Katrín fékk tölvupóst ellefu mínútum fyrir atkvæðagreiðsluna Kolbeinn Tumi Daðason skrifar 30. október 2023 15:55 Katrín og Bjarni í kosningabaráttunni árið 2021 þar sem ríkisstjórn flokka þeirra og Framsóknar hélt velli. vísir/Vilhelm Katrínu Jakobsdóttur forsætisráðherra barst tölvupóstur ellefu mínútum áður en atkvæðagreiðsla hófst hjá Sameinuðu þjóðunum um ástandið á Gaza-svæðinu. Hún segist ekki hafa séð póstinn fyrr en eftir að atkvæðagreiðsla hófst og ekki hafi verið óskað sérstaklega eftir afstöðu hennar til málsins. Ísland sat hjá í atkvæðagreiðslu um þingsályktunartillögu sem tekin var fyrir á þingi Sameinuðu þjóðanna um vopnahlé á Gasa á föstudagskvöld. Noregur var eitt Norðurlanda sem greiddi atkvæði með tillögunni. Jórdanía lagði tillöguna fram og 120 lönd studdu hana óbreytta, 14 greiddu atkvæði gegn henni og 45 sátu hjá, þar á meðal Ísland. Kanada lagði til breytingu á tillögunni, sem 88 aðildarríki studdu, en þar var lögð meiri áhersla á fordæmingu Hamas. Breytingartillagan náði ekki fram að ganga. Hart hefur verið deilt um afstöðu Íslands að sitja hjá við atkvæðagreiðsluna. Þingflokkur forsætisráðherra, Vinstri græn, telja að Ísland hefði átt að samþykkja ályktun. „Telur þingflokkurinn að rétt hefði verið að styðja tillöguna sjálfa vegna umfangs mannúðarkrísunnar á Gaza. Þingflokkurinn tekur undir efni tillögunnar sem er í samræmi við málflutning íslenskra stjórnvalda,“ sagði í yfirlýsingu flokksins. Þingmaður Pírata hefur sagt afstöðu Íslands aumingjalega og fleiri þingmenn stjórnarandstöðunnar tekið undir. Diljá Mist Einarsdóttir, þingmaður Sjálfstæðisflokksins og formaður utanríkismálanefndar, hefur sagt hjásetu Íslands eðlilega. Tillagan hafi ekki gengið nógu langt fram varðandi fordæmingu á árás Hamas-samtakanna og sömuleiðis að ávarpa gíslatöku á þriðja hundrað fólks. Katrín Jakobsdóttir forsætisráðherra sagði í kvöldfréttum RÚV í gær ekki hafa verið höfð með í ráðum þegar ákvörðunin var tekin. Afstaða Íslands hafi verið skýr fyrir atkvæðagreiðsluna. Hún sé að styðja vopnahlé af mannúðarástæðum, brýnt sé að stöðva átökin til að skapist færi til að koma hjálpargögnum og neyðarbirgðum inn á Gasasvæðið. Katrín segir að styðja hefði átt tillöguna „Mín afstaða, og míns þingflokks, er hins vegar sú að mannúðarkrísan á þessu svæði sé slík að það hefði verið rétt í raun og veru að styðja tillöguna, einfaldlega vegna þess að ástandið er gríðarlega alvarlegt,“ sagði Katrín. Bjarni Benediktsson utanríkisráðherra sagði í hádegisfréttum Bylgjunnar að allar upplýsingar hefðu borist ráðuneyti Katrínar áður en atkvæðagreiðslan hófst. „Forsætisráðuneytið hafði allar upplýsingar um það hvernig til stóð að greiða atkvæði og með hvaða áherslum við myndum greiða atkvæði hjá allsherjarþingi Sameinuðu þjóðanna. Og það var áður en atkvæðagreiðslan fór fram, áður en ræðan var flutt og það var allt í mjög hefðbundu ferli. Þar sem samráðið fer fram í gegnum alþjóða fulltrúann. Það var ekki sérstök þörf á viðbótar samráði því ég tel að við höfum einfaldlega verið að framfylgja þeirri stefnu sem við höfðum komið okkur saman um,“ sagði Bjarni. Bergþóra Benediktsdóttir, aðstoðarmaður Katrínar, segir í skriflegu svari til RÚV að alþjóðafulltrúi forsætisráðuneytisins