Endurkoma Greenwood undirbúin: Baráttusamtök gegn heimilisofbeldi sögð „fjandsamleg“ Aron Guðmundsson skrifar 18. ágúst 2023 15:31 Forráðamenn Manchester United virðast ekki enn hafa gert upp við sig hvort að Mason Greenwood muni spila aftur fyrir liðið. Getty/Marc Atkins Stjórnendur innan raða Manchester United hafa í gær og í dag haldið hitafundi með starfsfólki félagsins en mikil óánægja er sögð ríkja eftir að fréttir bárust af því að líklega myndi Mason Greenwood fá brautargengi í karlaliði félagsins á nýjan leik. Hinn 21 árs gamli Greenwood hefur verið í skammarkróknum hjá félaginu síðan hann var ásakaður um berja og kúga kærustu sína en þetta kom allt fram í dagsljósið þegar myndböndum og myndum af þeim var lekið á netið. Greenwood var ákærður fyrir tilraun til nauðgunar, líkamsárás, valdbeitingu og stjórnsemi skömmu eftir að greint var frá málinu í fjölmiðlum en seinna meir voru ákærur á hendur honum felldar niður. Í kjölfar þeirrar ákvörðunar hóf Manchester United innri rannsókn á máli leikmannsins sem átti síðan að leiða af sér endanlega ákvörðun um framtíð hans. Greenwood í leik með Manchester United Íhuga að segja starfi sínu lausu Á miðvikudaginn greindi The Athletic frá því að stutt væri í niðurstöðu hjá United og að líklegt þætti að Greenwood fengi að spila aftur með félaginu. „Síðan þá hafa stjórnendur hjá félaginu setið nokkra hitafundi með starfsfólki Manchester United sem skammast sín sökum væntanlegrar ákvörðunar félagsins,“ skrifar Adam Crafton, blaðamaður The Athletic. „Sumir úr starfsliðinu íhuga að segja starfi sínu lausu á meðan að aðrir starfsmannahópar íhuga verkfall. Starfsfólkið bíði hins vegar með endanlega ákvörðun sína þar til félagið hefur gefið það opinberlega út hvaða stefna verður tekin með Greenwood. Hitaumræðan hafi hins vegar það mikil undanfarna daga um málefni leikmannsins að stjórnendur félagsins boðuðu til krísufundar með starfsfólki, bæði í dag og í gær, þar sem að þeir reyndu að réttlæta mögulega ákvörðun um að taka Greenwood inn í leikmannahóp Manchester United að fullu en þó með þeirri áherslu að engin endanleg ákvörðun hefði verið tekin um framtíð leikmannsins. Hafa undirbúið endurkomuna í þaula Í frétt The Athletic segir að forráðamenn Manchester United hafi verið komnir það langt í áætlunum sínum er vörðuðu endurkomu Greenwood í liðið að búið vera setja saman leiðbeiningar er sneru meðal annars að því hvernig myndir ættu að vera teknar af leikmanninum á æfingum. Þá er einnig búið að útbúa svör fyrir knattspyrnustjórann Erik ten Hag, yrði hann spurður út í leikmanninn á blaðamannafundi. Erik Ten Hag, knattspyrnustjóri Manchester United Vísir/Getty Þá hafa heimildarmenn miðilsins, sem eru vel tengdir Manchester United, sagt félagið hafa útbúið lista yfir vel þekkt fólk, knattspyrnusérfræðinga í fjölmiðlum, blaðamenn, stjórnmálamenn sem og baráttusamtök gegn heimilisofbeldi, og hvort þessir einstaklingar og hópar væru með eða á móti endurkomu Greenwood. Flokkarnir voru eftirfarandi: Stuðningsrík (e. supportive), með opinn huga (e. open minded) eða fjandsamleg (e. hostile). Baráttusamtökin gegn heimilisofbeldi eru flokkuð sem fjandsamleg. NEW @TheAthleticFC Manchester United s plan to bring back Mason Greenwood included listing football pundits, politicians & journalists and categorising if they would be hostile or supportive. Domestic violence charities were assumed hostile https://t.co/p78gQ5wKto— Adam Crafton (@AdamCrafton_) August 18, 2023 Crafton segir það liggja á huldu hvort að óánægja ákveðins hóps starfsfólks Manchester United muni hafa áhrif á ákvörðun