Til skammar fyrir landið

Það er til skammar fyrir landið hve lítið íslenskir læknar gera af því að tilkynna um aukaverkanir lyfja, segir Sif Ormarsdóttir læknir í sérfræðinefnd Evrópsku lyfjastofnunarinnar. Forstjóri Lyfjastofnunar segir slíkar tilkynningar fara í gagnabanka í Evrópusambandinu. </font /></b />

Vindmyllan verður eitthvað áfram

Enn er ekki komið á hreint hver á og ber ábyrgð á vindmyllunni í Grímsey, að sögn Óttars Jóhannssonar oddvita í sveitarfélaginu. Málið hefði verið til umræðu í sveitarstjórn en ekkert meira.

Fagnaðarfundir í varðskipi

Fagnaðarfundir urðu um borð í danska varðskipinu Triton í gær, þegar íslensku kajakmennirnir, sem réru meðfram Grænlandsströnd í sumar og haust, heimsóttu skipverja til að þakka þeim fyrir björgunina í september. Skipið liggur nú í Reykjavíkurhöfn

Fimm tóku Vioxx, fengu hjartaáfall

Tilkynnt hefur verið til Landlæknisembættisins á síðustu dögum um fimm einstaklinga sem tóku gigtarlyfið Vioxx og fengu hjartaáfall. Embættið hyggst gera rannsókn á hugsanlegum afleiðingum notkunar lyfsins hér á land </font /></b />

Sharon ánægður með Abbas

Ariel Sharon kveðst mjög ánægður með Mahmoud Abbas, forseta Palestínu, og þær aðgerðir sem hann hefur gripið til frá því að hann tók við embættinu fyrr á þessu ári. Sharon kveðst ætla að vinna að framgangi friðar með Abbas og að á meðan friður ríki meðal Palestínumanna þurfi Ísraelsmenn ekki að beita hörku.

Hýsti ítalskan mafíósa

Dönsk kona er grunuð um að hafa í um vikutíma hýst ítalskan mafíuleiðtoga sem var handtekinn í Kaupmannahöfn í fyrradag.

Brugðist við atviki á Hrafnistu

Sveinn Skúlason, forstjóri Hrafnistu, segir að þegar hafi verið brugðist við með úrbótum eftir að maður á níræðisaldri lést á vistheimilinu eftir höfuðhögg á síðasta ári. Landlæknisembættið telur í bráðabirgðaúrskurði að maðurinn hafi ekki fengið þá meðferð og umönnun sem ætlast er til af heilbrigðisstarfsfólki.

Gerðu athugasemdir við vinnubrögð

Þingmenn Samfylkingarinnar gerðu alvarlegar athugasemdir við vinnubrögð ráðherra ríkisstjórnarinnar á Alþingi í gær og gagnrýndu þá fyrir að svara fyrirspurnum seint, illa eða alls ekki.

Góð kosningaþátttaka

Um þrjátíu Danir sem staddir eru hér á landi hafa kosið til danska þingsins í danska sendiráðinu, að sögn Ernst Hemmingsen, ræðismanns Dana hér á landi. Þá kusu rúmlega fimmtíu manns, nú um helgina, sem eru á danska varðskipinu sem liggur við Reykjavíkurhöfn.

Vilja tungumálalög

Opinber skjöl, auglýsingaspjöld, bæklinga, vinnureglur og samninga skal einungis birta á dönsku. Grunnskólakennarar skulu einnig einungis tala dönsku við nemendur sína. Þetta er meðal þess sem Danski þjóðarflokkurinn segjast vilja með setningu tungumálalaga.

Atvinnuleysi minnkar

Atvinnulausum í Danmörku fækkaði um 1.700 í byrjun janúar, miðað við mánuðinn þar á undan. Um áramótin voru því 171.900 Danir atvinnulausir, sem samsvarar 6,2 prósenta atvinnuleysi. Í nóvember var atvinnuleysið 6,3 prósent.

Átak í uppeldismálum

Forsætisráðuneytið, Þjóðkirkjan og Velferðarsjóður barna undirrituðu í gær samstarfsyfirlýsingu um átaksverkefni í uppeldismálum undir heitinu Verndum bernskuna. Þetta er sagt vera liður í því að bæta stöðu barna í samfélaginu og styrkja foreldra í uppeldishlutverkinu.

