Flensa í Hong Kong í rannsókn

Yfirvöld í Hong Kong hafa falið helstu vísindamönnum sínum að rannsaka flensu sem hefur dregið 3 börn þar til dauða. Ekki er vitað hvort hér er um ræða afbrigði af bráðalungnabólgu eða fuglaflensu - sem hefur aftur gert vart við sig í Hong Kong.

Rafiðnaðarmenn samþykkja samning við SA

Rafiðnaðarmenn bættust í dag í hóp þeirra fjölmörgu stétta sem samþykkt hafa nýgerðan kjarasamning verkalýðsforystunnar við Samtök atvinnulífsins,

Fjármálaráðherra Breta gegn drykkju og reykingum

Drykkjufólk, reykingafólk og ökumenn bíla sem menga mikið eru skotmörk Alistairs Darling, fjálaráðherra Bretlands, í nýju fjárlagafrumvarpi. Í því eru áform um endurskoðun á niðurskurði bifreiðatolls og kynntur til sögunnar nýr skattur gegn þeim bílum sem menga hvað mest.

Umboðsmanns aldraðra ekki getið í stjórnarsáttmála

Ekki kemur fram í stjórnarsáttmálanum að til standi að koma á fót umboðsmanni aldraðra og því þurfa stjórnarflokkarnir að ræða það, sagði Jóhanna Sigurðardóttir félags- og tryggingamálaráðherra í fyrirspurnartíma á Alþingi í dag.

Ríkisstjóri New York segir af sér

Eliot Spitzer ríkisstjóri New York sagði af sér nú rétt í þessu. Á blaðamannafundi sem sjónvarpað var beint á CNN baðst hann innilega afsökunar á því að hafa ekki staðist væntingar. Með konu sína sér við hlið sagðist hann iðrast mjög, en bætti jafnframt við að sem opinber starfsmaður hefði hann náð miklum árangri. Hann gæti þó ekki leyft persónulegum mistökum að skemma fyrir opinberum störfum sínum.

Um 1600 einstæðir foreldrar leigja en fá ekki húsaleigubætur

Um sextán hundruð einstæðir foreldar á höfuðborgarsvæðinu áttu hvorki fasteign né fengu húsaleigubætur í fyrra og ekki liggja fyrir upplýsingar um búsetuaðstæður þeirra.

Atvinnuleysið nánast hið sama

Atvinnuleysi í febrúar 2008 var 1% og voru að meðaltali 1.631 einstaklingur á atvinnuleysisskrá í mánuðinum. Þetta er lítilsháttar fjölgun frá janúarmánuði, eða um 86 manns, þó atvinnuleysið mælist óbreytt. Fyrir ári síðan, eða í febrúar 2007, var atvinnuleysið 1,3%.

Ánægja með þjónustu á vegum velferðasviðs Reykjavikurborgar

86% þeirra sem nýta sér þjónustu þjónustumiðstöðva borgarinnar eru ánægðir með hana og rúm 58% þjónustunotenda eru mjög eða frekar ánægðir með þjónustu Barnaverndar.

Eiginkona Guðmundar í Byrginu vill þrjár milljónir í skaðabætur

Helga Haraldsdóttir, eiginkona Guðmundar Jónssonar í Byrginu, hefur stefnt Erlu Hlynsdóttur, blaðamanni DV, og tveimur viðmælendum hennar, Magnúsi Einarssyni og Ólöfu Ósk Erlendsdóttur, fyrir meiðyrði sem Helga segir að hafi verið höfð um sig í helgarblaðsviðtali sem DV birti þann 2. ágúst í fyrra.

Íbúar New York vilja afsögn ríkisstjórans

Ný skoðanakönnun sýnir að sjö af hverjum tíu íbúum New York vilja að Eliot Spitzer ríkisstjóri segi af sér eftir að upp komst um tengsl hans við vændishring.

