Verða að gera ráðningarsamning

Starfsmenn Vinnumálastofnunar hafa í 99 prósentum tilfella veitt þá umsögn síðustu daga að fyrirtæki verði að sækja um hefðbundið atvinnuleyfi og gera íslenskan ráðningarsamning.

Gengið fram af hörku

Verkalýðshreyfingin vill að gengið verði fram af fullri hörku gagnvart fyrirtækjum sem stunda svarta atvinnustarfsemi, hafa erlenda starfsmenn án leyfa og brjóta lög og kjarasamninga á þessum starfsmönnum.</font /></b />

Varanleg kjaraskerðing?

Kjör verkamanna og sérhæfðra starfsmanna í byggingavinnu á höfuðborgarsvæðinu hafa rýrnað vegna innflutnings á ódýru erlendu vinnuafli sem starfar hér svart eða í trássi við reglur. Verkalýðshreyfingin telur hættu á að þróunin leiði til varanlegrar skerðingar á launum og starfskjörum. </font /></b />

Þungatakmarkanir víða

Þungatakmarkanir eru víða í gildi á vegum landsins en leysingar hafa verið algengar allan febrúarmánuð og sérstaklega í góðviðri síðustu daga.

Hörð gagnrýni frá kennurum

Vegna mistaka í launavinnslu Reykjavíkurborgar í desember hyggst launadeild borgarinnar draga ofgreidd laun af kennurum um næstu mánaðarmót. Hefur þetta komið flatt upp á þá kennara sem um ræðir enda getur upphæðin numið allt að 70 prósentum af mánaðarlaunum viðkomandi.

Stúlkan fundin

Stúlkan sem lýst hefur verið eftir að undanförnu, hin fjórtán ára gamla Jóna Thuy Phuong Jakobsdóttir, er fundin og komin til síns heima að sögn lögreglu en hennar hefur verið leitað um nokkurra daga skeið.

Páfi sagður á batavegi

Jóhannes Páll II páfi getur andað án aðstoðar og engin merki hafa fundist um sýkingu í lungum, sagði Joaquin Navarro-Valls, talsmaður páfa, degi eftir að páfinn gekkst undir barkaskurðaðgerð.

Aukin áhætta tekin í flugi

Breskri júmbóþotu var flogið á þremur hreyflum átta þúsund kílómetra leið frá Los Angeles í Bandaríkjunum til Bretlands eftir að fjórði hreyfillinn bilaði í flugtaki. Flugvélin átti að lenda í London en þegar til Bretlands var komið var eldsneytið á þrotum og því lenti vélin í Manchester.

Neyddist til afsagnar

Herve Gaymard, fjármálaráðherra Frakklands, baðst lausnar úr starfi aðeins sólarhring eftir að hann sagði slíkt ekki á dagskrá. Honum var ekki stætt lengur í starfi eftir að upp komst að hann lét ríkissjóð greiða húsaleigu fyrir sig í einu dýrasta hverfi Frakklands og ljóst varð að hann laug til um bakgrunn sinn og fjárhag.

Hótaði dómara í dómssal

Baskneskur aðskilnaðarsinni, meðlimur herskáu samtakanna ETA, var rekinn úr dómssal eftir að hann ógnaði dómaranum með því að beina hendi sinni að honum og líkja eftir því að hann væri að skjóta hann með skammbyssu. Þetta gerði hann þegar tekin var fyrir ákæra á hendur honum fyrir að ógna öðrum dómara með sama hætti.

Varar við nýju vopnakapphlaupi

Tilraunir til að koma í veg fyrir frekari útbreiðslu kjarnorkuvopna hafa ekki borið árangur sagði Hans Blix, fyrrverandi yfirmaður vopnaeftirlits Sameinuðu þjóðanna. Hann varaði við því að ný vopnakapphlaup kynni að vera í uppsiglingu.

Kona myrti níu ára son sinn

Bresk kona var fundin sek um að myrða níu ára son sinn. Þetta gerði hún með því að blanda salti í vökva sem honum var gefinn í æð á sjúkrahúsi. Lækna var farið að gruna að konan ætti einhvern þátt í veikindum sonar síns en gátu ekkert gert til að rannsaka grun sinn þar sem hún var alltaf við hlið hans.

