Níu mánaða fangelsi fyrir fíkniefnabrot

Karlmaður var í Hæstarétti í dag dæmdur í níu mánaða fangelsi fyrir fíkniefnalagabrot og fyrir bensínstuld. Var það sami dómur og hann fékk í héraðsdómi.

Bjarni Ármannsson: Niðurstaðan veldur mér þungum vonbrigðum

Bjarni Ármannsson, stjórnarformaður REI, reyndi ekki að dylja vonbrigði sín með ákvörðun Borgarráðs að hafna samruna REI og GGE þegar Vísir ræddi við hann í dag. "Þetta veldur mér þungum vonbrigðum," sagði Bjarni.

Átta mánaða fangelsi fyrir að bera sig fyrir framan börn

Hæstiréttur staðfesti í dag átta mánaða fangelsisdóm héraðsdóms yfir karlmanni sem ákærður var fyrir kynferðisbrot gegn fimm börnum. Fimm mánuðir af dómnum eru skilorðsbundnir.

MS áfrýjar dómi um vanhæfi forstjóra Samkeppniseftirlitsins

Mjólkursamsalan, Auðhumla og Osta- og smjörsalan hyggjast gagnáfrýja til Hæstaréttar dómi Héraðsdóms Reykjavíkur í máli félaganna á hendur Samkeppniseftirlitinu sem féll í síðasta mánuði.

Ráðuneytisstjóri fauk eftir koss

Ráðuneytisstjóri í sænska forsætisráðuneytinu hefur sagt af sér eftir að myndir birtust af henni ölvaðri að kyssa sjónvarpsfréttamann á krá í Stokkhólmi.

Ekki von á viðbrögðum frá Geysi Green að svo stöddu

Engin viðbrögð hafa borist frá Geysi Green Energy í kjölfar þess að borgarráð samþykkti að hafna samruna Reykjavík Energy Invest og GGE. Auður Nanna Baldvinsdóttir, kynningarfulltrúi GGE, segir að ekki sé von á viðbrögðum í dag.

Vilja færa ákvæði stjórnarskrár til nútímans

Þrír þingmenn Samfylkingarinnar, Ellert B. Schram, Gunnar Svavarsson og Katrín Júlíusdóttir, hafa lagt fram frumvarp um breytingu á ákvæðum stjórnarskrárinnar sem snúa að forsetanum.

Lundúnalögreglan sektuð fyrir skothríð

Lundúna lögreglan hefur verið sektuð um tæpar 22 milljónir króna fyrir að skjóta saklausan Brasilíumann til bana í járnbrautarlest árið 2005.

Fiskvinnslufólk fær 217 milljónir í aukabætur

Stjórnarfrumvarp hefur verið lagt fram á alþingi sem gerir ráð fyrir aukagreiðslum til þess fiskvinnslufólks sem verður atvinnulaust vegna kvótaskerðingarinnar. Er gert ráð fyrir að eyða 77 milljónum kr. á þessu ári og 140 milljónum kr. á næsta ári úr ríkissjóði sökum þessa eða samtals 217 milljónum kr.

Kráareigendur safna undirskriftum

Félag kráareigenda í Reykjavík hefur hafið undirskriftasöfnun á netinu þar sem fyrirætlunum borgaryfirvalda um að stytta opnunartíma nokkurra skemmtistaða í miðbænum er mótmælt. Í tilkynningu frá félaginu segir að kráareigendur hafi fyrir því áreiðanlegar heimildir að fyrirhuguð stytting opnunartíma staðanna Q-bar, Mónakó og Monte Carlo sé „einungis byrjunin á því að stytta opnunartíma skemmtistaða," í borginni.

Menn njóti rjúpnaveiða

Varaformaður Skotveiðifélags Íslands segir nýhafið rjúpnaveiðitímabil leggjast vel í veiðimenn og að félagið sé fylgjandi þeirri aðferðafræði sem stjórnvöld noti við ákvörðun um rjúpnaveiðar. Hann leggur áherslu á að menn njóti þess að vera á veiðum og segir veiðimenn almennt jákvæða gagnvart hófsamlegum veiðum.

Bandaríska utanríkisþjónustan gerir uppreisn vegna Íraks

Starfsmenn bandarísku untaríkisráðuneytisins eru ævareiðir yfir því að ákveðið hefur verið að skylda þá til þess að þjóna í Írak.