Telja bráðabirgðaflugstöð skynsamlegasta kostinn

Það er óþolandi að flug fái ekki að þróast á Reykjavíkurflugvellli eins og það ætti að gera sagði, Kristján L. Möller samgönguráðherra á Alþingi dag. Hann upplýsti jafnframt að hann hefði fundað með framkvæmdastjóra Flugfélags Íslands og borgarstjóra um málefni flugvallarins og skynsamlegasta leiðin væri að byggja bráðabirgðaflugstöð á vellinum.

Lögreglumenn íhuga stöðu sína eftir sýknudóm

„Þessi dómur vekur hjá mér mikla furðu," segir Steinar Adolfsson, formaður Landsambands lögreglumanna, en Héraðsdómur Reykjavíkur sýknaði í dag tvo af þremur Litháum sem ákærðir voru fyrir að ráðast á lögreglumenn sem voru við hefðbundið fíkniefnaeftirlit á Laugavegi í janúar.

Aðstoðarmannafrumvarp samþykkt eftir fimm og hálfs tíma umræður

Þingmenn samþykktu á Alþingi í dag frumvarp um þingfararkaup alþingismanna og þingfararkostnað sem gerir ráð fyrir að hluti þingmanna fái aðstoðarmann. Frumvarpið var samþykkt eftir rúmlega fimm og hálfs tíma umræðu á þingi.

Leiðtogar Kýpur hittast í næstu viku

Demetris Christofias nýr forseti Kýpurgrikkja mun hitta leiðtoga tyrkneska hluta Kýpur 21. mars næstkomandi. Eftir kosningu Christofias í síðasta mánuði óskaði hann eftir því að SÞ hefði milligöngu um fund milli hans og Mehmet Ali Talat til að endurvekja friðarviðræður sem sigldu í strand árið 2004.

Kjarabætur aldraðra og öryrkja í samræmi við lög

Kjarabætur til aldraðra og öryrkja breytast í samræmi við ákvæði laga þar um sagði Geir H. Haarde forsætisráðherra í óundirbúnum fyrirspurnartíma á Alþingi í dag.

Tryggingastofnun endurgreiðir 72 milljónir króna

Um þessar mundir er Tryggingastofnun að endurgreiða 32 þúsund sjúkratryggðum einstaklingum kostnað vegna heilbrigðisþjónustu.

Sakar Continental flugfélagið um manndráp

Franskur saksóknari hefur farið fram á að dómarar kæri bandaríska flugfélagið Continental fyrir manndráp vegna flugslyss árið 2000 þegar Concorde þota brotlenti við París. Saksóknarinn mælti einnig með svipuðum ákærum gegn tveimur starfsmönnum Continental og tveimur frönskum embættismönnum.

Allsherjarnefnd ræddi eftirlaunafrumvarp Valgerðar

Eftirlaunafrumvarp þingmanna var ásamt öðrum þingmannafrumvörpum til umræðu allsherjanefndar Alþingis í morgun,

Tveir Litháanna sýknaðir af árás á lögreglu

Tveir af Litháunum þremur sem ákærðir voru fyrir að ráðast á lögreglumenn við skyldustörf í miðborg Reykjavíkur í janúar hafa verið sýknaðir af ákæru í Héraðsdómi Reykjavíkur þar sem ekki þótti komin fram lögfull sönnun fyrir aðild þeirra að árásinni. Þriðji maðurinn var hins vegar dæmdur í 60 daga fangelsi fyrir að slegið tvo lögreglumenn í andlitið.

Annar verðbréfamiðlari handtekinn

Annar verðbréfamiðlari stórbankans Societe Generale hefur verið handtekinn í tengslum við rannsókn á verðbréfaviðskiptum fjárhættumiðlarans Jerome Kerviel. Miðlarinn er sagður vera kollegi Kerviel sem er í haldi í fangelsi í París.

Taka afstöðu til framkvæmdaleyfis fyrir Helguvíkurálver

Boðað hefur verið til aukafunda í bæjarstjórnum Garðs og Reykjanesbæjar klukkan hálfsex í dag og er ætlunin á báðum stöðum að taka afstöðu til byggingar- og framkvæmdaleyfa fyrir álver í Helguvík.

