Flugvöllurinn í Karlstad rýmdur vegna gruns um yfirvofandi árás

Flugvöllurinn í Karlstad í Svíþjóð var rýmdur í morgun vegna gruns um að sjálfsmorðsprengjuárásarmaður væri um borð í einnig af vél SAS-flugfélagsins sem var uppi við flugvallarbygginguna.

Hátíð í Grímsey

Grímseyingar halda ærlega hátíð í dag í tilefni fæðingardags Daniels Willards Fiske. Hátíðarhöldin eru árlegur viðburður en Fiske var bandarískur auðjöfur sem tók ástfóstri við eyjuna á öndverðri nítjándu öld og gaf eyjamönnum háa peningaupphæð.

Banvænn stofn fuglaflensu í Kúveit

H5N1-veiran hefur fundist í að minnsta kosti einum þeirra fugla sem fundust dauðir í Kúveit í vikunni en þetta er fyrsta tilfelli fuglaflensunnar, sem vitað er um, við Persaflóann. Þá fannst H5N2-afbrigði flensunnar í öðrum fugli, sem var fálki er var í sóttkví í Kúveit.

Rice í óvæntri heimsókn í Írak

Condoleezza Rice, utanríkisráðherra Bandaríkjanna, kom í óvænta heimsókn til Mósúl í Írak í morgun, en hún er að hefja ferðalag um Miðausturlönd. Aðspurð um ástæðu heimsóknarinnar sagði Rice að hún vildi hvetja stjórnmála- og trúarhópa til að leggja niður deilur og vinna að einingu innan landsins, en þingkosningar eru fyrirhugaðar í Írak eftir um mánuð.

Lækkun neysluverðsvísitölu valdi ekki straumhvörfum

Talsmenn verkalýðshreyfingarinnar segja að fréttir um lækkun neysluvísitölu og hjöðnun verðbólgu hafi ekki komið þeim í opna skjöldu og valdi engum straumhvörfum í viðræðum við atvinnurekendur, sem aftur á móti hafa hampað þessum tíðindum sem nýjum og óvæntum.

Yfirheyra fjölda grunaðra manna

Jórdanskir lögreglumenn hafa yfirheyrt fjölda Araba, þeirra á meðal nokkra Íraka, vegna hryðjuverkanna í Amman, höfuðborg Jórdaníu, í fyrrakvöld. Íslendingur var væntanlegur á eitt hótelanna sem árás var gerð á skömmu eftir sprengingarnar.

Kaupmáttur fólks í byggingarstarfsemi og verslun eykst

Laun í iðnaði, byggingarstarfssemi, mannvirkjagerð, verslun og viðgerðarþjónustu hækkuðu að meðaltali um 5,4 prósent frá þriðja ársfjórðungi í fyrra, til jafnlengdar í ár. Á sama tíma hækkaði vísitala neysluverðs um 4 prósent. Samkvæmt því jókst kaupmáttur launa á tímabilinu að meðaltali um 1,4 prósent, samkvæmt útreikningum Hagstofunnar.

Fundað um Skuggabörn hjá sýslumanni

Fundur stendur nú yfir hjá sýslumanninum í Reykjavík þar sem tekin er fyrir krafa um bann á sýningu heimildamyndarinnar Skuggabörn eftir Þórhall Gunnarsson og Lýð Árnason. Krafan er grundvölluð á því að við sögu í myndinni komi ungur piltur, sem var myrtur eftir að tökum lauk. Að óbreyttu átti að forsýna myndina í kvöld og sýna hana svo í Ríkissjónvarpinu á þriðjudag.

Yfirvöld lofa bót og betrun í málefnum innflytjenda

Lögreglan í París býr sig nú undir helgina en talið er að framvinda óeirðanna næstu tvo sólarhringa muni gefa vísbendingu um þróun mála. Yfirvöld í Frakklandi lofa bót og betrun í málefnum ungra innflytjenda og vonast þannig til að lægja óánægjuölduna.

Meintur hryðjuverkamaður í haldi í Singapúr

Lögregla í Singapúr greindi frá því í dag að hún hefði handtekið mann sem talinn er vera félagi í Jemaah Islamiah, armi al-Qaida í Suðaustur-Asíu. Að sögn yfirvalda hefur maðurinn tilheyrt samtökunum frá árinu 1990 og meðal annars undirgengist herþjálfun á vegum annarra herskárra samtaka í Pakistan.

