Björg­vins Halldórs­sonar minnst með einnar mínútu þögn

Stórsöngvarinn Björgvin fæddist í Hafnarfirði og varð fyrstur tónlistarmanna til að fá sérstaka stjörnu sér til heiðurs í stéttina fyrir framan Bæjarbíó í Hafnarfirði. Björgvin átti einstakan tónlistarferil og setti mark sitt á tónlistarsögu Íslendinga.

Um annan leik Hauka og FH í undanúrslitum Olís deildarinnar er að ræða en FH leiðir einvígið 1-0 eftir fyrsta leikinn og við hæfi að Hafnfirðingsins Björgvins Halldórssonar sé minnst þegar Hafnarfjarðarliðin tvö mætast í kvöld. 

„Maður er mjög sorgmæddur en síðan fyllist maður einhverjum yl og gleði þegar maður sér þessi myndskeið sem sýna hvað hann gerði mikið fyrir íslenskt tónlistarlíf,“ sagði Arnar Eggert Thoroddsen fjölmiðla- og poppfræðingur um Björgvin Halldórsson í kvöldfréttum Sýnar í gær. 

„Hann setti popptónlist í öndvegi og sinnti henni af mikilli elju alla tíð. Það er eitthvað sem við Íslendingar fílum.“

Leikur Hauka og FH fer fram á Ásvöllum í Hafnarfirði í kvöld og hefst klukkan sjö. Leiknum verður lýst í beinni textalýsingu á Vísi.