Mikill hafís norðan við land

Flugvél Landhelgisgæslu Íslands, TF-SYN, varð vör við nokkra stóra borgarísjaka á reki fyrir Norðurlandi í gær. Ísjakinn sem var næstur landi var skammt norður af Siglunesi við Siglufjörð.

Hælisleitendur fá vasapeninga

Auralausir hælisleitendur sem lengi eru í umsjá Reykjanesbæjar meðan mál þeirra eru til skoðunar hjá Útlendingastofnun fá eftirleiðis greidda vasapeninga meðan á dvöl þeirra stendur. Slíkar greiðslur voru aflagðar um áramót þegar bærinn tók við umsjá hælisleitenda frá Rauða krossi Íslands.

Slæm kennsla í upplýsingatækni

Helmingur nemenda viðskipta- og hagfræðideildar Háskólans er óánægður með upplýsingatæknikennslu framhaldsskólakerfisins. Kröfur um samræmda upplýsingakennslu á framhaldskólastigi eru ræddar á málþingi í dag </font /></b />

Umferðarteppa í Oddskarði

Aukin og breytt umferð um Oddskarðsjarðgöngin á Norðfjarðarvegi veldur vegfarendum vandræðum. Hjá Vegagerðinni fengust þær upplýsingar horft til tímabilsins 1. júní til 24. ágúst sé aukning umferðar 10 prósent frá síðasta ári. Frá áramótum talið hefur umferð aukist um 8 prósent.

Sextugsafmæli Loftleiða í London

Flugmálafélag Íslands ætlar að minnast 60 ára afmælis Loftleiða á þessu ári með hópferð til London 4. til 6. september. Ferðin er farin í samvinnu við Iceland Express, en með í för verða sérstakir heiðursgestir sem tengjast Loftleiðum.

Skjaldbökur frelsaðar

Fjórar skjaldbökur, sem fundust nær dauða en lífi á ströndinni í Cape Cod í Bandaríkjunum fyrir tæpu ári hlutu í gær frelsi eftir að hafa notið umönnunar í sædýrasafni þar skammt frá.

Áróðursauglýsingar gegn Bush

Hundruðum milljóna dala er nú eitt í sjónvarpsauglýsingar og kosningaáróður í Bandaríkjunum. Stór hluti þess fjárausturs er á vegum sjálfstæðra samtaka sem í orði eru ótengd forsetaframbjóðendunum tveimur.

Latibær vinsælastur

Þættirnir um Latabæ reyndust vinsælasta barnaefnið í bandarísku sjónvarpi fyrstu vikuna sem þeir voru sýndir. Tíu milljónir Bandaríkjamanna sáu þættina.

Framtíðin ekki í höndum Sigrúnar

Guðjón Ólafur Jónsson, varaþingmaður Framsóknarflokksins segir framtíð flokksins ekki í höndum Sigrúnar Magnúsdóttur heldur stelpu og strákhvolpa. Sigrún sagði á fjölmennum fundi í gærkvöldi að konur í Framsókn ætluðu ekki að láta strákhvolpa lítilsvirða sig og varaþingmaðurinn tók það til sín.

Bæta þurfi mataraðstöðu í skólum

Snúðar, snakk, súkkulaðistykki og gosdrykkir eru meðal þess sem eldri nemendur í íslenskum grunnskólum gæða sér gjarnan á í hádeginu, því ekki er boðið upp á hádegismat í öllum skólum. Hólmfríður Þorgeirsdóttir, verkefnisstjóri hjá Lýðheilsustöð, segir nauðsynlegt að bæta mataraðstöðu í skólum og auka forvarnir enda sé sykurneysla unglinga orðin gríðarleg

Blóðbað í Najaf

Blóðsúthellingar einkenndu fyrsta dag tilrauna æðsta klerks sjíta til friðarumleitana í helgu borginni Najaf í dag. Þangað eru tugir þúsunda Íraka komnar til að hlýða kalli trúarleiðtoga.

Þjóðarsorg ríkir í Rússlandi

Drungi sorgar og ótta liggur yfir Rússlandi í kjölfar flugslysanna í gær. Engar vísbendingar finnast um orsakir þess að vélarnar hröpuðu, en almenningur er sannfærður um að hryðjuverkamenn hafi grandað þeim.