Al-Jaafari fær stuðning al-Sistani

Sjía-klerkurinn Ali al-Sistani, einn áhrifamesti maður Íraks, hefur lýst yfir stuðningi við Ibrahim al-Jaafari, forsætisráðherraefni Sameinaða íraska bandalagsins. Þessu lýsti al-Jaafari yfir eftir fund sinn með al-Sistani í gær.

Mælt með samgöngumiðstöð

Mælt er með að ráðist verði í byggingu samgöngumiðstöðvar í Vatnsmýrinni í sameiginlegri niðurstöðu vinnuhóps samgönguráðuneytis og Reykjavíkurborgar. Niðurstaðan verður kynnt á ríkisstjórnarfundi eftir helgi.

Tímamót í farþegaflugi

Kaup Flugleiða á tveimur nýjum Boeing 787 Dreamliner-þotum marka tímamót í farþegaflugi hér á landi og gera flugfélaginu kleift að fljúga beint til nánast allrar heimsbyggðarinnar. Heildarverðmæti vélanna tveggja nemur um fimmtán milljörðum króna

Actavis með 93% af markaðinum

Actavis ræður 93 prósentum af samheitalyfjamarkaðinum á Íslandi. Ríkið er stærsti viðskiptavinurinn en Tryggingastofnun ríkisins telur að ekki sé teljandi verðmunur á samheitalyfjum og frumlyfjum á Íslandi. Deildarstjóri lyfjamála þar segir fulla ástæðu fyrir Samkeppnistofnun að kanna málið.

Framtíð kaþólsku kirkjunnar í húfi

Sögusagnir og getgátur tröllríða umræðunni um líðan Jóhannesar Páls páfa sem fluttur var á sjúkrahús í gær, rétt um hálfum mánuði eftir að hann kom þaðan. Framtíð kaþólsku kirkjunnar er sögð í húfi. 

Vill fækka ráðuneytum

Framsóknarmenn ræða stórfellda fækkun ráðuneyta. Árni Magnússon félagsmálaráðherra kynnti á flokksþingi þeirra í dag hugmynd um að fækka þeim úr þrettán niður í sex til átta.

Ekki aðildarviðræður við ESB

Aðildarviðræður við Evrópusambandið eru hvorki tímabærar né skynsamlegar á þessu kjörtímabili. Þetta sagði Halldór Ásgrímsson forsætisráðherra á flokksþingi Framsóknarflokksins, sem hófst í dag.

Verðbólgan má ekki vera nein

Til að rauðu strikin í kjarasamningum verði ekki virk næsta haust þyrfti verðbólga að vera engin fram að þeim tíma. Verðbólgan er nú tveimur prósentum yfir rauðu strikunum og spáð er að fasteignaverð á Reykjavíkursvæðinu hækki um fimmtung á næsta ári.

Sþ leita morðingja Hariris

Hver drap Rafik Hariri? Sérstök rannsóknarnefnd Sameinuðu þjóðanna á að komast að því en ekki er með öllu ljóst hvort að alls staðar sé áhugi fyrir því að svara spurningunni.

Opnar ótal möguleika

Flugleiðir undirrituðu kaupsamning við Boeing um kaup á tveimur Boeing 787 flugvélum og kauprétt á fimm vélum til viðbótar. Vélarnar verða afhentar árið 2010 og eru mun langfleygari en aðrar vélar í flota Flugleiða. </font /></b />

Auglýsingabann hugsanlega ólögmætt

EFTA-dómstóllinn úrskurðaði í gær að algjört bann við áfengisauglýsingum kynni að vera ólögmætt. Dómurinn segir að til að réttlæta bannið þurfi að sýna fram á að ekki sé hægt að ná markmiðum þess með aðgerðum sem hafa minni áhrif á markaðsfrelsi.

Fimmtán milljónir í sekt

Héraðsdómur Reykjavíkur dæmdi í gær rúmlega fertugan karlmann í sex mánaða fangelsi, skilorðsbundið til tveggja ára, og til að greiða rúmlega fimmtán milljónir króna í sektir. Maðurinn er dæmdur fyrir að standa ekki skil á virðisaukaskatti upp á rúmlega fjóra og hálfa milljón króna og tekjuskatti upp á rúmlega þrjár milljónir.

Keyrði á hús og ljósastaur

<font face="Helv"></font> Bílstjóri og þrír farþegar sluppu ómeiddir eftir að bílstjórinn keyrði á hús og ljósastaur á Ísafirði á þriðja tímanum í gærdag. Að sögn lögreglunnar á Ísafirði var bílnum ekið í vestur eftir Fjarðarstræti þegar bílstjórinn, sem er á átjánda aldursári, missti stjórn á bílnum með þeim afleiðingum að hann keyrði fyrst á íbúðarhús og lenti svo á ljósastaur.

