Egypskur sendiherra til Ísraels

Egyptar hyggjast senda aftur sendiherra til Ísraels innan tíu daga en þeir hafa ekki haft sendiherra í landinu frá því að uppreisn Palestínumanna gegn Ísraelum hófst fyrir fjórum árum. Þetta undirstrikar enn frekar vænlegri friðarhorfur fyrir botni Miðjarðarhafs, en eins og kunnugt er boðuðu bæði leiðtogar Ísraela og Palestínumanna vopnhlé á fundi í Egyptalandi í gær.

Farmurinn líklega orsökin

"Rannsókn stendur yfir og á meðan svo er vil ég ekki fara út í getgátur um hvað fór úrskeiðis þegar slysið átti sér stað," segir Claus Thornberg, framkvæmdastjóri Tesma-skipafélagsins, en það félag sá um rekstur og mönnun MS Jökulfells, sem sökk á mánudagskvöldið með þeim afleiðingum að fjórir létust og tveir eru taldir af.

Ólga meðal almennings í Bretlandi

Methagnaður hjá olíufélögunum Shell og BP í Bretlandi hefur valdið mikilli ólgu meðal þarlendra neytenda sem þykir sýnt að gríðarlegur hagnaðurinn sé bein afleiðing hárrar álagningar fyrirtækjanna á bensín og olíur.

Brýn verkefni víðar en á Reykjanes

"Réttlætingin fyrir því að frekari tvöföldun Reykjanesbrautarinnar var ákveðin þrátt fyrir að annars staðar sé umferð meiri og þyngri er fyrst og fremst vegna öryggisþátta," segir Sturla Böðvarsson samgönguráðherra. Ákveðið hefur verið að bjóða það verk út í vor meðan vegir á borð við Vesturlandsveg og Suðurlandsveg bíða seinni tíma.

Samkomulag um verð á hjartalyfi

Samkomulag hefur náðst milli lyfjaverðsnefndar og lyfjafyrirtækisins Actavis um verðlagningu á nýju hjartalyfi sem kemur á markað innan skamms.

Ferðaþjónusta skilar fátækum litlu

Vestrænir aðilar, hótelkeðjur og afþreyingarfyrirtæki hvers konar, hirða megnið af því fé sem vestrænir ferðalangar skilja eftir í mörgum af þeim fátækari löndum heims sem eru vinsæl meðal erlendra ferðamanna og er því ferðaþjónusta víða ekki að skila þeim tekjum í ríkiskassann sem margir hafa reitt sig á.

Alnæmislyf prófuð á fólki

Tilraunalyf gegn HIV-veirunni sem veldur alnæmi eru nú reynd á fólki á Indlandi en Indverjar eru meðal þeirra þjóða þar sem alnæmisfaraldurinn er hvað verstur og er talið að allt að 5,5 milljónir manna séu sýktar.

Um 1,5 - 2 milljarðar í fangelsin

Stefnt er að því að byggja eitt fangelsi og endurbæta stórlega þrjú til viðbótar fyrir 1,5-2 milljarða króna, að sögn forstjóra Fangelsismálastofnunar. Það er sama fjárhæð og upprunalega var gert ráð fyrir að bygging Hólmsheiðarfangelsis myndi kosta. </font /></b />

Engar nærur takk!

Táningar og ungmenni í Virginíu í Bandaríkjunum gætu mörg hver þurft að endurskoða fatasmekk sinn eftir að ríkisþingið samþykkti að sekta alla þá sem létu skína í nærbuxur sínar eða g-strengi á almannafæri.

Tveir hópar á eina neyðarmóttöku

Ef sú leið verður farin að setja ekki á fót sérhæfða móttöku fyrir þolendur heimilisofbeldis heldur nýta neyðarmóttöku fyrir þolendur nauðgana fyrir báða hópana verður að tryggja meira fjármagn í þá móttöku, að mati Ágústs Ólafs Ágústssonar alþingismanns, sem segir að þegar komi að baráttu gegn heimilisofbeldi þá þurfi hún að njóta forgangs.</font />

Eldur í bræðslu í Grindavík

Slökkviliðsmenn berjast nú við eld sem kviknaði í bræðslunni Fiskimjöli og Lýsi í Grindavík, sem er í eigu Samherja, á fjórða tímanum. Sjónarvottar segjast hafa heyrt öfluga sprengingu í upphafi og í kjölfarið hafi þykkur reykur stigið upp frá húsnæði fyrirtækisins. Ljóst er að þetta er stórbruni og hefur slökkvilið víða að verið kallað á staðinn en ekki er ljóst á þessari stundu hvað olli sprengingunni.