Óku inn í peningageymslu í Janköping

Bíræfnir ræningar óku bíl á fullri ferð inn í peningageymslu Securitas í Janköping, austur af Gautaborg, í Svíþjóð snemma í morgun og byrjuðu á að læsa fjóra öryggisverði inni. Eftir að hafa safnað fjármunum saman hurfu þeir á braut og hefur lögregla fundið bíl sem talið er að þeir hafi notað til undankomunnar, en ræningjarnir eru ófundnir.

Krónan styrkist aftur vegna skuldabréfaútgáfu

Krónan styrktist á ný í gær,eftir að hafa lækkað nokkra daga í röð. Ástæðan er sú að þýski ríkisbankinn gaf út skuldabréf í íslenskum krónum upp á þrjá milljarða króna, en hlé hefur verið á slíkri útgáfu frá upphafi mánaðarins. Þessi útgáfa, sem hófst fyrir nokkrum vikum, er komin upp í 114 milljarða króna. Hækkunin á krónunni í gær nam 0,5 prósentum.

Seinkun á flugi Iceland Express vegna bilunar

Flugvél Iceland Express sem fljúga átti til Kaupmannahafnar klukkan hálfátta var kyrrsett vegna bilunar í bremsukerfi vélarinnar. Áætluð brottför er hálffjögur.

Fundu 200 g af fíkniefnum við húsleit í Kópavogi

Kópavogslögreglan lagði hald í tæp tvö hundruð grömm af fíkniefnum við húsleit í íbúð í Lindarhverfi í gærkvöldi. Sex manneskjur, sem voru í íbúðinni voru handteknar og færðar til yfirheyrslu. Fjórum var fljótlega sleppt, en í nótt játuðu tveir að hafa átt efnin og að hafa ætlað þau til sölu.

Ekið á hreindýr við Skriðuklaustur

Ekið var á hreindýr inn við Skriðuklaustur í Fljótsdal í gær. Hreindýrið drapst við áreksturinn en fólksbíllinn sem ók á dýrið er mikið skemmdur. Atvikið átti sér stað seinni partinn í gær en dýrið hljóp skyndilega út á veginn og gat ökumaður engu bjargað og ók á dýrið.

Tekur fyrir lögbann á sýningu myndar

Sýslumaðurinn í Reykjavík tekur í dag fyrir kröfu um bann á sýningu heimildarmyndarinnar Skuggabörn eftir Þórhall Gunnarsson og Lýð Árnason. Krafan er grundvöllluð á því að við sögu í myndinni komi ungur piltur, sem var myrtur eftir að töku myndarinnar lauk. Að óbreyttu átti að forsýna hana í kvöld og svo í Ríkissjónvarpinu á þriðjudag.

Lögregla í París býr sig undir helgina

Lögreglan í París sig nú undir helgina en talið er að framvinda óeirðanna næstu tvo sólarhringa muni gefa vísbendingu um þróun mála. Óeirðirnar hafa nú staðið í tvær vikur en nokkuð hefur dregið úr þeim undanfarna daga, sem meðal annars er rakið til þess að sveitastjórnir hafa beitt útgöngubanni.

Fjölmenn mótmæli í Jórdaníu vegna hryðjuverka

Fjölmenn mótmæli voru á götum úti í Jórdaníu í gær þar sem íbúar landsins eru æfareiðir vegna sjálfsmorðsárásanna sem urðu að minnsta kosti 56 manns að bana í Amman á miðvikudaginn. Hundruðir mótmælenda komu saman á götum Amman en mótmæli fóru einnig fram í öðrum borgum Jórdaínu.

Hafna beiðnum bænda

Stjórn Landssambands kúabænda hyggst ekki bregðast við beiðnum kúabænda í Borgarfirði og Eyjafirði um að hefja undirbúning að innflutningi erfðaefnis til að erfðabæta íslensku kúna.

