Lífið

Út­för Björg­vins opin al­menningi

Eiður Þór Árnason skrifar
Stórt skarð er höggvið í íslenskan tónlistarheim nú þegar röddin sjálf hefur kvatt þann vettvang.
Stórt skarð er höggvið í íslenskan tónlistarheim nú þegar röddin sjálf hefur kvatt þann vettvang.

Útför tónlistarmannsins Björgvins Halldórssonar verður opin almenningi og fer hún fram frá Hallgrímskirkju þriðjudaginn 28. apríl klukkan 15. Björgvin lést þann 9. apríl og hefði orðið 75 ára í dag.

Þetta staðfestir aðstandandi en mbl.is greindi fyrst frá. Ekki liggur fyrir hvort streymt verður frá athöfninni að svo stöddu. 

Björgvin fæddist 16. apríl 1951 í Hafnarfirði og skilur eftir sig djúp spor í íslenskri menningarsögu. Hann söng meðal annars með hljómsveitum á borð við Ævintýri, Brimkló, Ðe lónlí blú bojs, HLH-flokknum og Sléttuúlfunum, auk þess að hafa átt glæstan sólóferil.

Arfleifðin lifi áfram

Krummi Björgvinsson minntist föður síns í dag og sagðist kveðja hann með brotið hjarta sem væri fullt af þakklæti, minningum, ást og arfleifð sem lifi áfram. Björgvin hafi átt erfitt síðustu ár vegna heilsubresta.

Svala Björgvinsdóttir minntist föður síns sömuleiðis á dögunum og lýsti þungri sorg.

„Ég var ekki tilbúin að missa þig, ég trúi ekki að ég muni ekki geta talað um allt milli himins og jarðar við þig og horfa á bíómyndir saman og djóka og hlæja og rökræða um lífið og syngja saman. Þú ert kletturinn okkar og með stærsta hjarta í heimi og elskar þitt fólk meira en allt í lífinu. Við munum sakna þín alla daga og halda minningu þinni lifandi. Ég lofa þér því, elsku pabbi minn.“

Andlát Björgvins Halldórssonar Hallgrímskirkja

Tengdar fréttir

Hafnfirðingar vinna að sýningu um Bó

Bæjarráð Hafnarfjarðar samþykkti í dag að hefja undirbúning að sýningu um ævi og feril Björgvins Halldórssonar, eins dáðasta sonar Hafnarfjarðar. Bærinn vill með sýningunni heiðra minningu manns sem markaði djúp spor í íslensku menningarlífi og átti einstakt samband við Hafnfirðinga.

Krummi kveður pabba sinn

Tónlistarmaðurinn Krummi Björgvinsson minnist föður síns goðsagnarinnar Björgvins Halldórssonar í einlægum texta í tilefni þess að í dag hefði hann orðið 75 ára. Krummi segist kveðja með brotið hjarta sem þó sé fullt þakklætis og fullt af minningum, ást og arfleifð sem lifi áfram í Krumma. Hann segir föður sinn á síðustu árum hafa átt erfitt vegna heilsu og það hafi haft mikil áhrif.

Sjarmatröllið sem setti popptónlist í öndvegi

„Maður er mjög sorgmæddur en síðan fyllist maður einhverjum yl og gleði þegar maður sér þessi myndskeið sem sýna hvað hann gerði mikið fyrir íslenskt tónlistarlíf. Hann setti popptónlist í öndvegi og sinnti henni af mikilli elju alla tíð. Það er eitthvað sem við Íslendingar fílum.“



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.