Mun minni hækkun fasteignamats en í fyrra Kristinn Haukur Guðnason skrifar 31. maí 2023 11:34 Heiða Björg Hilmisdóttir gagnrýndi stjórnvöld fyrir að styðja ekki nægilega við húsnæðismarkaðinn í ríkisfjármálaáætlun. Vísir/Vilhelm Fasteignamat á Íslandi hækkar að jafnaði um 11,7 prósent milli ára, þar af hækkar mat íbúðarhúsnæðis um 13,7 prósent. Í Vesturbyggð hækkar fasteignamatið um meira en fjórðung. Þetta kemur fram í nýju fasteignamati sem Húsnæðis og mannvirkjastofnun (HMS) kynnti í morgun á fundi í Borgartúni og unnið er úr rauntölum á fasteignamarkaði. Stofnunin tók við verkefni fasteignaskrár fyrir tæpu ári síðan af Þjóðskrá og er þetta fyrsta matið sem hún reiknar út. Hægt er að fletta upp fasteignamati í fasteignaskrá á vef HMS . Fasteignamatið í ár fyrir um 22 þúsund byggingar hækkar úr 12,6 billjónum króna í 14,4. Þetta er umtalsvert minni hækkun en á síðasta ári þegar heildarmat hækkaði um 19,9 prósent og íbúðamatið um 23,6 prósent. Mest hækkun á Seltjarnarnesi Samkvæmt HMS hækkar fasteignamat íbúða á höfuðborgarsvæðinu um 13 prósent en rúmlega 16,1 á landsbyggðinni. Fasteignamat íbúða í Reykjavík hækkar um 13,4 prósent.Vísir/Vilhelm Á höfuðborgarsvæðinu hækkar mat íbúða mest á Seltjarnarnesi, um 17,5 prósent. Hækkunin í Reykjavík er 13,4 prósent, Hafnarfirði og Mosfellsbæ 12,9, Kópavogi 11,9 en minnst í Garðabæ, 11,4 prósent. Atvinnueignir hækkuðu langmest í Mosfellsbæ og Hafnarfirði, það er um 13,8 og 10,8 prósent. En hækkunin í öðrum sveitarfélögum var um og undir 5 prósentum. Þriðjungshækkun í Vesturbyggð Í þéttbýlisstöðum á landsbyggðinni er hækkun fasteignamats íbúða mest í Vesturbyggð, 33,6 prósent, en þar eru tveir þéttbýliskjarnar, Patreksfjörður og Bíldudalur, þar sem fiskeldi hefur verið umtalsvert. Heilt yfir er hækkunin mest á Vestfjörðum og Austfjörðum. Íbúðahúsnæði hækkar um þriðjung í Vesturbyggð.Vísir/Vilhelm Í Múlaþingi er hækkunin 24,2 prósent, og er mikið til knúin áfram a hækkun á Seyðisfirði. Vekur það athygli í ljósi þess að fyrir tveimur og hálfu ári síðan féllu stórar aurskriður á bæinn og eyðilögðu nokkur hús. Lækkun á Grundarfirði Af öðrum stærri bæjum á landsbyggðinni má nefna að fasteignamat íbúða hækkar um 22,2 prósent í Vestmannaeyjum, 22 í Grindavík, 20,8 í Fjarðabyggð, 19,2 í Borgarbyggð, 17,5 í Reykjanesbæ, 17 á Akranesi, 16,7 í Skagafirði, 16,6 á Akureyri, 16,3 á Ísafirði, 9 í Árborg, 8,5 í Hveragerði og 3,3 á Stykkishólmi. Mesta hækkunin var í Skagabyggð, 43,9 prósent, en aðeins í einu sveitarfélagi rýrnaði fasteignamat íbúða, á Grundarfirði um 0,9 prósent. Fasteignamat atvinnuhúsnæðis hækkar mun minna en íbúðarhúsnæðis, eða um 4,8 prósent. Metur HMS þetta þannig að raunverð atvinnuhúsnæðis sé að lækka. Mat sumarhúsa hækkar um 12,7 prósent. Aðrar eignir hækka um 6,9 prósent. Sviptingar „Við erum að horfa á tímabil mikilla sviptinga,“ sagði Tryggvi Már Ingvarsson, framkvæmdastjóri fasteignasviðs HMS á Akureyri