Nítján sagt upp hjá varnarliðinu

Nítján starfsmönnum flotastöðvar varnarliðsins á Keflavíkurflugvelli hafa verið sendar uppsagnir sem taka gildi 1. mars næstkomandi. Vernharð Guðnason, formaður Landssambands slökkviliðs- og sjúkraflutningamanna, segir ákveðinn grun vera um að þarna sé óeðlilega staðið að vali á einstaklingum við uppsagnir.

Tíu leikurum sagt upp

Tíu fastráðnum leikurum við Þjóðleikhúsið hefur verið sagt upp störfum. Tinna Gunnlaugsdóttir þjóðleikhússtjóri segir þetta stefnuyfirlýsingu um breytt ráðningarkjör leikara við Þjóðleikhúsið.

Neysla einstæðra milljón umfram te

Neysluútgjöld einstæðra foreldra eru að meðaltali milljón hærri en meðaltekjur þeirra. Útgjöld hjóna og sambúðarfólks hafa aukist meira en útgjöld einstæðra og voru fjórðungi hærri 2002 en átta árum áður. </font /></b />

Ráðast á uppreisnarmen í Anbar

Bandaríkjamenn skutu í gær úr lofti á Anbar-hérað í Írak þar sem fjöldi uppreisnarmanna heldur til. Í yfirlýsingu frá Bandaríkjaher í morgun segir að aðgerðirnar beinist að borginni Haqlaniya sem er sterkt vígi uppreisnarmanna. Í yfirlýsingunni segir að tveimur 500 kílógramma sprengjum hafi verið varpað í kjölfar þess að uppreisnarmenn sátu fyrir herjeppa og skutu að honum með vélbyssu.

Samþykktu nýja ríkisstjórn

Þingmenn Fatah-hreyfingarinnar í Palestínu samþykktu í gær tillögu Ahmeds Qureia forsætisráðherra um nýja ríkisstjórn í landinu. Fatah er langstærsti flokkurinn á palestínska þinginu og því er nánast formsatriði að fá málið samþykkt þar og er búist við að það gerist síðar í dag.

Játar aðild að lyfjaráni

Ungur maður hefur játað aðild að ráninu í Árbæjarapóteki á laugardag þar sem tveir grímuklæddir menn rændu lyfjum. Lögreglan í Reykjavík handtók í gær mann grunaðan um aðild að ráninu og játaði hann við yfirheyrslur í gærkvöldi. Hinn maðurinn er ófundinn en lögregla veit hver hann er. Hins vegar eru sjoppuræningjarnir sem frömdu rán í Kópavogi og Reykjavík í fyrrakvöld enn ófundnir.

Talinn vera með falsað vegabréf

Rúmlega þrítugur útlendingur sem kom til landsins með síðustu ferð Norrænu er grunaður um að vera með falsað vegabréf. Hann var fluttur til Reykjavíkur í gær til yfirheyrslu. Maðurinn hefur óskað eftir pólitísku hæli hér á landi en við athugun er komið í ljós að hann hefur líka óskað eftir því í Bretlandi. Óljóst er hver málalok verða hér á landi.

Leit í rústum Tvíburaturna hætt

Heilbrigðisyfirvöld í New York hafa formlega hætt leit í rústum Tvíburaturnanna þrátt fyrir að enn eigi eftir að bera kennsl á meira en ellefu hundruð manns sem fórust í árásinni. Undanfarna níu mánuði hafa björgunarsveitarmenn grafið upp meira en eitt og hálft tonn af braki í rústunum og tekist hefur að bera kennsl á rúmlega átta hundruð manns með DNA-rannsóknum í kjölfarið.

Allawi reynir að halda embætti

Iyad Allawi, forsætisráðherra bráðabirgðarstjórnarinnar í Írak, ætlar að gera tilraun til þess að mynda bandalag með öðrum flokkum í því augnamiði að halda embætti sínu í kjölfar nýafstaðinna kosninga í landinu.

Fékk bónusvinning óskiptan

Íslendingur fékk bónusvinninginn í Víkingalottóinu óskiptan í gærkvöldi, en hann er 22 milljónir króna. Miðinn var seldur í söluturni í Keflavík. Aðalvinningurinn upp á rúmar 46 milljónir rann hins vegar óskiptur til Svía.

