Madrid, Liverpool, París eða Sádi Arabía? Smári Jökull Jónsson skrifar 30. desember 2023 13:31 Samningur Kylian Mbappe við PSG rennur út næsta sumar. Vísir/Getty Samningur Kylian Mbappe hjá franska stórliðinu PSG rennur út næsta sumar. Frá og með áramótum geta önnur félög því hafið samningaviðræður við stórstjörnuna. Frakkinn Kylian Mbappe er af flestum talinn einn besti knattspyrnumaður í heimi þessa stundina. Mbappe hefur leikið með PSG frá árinu 2017 en samningur hans við félagið rennur út næsta sumar. Frá 1. janúar getur Mbappe því hafið viðræður við önnur félög um félagaskipti næsta sumar og fengi PSG þá ekkert fyrir sinn snúð. Þau eru mörg félögin sem væru til í að fá hann til liðs við sig en Talksport fór yfir þá möguleika sem taldir eru líklegastir í stöðunni. Gæti myndað alvöru tvíeyki með Bellingham Áhugi Real Madrid á Mbappe hefur lengi legið fyrir. Spænsku risarnir buðu 171 milljón punda í Frakkann sumarið 2021 og hafa í nokkur ár gert hosur sínar grænar fyrir honum. Margir héldu að hann færi til Madrid á frjálsri sölu sumarið 2022 en þá kom Mbappe öllum á óvart og framlengdi samning sinn við Parísarliðið. Færi Mbappe til Marídar myndi hann hitta þar fyrir Jude Bellingham sem hefur verið algjörlega magnaður sína fyrstu mánuði í treyju Real Madrid. Þeir myndu án efa mynda algjörlega magnað tvíeyki með frábæra leikmenn eins og Vinicius Jr. sér til aðstoðar. „Sambandið á milli hans, Liverpool og Klopp er til staðar“ Liverpool hefur oftar en ekki verið ofarlega á lista yfir þau félög sem talin eru líkleg sem næsti áfangastaður Mbappe. Þó svo að Real Madrid sé í bílstjórasætinu er Liverpool ekki langt undan. Mohamed Salah gæti yfirgefið Liverpool næsta sumar og félagið án efa farið að skoða hvernig þeir geta fyllt hans skarð. Fáir eru líklega betur til þess fallnir en Mbappe. „Liverpool vildi fá hann þegar hann var hjá Monaco,“ sagði Loic Tanzi blaðamaður franska blaðsins L´Equipe við Talksport. „Jurgen Klopp fór að hitta hann og þeir áttu í viðræðum. Sambandið á milli hans, Liverpool og Klopp er til staðar.“ Liverpool hefur oft á tíðum haldið buddunni þétt að sér og stuðningsmenn liðsins gjarnan bent á hversu lítið liðið hefur eytt miðað við helstu keppinauta sína. Kæmi Mbappe á frjálsri sölu þyrfti félagið aðeins að semja um laun, bónusa og greiðslur til umboðsmanna sem breytir stöðunni. Áfram í París eða olíupeningar í Sádi Arabíu? Sagan segir okkur að það gæti vel farið svo að Mbappe semji á nýjan leik við PSG. Vasar eigenda félagsins eru stútfullir af peningum og staða Mbappe í Frakklandi hefur meira að segja gert það að verkum að sjálfur Frakklandsforseti hefur reynt að sannfæra hann um að halda sig á Parc des Princes. Hann er aðalamaðurinn í frönsku deildinni og gríðarlega áhrifamikill bæði innan og utan vallar. Af hverju ætti hann að fara eitthvað annað? Eitt sem gæti heillað hann eru enn meiri peningar. Þá er að finna í Sádi Arabíu en margar stórstjörnur hafa leitað þangað á síðustu mánuðum. Al-Hilal á að hafa boðið 257 milljónir punda í Mbappe í sumar en hann vildi ekki fara í viðræður. Ólíklegt að staðan hafi breyst síðan í sumar en hver veit hvað gerist ef Mbappe yrði réttur óútfylltur tékki. Endurfundir Mbappe og Pochettino Síðasti möguleikinn sem nefndur er í samantekt Talksport er nokkuð óvæntur. Chelsea hefur eytt gríðarlegum fjármunum síðustu misseri og þó svo að Mbappe kæmi frítt þá yrði samningur við hann ekki ódýr þegar laun, bónusar og umboðsmannalaun eru tekin inn í myndina. Mbappe lék undir stjórn Mauricio Pochettino hjá PSG og var fyrirliði liðsins undir hans stjórn. Pochettino er nú við stjórnvölinn hjá Chelsea og hver