á fundinum. Benti hann á að fólksfjölgun hefði verið mikil á árinu og íbúðauppbygging ekki haldið í við það. Þá hafi vextir hækkað hratt. Raunvirðislækkun atvinnueigna skipti sveitarfélögin miklu máli, því að gjöld á þær eru mun hærri en á íbúðir. Rýrnar því sá tekjustofn sveitarfélaganna á árinu. Happadrætti Heiða Björg Hilmisdóttir, formaður Sambands íslenskra sveitarfélaga, sagði að sveitarfélögin yrðu að vinna með þessar upplýsingar til þess að mæta breytingu á tekjustofnum. Frá fundinum í húsnæði HMS í Borgartúni í morgun.Vísir/Vilhelm „Við þurfum að finna leiðir til að draga úr þessum sveiflum, þessu happadrætti,“ sagði Heiða. „Við þurfum að tryggja að framboð íbúða verði stöðugra.“ Væri það ekki síst fyrir þá tekjulágu hópa sem eru viðkvæmastir á húsnæðismarkaði. Staðan hjá mörgum væri grafalvarleg í ljósi vaxtahækkana. Gagnrýndi hún ríkisstjórnina fyrir að þau stofnframlög sem ætluð eru í húsnæðisstuðning í ríkisfjármálaáætlun séu aðeins 20 milljarðar en þyrftu að vera rúmlega tvöfalt hærri, það er 44 milljarðar. Hærri þröskuldur Lilja Björk Einarsdóttir, bankastjóri Landsbankans, sagði að eftirspurnin væri til staðar, verið væri að byggja íbúðir og lána fyrir þeim. Hins vegar hefði sölutími lengst úr einum mánuði í sex. „Það þarf hærri laun til að fá greiðslumat og hærri útborgun. Því er erfiðara að komast inn á húsnæðismarkaðinn,“ sagði Lilja. Lilja Björk Einarsdóttir bankastjóri Landsbankans sagði að finna þyrfti leiðir til að koma fólki í gegnum stökkbreytingu greiðslubyrði.Vísir/Vilhelm Eitt helsta verkefnið sé líka að finna leiðir fyrir fólk með óverðtryggð lán sem sjá fram á stökkbreytingu í greiðslubyrði að komast í gegnum þennan skafl. Kynnti hún endurfjármögnun út frá uppfærðu fasteignamati hjá Landsbankanum, sem hefur um þriðjung húsnæðislána. Húsnæðismál Efnahagsmál Fjármál heimilisins Tengdar fréttir Bein útsending: Fasteignamat 2024 kynnt Húsnæðis- og mannvirkjastofnun mun kynna nýtt fasteignamat á opnum fundi sem hefst klukkan 10:30. Farið verður yfir verðþróun, framboð fasteigna og húsnæðisþörf. 31. maí 2023 09:45 Fasteignamat tekur mikið stökk á milli ára Þjóðskrá hefur gefið út fasteignamat fyrir árið 2023. Heildarmat fasteigna á Íslandi hækkar um 19,9 prósent á milli ára, sem er umtalsvert meiri hækkun á milli ára en undanfarin ár. 31. maí 2022 13:33 Mest lesið Upplifir að þau hafi verið leidd í gildru Innlent „Alvarlegasta árásin gegn dönskum innviðum til þessa“ Erlent Harmsaga fjölskyldunnar ekkert einsdæmi Innlent Stefnir í lokað þinghald að beiðni mæðgnanna Innlent Hrædd um að brennuvargur gangi laus í bænum Innlent Fóru með fleipur um einhverfu og bóluefni Erlent Errol Musk sakaður um að misnota börn sín Erlent Gagnrýndi allt og alla í langri og slitróttri ræðu Erlent „Það er betlmenning og allir eiga að fá allt frítt“ Viðskipti innlent Bein útsending: Trump ávarpar allsherjarþingið Erlent Fleiri fréttir Núverandi