Ekki ákært í 309 kærðum nauðgunum

370 nauðganir voru kærðar til lögreglu á árunum 1995 til 2004. Ákært var í 61 máli en 309 kærur leiddu ekki til ákæru fyrir dómstólum. Þetta kemur fram í svari dómsmálaráðherra við fyrirspurn Guðrúnar Ögmundsdóttur þingmanns.

Laugavegurinn opnaður í dag

Laugavegur milli Snorrabrautar og Barónsstígs verður opnaður fyrir bílaumferð klukkan fjögur í dag, og verður það í fyrsta sinn í þrjá mánuði sem almenningur getur keyrt þar um.

Breytir engu um kjarasamninga

Betri laun í öðrum störfum

Um 400 einstaklingar með leikskólakennaramenntun kjósa að vinna störf utan leikskólanna. Þetta kom fram í máli Þorgerðar Katrínar Gunnarsdóttur menntamálaráðherra í utandagskrárumræðum á Alþingi í gær um manneklu á leikskólum.

Var hent út um glugga af þriðju hæð

Fertugur karlmaður liggur þungt haldinn á spítala í Kaupmannahöfn eftir að tveir menn reyndu að drepa hann með því að henda honum út úr glugga úr íbúð á þriðju hæð.

DeCode finnur erfðabreytileika sem eykur hættu á hjartaáföllum

Íslensk erfðagreining hefur fundið erfðabreytileika sem tengist mjög aukinni hættu á hjartaáföllum meðal svartra Bandaríkjamanna. Greint var frá þessum niðurstöðum í vísindatímaritinu Nature Genetics í gær.

Hagræðing við Háskólann á Akureyri

Háskóladeildum við Háskólann á Akureyri mun fækka úr fjórum í sex, stjórnsýslu- og þjónustueiningum verður fækkað og nemendur utan EES munu þurfa að borga skólagjöld, nái tillögur um hagræðingu í rekstri háskólans fram að ganga. Þetta eru nokkrar af þeim hagræðingar tillögum sem Háskólaráð háskólans á Akureyri samþykkti í gær. Með hagræðingunni sparast tugir milljóna króna.

Refsingu lögreglumanns frestað

Hæstiréttur frestaði í dag refsingu lögreglumanns sem talinn var hafa beitt hættulegri og óforsvaranlegri aðferð til að stöðva ferð bifhjóls sem ekið hafði verið ólöglega um götur Reykjavíkur í maí í fyrra. Héraðsdómur hafði dæmt lögreglumanninn til að greiða tvö hundruð þúsund krónur í sekt og til að greiða ökumanni bifhjólsins bætur.

Ætla að reyna að slá heimsmet í jó-jói

500 Kópavogsbúar ætla að freista þess að slá heimsmetið í jó-jói í Smáralindinni nú um helgina, í tilefni útkomu heimsmetabókar Guinness 2006.

Fimmti hver Dani hefur smitast af kynsjúkdómi

Danir eru ekki duglegir að nota smokka ef marka má niðurstöður Durex könnunar þar í landi. Tveir af hverjum þremur aðspurðra í könnuninni hafa stundað óvarið kynlíf. Það hefur líka haft sínar afleiðingar að því er virðist, en einn af hverjum fimm þátttakendum í könnuninni hafa smitast af kynsjúkdómi.

Ferðamönnum fjölgar utan háannatíma

Erlendum ferðamönnum til landsins fjölgaði um 7% í október miðað við sama mánuð í fyrra. Álíka margir ferðamenn komu nú til landsins í október og í góðum sumarmánuði fyrir tíu árum.

Riffilskot á skólalóð

Riffilskot fundust á leiksvæði á skólalóð við Grunnskólann á Ísafirði í dag. Um var að ræða fimmtán ónotuð skot fyrir tuttugu og tveggja kalíbera riffil.

Ekið á hreindýr

Ekið var á hreindýr inn við Skriðuklaustur í Fljótsdal í dag. Hreindýrið lét lífið við áreksturinn og fólksbíllinn sem ók á dýrið er mikið skemmdur.

Fjórir árekstrar

Fjórir árekstrar hafa orðið á höfuðborgarsvæðinu síðan klukkan sex í kvöld. Engan sakaði í þeim. Árekstrana má alla rekja til hálku og en víða er hált á götum borgarinnar.