hafi veitt Katrínu umræddar upplýsingar í tölvupósti klukkan 18:49. Atkvæðagreiðslan hafi hafist klukkan 19. „Afstaða utanríkisráðuneytisins“ „Forsætisráðherra var upplýst um niðurstöðu utanríkisráðherra um hvernig Ísland myndi greiða atkvæði kl. 18.49 föstudaginn 27. október en atkvæðagreiðslufundur hófst á vettvangi Sameinuðu þjóðanna kl. 19 að íslenskum tíma þann sama dag. Þessar upplýsingar bárust forsætisráðherra í tölvupósti frá alþjóðafulltrúa forsætisráðuneytis. Forsætisráðherra sá póstinn eftir að atkvæðagreiðsla var hafin en ekki var óskað eftir afstöðu hennar til þessarar afstöðu utanríkisráðuneytisins. Því liggur algjörlega ljóst fyrir að ekki var haft sérstakt samráð við forsætisráðherra um þessa afstöðu eins og fram kom í máli hennar í fréttum Ríkisútvarpsins í gær.“ Bjarni segir í samtali við Mbl.is að ekki hafi þurft neitt sérstakt samráð í tilfelli atkvæðagreiðslunnar. „Eins og fram er komið var tillagan að taka breytingum og mótast alveg fram á síðustu stundu og svo eru greidd atkvæði um breytingartillögu Kanada á föstudaginn og við þurftum þá að taka afstöðu til þess hvernig við myndum bregðast við þeirri staðreynd að það skyldi ekki takast samstaða um að samþykkja þá tillögu. Ég tók af skarið með það að við skyldum sitja hjá,” sagði Bjarni. Ríkisstjórn Katrínar Jakobsdóttur Átök í Ísrael og Palestínu Vinstri græn Sjálfstæðisflokkurinn Utanríkismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Mótmælendur gegn brottvísun hindruðu för lögreglubíls Innlent Líklegt að Ísraelar hafi brotið alþjóðalög með bandarískum vopnum Erlent Senda á tólf ára palestínskan dreng með hrörnunarsjúkdóm úr landi Innlent Var beðinn um upplýsingar um unga leikmenn vegna veðmáls Innlent Forsetavaktin 2024: Hver verður sjöundi forseti lýðveldisins? Innlent Nöfn þeirra sem létust í Eyjafirði Innlent Kári tekur ábyrgð á stuðningi Víðis og Þórólfs Innlent Gætu verið einhverjar vikur í næsta gos Innlent Um fimm prósent fjölskyldusameininga vegna flóttamanna og hælisleitenda Innlent Stefnir í tveggja turna tal Innlent Fleiri fréttir Mótmælendur gegn brottvísun hindruðu för lögreglubíls Gætu verið einhverjar vikur í næsta gos Forsetakosningar á Eyrarbakka – munu sakna buffsins frá Guðna Var beðinn um upplýsingar um unga leikmenn vegna veðmáls Um fimm prósent fjölskyldusameininga vegna flóttamanna og hælisleitenda Senda á tólf ára palestínskan dreng með hrörnunarsjúkdóm úr landi Hræðsla við brottvísun, fylgi á fleygiferð og veðjað á leiki barna Ísland greiddi atkvæði með auknum rétti Palestínu hjá SÞ Auknar líkur á nýju eldgosi á næstu dögum Reyndi að drepa mann eftir að upp úr sauð á gamlárskvöld Kári tekur ábyrgð á stuðningi Víðis og Þórólfs Stefnir í tveggja turna tal Guðmundur í Afstöðu hundskammar DV Stórri flotaæfingu NATO lauk í Reykjavík „Þegar hann loksins náði að bjóða mér út missti ég hnén“ Rafmagnslaust í Vesturbænum Viðhorf breytist ekki við það bara að klæða sig í lögreglubúning Þrír sóttu um stöðu dómara við Landsrétt Óhapp í fyrsta sinn í 25 ára sögu Dóra vill ekki búa við umræðu byggða á „falsvitnum“ Einn fluttur eftir þriggja bíla árekstur Óska eftir frekara gæsluvarðhaldi Skjálftahrina og skyndilegt brotthvarf þjálfara Raðrúðubrjóturinn enn á ferð í miðborginni Svona var Pallborðið með mökunum Mögulegt strok á laxi úr landeldi Laus úr haldi en enn grunaður um græsku Opna Laugardalslaug á ný Nöfn þeirra sem létust í Eyjafirði Flóttamannastofnun SÞ gerir athugasemdir við útlendingafrumvarpið Sjá meira