Gölluð bygging og ónotuð í áratug

Tugmilljóna króna viðbygging við Fjórðungssjúkrahúsið á Akureyri hefur að mestu staðið ónotuð í áratug. Vegna hönnunargalla er hún nánast ónothæf til þess sem hún var upphaflega ætluð. Heilbrigðisráðherra segist ekki vilja draga neinn til ábyrgðar, en segir vandamálið brátt úr sögunni.

Cherie Blair á Íslandi

Cherie Blair, eiginkona Tonys Blairs forsætisráðherra Breta, kom hingað til lands í dag ásamt fjögurra ára syni þeirra hjóna. Hún flytur erindi á málstofunni Konur, völd og lög sem fram fer á morgun, og segist sjálf eiga í fullu fangi með að takast á við hlutverk móðurinnar, eiginkonunnar og lögfræðingsins.

Tekjuskattur lækkar um 1 %

Forystumenn stjórnarflokkanna hafa samið um að tekjuskattshlutfall einstaklinga verði lækkað um eitt prósentustig um næstu áramót. Enn takast flokkarnir á um það hversu hratt eigi að ráðast í aðrar skattabreytingar.

Lögreglan borgar fyrir upplýsingar

Albert Jónsson, sjómaður í Bolungarvík, ætlar að kæra lögregluna á Ísafirði fyrir einelti. Hann telur hana leggja fé sér til höfuðs. Á upptöku sem DV hefur undir höndum, heyrist hvar Hlynur Snorrason varðstjóri lögreglunnar býður Karli Elíassyni, vini Alberts, peninga fyrir upplýsingar um ferðir hans.

Fáir vitja reiðhjóla til lögreglu

Tilkynnt hefur verið um 293 týnd eða stolin reiðhjól það sem af er þessu ári, í fyrra voru hjólin alls 345. Hörður Jóhannesson, yfirlögregluþjónn hjá lögreglunni í Reykjavík, segir eitt til tvö hundruð hjól, sem finnast hingað og þangað um borgina, vera komið til lögreglu á ári hverju. Ekki séu þó margir sem komi og vitji um hjólin.

Tveir björguðust þegar bátur sökk

;Ég hef það þokkalegt. Ég er ekki búinn að átta mig á þessu, ætli maður geri það nokkuð fyrr en maður vaknar bátlaus í fyrramálið," sagði Halldór J. Egilsson útgerðarmaður og annar mannanna tveggja sem bjargað var þegar 19 tonna línubátur, Björgvin ÍS-468, sökk í gærmorgun út af Önundarfirði.

Grunur um kynferðisafbrot

Lögreglan á Snæfellsnesi þarf að ná sambandi við konu sem aðstoðaði stúlku á ellefta ári við að komast frá Laufásvegi, skammt frá verslun 10-11, í Stykkishólmi að tjaldsvæði bæjarins um klukkan fjögur eða fimm aðfaranótt sunnudagsins 15. ágúst, þegar danskir dagar voru haldnir hátíðlegir í Stykkishólmi.

Hjónavígslur úr kirkjunum

Helmingur danskra presta vill fá hjónavígslur úr kirkjunum samkvæmt nýrri könnun og hefur danski biskupinn lýst yfir mikilli hryggð vegna þess. Telja prestarnir að vígslur hvers konar eigi betur heima í ráðhúsum en í heilögum kirkjum þrátt fyrir að hjónavígslur dragi mun fleiri í kirkju en guðsþjónustur.

Fjöldi fórst í fellibyl

Um 50 manns hafa farist í fellibylnum Aere sem gekk yfir Taívan og meginland Kína í gær og í fyrradag. Talið er að viðbrögð stjórnvalda hafi bjargað mörgum en rúmlega einni milljón íbúa Kína og tæplega milljón íbúum Taívan var gert að yfirgefa heimili sín á þekktum flóðasvæðum áður en fellibylurinn kom að landi.

Tvær rússneskar flugvélar farast

Tvær rússneskar farþegaþotur fórust í nótt með nokkurra mínútna millibili og er óttast að rekja megi það til hryðjuverka. Önnur vélin var með 43farþega innan borðs og hin með 46 farþega. Vélarnar tóku á loft frá Domodedovo-flugvelli í Moskvu með fjörutíu mínútna millibili en hurfu báðar af radarskjám á nánast sama augnabliki.