stjórnenda félagsins en búist sé við endanlegri ákvörðun fyrir lok mánaðarins. Mál Mason Greenwood Mest lesið Bastarður ráðinn til starfa Fótbolti Gary Martin aftur í ensku deildina Fótbolti Daði Berg: Eiginlega ekki við hæfi barna Fótbolti Furðu erfitt að mæta systur sinni Fótbolti „Ég hefði getað sett þrjú“ Íslenski boltinn Leik lokið: Víkingur - ÍA 2-1 | Víkingar tylltu sér á toppinn Íslenski boltinn Sunderland vann milljónaleikinn og komst upp í úrvalsdeildina Enski boltinn Stórleikur Martins dugði ekki til og Alba Berlin úr leik Körfubolti Uppgjör: Vestri - Stjarnan 3-1 | Ísfirðingar sneru við taflinu í seinni hálfleik Fótbolti Matic reyndist sannspár með söluna á McTominay Fótbolti Fleiri fréttir Sunderland vann milljónaleikinn og komst upp í úrvalsdeildina Salah bestur og Gravenberch besti ungi Forest bannaði Neville að mæta á völlinn Gæti hætt við að fara til Man Utd eftir tapið gegn Tottenham Klopp snýr aftur á Anfield Reka 200 manns eftir tapið fyrir Tottenham Fyrrverandi leikmaður Man. Utd hlaut fjórtán mánaða dóm Var ekki nógu ánægður með Trent Toney í enska hópnum en enginn úr Man. Utd Starf Amorims öruggt Höfnuðu í þriðja sæti en urðu samt meistarar Fernandes tilbúinn að fara ef United vill græða á honum Flestir vonast eftir sigri Spurs í kvöld Kona Calvert-Lewin varð fyrir barðinu á netníðingum Guardiola hótar að hætta „Manchester er heima“ Rómverjar vilja Nuno sem gæti verið ósáttur í Skírisskógi De Bruyne kvaddur með stæl Frimpong í læknisskoðun hjá Liverpool og Kerkez í launaviðræðum Beckham varar Manchester United við Hinselwood hetja Brighton gegn meisturunum Cunha að ganga í raðir Man United Hættir á BBC strax á sunnudaginn: „Ég geri mér grein fyrir uppnáminu sem ég olli“ Glæsimark Rice gulltryggði Arsenal Meistaradeildarsæti Draumaendir hjá Vardy í kveðjuleiknum Chelsea vann á Wembley og fullkomnaði þrennuna Stórkostleg stemning og sætur sigur í síðasta leiknum í Guttagarði Átti Henderson að fá rautt spjald? „Æfingu morgundagsins er aflýst“ Crystal Palace bikarmeistari í fyrsta sinn Sjá meira
Hinn 21 árs gamli Greenwood hefur verið í skammarkróknum hjá félaginu síðan hann var ásakaður um berja og kúga kærustu sína en þetta kom allt fram í dagsljósið þegar myndböndum og myndum af þeim var lekið á netið. Greenwood var ákærður fyrir tilraun til nauðgunar, líkamsárás, valdbeitingu og stjórnsemi skömmu eftir að greint var frá málinu í fjölmiðlum en seinna meir voru ákærur á hendur honum felldar niður. Í kjölfar þeirrar ákvörðunar hóf Manchester United innri rannsókn á máli leikmannsins sem átti síðan að leiða af sér endanlega ákvörðun um framtíð hans. Greenwood í leik með Manchester United Íhuga að segja starfi sínu lausu Á miðvikudaginn greindi The Athletic frá því að stutt væri í niðurstöðu hjá United og að líklegt þætti að Greenwood fengi að spila aftur með félaginu. „Síðan þá hafa stjórnendur hjá félaginu setið nokkra hitafundi með starfsfólki Manchester United sem skammast sín sökum væntanlegrar ákvörðunar félagsins,“ skrifar Adam Crafton, blaðamaður The Athletic. „Sumir úr starfsliðinu íhuga að segja starfi sínu lausu á meðan að aðrir starfsmannahópar íhuga verkfall. Starfsfólkið bíði hins vegar með endanlega ákvörðun sína þar til félagið hefur gefið það opinberlega út hvaða stefna verður tekin með Greenwood. Hitaumræðan hafi hins vegar það mikil undanfarna daga um málefni leikmannsins að stjórnendur félagsins boðuðu til krísufundar með starfsfólki, bæði í dag og í gær, þar sem að þeir reyndu að réttlæta mögulega ákvörðun um að taka Greenwood inn í leikmannahóp Manchester United að fullu