Sveitarstjórnarmenn axla ekki hagstjórnarábyrgð

Sveitarstjórnarmenn voru sakaðir um að axla ekki hagstjórnarábyrgð með viðunandi hætti, í harðri ádrepu formanns Samtaka atvinnulífsins á fjármálaráðstefnu sveitarfélaganna í dag. Forsætisráðherra boðaði þar að málefni aldraðra skyldu færð frá ríki yfir til sveitarfélaganna.

Lögin ná yfir öll hugverk

Það verður að fara varlega í að breyta löggjöf um einkaleyfi og ríkisvaldið ætti að leita allra leiða til að semja við einkaleyfishafann áður en það tekur sér það vald að afnema einkaleyfið. Þetta segir formaður Samtaka framleiðenda frumlyfja, en hann fagnar jafnframt því framtaki stjórnvalda að undirbúa aðgerðir til varnar hugsanlegum heimsfaraldri.

Betur fór en á horfðist

Flutningabílstjóri á Austurlandi má þakka fyrir að hafa lent ofan í skurði þegar hátt í fimmtíu tonna bíll hans valt. Hjólabarðar bílsins voru ekki í samræmi við aðstæður, en skyndilega myndaðist hálka á veginum.

Vill nýjan sæstreng

Sturla Böðvarsson, samgönguráðherra, segir að tíðar truflanir á netsambandi við umheiminn séu óþolandi. Hann ætlar að beita sér fyrir því að nýr sæstrengur verði lagður.

Spáir verðhjöðnun

Forsætisráðherra segir að tölur Hagstofunnar í dag, um að vísitala neysluverðs hafi lækkað á milli mánaða, séu vendipunktur og fram undan sé verðhjöðnun.

Sýrlendingar munu starfa með rannsóknarnefnd S.þ.

Sýrlendingar munu starfa með rannsóknarnefnd Sameinuðu þjóðanna sem á að rannsaka morðið á Rafik Hariri, fyrrverandi forsætisráðherra Líbanons. Bashar al-Assad, forseti Sýrlands, greindi frá þessu en kvaðst ekki telja að þetta myndi nægja til að þrýstingi og gagnrýni á stjórnvöld í Damaskus linnti.

Hætt við að Kárahnjúkavirkjun standist ekki tímaáætlun

Mjög tæpt er orðið að Kárahnjúkavirkjun standist tímaáætlun og má ekkert út af bera í jarðgangagreftri. Landsvirkjunarmenn halda þó enn í vonina um að virkjunin skili orku á tilsettum tíma.

Al-Qaida liðar vilja breiða út óöldina

Al-Qaida í Írak vill breiða óöldina þar út til nágrannaríkjanna, samkvæmt leyniskjölum sem fundust á föllnum aðstoðarmanni Zarqawis, leiðtoga samtakanna. Al-Qaida ber ábyrgð á þremur árásum í Amman í Jórdaníu í gær, þar sem nærri áttatíu manns af fjölmörgum þjóðernum féllu.

Hlutverk sveitarfélaga að bæta kjör leikskólakennara

Fjögur hundruð lærðir leikskólakennarar hafa valið sér annan starfsvettvang vegna lágra launa í faginu. Þorgerður Katrín Gunnarsdóttir menntamálaráðherra segir að það sé alfarið hlutverk sveitarfélaganna að bæta úr því.

Skuldabréf gefin út fyrir þrjá milljarða í dag

Þýskur banki gaf í dag út skuldabréf upp á þrjá milljaðra íslenskra króna. Bréfin eru gefin út til tæplega tveggja ára eða fram í september árið 2007.

Þrír handteknir vegna sprengjuárásanna

Að minnsta kosti þrír menn hafa verið handteknir vegna hryðjuverkaárásanna í Amman í Jórdaníu í gærkvöldi. Frekari upplýsingar um mennina hafa ekki fengist en Kofi Annan, framkvæmdastjóri Sameinuðu þjóðanna, heimsækir borgina á morgun.

Afsláttakortakerfi vegna læknishjálpar óréttlátt

Afsláttarkortakerfi vegna læknishjálpar er mjög óréttlátt eins og það er í dag að mati Margrétar Frímannsdóttur, þingmanns Samfylkingarinnar, og bitnar það verst á þeim sem eru með langvarandi sjúkdóma.