Ráðherra gefur vestfirsku lögreglunni tetrastöðvar

Björn Bjarnason ráðherra hefur gefið lögreglunni á Vestfjörðum 13 tetrastöðvar og mun hver og einn lögreglumaður framvegis hafa eigin tetrastöð til afnota.

Yfir hundrað skjálftar norður af Upptyppingum í morgun

Yfir eitt hundrað jarðskjálftar hafa mælst á svæðinu við Álftadalsdyngju norðaustur af Upptyppingum frá því klukkan sjö í morgun.

Yifrlögregluþjónn sem fékk áminningu farinn í veikindaleyfi

Yfirlögregluþjónn á Sauðárkróki hefur hætt störfum vegna veikinda. Skammt er síðan hann fékk áminningu og segir sýslumaður að átök fari ekki vel með fólk.

Ráðning Sigríðar Önnu ekki pólitískur bitlingur

Ingibjörg Sólrún Gísladóttir utanríkisráðherra segir einu leiðina til að fjölga konum í stétt sendiherra að sækja þær út fyrir utanríkisþjónustuna. Hún segir ráðningu Sigríðar Önnu Þórðardóttur ekki pólitískan bitling.

„Hefur í mínum huga alltaf legið ljóst fyrir“

Stefán Ólafsson, prófessor við Háskóla Íslands, fagnar nýrri samantekt OECD sem sýnir að skattar barnafjölkskyldna hér á landi hafi aukist á árunum 2000-2006 eins og hann hafi haldið fram. Hann veltir fyrir sér hvort Árni Mathiesen fjármálaráðherra muni draga til baka orð sem hann lét falla um að Stefán kynni ekki að reikna.

Óveður gengur enn yfir Bretland

Mikið hvassviðri heldur áfram að ganga yfir Bretland og valda tjóni. Vörubílar fjúka um koll og tré rifna upp með rótum. Skipuleggjendur Cheltenham kappaksturshátíðarinnar ákváðu að aflýsa öðrum degi kappakstursins. Sömu sögu er að segja af veðreiðum í Gloucesterskíri þar sem búist var við 55 þúsund manns.

Nýjar spurningar um "hobbitana" í Kyrrahafinu

Nýjar spurningar hafa vaknað um "hobbitana" eftir að bein fundust á Palau eyjaklasanum í Kyrrahafinu nýlega. Áður höfðu svipaðar leyfar af smávöxnu mannfólki fundist á eyjunni Flores sem er í 2000 km fjarlægð.

Björgvin virkastur ráðherra í umfjöllun ljósvakamiðla

Björgvin G. Sigurðsson viðskiptaráðherra reyndist virkastur sem viðmælandi ljósvakamiðla í tengslum við umfjöllun þeirra um ráðherrana eða ráðuneyti þeirra á síðari hluta síðasta árs.

Táragasi skotið að munkum í Tíbet

Kínverska lögreglan notaði táragas til að leysa upp hundruð Búddamunka sem mótmældu nálægt höfuðborg Tibet í gær. Samkvæmt fréttum Free Asia útvarpsstöðvarinnar sem er styrkt af bandarísku ríkisstjórninni umkringdu öryggisverðir um 500 munka í gær þegar þeir gengu nálægt lögreglustöðinni í Lhasa. Vitni sagði útvarpsstöðinni að um tvö þúsund vopnaðir lögreglumenn í mismunandi einkennisbúningum hefðu verið á staðnum og skotið táragasi að fólkinu.

250 mótmælendur í Danmörku ekki ákærðir

Lögreglan í Kaupmannahöfn hefur fallið frá því að ákæra 250 manns sem handteknir voru í tengslum við óeirðir vegna niðurrifs Ungdómshússins í borginni í september 2006.

Harmar rasistatal í tengslum við bílslys

Anna Guðbjörg Kristinsdóttir, móðir Kristins Veigars Sigurðssonar, sem lést í hörmulegu bílslysi skömmu fyrir síðustu jól, segir það vera agalega sorglegt hvað fólk sé fljótt að snúa umræðunni upp í rasistatal.