en þó með þeirri áherslu að engin endanleg ákvörðun hefði verið tekin um framtíð leikmannsins. Hafa undirbúið endurkomuna í þaula Í frétt The Athletic segir að forráðamenn Manchester United hafi verið komnir það langt í áætlunum sínum er vörðuðu endurkomu Greenwood í liðið að búið vera setja saman leiðbeiningar er sneru meðal annars að því hvernig myndir ættu að vera teknar af leikmanninum á æfingum. Þá er einnig búið að útbúa svör fyrir knattspyrnustjórann Erik ten Hag, yrði hann spurður út í leikmanninn á blaðamannafundi. Erik Ten Hag, knattspyrnustjóri Manchester United Vísir/Getty Þá hafa heimildarmenn miðilsins, sem eru vel tengdir Manchester United, sagt félagið hafa útbúið lista yfir vel þekkt fólk, knattspyrnusérfræðinga í fjölmiðlum, blaðamenn, stjórnmálamenn sem og baráttusamtök gegn heimilisofbeldi, og hvort þessir einstaklingar og hópar væru með eða á móti endurkomu Greenwood. Flokkarnir voru eftirfarandi: Stuðningsrík (e. supportive), með opinn huga (e. open minded) eða fjandsamleg (e. hostile). Baráttusamtökin gegn heimilisofbeldi eru flokkuð sem fjandsamleg. NEW @TheAthleticFC Manchester United s plan to bring back Mason Greenwood included listing football pundits, politicians & journalists and categorising if they would be hostile or supportive. Domestic violence charities were assumed hostile https://t.co/p78gQ5wKto— Adam Crafton (@AdamCrafton_) August 18, 2023 Crafton segir það liggja á huldu hvort að óánægja ákveðins hóps starfsfólks Manchester United muni hafa áhrif á ákvörðun stjórnenda félagsins en búist sé við endanlegri ákvörðun fyrir lok mánaðarins.
Mál Mason Greenwood Mest lesið Bastarður ráðinn til starfa Fótbolti Gary Martin aftur í ensku deildina Fótbolti Daði Berg: Eiginlega ekki við hæfi barna Fótbolti Furðu erfitt að mæta systur sinni Fótbolti „Ég hefði getað sett þrjú“ Íslenski boltinn Leik lokið: Víkingur - ÍA 2-1 | Víkingar tylltu sér á toppinn Íslenski boltinn Sunderland vann milljónaleikinn og komst upp í úrvalsdeildina Enski boltinn Stórleikur Martins dugði ekki til og Alba Berlin úr leik Körfubolti Uppgjör: Vestri - Stjarnan 3-1 | Ísfirðingar sneru við taflinu í seinni hálfleik Fótbolti Matic reyndist sannspár með söluna á McTominay Fótbolti Fleiri fréttir Sunderland vann milljónaleikinn og komst upp í úrvalsdeildina Salah bestur og Gravenberch besti ungi Forest bannaði Neville að mæta á völlinn Gæti hætt við að fara til Man Utd eftir tapið gegn Tottenham Klopp snýr aftur á Anfield Reka 200 manns eftir tapið fyrir Tottenham Fyrrverandi leikmaður Man. Utd hlaut fjórtán mánaða dóm Var ekki nógu ánægður með Trent Toney í enska hópnum en enginn úr Man. Utd Starf Amorims öruggt Höfnuðu í þriðja sæti en urðu samt meistarar Fernandes tilbúinn að fara ef United vill græða á honum Flestir vonast eftir sigri Spurs í kvöld Kona Calvert-Lewin varð fyrir barðinu á netníðingum Guardiola hótar að hætta „Manchester er heima“ Rómverjar vilja Nuno sem gæti verið ósáttur í Skírisskógi De Bruyne kvaddur með stæl Frimpong í læknisskoðun hjá Liverpool og Kerkez í launaviðræðum Beckham varar Manchester United við Hinselwood hetja Brighton gegn meisturunum Cunha að ganga í raðir Man United Hættir á BBC strax á sunnudaginn: „Ég geri mér grein fyrir uppnáminu sem ég olli“ Glæsimark Rice gulltryggði Arsenal Meistaradeildarsæti Draumaendir hjá Vardy í kveðjuleiknum Chelsea vann á Wembley og fullkomnaði þrennuna Stórkostleg stemning og sætur sigur í síðasta leiknum í Guttagarði Átti Henderson að fá rautt spjald? „Æfingu morgundagsins er aflýst“ Crystal Palace bikarmeistari í fyrsta sinn Sjá meira