veit nema argentínski knattspyrnustjórinn nái að sannfæra Mbappe um að Stamford Bridge sé rétti staðurinn fyrir hann. Franski boltinn Spænski boltinn Sádiarabíski boltinn Mest lesið Í beinni: Ísrael - Ísland | Fyrsti leikur á EM Körfubolti Sjáðu glaða Íslendinga hita upp í Katowice Körfubolti Fantasýn ræðir framtíð Wirtz: Blóðugur upp fyrir haus að pumpa í hann lífi Enski boltinn Amorim gagnrýndur fyrir að horfa ekki á vítakeppnina Enski boltinn Neyðarleg tölfræði Onana í vítakeppninni Enski boltinn „Þetta var sjokk fyrir hann“ Körfubolti Söknuður af æskufélaganum: „Áttum að vera gömlu karlarnir“ Körfubolti „Við vorum algjörlega týndir“ Enski boltinn Fantasýn: Varar fólk við Richarlison Enski boltinn Myndasyrpa: Íslendingapartý tók yfir Katowice Körfubolti Fleiri fréttir Segja að þjálfari Hlínar hafi verið rekinn nokkrum dögum fyrir mót Fantasýn: Varar fólk við Richarlison Neyðarleg tölfræði Onana í vítakeppninni Amorim gagnrýndur fyrir að horfa ekki á vítakeppnina Fantasýn ræðir framtíð Wirtz: Blóðugur upp fyrir haus að pumpa í hann lífi „Við vorum algjörlega týndir“ United banarnir drógust á móti Leeds bönunum Eitt vandræðalegasta kvöldið í sögu Manchester United Isak gæti spilað fyrsta leikinn sinn á tímabilinu Albert bjartsýnn á að Eze sé lokapúslið: „Komin þvílík breidd í þetta“ Reiddist eigin aðdáendum en baðst svo afsökunar Rio grínaðist með söngva Liverpool fólksins Má ekki skipta um föt í búningsklefa Arsenal en má spila með liðinu Hákon Rafn hélt hreinu þegar Brentford fór áfram en þrjú Íslendingalið úr leik Gordon bað bæði liðsfélagana og Van Dijk afsökunar Palace gerir hosur sínar grænar fyrir Akanji Borga fjörutíu milljónir punda fyrir kantmann sem skoraði tvö mörk í fyrra Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Sextán ára strákur tryggði Liverpool öll stigin Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks „Getur ekki látið 140 milljóna punda mann í varaliðið“ Isak utan vallar en þó í forgrunni Sjá meira
Frakkinn Kylian Mbappe er af flestum talinn einn besti knattspyrnumaður í heimi þessa stundina. Mbappe hefur leikið með PSG frá árinu 2017 en samningur hans við félagið rennur út næsta sumar. Frá 1. janúar getur Mbappe því hafið viðræður við önnur félög um félagaskipti næsta sumar og fengi PSG þá ekkert fyrir sinn snúð. Þau eru mörg félögin sem væru til í að fá hann til liðs við sig en Talksport fór yfir þá möguleika sem taldir eru líklegastir í stöðunni. Gæti myndað alvöru tvíeyki með Bellingham Áhugi Real Madrid á Mbappe hefur lengi legið fyrir. Spænsku risarnir buðu 171 milljón punda í Frakkann sumarið 2021 og hafa í nokkur ár gert hosur sínar grænar fyrir honum. Margir héldu að hann færi til Madrid á frjálsri sölu sumarið 2022 en þá kom Mbappe öllum á óvart og framlengdi samning sinn við Parísarliðið. Færi Mbappe til Marídar myndi hann hitta þar fyrir Jude Bellingham sem hefur verið algjörlega magnaður sína fyrstu mánuði í treyju Real Madrid. Þeir myndu án efa mynda algjörlega magnað tvíeyki með frábæra leikmenn eins og Vinicius Jr. sér til aðstoðar. „Sambandið á milli hans, Liverpool og Klopp er til staðar“ Liverpool hefur oftar en ekki verið ofarlega á lista yfir þau félög sem talin eru líkleg sem næsti áfangastaður Mbappe. Þó svo að Real Madrid sé í bílstjórasætinu er Liverpool ekki langt undan. Mohamed Salah gæti yfirgefið Liverpool næsta sumar og félagið án efa farið að skoða hvernig þeir geta fyllt hans skarð. Fáir eru líklega betur til þess fallnir en Mbappe. „Liverpool vildi fá hann þegar hann var hjá Monaco,“ sagði Loic Tanzi blaðamaður franska blaðsins L´Equipe við Talksport. „Jurgen Klopp fór að hitta hann og þeir áttu í viðræðum. Sambandið á milli hans, Liverpool og Klopp er til staðar.