Vilja sannreyna skýrslu um göng

Að minnsta kosti tveir bæjarfulltrúar í Vestmannaeyjum vilja fá úr því skorið á bæjarstjórnarfundi í kvöld hvort skýrsla sem Árni Johnsen, fyrrverandi alþingismaður, kynnti á borgarafundi í Vestmannaeyjum í gærkvöldi eigi við einhver rök að styðjast.

Danir vilja Dani heim

Danir vilja hermenn sína heim frá Írak, eftir því sem fram kom í könnun sem Gallup í Danmörku gerði fyrir Berlingske Tidende.

Meðalhiti gæti hækkað um 11 stig

Gróðurhúsaáhrifin gætu valdið mun viðameiri breytingum á veðurfari og lífsskilyrðum á jörðinni en áður hefur verið talið. Ný rannsókn bendir til þess að haldi fram sem horfi, gæti meðalhiti jarðar hækkað um ellefu gráður.

Sýknaðir af árás

Tveir menn voru dæmdir í 45 og 30 daga fangelsi fyrir húsbrot á heimili Steingríms Njálssonar í maí árið 2003. Mennirnir voru sýknaðir af líkamsárás gegn Steingrími sem þeir voru einnig ákærðir fyrir. Dómurinn var kveðinn upp í Héraðsdómi Reykjavíkur á miðvikudag.

Vill endurskoða barnaklámslöggjöf

Dómsmálaráðherra Svíþjóðar vill láta endurskoða barnklámslöggjöfina með tilliti til þess hvort gera eigi refsivert að skoða barnaklám á Netinu. Enn fremur á að rannsaka hvort börn, sem verða fyrir kynferðislegu ofbeldi, eigi að fá hærri skaðabætur en þau fá nú. Í Svíþjóð er bannað að vista í tölvu klámefni með börnum en lögin ná ekki til þess að skoða það á skjánum.

Fékk skilorð með skilyrðum

Nítján ára piltur var, í Héraðsdómi Reykjavíkur, dæmdur í fimmtán mánaða fangelsi fyrir vopnað rán í Hringbrautarapóteki með gasskammbyssu. Þá var hann sakfelldur fyrir að leggja haglabyssu að andliti manns í heimahúsi. Tólf mánuðir refsingarinnar eru skilorðsbundnir í þrjú ár með þeim skilyrðum að pilturinn sæti umsjón á skilorðstímanum.

Tölurnar komu frá NCC

Byggingarverkfræðingur hjá norska verktakafyrirtækinu NCC staðfestir að hann hafi fyrir hönd fyrirtækisins unnið skýrslu fyrir Árna Johnsen um kostnað vegna jarðganga til Vestmannaeyja.

Mikið rætt en lítið gert

Allar líkur eru á því að frumvarp Kolbrúnar Halldórsdóttur, þingmanns Vinstri grænna, um að auka valdheimildir lögreglu til að fjarlæga ofbeldismenn af heimilum sínum dagi upp í allsherjarnefnd í annað sinn, þrátt fyrir að um þennan málaflokk virðist ríkja þverpólitísk sátt.

Bandaríkjamenn starfi með öðrum

Bandaríkjamenn verða að starfa með öðrum þjóðum að því að bregðast við alheimsógn á borð við hryðjuverk. Þetta segir Tony Blair, forsætisráðherra Bretlands. Hann segir Bandaríkjamenn hafa áttað sig á því að þeir geti ekki staðið einir í baráttunni en að þeir verði að bregðast við áhyggjum og sjónarmiðum annarra þjóða geri þeir sér vonir um samvinnu.

Truflanir á ATM-kerfi Og Vodafone

Truflanir hvoru á ATM-kerfi Og Vodafone í dag og hafa tæknimenn fyrirtækisins ásamt tæknimönnum Ericsson í Danmörku og Svíþjóð unnið að viðgerð sem lauk nú rétt fyrir klukkan fimm. Eftir því sem fram kemur í tilkynningu frá Og Vodafone olli bilunin víðtækum áhrifum á netþjónustu viðskiptavina, þ.m.t. ADSL-tengingar.