Má leggja 20% ofan á meðalverð

Lyfjagreiðslunefnd hefur gert samning við lyfjafyrirtækið Actavis um að það megi leggja tuttugu prósent ofan á meðalverð samheitalyfja í Noregi og Svíþjóð ef lyfin eru seld hér. Reyndar á Danmörk að vera með í meðaltalinu en vegna harðrar samkeppni á danska lyfjamarkaðnum, sem leitt hefur til verðlækkunar þar, hefur nefndin heimilað Actavis að sleppa Danmörku úr meðaltalsreikningunum þannig að fyrirtækið getur selt lyfin dýrarara verði hér á landi.

Mannskæð árás í Tíkrít

Að minnsta kosti tíu hafa fallið í valinn og tuttugu og fimm eru slasaðir eftir að bílsprengja sprakk í borginni Tíkrít í Írak í morgun. Árásarmaðurinn sem var í lögreglubúningi reyndi að aka bílnum inn á lóð lögreglustöðvar en þegar hann sá að hann myndi ekki komast lengra sprengdi hann sjálfan sig og bílinn í loft upp.

Ekki ákærður þrátt fyrir myndband

Bandarískur hermaður sem skaut óvopnaðan Íraka til bana í Fallujah í lok síðasta árs verður ekki ákærður. Atvikið náðist á myndband og vakti heimsathygli en eigi að síður segja yfirmenn herréttar í Bandaríkjunum að sönnunargögn séu ekki nægileg til þess að ákæra hermanninn.

Stærði sig af ráni í útvarpi

Það getur borgað sig að vera hógvær. Það fékk hinn 24 ára gamli bankaræningi Randy Washington að reyna í vikunni. Hann rændi banka í Chicago síðastliðið vor og komst undan. Lögreglunni hafði lítið orðið ágengt í málinu þar til Randy fékk þá flugu í höfuðið að hringja í morgunþátt á útvarpsstöð til þess að stæra sig af ráninu og auðveldum flótta í kjölfarið.

Getur aftur sprangað um bryggjuna

Eskfirðingurinn, sem fréttastofa Bylgjunnar og Stöðvar 2 sagði frá á dögunum að væri óhress með að geta ekki lengur sprangað óhindrað um bryggjurnar vegna girðingar gegn hryðjuverkamönnum, getur nú andað léttar.

Reykingabann í Hong Kong

Stjórnvöld í Hong Kong hyggjast banna reykingar á opinberum stöðum þar sem ný rannsókn þar í borg sýnir að þjóðarbúið verði af sem nemur 41 milljarði íslenskra króna á hverju ári vegna reykinga.

Síminn gefur Fjarskiptasafnið

Síminn hefur ákveðið að gefa Þjóðminjasafninu Fjarskiptasafn sitt við Suðurgötu, bæði húsið sem áður hýsti gömlu loftskeytastöðina og alla munina sem þar eru sýndir. Þetta kemur í fréttatilkynningu frá Símanum.

Vænta orðaskaks um lýðræði

Búist er við hressilegum orðaskiptum á milli George Bush Bandaríkjaforseta og Vladímírs Pútíns, forseta Rússlands, þegar þeir hittast á fundi í Slóvakíu í dag. Yfirvöld í Bandaríkjunum og reyndar víða í Evrópu líka hafa miklar áhyggjur af vaxandi einræðistilburðum Pútíns sem hefur aukið völd sín og múlbundið fjölmiðla í landinu.

Barn 81 til Bandaríkjanna

Barn 81, litli drengurinn Abilasha frá Srí Lanka, sem bjargaðist úr hamfaraflóðinu á undraverðan hátt er á leið til Bandaríkjanna. Alls níu hjón sögðust eiga litla drenginn og skorið var úr um ætterni hans með DNA-rannsókn. Nú hefur bandaríska sjónvarpsstöðin ABC boðið fjölskyldunni, sem missti allar eigur sínar í hamförunum, til Bandaríkjanna.

Sameinast í fíkniefnabaráttunni

Kínverjar og Bandaríkjamenn hafa tekið höndum saman í baráttunni við fíkniefnasmygl, en samningur þessa efnis var undirritaður í dag. Í samningnum felst að löndin deili upplýsingum um fíkniefnamál, svo sem um peningaþvætti, þróun í fíkniefnaheiminum og smyglhringi.