Búist við hörðum umræðum

Búist er við hörðum umræðum á opnum fundi Landssambands Framsóknarkvenna í dag, en tilefni fundarins er að mótmæla þeirri ákvörðun þingflokks Framsóknarmanna að víkja Siv Friðleifsdóttur úr ríkisstjórn.

Fischer ekki framseldur

Stjórnvöld í Japan hafa ákveðið að vísa skákmeistaranum Bobby Fischer ekki úr landi á næstunni. Til stóð að hann yrði sendur úr landi og hefði hann þá að öllum líkindum verið sendur til Bandaríkjanna.

Tilfinningatorgið varanlegt

Borgarráð samþykkti í gær að fela menningarmálanefnd að leita leiða til þess að festa svokallað Tilfinningatorg í sessi í miðborg Reykjavíkur.

Skref í innheimtu skólagjalda

Stúdentaráð Kennaraháskóla Íslands telur að hugmyndir um sameiningu Tækniháskóla Íslands og Háskólans í Reykjavík sé í raun fyrsta skrefið til að innheimta skólagjöld í háskólakerfinu hér á landi.

Málfundur um 26. grein

Málskotsréttur forseta Íslands, samkvæmt 26. grein stjórnarskrárinnar, verður til umræðu á fundi Málfundarfélags Lögréttu í Háskóla Íslands í dag. Frummælendur verða hæstaréttarlögmennirnir Dögg Pálsdóttir og Jón Steinar Gunnlaugsson, auk Lúðvíks Bergvinssonar, alþingismanns.

Loftárás á Fallujah

Bandarískar herþotur gerðu loftárásir á borgina Fallujah í Írak í morgun og féllu í það minnsta þrír. Fjórir voru færðir á sjúkrahús. Skotmörk árásana eru sögð bækisstöðvar sem samverkamenn al-Qaeda leiðtogans Abu Musabs al-Zarqawis notast við.

Stafrænar sjónvarpsútsendingar

Íslenska útvarpsfélagið hefur stafrænar sjónvarpsútsendingar í gegnum nýtt dreifikerfi 1. nóvember í haust. Sjónvarpsstöðvarnar Stöð 2, Stöð 2+, Sýn, Sýn 2, Bíórásin og Popptíví verða þá allar sendar út stafrænt, auk þess sem erlendum sjónvarpsstöðvum sem félagið býður upp á verður fjölgað úr fjórtán í 40.

Elsti pandabjörninn látinn

Elsti pandabjörn í umsjón manna lést af eðlilegum orsökum í kínverskum dýragarði í dag. Peipei var 33 ára sem myndi teljast um 100 ár í mannævi. Talið er að pandabirnir eigi ættir að rekja allt til tíma risaeðlanna.

Sistani í Basra

Áhrifamesti sjítaklerkur Íraks, al-Sistani, hefur snúið aftur til landsins eftir veru í London þar sem hann gekkst undir hjartaaðgerð. Hann er staddur í borginni Basra nú, en talið er að hann muni halda til Najaf á morgun.

Sonur Thatchers handtekinn

Sonur Margrétar Thatcher, fyrrverandi forsætisráðherra Bretlands, hefur verið handtekinn vegna tilraunar til valdaráns. Mark Thatcher var í morgun handtekinn í Suður-Afríku grunaður um aðild að tilraun til valdaráns í Miðbaugs-Gíneu. Þar er mikla olíu að finna.

Bíll valt á Skagavegi

Bíll valt á Skagavegi í gær eftir að kind hljóp í veg fyrir bílinn. Ökumaðurinn, sem er ítalskur ferðamaður, reyndi að koma í veg fyrir að aka á kindina, en það tókst ekki betur en svo að bíllinn valt og er talinn gjörónýtur. Lögreglan á Blönduósi segir að ítalskt par hafi verið í bílnum og að þau hafi bæði sloppið ómeidd.