kvikusöfnunartímabil geti dregist á langinn Brennuvargur gengur laus, stórfjölgun krabbameina og í beinni frá Köben Þorgerður telur tilefni til að kalla saman þjóðaröryggisráð Inga eigi að kalla saman þjóðaröryggisráð þegar í stað Skólameistarar styðja ekki breytingar ráðherra Stefnir í lokað þinghald að beiðni mæðgnanna Harmsaga fjölskyldunnar ekkert einsdæmi Örlög hjartanna enn óráðin Troðfyllti stangirnar af amfetamínbasa Forsetahjónin á leið til Finnlands Benti á mikilvægi fyrirmynda þegar kæmi að jafnréttismálum Ekki lengur framsal á fullveldi heldur neytendavernd Mæla hiklaust með lyfinu á meðgöngu ef þörf þykir á Hrædd um að brennuvargur gangi laus í bænum Starfandi forsætisráðherra lítur drónabrölt „grafalvarlegum augum“ Vara við svikapóstum frá Ríkisskattstjóra Dularfullir drónar og umdeildar kenningar um einhverfu og parasetamól Telja sig vita hverjir grímuklæddu mennirnir eru Ferðum aflýst og einni vél snúið við vegna drónaumferðar í Kaupmannahöfn Ætlar að fækka sveitarfélögum fyrir kosningar Aðeins helmingur telur sig við góða heilsu Rannsaka húsbrot og eldsvoða á Sauðárkróki Krefur Reykjavíkurborg um frekari svör vegna fundargerðar Upplifir að þau hafi verið leidd í gildru Rannsaka mál sex grímuklæddra manna sem réðust á einn Óttaslegnir eldri borgarar eftir endurtekna eldsvoða Vill frekar fjölga lögreglumönnum heldur en lögreglustöðvum Maðurinn sem lýst var eftir fundinn Björg ætlar að láta að sér kveða í Viðreisn Þrettán konur höfðu samband svo að nauðgarinn færi í fangelsi Sjá meira
Þetta kemur fram í nýju fasteignamati sem Húsnæðis og mannvirkjastofnun (HMS) kynnti í morgun á fundi í Borgartúni og unnið er úr rauntölum á fasteignamarkaði. Stofnunin tók við verkefni fasteignaskrár fyrir tæpu ári síðan af Þjóðskrá og er þetta fyrsta matið sem hún reiknar út. Hægt er að fletta upp fasteignamati í fasteignaskrá á vef HMS . Fasteignamatið í ár fyrir um 22 þúsund byggingar hækkar úr 12,6 billjónum króna í 14,4. Þetta er umtalsvert minni hækkun en á síðasta ári þegar heildarmat hækkaði um 19,9 prósent og íbúðamatið um 23,6 prósent. Mest hækkun á Seltjarnarnesi Samkvæmt HMS hækkar fasteignamat íbúða á höfuðborgarsvæðinu um 13 prósent en rúmlega 16,1 á landsbyggðinni. Fasteignamat íbúða í Reykjavík hækkar um 13,4 prósent.Vísir/Vilhelm Á höfuðborgarsvæðinu hækkar mat íbúða mest á Seltjarnarnesi, um 17,5 prósent. Hækkunin í Reykjavík er 13,4 prósent, Hafnarfirði og Mosfellsbæ 12,9, Kópavogi 11,9 en minnst í Garðabæ, 11,4 prósent. Atvinnueignir hækkuðu langmest í Mosfellsbæ og Hafnarfirði, það er um 13,8 og 10,8 prósent. En hækkunin í öðrum sveitarfélögum var um og undir 5 prósentum. Þriðjungshækkun í Vesturbyggð Í þéttbýlisstöðum á landsbyggðinni er hækkun fasteignamats íbúða mest í Vesturbyggð, 33,6 prósent, en þar eru tveir þéttbýliskjarnar, Patreksfjörður og Bíldudalur, þar sem fiskeldi hefur verið umtalsvert. Heilt yfir er hækkunin mest á Vestfjörðum