Innlent

Ólögráða burðardýr eru nýtt vandamál

Jón Hákon Halldórsson skrifar
Bragi Guðbrandsson segir það nýtt vandamál að ólögráða ungmenni séu notuð sem burðardýr
Bragi Guðbrandsson segir það nýtt vandamál að ólögráða ungmenni séu notuð sem burðardýr
Bragi Guðbrandsson, forstjóri Barnaverndarstofu, segir að það sé nýtt vandamál að ungmenni undir lögaldri séu handtekin vegna gruns um fíkniefnasmygl. Tvær sautján ára gamlar stúlkur voru teknar með 300 grömm af kókaíni síðastliðinn mánudag

„Það er einungis mánuður síðan að sambærilegt mál komst upp. Þetta er því að endurtaka sig með stuttu millibili," segir Bragi. Hann telur að ýmislegt bendi til þess að byrjað sé að nota ólögráða ungmenni sem burðardýr, þó ekkert sé hægt að fullyrða með vissu um atvikið á mánudag.

Bragi segir að barnaverndarnefndir muni fjalla um málefni stúlknanna sem handteknar voru í Leifsstöð fyrr í vikunni. Barnaverndanefnd muni svo þurfa að koma málum þeirra í viðeigandi farveg í samvinnu við foreldra stúlknanna og þeirra sjálfra. Þá segir Bragi að barnaverndanefnd sé einnig í mjög góðu samstarfi við lögreglu í málum eins og þessum.

Mest lesið


Fleiri fréttir

Sjá meira


×

Mest lesið