Ísland sat hjá í atkvæðagreiðslu um þingsályktunartillögu sem tekin var fyrir á þingi Sameinuðu þjóðanna um vopnahlé á Gasa á föstudagskvöld. Noregur var eitt Norðurlanda sem greiddi atkvæði með tillögunni. Jórdanía lagði tillöguna fram og 120 lönd studdu hana óbreytta, 14 greiddu atkvæði gegn henni og 45 sátu hjá, þar á meðal Ísland. Kanada lagði til breytingu á tillögunni, sem 88 aðildarríki studdu, en þar var lögð meiri áhersla á fordæmingu Hamas. Breytingartillagan náði ekki fram að ganga. Hart hefur verið deilt um afstöðu Íslands að sitja hjá við atkvæðagreiðsluna. Þingflokkur forsætisráðherra, Vinstri græn, telja að Ísland hefði átt að samþykkja ályktun. „Telur þingflokkurinn að rétt hefði verið að styðja tillöguna sjálfa vegna umfangs mannúðarkrísunnar á Gaza. Þingflokkurinn tekur undir efni tillögunnar sem er í samræmi við málflutning íslenskra stjórnvalda,“ sagði í yfirlýsingu flokksins. Þingmaður Pírata hefur sagt afstöðu Íslands aumingjalega og fleiri þingmenn stjórnarandstöðunnar tekið undir. Diljá Mist Einarsdóttir, þingmaður Sjálfstæðisflokksins og formaður utanríkismálanefndar, hefur sagt hjásetu Íslands eðlilega. Tillagan hafi ekki gengið nógu langt fram varðandi fordæmingu á árás Hamas-samtakanna og sömuleiðis að ávarpa gíslatöku á þriðja hundrað fólks. Katrín Jakobsdóttir forsætisráðherra sagði í kvöldfréttum RÚV í gær ekki hafa verið höfð með í ráðum þegar ákvörðunin var tekin. Afstaða Íslands hafi verið skýr fyrir atkvæðagreiðsluna. Hún sé að styðja vopnahlé af mannúðarástæðum, brýnt sé að stöðva átökin til að skapist færi til að koma hjálpargögnum og neyðarbirgðum inn á Gasasvæðið. Katrín segir að styðja hefði átt tillöguna „Mín afstaða, og míns þingflokks, er hins vegar sú að mannúðarkrísan á þessu svæði sé slík að það hefði verið rétt í raun og veru að styðja tillöguna, einfaldlega vegna þess að ástandið er gríðarlega alvarlegt,“ sagði Katrín. Bjarni Benediktsson utanríkisráðherra sagði í hádegisfréttum Bylgjunnar að allar upplýsingar hefðu borist ráðuneyti Katrínar áður en atkvæðagreiðslan hófst. „Forsætisráðuneytið hafði allar upplýsingar um það hvernig til stóð að greiða atkvæði og með hvaða áherslum við myndum greiða atkvæði hjá allsherjarþingi Sameinuðu þjóðanna. Og það var áður en atkvæðagreiðslan fór fram, áður en ræðan var flutt og það var allt í mjög hefðbundu ferli. Þar sem samráðið fer fram í gegnum alþjóða fulltrúann. Það var ekki sérstök þörf á viðbótar samráði því ég tel að við höfum einfaldlega verið að framfylgja þeirri stefnu sem við höfðum komið okkur saman um,“ sagði Bjarni. Bergþóra Benediktsdóttir, aðstoðarmaður Katrínar, segir í skriflegu svari til RÚV að alþjóðafulltrúi forsætisráðuneytisins hafi veitt Katrínu umræddar upplýsingar í tölvupósti klukkan 18:49. Atkvæðagreiðslan hafi hafist klukkan 19. „Afstaða utanríkisráðuneytisins“ „Forsætisráðherra var upplýst um niðurstöðu utanríkisráðherra um hvernig Ísland myndi greiða atkvæði kl. 18.49 föstudaginn 