Leiðtogar Kýpur hittast í næstu viku

Demetris Christofias nýr forseti Kýpurgrikkja mun hitta leiðtoga tyrkneska hluta Kýpur 21. mars næstkomandi. Eftir kosningu Christofias í síðasta mánuði óskaði hann eftir því að SÞ hefði milligöngu um fund milli hans og Mehmet Ali Talat til að endurvekja friðarviðræður sem sigldu í strand árið 2004.

Talsmaður sagði að fundurinn myndi eiga sér stað í húsnæði SÞ í Nicosia höfuðborg Kýpur.

Eynni hefur verið skipt síðan árið 1974 þegar Tyrkir hernámu norðurhlutann eftir að Kýpurgrikkir gerðu uppreisn og vildu sameinast Grikklandi.

Áratugum saman hafa tilraunir diplómata til að sameina hlutana mistekist.

Kýpurgrikkir höfnuðu friðaráætlun SÞ árið 2004 á en Kýpurtyrkir samþykktu hana. Aðskilnaðurinn á eynni hefur staðið Tyrkjum fyrir þrifum hjá Evrópousambandinu þar sem þeir hafa reynt að fá aðild árum saman.

Tyrkneski hlutinn á Norður-Kýpur hefur einungis verið viðurkenndur af Tyrkjum.