„Byrjuðum saman sem börn og höfum síðan þá þroskast svo fal­lega saman“

„Byrjuðum saman sem börn og höfum síðan þá þroskast svo fallega saman. Besti vinur minn og sálufélagi. Svo þakklát fyrir allt okkar,“ skrifar Elísabet við myndskeið af þeim hjónum sæl á svip.

Líkt og árafjöldinn gefur til kynna hafa Elísabet og Gunnar verið saman frá unga aldri, eða frá því þau voru sextán ára gömul. Fyrstu kynni þeirra voru í grunnskóla og er óhætt að segja að ástarsaga þeirra minni einna helst á rómantíska kvikmynd.

Veraldarvön fjölskylda

Elísabet og Gunnar gengu í hjónaband árið 2018 og eiga saman þrjú börn – Ölbu Mist, Gunnar Manuel og Önnu Magdalenu. 

Fjölskyldan bjó erlendis í um tólf ár og flutt landanna á milli þar sem Gunnar var atvinnumaður í handbolta og á samningi víðs vegar um Evrópu, síðast í Danmörku. Fjölskyldan flutti nýverið til Íslands og festi kaup á sjarmerandi húsi í Skerjafirðinum í Reykjavík sem þau hafa verið að gera upp. 

Elísabet var gestur í Einkalífinu í fyrra. Þar ræddi hún meðal annars um móðurhlutverkið, börn og samfélagsmiðla, flutningana, framtíð Trendnet og hvernig hún notar sinn vettvang til að styrkja góð málefni.