Snuð tekin af markaði

Komið hefur í ljós við eftirlit á Norðurlöndum að þrjár tegundir af snuðum eru það hættulegar að þær verða teknar af markaði. Þetta kemur fram í tilkynningu frá norrænu ráðherranefndinni. Um er að ræðs snuð af gerðunum <em>Baby Nova</em>, <em>Stera</em> og <em>Pussy Cat</em> en þau féllu á prófinu í sameiginlegri, norrænni vöruprófun. Á tveimur þeirra losnaði sjálft snuðið af hringnum og af einu losnaði haldið.

Lögregla rannsakar leyfin

Atvinnu- og dvalarleyfi Litháa, sem eru að störfum hjá Impregilo á Kárahnjúkum, eru til rannsóknar hjá lögreglu á Egilsstöðum.

Ekki huglausir heldur varkárir

Herdómstóll á Ítalíu hefur vísað frá máli á hendur fjórum þyrluflugmönnum sem sakaðir voru um hugleysi þegar þeir neituðu að fljúga herþyrlum sínum vegna þess hve ótraustar þær voru. Fjórmenningarnir störfuðu í Írak í fyrra og eftir eina sendiferð á þyrlunum neituðu þeir að fara aftur í loftið og báru því við að eldflaugavarnarbúnaður þyrlnanna væri ófullnægjandi.

J. Edgar Hoover á hælum Laxness

Forstjóri Bandarísku alríkislögreglunnar, FBI, vélaði um mál Halldórs Laxness í Bandaríkjunum. Bandarísk skjöl, sem voru gerð opinber í desember, sýna að J. Edgar Hoover bæði fékk og sendi skeyti með fyrirspurnum um tekjur Halldórs og ferðir. Í kjölfar afskipta Hoovers af Halldóri var hætt að gefa bækur skáldsins út í Bandaríkjunum. </font /></b />

Strætó kaupir strætó

Strætó hefur keypt 30 nýja strætisvagna af Irisbus gerð og fékk fyrstu fimm vagnana afhenta í gær. Ásgeir Eiríksson, forstjóri Strætó, reynsluók einum vagnanna um götur Reykjavíkur í gær og lét vel af.

Verksmiðja að mestu brunnin

Fiskimjölsverksmiðjan Fiskimjöl og Lýsi í Grindavík er að mestu brunnin, en eldur kviknaði í henni á fjórða tímanum. Sjónarvottar segjast hafa heyrt öfluga sprengingu í upphafi og í kjölfarið hafi þykkur reykur stigið upp frá húsnæði fyrirtækisins. Slökkvilið í Grindavík barðist við eldinn ásamt slökkviliðsmönnum frá Brunavörnum Suðurnesja og úr slökkviliðinu af Keflavíkurflugvelli.

Listi í sænskum miðlum í dag

Stjórnvöld í Svíþjóð birtu í morgun lista yfir meira en 500 manns sem saknað er eða eru látnir eftir hamfarirnar í Suðaustur-Asíu annan dag jóla. Þetta gerðu þau í kjölfar úrskurðar stjórnsýsludómstóls, en fréttastofan TT kærði ákvörðun stjórnvalda til dómstólsins á þeim grundvelli að það skaðaði engan að birta nöfnin.

Fjórir formenn segja af sér

Reiknað er með átökum í danska Jafnaðarmannaflokknum eftir að Mogens Lykketoft sagði af sér sem formaður flokksins. Hann ýjaði að því að stjórnarflokkarnir hefðu notast við ríkisfé í kosningabaráttunni. Þrír aðrir formenn tilkynntu einnig afsögn sína í gær.

Hóta að hefja nýja áætlun

Forseti Írans segir að landið geti tekið upp nýja stefnu í kjarnorkumálum sem hefði gríðarlegar afleiðingar ef viðræður við Evrópusambandið bera ekki árangur.

