit fyrir að ríkisstjórn Stoltenbergs félli í kosningum til stórþingsins. Hún hefur þó aðeins braggast í nýjustu skoðanakönnunum sem benda til þess að hún fái áttatíu og fimm til áttatíu og níu af 169 þingsætum.

Þríeykið ákveður sig í vikunni

„Ég reikna með að við finnum út úr þessu einhvern tímann í næstu viku,“ segir Þór Saari. Þingmenn hreyfingarinnar íhuga nú eftir dramatískan landsfund hvort þeir muni starfa áfram fyrir Borgarahreyfinguna.

Lélegir stjórnmálamenn leita á náðir AGS

„Ef þú labbar um með skilti á maganum sem segir ég er hálfviti og kann ekki á hagkerfið mitt þá vill enginn koma með peninga inn í landið,“ segir Jón Daníelsson, hagfræðingur. Hann segir það merki um lélega stjórnmálamenn að hafa þurft að leita á náðir Alþjóðagjaldeyrissjóðsins.

Kæra illa meðferð í kjölfar mótmælanna í Íran

Tugir manna hafa lagt fram kærur í Íran vegna slæmrar meðferðar sem þeir fengu þegar þeir voru handteknir fyrir að mótmæla úrslitum forsetakosninga í landinu.

Tólf bresk börn lögð inn á sjúkrahús

12 bresk börn hafa verið lögð inn á sjúkrahús eftir að hafa sýkst af ecoli-bakteríunni í heimsókn á bóndabæ í Surrey. Fjögur barnanna eru sögð alvarlega veik. Þau eru öll undir tíu ára aldri.