Sofið á verðinum?

Félagsmálaráðherra vill reyna til þrautar að leysa deiluna við Impregilo og segir að starfshópur eigi að fjalla um stöðu erlendra starfsmannaleiga. Formaður Samfylkingarinnar telur að stjórnvöld hafi sofið á verðinum. </font /></b />

Útgerðin að hefjast

Útgerð verksmiðjuskipanna nýju hjá Sjólaskipum eru að hefjast. Fyrsta skipið leysir landfestar frá Kanaríeyjum á næstu vikum.

Styrking krónunnar ekki skilað sér

Margt bendir til þess að styrking krónunnar að undanförnu hafi ekki skilað sér að fullu í vasa neytenda. Lyf, heimilisbúnaður og bílar hafa hækkað í verði. Verð á fatnaði hefur haldist nokku stöðugt og matarverð hefur farið lækkandi. </font /></b />

Bíða á hóteli eftir íbúðinni sinni

Um 15 einstaklingar bíða á hóteli eða í leiguíbúðum úti í bæ eftir að fá afhenta íbúð í 101 Skuggahverfi. "Þetta er mjög bagalegt og hefur komið illa við marga," segir Einar Halldórsson, framkvæmdastjóri Stoða. </font /></b />

Norskar vinnubúðir á Kárahnjúkum

Verið er að reisa fimm nýjar einingar af norsku vinnubúðunum Moelven á Kárahnjúkum. Þær rúma hátt í 140 manns.

Auður og Halldór verðlaunahafar

Auður Jónsdóttir og Halldór Guðmundsdóttir hlutu í dag Íslensku bókmenntaverðlaunin, en þau voru afhent við hátíðlega athöfn að Bessatöðum. Auður fékk verðlaun í flokki fagurbókmennta fyrir bókina <em>Fólkið í kjallaranum</em> og Halldór í flokki fræðirita og bóka almenns efnis fyrir verkið <em>Halldór Laxness – ævisaga</em>.

Lýst eftir 14 ára stúlku

Lýst er eftir fjórtán ára stúlku, Ragnheiði Clausen, sem fór af heimili sínu síðastliðinn föstudag. Síðast er vitað um ferðir hennar á sunnudag en hún var klædd í svarta úlpu og gallabuxur. Þeir sem geta gefið einhverjar upplýsingar um ferðir hennar eru vinsamlegast beðnir að hafa samband við lögregluna í Hafnarfirði.

Rjúpnaveiði hefst að nýju

Rjúpnaveiði hefst að nýju næsta haust ef frumvarp Sigríðar Önnu Þórðardóttur umhverfisráðherra verður að lögum. Frumvarpið hefur verið kynnt í ríkisstjórn og er nú til umfjöllunar í þingflokkum stjórnarflokkanna.

Ríkissjóður fær milljarða

Tekjur ríkissjóðs af stimpilgjöldum síðastliðin tvö ár námu um tíu milljörðum króna. Þetta kom fram í svari Geirs H. Haarde fjármálaráðherra við fyrirspurn Margrétar Frímannsdóttur, þingmanns Samfylkingar.

80.000 börn létust í Indónesíu

Áttatíu þúsund börn týndu lífi í náttúruhamförunum í Indónesíu á öðrum degi jóla að mati sérfræðinga samtakanna Save the Children. Að auki reika tugir þúsunda barna um hörmungasvæðið í leit að foreldrum sínum sem aldan hreif með sér. Talið er að fjórir af hverjum tíu sem fórust hafi verið börn, sem þýðir að allt að 119 þúsund börn hafi farist.

Efling vegagerðar með veggjöldum

Gerð verður úttekt á kostum til að auka fjárfestingar í vegagerð með veggjöldum ef þingsályktunartillaga Einars K. Guðfinnssonar og Halldórs Blöndal, þingmanna Sjálfstæðisflokksins, verður samþykkt.

Skaðabætur vegna slyss

Reykjavíkurborg verið gert að greiða konu 2,5 milljónir króna með vöxtum vegna tjóns sem hún varð fyrir árið 2002 þegar skyggni við Ingólfstorg féll niður og á konuna þar sem hún var viðstödd Gay Pride hátíðahöldin.