Bæjarútgerðin í Hafnarfirði rifin

Það stendur bókstaflega varla steinn yfir steini í gömlu bæjarútgerð Hafnarfjarðar. Hús félagsins eru að hverfa af yfirborði jarðar og áður en langt um líður verða risin þar fjölbýlishús.

Lögsækir ríkið fyrir uppsögn

Valgerður H. Bjarnadóttir, fyrrverandi framkvæmdastjóri Jafnréttisstofu, hefur stefnt ríkissjóði til greiðslu liðlega þrettán milljóna króna vegna þess að hún var neydd til að segja af sér.

Tugir særðust í sprengjuárás

"Það sem bjargaði mér var tölvan mín," sagði Manuel Amenteros eftir að sprengja þeytti honum úr sæti sínu á skrifstofu í útjaðri Madrídar í gærmorgun. 43 særðust þegar bíll hlaðinn sprengiefnum var sprengdur í loft upp frammi fyrir skrifstofubyggingu.

Breyta reglum um vinnutíma

Neðri deild franska þingsins samþykkti í gær að rýmka reglur um vinnutímalengd. Breytingin er afar umdeild en rúmlega 300 þúsund manns fóru í mótmælagöngu gegn breytingunni um helgina.

Vill banna þjófavarnasírenur

Breskur þingmaður hefur lagt fram lagafrumvarp sem setur takmörk fyrir því hversu hátt og hversu lengi megi heyrast í þjófavarnakerfum bíla.

Sá konuna í barnaklámsmyndbandi

Leit er hafin að tveimur mönnum sem nauðguðu tólf ára stúlku fyrir tuttugu árum síðan að sögn Sky-fréttastofunnar. Stúlkan, sem nú er orðin fullorðin, hélt atvikinu leyndu fyrir fjölskyldu sinni og vinum. Eiginmaður hennar komst hins vegar að hinu sanna þegar hann sá fyrir tilviljun myndbandsupptöku sem nauðgararnir höfðu gert af nauðguninni.

Messufall hjá páfa

Jóhannes Páll II páfi var fjarverandi bænahald á öskudegi sem markaði upphaf páskaföstunnar. Þetta er í fyrsta skipti frá því hann var valinn páfi fyrir rúmum 26 árum sem slíkt gerist.

Harry Potter selst grimmt

Þrátt fyrir að enn séu fimm mánuðir þar til sjötta bókin um Harry Potter kemur út hafa meira en hundrað þúsund manns pantað eintak af henni hjá Bretlandsdeild netbókaverslunarinnar Amazon.

Dregið úr ferðatakmörkunum

Ísraelar hafa samþykkt að draga úr ferðahömlum á Vesturbakkanum á komandi vikum, sagði Mahmoud Abbas, forseti palestínsku heimastjórnarinnar. Þetta getur bætt aðstæður Palestínumanna verulega því vegatálmar og aðrar takmarkanir á ferðafrelsi hafa skert mjög lífsgæði almennings.

Handtekinn vegna Bengtsson ránsins

Einn hefur verið handtekinn grunaður um að eiga þátt í ráninu á sænska stórforstjóranum Fabian Bengtsson. Að sögn sænska Aftonbladet er hinn grunaði þekktur fyrir ofbeldisverk en lögreglan hefur neitað að upplýsa hver maðurinn er.

Eignaðist börn með 59 daga bili

Rúmensk kona eignaðist syni með tveggja mánaða millibili. Konan er með tvö leg og þó ein af hverjum 50 þúsund konum sé talin vera með tvö leg telja læknar þetta vera í fyrsta skipti sem kona verður ófrísk að tveimur börnum, sitt í hvoru leginu, samtímis.

Ekki bræðsla í verksmiðju Samherja

Gríðarlegt tjón varð þegar eldur kom upp í fiskimjölsverksmiðju Samherja í Grindavík nú síðdegis. Nokkuð ljóst er að engin bræðsla verður starfrækt í Grindavík á komandi vertíð.

Íslendingur særist illa í Írak

Cesar Arnar Sanchez, liðlega tvítugur íslenskur hermaður í Írak, særðist alvarlega í flugskeytaárás í Írak síðustu nótt. Hann hefur verið mánuð í Írak og er þetta önnur sprengjan sem hann verður fyrir á fjórum dögum.

