Lífið

Vann kappakstur með tveggja daga gamalt bílpróf

Stefán Árni Pálsson skrifar
Vann kappakstur aðeins tveimur dögum eftir bílprófið. 
Vann kappakstur aðeins tveimur dögum eftir bílprófið. 

Þættirnir Afbrigði í umsjón Ingileifar Friðriksdóttur hófu göngu sína á nýjan leik á Stöð 2 á dögunum en þar er fjallað um fólk sem lifir óhefðbundnum lífsstíl og er óhætt að segja að um afar sérstaka og öðruvísi þætti sé að ræða.

Í þætti gærkvöldsins kynnti Ingileif sér fólk sem hefur óbilandi áhuga á bílum. Í þættinum ræddi hún við hinn átján ára gamla Fabian Dorozins sem keppir í því sem bílaáhugamenn kalla drifti.

„Ég var ekki kominn með bílpróf þegar ég byrjaði og á þessum tíma var keppni eftir tvo daga og á þessum tíma átti ég að fara í verklega bílprófið daginn eftir. Ég náði verklega prófinu og fór á driftæfingu sama dag. Svo fór ég á keppnina og vann keppnina með tveggja daga bílpróf. Síðan voru fjórar keppnir á árinu og ég vann þrjár af þeim og varð Íslandsmeistari.“

Hér að neðan má sjá brot úr þætti gærkvöldsins þar sem er einnig rætt við hana Thelmu Rut sem var lengi vel eina driftkona landsins. 

Klippa: Vann kappakstur með tveggja daga gamalt bílpróf





Fleiri fréttir

Sjá meira


×