Fellibylurinn Aere veldur usla

Fellibylurinn Aere gengur nú yfir meginland Kína eftir að hafa valdið dauða í það minnsta fimm á Tævan. 250 þúsund manns hafa verið fluttir frá heimilum sínum við ströndina. Yfir þrjátíu þúsund fiskveiðiskipum og -bátum var skipað að snúa til hafnar á ný, og allt flug frá Hong Kong lá niðri fram eftir nóttu.

Clinton komst við

Bill Clinton, fyrrverandi forseti Bandaríkjanna, táraðist næstum því eftir fund með Ólafi Ragnari Grímssyni, forseta Íslands á Bessastöðum í gær. Þá hitti Clinton Sjafnar Gunnarsson, sem er að líkindum einlægasti aðdáandi forsetans fyrrverandi hér á landi.

Bjóða allir svipuð kjör

Allir viðskiptabankarnir bjóða nú svipuð kjör á íbúðalánum, eftir að KB banki reið á vaðið í fyrradag og bauð lægri vexti en Íbúðalánasjóður. Í gær ákváðu Íslandsbanki, Landsbanki og Spron að bjóða samskonar kjör, eða verðtryggð lán til allt að 40 ára, með 4,4 prósenta vöxtum og 80 prósenta veðhlutfalli.

Styður ekki bann

Varaforesti Bandaríkjanna, Dick Cheney, hefur lýst því yfir að hann styðji ekki bann við hjónabandi samkynhneigðra. Þetta er í andstöðu við afstöðu George Bush, segir á veffréttasíðu BBC.

Óverjandi að innheimta skólagjöld

Björgvin G. Sigurðsson, þingmaður Samfylkingarinnar segir óverjandi að innheimta skólagjöld í nýjum sameinuðum háskóla Tækniháskóla Íslands og Háskólans í Reykjavík, ef af sameiningu þeirra verður, enda hafi ekki verði innheimt skólagjöld í Tækniháskólanum til þessa.

Ræðir Svalbarðadeiluna

Halldór Ásgrímsson mun ræða Svalbarðadeiluna við utanríkisráðherra Noregs á ráðherrafundi sem nú er að hefjast í Litháen. Ekki er talin mikil von um árangur af viðræðunum.

Olíuverð fer lækkandi

Olíuverð fer nú lækkandi og virðist sem taugaveiklun á markaði ráði ekki lengur ferð. Fatið kostar nú ríflega 45 dollara og í ljósi þess að olíuútflutningur frá Írak er nú kominn í eðlilegt horf eru taldar litlar líkur á hækkun.

Hvetur til að gagnrýni verði hætt

Valgerður Sverrisdóttir, iðnaðar- og viðskiptaráðherra, hvetur Framsóknarkonur til að láta af gagnrýni sinni á forystu flokksins. Eðlilegt sé að gagnrýna forystuna einu sinni en ekki í heila viku.

Rigningin í nótt glæðir laxveiðina

Formaður Stangaveiðifélags Reykjavíkur, Bjarni Ómar Ragnarssonsegir, segir að rigningin, sem féll í nótt, glæði laxveiðina. Vatnsbúskapur í laxveiðiám hefur verið dapurlegur í sumar.

Allt gert til að tryggja skólavist

Menntamálaráðherra segir að allt sé gert til að tryggja öllum framhaldsskólanemum, sem gert hafa hlé á námi sínu, áframhaldandi skólavist. Ráðherra segir brottfall nemenda vera minnkandi en ekki öfugt, líkt og haldið hafi verði fram.

Frídagar fluttir yfir á föstudag

Reykjavíkurborg ætlar að kanna hvort starfsmenn borgarinnar vilji flytja frídaga þannig að úr verði samfellt leyfi. Borgarráð hefur samþykkt að láta kanna áhuga Starfsmannafélags Reykjavíkurborgar, Eflingar og annarra viðsemjenda Reykjavíkurborgar, á því að taka upp í samninga heimildarákvæði um að flytja frítöku vegna uppstigningadags, og sumardagsins fyrsta.

Mikið uppnám í Rússlandi

Hryðjuverk eru talin hugsanleg ástæða þess, að tvær rússneskar farþegaþotur fórust með nokkurra mínútna millibili í nótt. Um níutíu manns voru í vélunum tveimur og létust allir. Fjölmiðlar í Rússlandi segja ellefta september runninn upp í Rússlandi.