og Austfjörðum. Íbúðahúsnæði hækkar um þriðjung í Vesturbyggð.Vísir/Vilhelm Í Múlaþingi er hækkunin 24,2 prósent, og er mikið til knúin áfram a hækkun á Seyðisfirði. Vekur það athygli í ljósi þess að fyrir tveimur og hálfu ári síðan féllu stórar aurskriður á bæinn og eyðilögðu nokkur hús. Lækkun á Grundarfirði Af öðrum stærri bæjum á landsbyggðinni má nefna að fasteignamat íbúða hækkar um 22,2 prósent í Vestmannaeyjum, 22 í Grindavík, 20,8 í Fjarðabyggð, 19,2 í Borgarbyggð, 17,5 í Reykjanesbæ, 17 á Akranesi, 16,7 í Skagafirði, 16,6 á Akureyri, 16,3 á Ísafirði, 9 í Árborg, 8,5 í Hveragerði og 3,3 á Stykkishólmi. Mesta hækkunin var í Skagabyggð, 43,9 prósent, en aðeins í einu sveitarfélagi rýrnaði fasteignamat íbúða, á Grundarfirði um 0,9 prósent. Fasteignamat atvinnuhúsnæðis hækkar mun minna en íbúðarhúsnæðis, eða um 4,8 prósent. Metur HMS þetta þannig að raunverð atvinnuhúsnæðis sé að lækka. Mat sumarhúsa hækkar um 12,7 prósent. Aðrar eignir hækka um 6,9 prósent. Sviptingar „Við erum að horfa á tímabil mikilla sviptinga,“ sagði Tryggvi Már Ingvarsson, framkvæmdastjóri fasteignasviðs HMS á Akureyri á fundinum. Benti hann á að fólksfjölgun hefði verið mikil á árinu og íbúðauppbygging ekki haldið í við það. Þá hafi vextir hækkað hratt. Raunvirðislækkun atvinnueigna skipti sveitarfélögin miklu máli, því að gjöld á þær eru mun hærri en á íbúðir. Rýrnar því sá tekjustofn sveitarfélaganna á árinu. Happadrætti Heiða Björg Hilmisdóttir, formaður Sambands íslenskra sveitarfélaga, sagði að sveitarfélögin yrðu að vinna með þessar upplýsingar til þess að mæta breytingu á tekjustofnum. Frá fundinum í húsnæði HMS í Borgartúni í morgun.Vísir/Vilhelm „Við þurfum að finna leiðir til að draga úr þessum sveiflum, þessu happadrætti,“ sagði Heiða. „Við þurfum að tryggja að framboð íbúða verði stöðugra.“ Væri það ekki síst fyrir þá tekjulágu hópa sem eru viðkvæmastir á húsnæðismarkaði. Staðan hjá mörgum væri grafalvarleg í ljósi vaxtahækkana. Gagnrýndi hún ríkisstjórnina fyrir að þau stofnframlög sem ætluð eru í húsnæðisstuðning í ríkisfjármálaáætlun séu aðeins 20 milljarðar en þyrftu að vera rúmlega tvöfalt hærri, það er 44 milljarðar. Hærri þröskuldur Lilja Björk Einarsdóttir, bankastjóri Landsbankans, sagði að eftirspurnin væri til staðar, verið væri að byggja íbúðir og lána fyrir þeim. Hins vegar hefði sölutími lengst úr einum mánuði í sex. „Það þarf hærri laun til að fá greiðslumat og hærri útborgun. Því er erfiðara að komast inn á húsnæðismarkaðinn,“ sagði Lilja. Lilja Björk Einarsdóttir bankastjóri Landsbankans sagði að finna þyrfti leiðir til að koma fólki í gegnum stökkbreytingu greiðslubyrði.Vísir/Vilhelm Eitt helsta verkefnið sé líka að finna leiðir fyrir fólk með óverðtryggð lán sem sjá fram á stökkbreytingu í greiðslubyrði að komast í gegnum þennan skafl. Kynnti hún endurfjármögnun út frá uppfærðu fasteignamati hjá Landsbankanum, sem hefur um þriðjung húsnæðislána.