“ Liverpool hefur oft á tíðum haldið buddunni þétt að sér og stuðningsmenn liðsins gjarnan bent á hversu lítið liðið hefur eytt miðað við helstu keppinauta sína. Kæmi Mbappe á frjálsri sölu þyrfti félagið aðeins að semja um laun, bónusa og greiðslur til umboðsmanna sem breytir stöðunni. Áfram í París eða olíupeningar í Sádi Arabíu? Sagan segir okkur að það gæti vel farið svo að Mbappe semji á nýjan leik við PSG. Vasar eigenda félagsins eru stútfullir af peningum og staða Mbappe í Frakklandi hefur meira að segja gert það að verkum að sjálfur Frakklandsforseti hefur reynt að sannfæra hann um að halda sig á Parc des Princes. Hann er aðalamaðurinn í frönsku deildinni og gríðarlega áhrifamikill bæði innan og utan vallar. Af hverju ætti hann að fara eitthvað annað? Eitt sem gæti heillað hann eru enn meiri peningar. Þá er að finna í Sádi Arabíu en margar stórstjörnur hafa leitað þangað á síðustu mánuðum. Al-Hilal á að hafa boðið 257 milljónir punda í Mbappe í sumar en hann vildi ekki fara í viðræður. Ólíklegt að staðan hafi breyst síðan í sumar en hver veit hvað gerist ef Mbappe yrði réttur óútfylltur tékki. Endurfundir Mbappe og Pochettino Síðasti möguleikinn sem nefndur er í samantekt Talksport er nokkuð óvæntur. Chelsea hefur eytt gríðarlegum fjármunum síðustu misseri og þó svo að Mbappe kæmi frítt þá yrði samningur við hann ekki ódýr þegar laun, bónusar og umboðsmannalaun eru tekin inn í myndina. Mbappe lék undir stjórn Mauricio Pochettino hjá PSG og var fyrirliði liðsins undir hans stjórn. Pochettino er nú við stjórnvölinn hjá Chelsea og hver veit nema argentínski knattspyrnustjórinn nái að sannfæra Mbappe um að Stamford Bridge sé rétti staðurinn fyrir hann.
Franski boltinn Spænski boltinn Sádiarabíski boltinn Mest lesið Í beinni: Ísrael - Ísland | Fyrsti leikur á EM Körfubolti Sjáðu glaða Íslendinga hita upp í Katowice Körfubolti Fantasýn ræðir framtíð Wirtz: Blóðugur upp fyrir haus að pumpa í hann lífi Enski boltinn Amorim gagnrýndur fyrir að horfa ekki á vítakeppnina Enski boltinn Neyðarleg tölfræði Onana í vítakeppninni Enski boltinn „Þetta var sjokk fyrir hann“ Körfubolti Söknuður af æskufélaganum: „Áttum að vera gömlu karlarnir“ Körfubolti „Við vorum algjörlega týndir“ Enski boltinn Fantasýn: Varar fólk við Richarlison Enski boltinn Myndasyrpa: Íslendingapartý tók yfir Katowice Körfubolti Fleiri fréttir Segja að þjálfari Hlínar hafi verið rekinn nokkrum dögum fyrir mót Fantasýn: Varar fólk við Richarlison Neyðarleg tölfræði Onana í vítakeppninni Amorim gagnrýndur fyrir að horfa ekki á vítakeppnina Fantasýn ræðir framtíð Wirtz: Blóðugur upp fyrir haus að pumpa í hann lífi „Við vorum algjörlega týndir“ United banarnir drógust á móti Leeds bönunum Eitt vandræðalegasta kvöldið í sögu Manchester United Isak gæti spilað fyrsta leikinn sinn á tímabilinu Albert bjartsýnn á að Eze sé lokapúslið: „Komin þvílík breidd í þetta“ Reiddist eigin aðdáendum en baðst svo afsökunar Rio grínaðist með söngva Liverpool fólksins Má ekki skipta um föt í búningsklefa Arsenal en má spila með liðinu Hákon Rafn hélt hreinu þegar Brentford fór áfram en þrjú Íslendingalið úr leik Gordon bað bæði liðsfélagana og Van Dijk afsökunar Palace gerir hosur sínar grænar fyrir Akanji Borga fjörutíu milljónir punda fyrir kantmann sem skoraði tvö mörk í fyrra Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Sextán ára strákur tryggði Liverpool öll stigin Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks „Getur ekki látið 140 milljóna punda mann í varaliðið“ Isak utan vallar en þó í forgrunni Sjá meira