Engin gögn um innrás

"Það má draga þá ályktun að það sé óeðlileg stjórnsýsla að haga málum með þessum hætti," segir Ragnar Aðalsteinsson hæstaréttarlögmaður um skort á skriflegum gögnum frá forsætis-, utanríkis- og dómsmálaráðuneytinu um aðdraganda innrásinnar í Írak og stuðningi Íslands við hana. Ragnar sendi beiðni á sínum tíma um aðgang að gögnum um málið sem lutu meðal annars að minnismiðum, tilkynningum og símtölum. Ráðuneytin töldu að upplýsingarnar væru undanþegnar aðgengi almennings en Ragnar kærði þá ákvörðun til úrskurðarnefndar upplýsingamála sem komst að því að engin skrifleg gögn voru til um málið í ráðuneytunum.