Tónlist

„Fólkið sér að okkur finnst þetta jafn gaman og þeim“

Dóra Júlía Agnarsdóttir skrifar
FM95Blö verða á Þjóðhátíð um helgina.
FM95Blö verða á Þjóðhátíð um helgina. Instagram @audunnblondal

FM95Blö verður meðal atriða á Þjóðhátíð í ár en strákarnir hafa verið reglulegir flytjendur á hátíðinni undanfarin ár. Blaðamaður heyrði í Auðunni Blöndal og fékk að taka púlsinn á honum rétt fyrir stóru stundina.

Þjóðhátíð 2022 fer fram með pompi og prakt í Heimaey í lok júlí í ár. Fjölbreytt flóra íslensks tónlistarfólks mun stíga á svið og skemmta gestum en hátíðin er nú haldin í fyrsta skipti frá árinu 2019. Lífið á Vísi tekur hér púlsinn á tónlistarfólkinu og fær nánari innsýn í atriðið þeirra á Þjóðhátíð.

Hvenær fóruð þið fyrst á Þjóðhátíð?

Ég fór á mína fyrstu Þjóðhátíð 2001, en við fórum fyrst á svið að skemmta 2015 minnir mig.

Hvað finnst ykkur skemmtilegast við þessa hátíð?

Eiginlega allt! Eyjamenn eru eitthvað skemmtilegasta fólk landsins og höfðingjar heim að sækja. 

En vissulega stendur upp úr að standa fyrir framan 18.000 manns á sviði og skemmta. Þetta er eina giggið á Íslandi þar sem maður labbar af sviðinu í gigg vímu.

Við hverju mega hátíðargestir búast þegar þið stígið á svið?

Stemningu! Held að ástæðan fyrir stemningunni sem við náum sé að fólkið sér að okkur finnst þetta jafn gaman og þeim.

Hvað er uppáhalds Þjóðhátíðarlagið ykkar?

Af okkar lögum er erfitt að gera upp á milli, Ég fer á þjóðhátíð og Komið að því. En svona over all er það líklegast Þar sem hjartað slær.

Hvernig ætlið þið að undirbúa ykkur fyrir stóru stundina?

Taka tvo til þrjá kalda yfir daginn, fara í safari um eyjarnar, hrista af sér stressið baksviðs. Labba upp að sviðinu þar sem við Steindi og Egill tökum smá faðmlag og hendum í: „Let's give them a f-ing show!“


Tengdar fréttir

Var flogið á sína fyrstu Þjóðhátíð sem óvænt atriði

Sverrir Bergmann fór á sína fyrstu Þjóðhátíð fyrir 21 ári en þá var honum flogið til Vestmannaeyja til að flytja lagið Án þín fyrir brekkugesti. Hann hefur verið reglulegur flytjandi á hátíðinni síðan þá og kemur fram í ár bæði með hljómsveitinni Albatross og FM95Blö.

Ætlar að njóta hverrar einustu mínútu

Tónlistarmaðurinn Hreimur hefur gefið út hvorki meira né minna en sex Þjóðhátíðarlög og þar á meðal er lagið Lífið er yndislegt sem flestir tengja óneitanlega alltaf við Þjóðhátíð. Hann kom fyrst fram á hátíðinni árið 1997 þegar Land og synir voru óþekkt hljómsveit. Hreimur hlakkar mikið til að Þjóðhátíð verði loksins aftur haldin nú um helgina.

„Alltaf verið bendlaður við alvöru partý stemningu“

Tónlistarmaðurinn og plötusnúðurinn Ingi Bauer er maðurinn á bak við lög á borð við Dicks og Upp til hópa. Hann hefur komið fram á hinum ýmsu hátíðum og spilað víðs vegar um landið en hann er meðal atriða á Þjóðhátíð í ár og segist alltaf hafa verið bendlaður við alvöru partý stemningu.

„Ég man varla eftir tónleikunum sökum sjóriðu“

Birgitta Haukdal er ein ástsælasta söngkona okkar Íslendinga og þaulvön því að stíga á svið fyrir framan fjöldann allan af áhorfendum. Fyrir um það bil tuttugu árum síðan spilaði hún á sinni fyrstu Þjóðhátíð með hljómsveitinni Írafár en hún kemur fram í Herjólfsdal í ár, bæði ein og með hljómsveitinni. Blaðamaður tók púlsinn á Birgittu.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.