Reyna að hindra kosningar í Írak

Fimmtán Írakar og bandarískur hermaður liggja í valnum eftir átök dagsins í Írak. Uppreisnarmenn þar eru staðráðnir í að koma í veg fyrir kosningarnar á sunnudaginn með öllum ráðum.

Framtíð Íraks veltur á al-Sistani

Framtíð Íraks veltur að stórum hluta á einum manni. Sá nefnist æjatolla Ali al-Sistani og er talinn áhrifamesti maður Íraks.

Auður og Halldór verðlaunuð

Auður Jónsdóttir og Halldór Guðmundsson hljóta Íslensku bókmenntaverðlaunin 2004. Ólafur Ragnar Grímsson, forseti Íslands, afhenti þeim verðlaunin við hátíðlega athöfn á Bessastöðum í gær.

Fékk bætur fyrir líkamstjón

Hæstiréttur dæmdi Reykjavíkurborg í dag til að greiða ungri konu tvær og hálfa milljón króna í skaðabætur vegna líkamstjóns sem hún varð fyrir á Hinsegin dögum árið 2002. Konan varð undir skyggni sem féll á hóp hátíðargesta á Ingólfstorgi. Tugir manna urðu undir skyggninu, þar á meðal konan sem fékk höfuðhögg og skurð á höfuðið, auk þess að togna í hálsi og baki.

Dæmdur fyrir nokkur ofbeldisbrot

Tæplega tvítugur maður var dæmdur til 15 mánaða fangelsisvistar í Héraðsdómi Reykjavíkur í dag fyrir nokkur ofbeldisbrot. Maðurinn var dæmdur fyrir vopnað rán í Hringbrautarapóteki í september í fyrra, fyrir að hafa hótað öðrum manni með haglabyssu og fyrir að hafa ógnað afgreiðslumanni bensínstöðvar með hnífi.

Níu áratugir átaka

Afskipti erlendra stjórnvalda, innlendir einræðisherrar og núningur ólíkra þjóðarbrota og trúarhópa hefur leitt til þess að saga Íraks hefur að miklu leyti einkennst af átökum. Átökin í landinu verða því að sumu leyti að skoðast í ljósi sögunnar sem hefur á köflum verið blóði drifin. </font /></b />

Búið að lagfæra girðingu

Búið er lagfæra girðingu á lóð fyrirtækisins Ásgeirs Sigurðssonar við Síðumúla 35 að kröfu Umhverfis- og heilbrigðisstofu. Fyrirtækið fullyrðir að umbúðir hættulegra efna sem voru á lóð fyrirtækisins í gær hafi verið tómar og á leið til áfyllingar hjá birgjum þann sama dag.

Ekki endastöð heldur upphaf

Írösku kosningarnar eru upphafið að stjórnmálaferli sem ljúki með sátt um uppbyggingu íraska stjórnkerfisins. Margar hættur eru þó enn fyrir hendi og jafnvel möguleiki á að kosningarnar og eftirleikur þeirra leiði til enn verra ástands en nú er. </font /></b />

Átak í uppeldismálum

<em>Verndum bernskuna</em> er yfirskrift átaks í uppeldismálum sem efnt verður til næsta haust. Það er liður í að bæta stöðu barna í samfélaginu og styrkja foreldra í uppeldishlutverkinu. Þetta er samstarfsverkefni forsætisráðuneytisins, þjóðkirkjunnar og Velferðarsjóðs barna.

Segir NCC ekki hafa gert áætlun

Árni Johnsen er með þriggja síðna kostnaðarmat á gerð jarðganga til Vestmannaeyja frá starfsmanni verktakafyrirtækisins NCC. Yfirmaður NCC í Noregi ítrekar aftur á móti yfirlýsingar sínar sem komu fram í fréttum Stöðvar 2 í gær um að NCC hafi enga kostnaðaráætlun gert.

Vilja flýta landsfundi enn frekar

Tveir þingmanna Samfylkingarinnar segja að flýta eigi landsfundi flokksins enn frekar svo að langur slagur um formannsembættið skaði ekki flokkinn. Formannsefnin gefa ekki upp hvað þeim finnst um þessi áform.