Vilja endurskoða áfengislöggjöf

Viðskiptaráð telur tímabært að endurskoða áfengislöggjöfina með það fyrir augum að koma til móts við sjónarmið heildsala en án þess að það stefnu heilsu landsmanna í hættu. Þá vill ráðið að einkasala ríkisins á áfengissölu verði aflögð en frumvarp svipaðs efnis liggur nú fyrir Alþingi.

Borgin styrkir félag til að fegra miðbæinn fyrir jólin

Borgarráð samþykkti á fundi sínum í morgun að félagið Miðborg Reykjavíkur fái átta milljóna króna styrk til þess að mæta kostnaði vegna kynningarmála í aðdraganda jóla.

Guð hatar homma

Kirkjusöfnuður í Bandaríkjunum sem hatast við samkynhneigða hefur verið sektaður um tæpan milljarð króna fyrir að trufla útför hermanns sem féll í stríðinu í Írak.

Ólögráða burðardýr eru nýtt vandamál

Bragi Guðbrandsson, forstjóri Barnaverndarstofu, segir að það sé nýtt vandamál að ungmenni undir lögaldri séu handtekin vegna gruns um fíkniefnasmygl. Tvær sautján ára gamlar stúlkur voru teknar með 300 grömm af kókaíni síðastliðinn mánudag

Björgun hf fær lóð við Álfsnes

Hafnarstjórn vinnur nú að því að finna nýja lóð undir starfsemi Björgunnar hf. á Sævarhöfða. Íbúar Bryggjuhverfisins í grennd við Björgun hafa kvartað undan mikilli mengun frá starfseminni. Að öllum líkindum mun Björgun hf fá lóð við Álfsnes í Kollafirði.

Samstarf á lyfjamarkaði á Norðurlöndum

Heilbrigðisráðherrar norrænu ríkjanna vilja efla samstarf á lyfjamarkaði og styrkja lítil markaðssvæði í þeim geira á Norðurlöndunum. Guðlaugur Þór Þórðarson heilbrigðisráðherra fundaði með norrænum heilbrigðisráðherrum á þingi Norðurlandaráðs sem lauk í dag.

Churchill hótaði afsögn vegna vetnissprengjunnar

Winston Churchill hótaði að segja af sér sem forsætisráðherra, árið 1954 ef samráðherrar hans féllust ekki á að Bretar skiptu ekki kjarnorkusprengjum sínum út fyrir hinar margfallt öflugri vetnissprengjur.

Fæst barnanna í Chad munaðarleysingjar

Fæst barnanna sem frönsk samtök ætluðu að fljúga með frá Afríkuríkinu Chad eru munaðarleysingjar að sögn talsmanns Barnahjálpar Sameinuðu þjóðanna.

Ríkar þjóðir hætti að lokka til sín lækna frá fátækari ríkjum

Ríkar þjóðir heimsins eiga að hætta að lokka til sín lækna og annað heilbrigðisstarfsfólk frá fátækum ríkjum, að mati velferðarnefndar Norðurlandaráðs. Nefndin vill að Norðurlöndin hafi frumkvæði að því að gerður verði alþjóðlegur samningur sem feli slíkt í sér.

Borgin greiðir 263 milljónir fyrir Austurstræti 22

Tillaga þess efnis að Reykjavíkurborg kaupi lóðina Austurstræti 22 var samþykkt í borgarráði í dag. Borgin þarf að reiða fram 263 milljónir króna fyrir kaup á einkahlutafélaginu Austurstræti 22 sem er eignarhaldsfélag um lóðina. Með í kaupunum fylgja 95 milljónir í tryggingabætur eftir brunann í apríl. Kostnaður borgarinnar vegna kaupana er því 168 milljónir.

Sjávarútvegsstefna ESB eins og stórskip

Sjávarútvegsstefna Evrópusambandsins er eins og stórskip, sagði Össur Skarphéðinsson iðnaðarráðherra, á þingi Norðurlandaráðs sem lýkur í Osló í dag en sjávarútvegsmálin voru til umræðu á þinginu.

Skjálfti skammt frá Geysi í Haukadal

Jarðskjálfti upp á 3,5 á Richter varð við Högnhöfða sem er um það bil níu kílómetra vestnorðvestur af Geysi í Haukadal nú laust fyrir klukkan eitt.