Húsnæðismál Efnahagsmál Fjármál heimilisins Tengdar fréttir Bein útsending: Fasteignamat 2024 kynnt Húsnæðis- og mannvirkjastofnun mun kynna nýtt fasteignamat á opnum fundi sem hefst klukkan 10:30. Farið verður yfir verðþróun, framboð fasteigna og húsnæðisþörf. 31. maí 2023 09:45 Fasteignamat tekur mikið stökk á milli ára Þjóðskrá hefur gefið út fasteignamat fyrir árið 2023. Heildarmat fasteigna á Íslandi hækkar um 19,9 prósent á milli ára, sem er umtalsvert meiri hækkun á milli ára en undanfarin ár. 31. maí 2022 13:33 Mest lesið Upplifir að þau hafi verið leidd í gildru Innlent „Alvarlegasta árásin gegn dönskum innviðum til þessa“ Erlent Harmsaga fjölskyldunnar ekkert einsdæmi Innlent Stefnir í lokað þinghald að beiðni mæðgnanna Innlent Hrædd um að brennuvargur gangi laus í bænum Innlent Fóru með fleipur um einhverfu og bóluefni Erlent Errol Musk sakaður um að misnota börn sín Erlent Gagnrýndi allt og alla í langri og slitróttri ræðu Erlent „Það er betlmenning og allir eiga að fá allt frítt“ Viðskipti innlent Bein útsending: Trump ávarpar allsherjarþingið Erlent Fleiri fréttir Núverandi kvikusöfnunartímabil geti dregist á langinn Brennuvargur gengur laus, stórfjölgun krabbameina og í beinni frá Köben Þorgerður telur tilefni til að kalla saman þjóðaröryggisráð Inga eigi að kalla saman þjóðaröryggisráð þegar í stað Skólameistarar styðja ekki breytingar ráðherra Stefnir í lokað þinghald að beiðni mæðgnanna Harmsaga fjölskyldunnar ekkert einsdæmi Örlög hjartanna enn óráðin Troðfyllti stangirnar af amfetamínbasa Forsetahjónin á leið til Finnlands Benti á mikilvægi fyrirmynda þegar kæmi að jafnréttismálum Ekki lengur framsal á fullveldi heldur neytendavernd Mæla hiklaust með lyfinu á meðgöngu ef þörf þykir á Hrædd um að brennuvargur gangi laus í bænum Starfandi forsætisráðherra lítur drónabrölt „grafalvarlegum augum“ Vara við svikapóstum frá Ríkisskattstjóra Dularfullir drónar og umdeildar kenningar um einhverfu og parasetamól Telja sig vita hverjir grímuklæddu mennirnir eru Ferðum aflýst og einni vél snúið við vegna drónaumferðar í Kaupmannahöfn Ætlar að fækka sveitarfélögum fyrir kosningar Aðeins helmingur telur sig við góða heilsu Rannsaka húsbrot og eldsvoða á Sauðárkróki Krefur Reykjavíkurborg um frekari svör vegna fundargerðar Upplifir að þau hafi verið leidd í gildru Rannsaka mál sex grímuklæddra manna sem réðust á einn Óttaslegnir eldri borgarar eftir endurtekna eldsvoða Vill frekar fjölga lögreglumönnum heldur en lögreglustöðvum Maðurinn sem lýst var eftir fundinn Björg ætlar að láta að sér kveða í Viðreisn Þrettán konur höfðu samband svo að nauðgarinn færi í fangelsi Sjá meira
Bein útsending: Fasteignamat 2024 kynnt Húsnæðis- og mannvirkjastofnun mun kynna nýtt fasteignamat á opnum fundi sem hefst klukkan 10:30. Farið verður yfir verðþróun, framboð fasteigna og húsnæðisþörf. 31. maí 2023 09:45
Fasteignamat tekur mikið stökk á milli ára Þjóðskrá hefur gefið út fasteignamat fyrir árið 2023. Heildarmat fasteigna á Íslandi hækkar um 19,9 prósent á milli ára, sem er umtalsvert meiri hækkun á milli ára en undanfarin ár. 31. maí 2022 13:33