Þrýst hart á íslensk stjórnvöld

Bandaríkjastjórn sótti hart að íslenskum stjórnvöldum að fara á lista hinna viljugu þjóða í Íraksstríðinu og það er þess vegna sem nafn Íslands lendir þar þann 18. mars 2003. Halldór Ásgrímsson forsætisráðherra viðurkennir í viðtali að ákvörðunin um að fara á þennan lista hafi tengst hagsmunum Íslands í varnarsamningunum við Bandaríkin.

Ekki nóg að sigra í könnunum

Ingibjörg Sólrún Gísladóttir segir ekki nóg að sigra í könnunum. Það séu kosningarnar sjálfar sem gildi. Hún segist þó gleðjast yfir nýrri könnun sem sýnir að átta af hverjum tíu Samfylkingarmönnum telja hana hæfari til formennsku í flokknum en sitjandi formann, Össur Skarphéðinsson.

Kvenkyns kennari nauðgaði nemanda

Tuttugu og sjö ára kvenkyns leikfimikennari í bænum McMinnville í Tennessee hefur verið ákærð fyrir að nauðga þrettán ára gömlum nemenda sínum.

Morðóð systkini

Systkini í Indiana í Bandaríkjunum hafa játað að hafa myrt móður sína og ömmu sína og afa. Upp komst um morðin þegar systkinin, sem eru 29 og 18 ára, voru stöðvuð fyrir of hraðan akstur.

Minnsta barn í heimi komið heim

Kornabarn sem vó tæplega eina mörk við fæðingu og var 23 sentímetrar á lengd er komið heim til sín. 

Ekki staðið við gefin loforð

Margareta Wahlstrom, sendifulltrúi Sameinuðu þjóðanna, segir ríkisstjórnirnar sem ákveðið hafi að veita fjármunum til hjálpar- og uppbyggingarstarfs eftir flóðbylgjuna í Indlandshafi aðeins hafa gefið brot af því sem lofað hafi verið.

Nýir tímar hjá Háskólasjóði

Nýir menn, breyttir tímar, segir Björgólfur Thor Björgólfsson stjórnarformaður Háskólasjóðs Eimskipafélags Íslands. Hér eftir muni sjóðurinn þjóna hagsmunum háskólans og styðja hann með veglegum fjárframlögum eins og Vestur-Íslendingarnir sem stofnuðu sjóðinn ætluðust til.

Engin gögn um innrás

"Það má draga þá ályktun að það sé óeðlileg stjórnsýsla að haga málum með þessum hætti," segir Ragnar Aðalsteinsson hæstaréttarlögmaður um skort á skriflegum gögnum frá forsætis-, utanríkis- og dómsmálaráðuneytinu um aðdraganda innrásinnar í Írak og stuðningi Íslands við hana.

Auglýsingar úr umferð

Auglýsingar Umferðarstofu, þar sem meðal annars barn sést falla fram af svölum, brjóta gegn ákvæðum samkeppnislaga að mati Samkeppnisstofnunar. Mikið hefur verið deilt um ágæti auglýsinganna og barst Samkeppnisstofnun kvörtun frá umboðsmanni barna sem bað stofnunina að kanna hvort þær samræmdust íslenskum lögum.

Skilorð fyrir misnotkun

Héraðsdómur Reykjaness dæmdi karlmann á sextugsaldri í gær í sex mánaða fangelsi fyrir að beita sonardóttur sína kynferðislegu ofbeldi. Dómurinn er skilorðsbundinn til þriggja ára.

Veittist að lögreglu

Rúmlega þrítugur karlmaður veittist að lögreglumanni í tollsal Leifsstöðvar á þriðjudagskvöld og hótaði honum. Tollverðir höfðu skömmu áður stöðvað manninn vegna gruns um að hann væri að reyna að smygla fíkniefnum innvortis.

Fyrirtækinu stolið á mínútu

Ljósmyndari við Laugaveginn brá sér á salernið á föstudag illu heilli. Þegar hann sneri aftur innan við mínútu síðar var fyrirtækið horfið.