27. október en atkvæðagreiðslufundur hófst á vettvangi Sameinuðu þjóðanna kl. 19 að íslenskum tíma þann sama dag. Þessar upplýsingar bárust forsætisráðherra í tölvupósti frá alþjóðafulltrúa forsætisráðuneytis. Forsætisráðherra sá póstinn eftir að atkvæðagreiðsla var hafin en ekki var óskað eftir afstöðu hennar til þessarar afstöðu utanríkisráðuneytisins. Því liggur algjörlega ljóst fyrir að ekki var haft sérstakt samráð við forsætisráðherra um þessa afstöðu eins og fram kom í máli hennar í fréttum Ríkisútvarpsins í gær.“ Bjarni segir í samtali við Mbl.is að ekki hafi þurft neitt sérstakt samráð í tilfelli atkvæðagreiðslunnar. „Eins og fram er komið var tillagan að taka breytingum og mótast alveg fram á síðustu stundu og svo eru greidd atkvæði um breytingartillögu Kanada á föstudaginn og við þurftum þá að taka afstöðu til þess hvernig við myndum bregðast við þeirri staðreynd að það skyldi ekki takast samstaða um að samþykkja þá tillögu. Ég tók af skarið með það að við skyldum sitja hjá,” sagði Bjarni.
Ríkisstjórn Katrínar Jakobsdóttur Átök í Ísrael og Palestínu Vinstri græn Sjálfstæðisflokkurinn Utanríkismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Mótmælendur gegn brottvísun hindruðu för lögreglubíls Innlent Líklegt að Ísraelar hafi brotið alþjóðalög með bandarískum vopnum Erlent Senda á tólf ára palestínskan dreng með hrörnunarsjúkdóm úr landi Innlent Var beðinn um upplýsingar um unga leikmenn vegna veðmáls Innlent Forsetavaktin 2024: Hver verður sjöundi forseti lýðveldisins? Innlent Nöfn þeirra sem létust í Eyjafirði Innlent Kári tekur ábyrgð á stuðningi Víðis og Þórólfs Innlent Gætu verið einhverjar vikur í næsta gos Innlent Um fimm prósent fjölskyldusameininga vegna flóttamanna og hælisleitenda Innlent Stefnir í tveggja turna tal Innlent Fleiri fréttir Mótmælendur gegn brottvísun hindruðu för lögreglubíls Gætu verið einhverjar vikur í næsta gos Forsetakosningar á Eyrarbakka – munu sakna buffsins frá Guðna Var beðinn um upplýsingar um unga leikmenn vegna veðmáls Um fimm prósent fjölskyldusameininga vegna flóttamanna og hælisleitenda Senda á tólf ára palestínskan dreng með hrörnunarsjúkdóm úr landi Hræðsla við brottvísun, fylgi á fleygiferð og veðjað á leiki barna Ísland greiddi atkvæði með auknum rétti Palestínu hjá SÞ Auknar líkur á nýju eldgosi á næstu dögum Reyndi að drepa mann eftir að upp úr sauð á gamlárskvöld Kári tekur ábyrgð á stuðningi Víðis og Þórólfs Stefnir í tveggja turna tal Guðmundur í Afstöðu hundskammar DV Stórri flotaæfingu NATO lauk í Reykjavík „Þegar hann loksins náði að bjóða mér út missti ég hnén“ Rafmagnslaust í Vesturbænum Viðhorf breytist ekki við það bara að klæða sig í lögreglubúning Þrír sóttu um stöðu dómara við Landsrétt Óhapp í fyrsta sinn í 25 ára sögu Dóra vill ekki búa við umræðu byggða á „falsvitnum“ Einn fluttur eftir þriggja bíla árekstur Óska eftir frekara gæsluvarðhaldi Skjálftahrina og skyndilegt brotthvarf þjálfara Raðrúðubrjóturinn enn á ferð í miðborginni Svona var Pallborðið með mökunum Mögulegt strok á laxi úr landeldi Laus úr haldi en enn grunaður um græsku Opna Laugardalslaug á ný Nöfn þeirra sem létust í Eyjafirði Flóttamannastofnun SÞ gerir athugasemdir við útlendingafrumvarpið Sjá meira