Krotað á flugvél El Al

Veggjakrot með skilaboðum í þágu Palestínumanna var skrifað á arabísku inn í farangusgeymslu El Al flugvélar. Veggjakrotið uppgötvaðist þegar verið var að afferma vélina á Malpensa flugvelli í Mílanó. Atvikið hefur vakið áhyggjur meðal Ísrela um flugvallaöryggi á Ítalíu.

Fangar í Guantanamo fá að hringja í ættingja sína

Bandaríkjaher hyggst leyfa föngum í Guantanamo-fangabúðunum á Kúbu að hringja reglulega í ættingja sína, í fyrsta sinn frá því að búðirnar voru settar á fót fyrir rúmum sex árum.

Frjáls og opinn hugbúnaður fær sömu tækifæri hjá ríkinu

Ríkisstjórnin samþykkti í gær stefnu um að gaf frjálsum og opnum hugbúnaði sömu tækifæri og séreignarhugbúnaði þegar tekin væri ákvörðun um kaup á nýjum búnaði fyrir ríkið.

BNA: Afsögn þýðir ekki stríð við Íran

Robert Gates, varnarmálaráðherra Bandaríkjanna ,hefur vísað á bug sem „fáránlegum" sögusögnum að afsögn æðsta yfirmanns hersins í Írak þýði að Bandaríkin ætli í stríð við Íran.

Gaf sig fram við lögreglu

Fimmti aðilinn sem lögreglan leitaði vegna þjófnaðar á skotvopnum í Hafnarfirði er nú fundinn. Hann gaf sig fram í gærkvöld eftir að lögreglan hafði náð tali af honum. Maðurinn, sem er rétt rúmlega tvítugur, viðurkenndi þátt sinn í málinu og einnig aðild sína að öðrum þjófnaðarmálum á höfuborgarsvæðinu að undanförnu. Manninum var sleppt að lokinni skýrslutöku og telst málið upplýst.

Top Gear kynnir í farsíma undir stýri

Mynd sem virðist sýna Jeremy Clarkson kynni Top Gear þáttanna tala í farsíma á meðan hann keyrir hefur verið afhent lögreglu.

Konur og börn létust í skothríð í Afganistan

Tvær konur og tvö börn létust þegar þau lentu í miðri skothríð milli hersveita á vegum NATO og uppreisnarmanna í suðurhluta Afganistans í gær.

Laun hækkuðu mest í iðnaði í fyrra

Heildarlaunakostnaður í landinu jókst um á bilinu 6,3 til 9,6 prósent á milli áranna 2006 og 2007 samkvæmt vísitölu launakostnaðar sem birt er á vef Hagstofunnar.

Vill ekki að teikning verði notuð í pólitískum tilgangi

Danski teiknarinn Kurt Westergaard hefur ákveðið að leita til dómstóla til þess að koma í veg fyrir að andstæðingar múslíma í Danmörku noti teikningu hans af Múhameð spámanni í mótmælum sem fyrirhuguð eru í Álaborg á laugardag.

Fundu 250 kíló af kókaíni í gámi í Sydney

Fíkniefnalögreglan og tollverðir í Ástralíu hafa lagt hald á kókaín að andvirði rúmlega fimm milljarða króna.

Skattar á barnafjölskyldur hafa aukist á síðustu árum, segir OECD

Ísland er í hópi þeirra ríkja þar sem skattar á barnafjölskyldur hafa aukist á árabilinu 2000-2006 samkvæmt samtantekt Efnahags- og framfarastofnunarinnar, OECD. Þá hafa breytingar á skattkerfi hér á landi fyrst og fremst gagnast þeim tekjumeiri ólíkt því sem víða gerist innan OECD.

Skarst illa á hendi við að leggja bárujárn

Maður skarst illa á hendi þegar hann var að leggja bárujárn á þak sumarbústaðar í Grímsnesi í gær.

Línubátur strandaði á leið frá Sandgerði

Engan sakaði þegar línubáturinn Björgmundur ÍS strandaði á leið frá Sandgerði um klukkan hálf fimm í morgun.