Björn Ingi: Ákvörðun tekin til að skapa sátt um Orkuveituna

Björn Ingi Hrafnsson, formaður borgarráðs, segir að ákvörðun um að hafna samruna Reykjavík Energy Invest og Geysis Green Energy, sé tekin til þess að skapa frið um málefni OR eftir miklar deilur um lögmæti eigendafundarins og 20 ára samningsins. Ákvörðunin hafi verið tekin af Svandísarnefndinni svokölluðu, sem er skipuð fulltrúum allra stjórnmálaflokka. Björn Ingi segist vonast til þess að þessi niðurstaða verði til þess að skapa traust á Orkuveitunni. Hann segir að nýi meirihlutinn sé fylgjandi því að Orkuveitan verði í útrásarverkefnum í framtíðinni.