Ósanngjarnt að staðir í nágrenninu lúti ekki sömu reglum

Eigendur Q-bars í Ingólfsstræti eru ósáttir við ákvörðun borgaryfirvalda að stytta afgreiðslutíma staðarins. Samkynhneigðir sækja staðinn en honum á að loka klukkan þrjú í stað hálfsex. Eigendur skilja ekki af hverju aðrir staðir í Ingólfsstræti lúti ekki sömu reglum.

Tvöfalt fleiri með strætó á Akureyri eftir að það varð frítt

Tvöfalt fleiri farþegar taka nú strætó á Akureyri eftir að fargjöld voru afnumin. Dæmi eru um að vagnar sem áður óku um tómir rúmi nú vart farþegana.

Vill fá upplýsingar um brot á samkeppnislögum

Samkeppniseftirlitið hvetur þá sem telja sig hafa upplýsinga um brot á samkeppnislögum til þess að koma þeim upplýsingum á framfæri við eftirlitið. Þetta segir eftirlitið í yfirlýsingu í framhaldi af umræðu um meint verðsamráð á matvörumarkaði.

Leggja þarf aukna áherslu á öryggisþáttinn á Litla-Hrauni

Í nýrri skýrslu nefndar sem falið var að gera tillögur um framtíðarrekstur fangelsisins að Litla-Hrauni kemur fram að nauðsynlegt sé að endurskipuleggja stjórnskipulag fangelsisins. Þá vill nefndin að lögð verði aukin áhersla á öryggisþáttinn í starfsemi fangelsisins, móta þurfi skýra starfsmannastefnu og markvissa endurhæfingu þeirra fanga sem vistaðir eru á Litla-Hrauni. „Þá telur nefndin mikilvægt að kvenfangar eigi möguleika á því að afplána refsivist í sérstöku kvennafangelsi,“ segir í fréttatilkynningu.

Leitar upplýsinga um alla Breiðavíkurdrengi

Þór Jónsson upplýsingafulltrúi Kópavogsbæjar segir að samvinna hans og Breiðavíkurdrengsins Guðmundar Gissurarsonar hafi leitt til þess að nú sé leitað að upplýsingum um alla þá sem voru á Breiðuvík í gögnum Kópavogsbæjar.

Björn Ingi: Ákvörðun tekin til að skapa sátt um Orkuveituna

Björn Ingi Hrafnsson, formaður borgarráðs, segir að ákvörðun um að hafna samruna Reykjavík Energy Invest og Geysis Green Energy, sé tekin til þess að skapa frið um málefni OR eftir miklar deilur um lögmæti eigendafundarins og 20 ára samningsins.

Farið fram á farbann yfir grunuðum í nauðgunarmáli

Mennirnir tveir sem sitja í gæsluvarðhaldi grunaðir um nauðgun á Selfossi á laugardag verða leiddir fyrir dómara í dag til þess að gefa staðfestan framburð. Þá er einn maður til viðbótar grunaður um tilraun til nauðgunar.

Full efni til þess að hafna samrunanum

„Við teljum að það séu full efni til þess að hafna samrunanum á þeim forsendum sem við blasa," segir Svandís Svavarsdóttir, oddviti Vinstri - grænna í borgarstjórn og formaður stýrihóps um málefni Reykjavik Energy Invest.

Tímarit fordæmt fyrir Madeleine háð

Kate og Gerry McCann hafa fordæmt "sérlega særandi" grein í þýsku háðtímariti um fjölmiðlafárið í tengslum við hvarf dóttur þeirra. Titanic tímaritið birti heila opnu í formi auglýsingar um ýmsar vörur sem kynntar eru á háðuglegan hátt með mynd af Madeleine.

Kynlífsþrælkun til umræðu í Norðurlandaráði

Goðsögnin um hamingjusömu hóruna er ekki sönn, það verður að koma í veg fyrir kynlífsþrælkun og vændiskaup á Norðurlöndum. Þetta sagði sænski þingmaðurinn Monica Green úr flokkahópi jafnaðarmanna í Norðurlandaráði. Að hennar mati er margt sem við getum verið ánægð með á Norðurlöndum.

Stjórnsýsluúttektin verði unnin fljótt og vel

„Við lítum á þetta sem fyrsta skrefið í ferlinu en málinu er ekki lokið,“ segir Gísli Marteinn Baldursson um ákvörðum borgarráðs sem í dag ákvað að hafna samruna Reykjavík Energy Invest og Geysi Green Energy. „Það reið á að borgin sýndi það í verki að henni líkaði ekki við það hvernig að þessum málum var staðið. Það er lykilatriði í þessu máli öllu að vilji borgarráðs og borgarstjórnar lá aldrei fyrir í málinu.“

FL Group tjáir sig ekki að svo stöddu

Halldór Kristmannsson, forstöðumaður upplýsingasviðs FL Group, segir í samtali við Vísi að félagið, sem er stærsti hluthafinn í Geysi Green Energy, muni ekki tjá sig um ákvörðun Borgarráðs um að hafna samrúna REI og GGE að svo stöddu.

Vonar að ákvörðun borgarráðs hægi ekki á orkuútrás

Össur Skarphéðinsson iðnaðarráðherra segist vona að sú ákvörðun borgarráðs að hafna samruna Reykjavik Energy Invest og Geysis Green Energy verði ekki til þess að hægja á útrás íslenskra fyrirtækja í orkumálum. Hann segir þetta mál borgarstjórnar en hann eigi ekki von á ákvörðunin dragi úr útrásinni.

Upplýsingafulltrúi REI: Bjóst við þessari ákvörðun

Hafliði Helgason, upplýsingafulltrúi REI, segir í samtali við Vísi að REI muni skoða sín mál miðað við breyttar forsendur eftir að borgarráð ákvað að hafna samruna REI og Geysis Green Energy á fundi sínum í morgun.

Stýrivextir komnir undir 4% árið 2009

Seðlabankinn skýrir 45 punkta hækkun stýrivaxta með því að útlit sé fyrir meiri verðbólgu á þessu ári og næsta en gert hafi verið ráð fyrir í fyrri spám. Stýrivaxtaferillinn hafi ekki dugað til að vinna bug á verðbólgu og draga úr verðbólguvæntingum.

Borgarráð samþykkir að hafna samruna REI og GGE

Samþykkt var einróma á fundi borgarráðs í morgun að hafna samruna Reykjavík Energy Invest, útrásararmi Orkuveitunnar, og Geysis Green Energy. Það var Svandís Svavarsdóttir, formaður stýrihóps sem skoðað hefur REI-málið, sem lagði tillöguna fram.

Meint verðsamráð rætt á Alþingi

Þingmenn úr öllum flokkum kvöddu sér hljóðs við upphaf þingfundar í dag til þess aðræða fréttir af meintu verðsamráði matvöruverslana hér á landi. Allir voru þingmennirnir sammála um að ef fréttirnar reynast réttar sé um grafalvarlegt mál að ræða. Stjórnarandstöðuþingmenn deildu á fjársvelti hjá samkeppnisyfirvöldum og stjórnarþingmenn sögðu að ríkistjórninni væri sérstaklega umhugað um neytendamál.

Konur með lægri laun en karlar á þingi

Þingkonur á Alþingi eru að meðaltali með nærri sex prósentum lægri laun en karlar á þingi þegar horft er til þeirra þingmanna sem ekki eru ráðherrar. Þettta kemur fram í fréttabréfi Samtaka atvinnulífsins. Þar segir að meðallaun karlkyns þingmanna séu rúmlega 602 þúsund krónur en meðallaun kvenkyns þingmanna rúmlega 34 þúsund krónum lægri á mánuði.

Fyrsta útkallið þegar komið vegna rjúpnaveiðimanna

Fyrsta útkallið á rjúpnaveiðitímabilinu er þegar komið og það aðeins átta stundum eftir að tímabilið hófst.

Spurning hvenær olíuverðið dregur úr sókn útgerða

"Það fer að verða spurning hvenær síhækkandi olíuverð muni draga úr sókn útgerða í ákveðnar tegundir," segir Friðrik Arngrímsson framkvæmdastjóri LÍÚ í samtali við Vísir. "Í því sambandi má nefna orkufrekar veiðar eins og til dæmis kolmunnann. Við ákveðnar aðstæður nú er stutt í að þær borgi sig ekki vegna olíuverðsins."

Nærri tíu umsækjendur um hverja lóð í Reynisvatnsási

650 umsóknir bárust framkvæmdasviði Reykjavíkurborgar vegna 69 lóða í Reynisvatnsási. Umsóknarfrestur um lóðir rann út í gær og gat hver umsækjandi sótt um að fá úthlutað einni lóð.