„Af samfélagsmiðlum að dæma eru allir á móti mér – en það er ekki satt“ Snorri Másson skrifar 26. júní 2022 19:57 Kanadíski sálfræðingurinn Jordan Peterson flutti fyrirlestur fyrir fullum sal í Háskólabíó í gærkvöldi. Ísland í dag ræddi við hann morguninn fyrir fyrirlesturinn. Þegar boðað var að Jordan Peterson hygðist halda fyrirlestur í Háskólabíó skiptist fólk í tvennt; margir keyptu sér miða, „áhugaverður sálfræðingur, væri gaman að sjá.“ Aðrir fóru á Twitter og lýstu því að kjarni málflutnings Peterson væri kvenhatur, líkamshatur og hin/kynseginhatur. Það væri því óréttlætanlegt að leggja leið sína á fyrirlesturinn. Jordan Peterson hefur selt fleiri milljónir eintaka af sjálfshjálparbókum á undanförnum árum og sálfræðingurinn er orðinn einn vinsælasti en um leið umdeildasti fræðimaður síns tíma.Vísir/Adelina „Ef þú lítur á samfélagsmiðla er eins og það sé yfirgnæfandi mótstaða við mig,“ segir Jordan Peterson. „Það er einfaldlega ekki satt. Það er bara ekki satt. Ég var til dæmis að skrifa grein í Telegraph, sem var einhver sú grófasta sem ég hefði getað skrifað. Ég hélt að þetta væri búið fyrir mig ef ég birti þessa grein. Ég var í grunninn að kalla eftir fangelsun slátrandi skurðlækna sem eru að framkvæma svokallaðar kynleiðréttingaraðgerðir á fólki undir lögaldri. Ég kallaði samtök bandarískra sálfræðinga (APA) pakk af kjarklausum heiglum og lygurum. Og þetta er býsna skorinort – en niðurstaðan er sú að allar athugasemdirnar eru jákvæðar. Allar. Þannig að það er lítill minnihluti af fólki sem er á móti því sem ég segi við og við og hann er mjög hávær,“ segir Peterson. Ekki spurning um umburðarlyndi Í raunheimum sé óánægjan þó engin; hann hafi verið að flytja fyrirlestra í um 60 borgum, án þess að komið hafi til mótmæla eða annarrar andspyrnu. Peterson fór mikinn um kynleiðréttingaraðgerðir á börnum og hélt því fram að samfélaginu bæri ekki að sýna þeim umburðarlyndi. Að vera á móti þessum aðgerðum er að hans sögn ekki sambærilegt við að hafa verið mótfallinn hjónabandi samkynhneigðra á sínum tíma, heldur séu þetta breytingar af öðrum toga. Peterson sagði þá að stefna nasista hafi í orði kveðnu byggst á umburðarlyndi og samhygð. Kynleiðréttingaraðgerðir sem prófessorinn vísar til, sem gerðar eru á fólki yngri en átján ára, eru sárasjaldgæfar í heiminum og alls ekki útbreidd stefna. Hér á Íslandi hafa samkvæmt upplýsingum fréttastofu engar slíkar aðgerðir verið gerðar á einstaklingum yngri en átján ára. Stundum eru kynhormónabælandi meðferðir notaðar til að styðja við trans ungmenni enda er komin löng reynsla á notkun slíkra lyfja við meðferð annarra hópa. Áhrifin þar eru afturkræf. Í viðtalinu er rætt um stjórnmálaástandið og Peterson heldur því þar meðal annars að það sé sök róttæka vinstrisins að umræðan sé orðin eins pólaríseruð og raun ber vitni um.Vísir „Ömurleg gagnrýni“ Í aðdraganda komu Jordan Peterson voru ummæli hans frá fyrri tíð rifjuð upp á samfélagsmiðlum, hvort sem það voru vangaveltur hans um varalit kvenna á vinnustöðum, mótstaða hans á sínum tíma við að nota rétt fornöfn fólks vegna lagalegrar skyldu af hálfu kanadískra stjórnvalda eða athugasemd hans við vaxtarlag fyrirsætu á forsíðu Sports Illustrated fyrir skemmstu. Peterson ræddi farða og klæðnað kvenna á vinnustöðum í viðtali við Vice árið 2017. Spurður út í það viðtal núna segir hann: „Já, það var góð pæling, þetta með varalitinn. Til hvers heldur fólk í alvöru að varalitur sé? Til hvers í fjandanum? Þetta er svo ömurleg og idjotísk gagnrýni. Sú hugmynd að farði hafi ekkert að gera með kynferðislega aðlöðun; ef þú trúir henni ert þú fáviti. Þannig að mér er ljúft og skylt að ítreka þetta viðhorf alveg afdráttarlaust.“ Horfa má á viðtalið í heild sinni í spilaranum hér að ofan, en þar er einnig rætt um pólaríseruð stjórnmál, Bandaríkin, Donald Trump og þar fram eftir götunum. Peterson dvaldi á Íslandi frá föstudegi til sunnudags, en þá tekur næsta land í bókatúrnum við. Hann hefur meðal annars komið við í Noregi og Danmörku.Vísir Samfélagsmiðlar Íslandsvinir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Biðst afsökunar á að hafa kallað skemmdarvarginn „fífl“ Innlent Segja valdarán framið og kirkju aðventista klofna Innlent Berst gegn kvíaeldi á jörð sem hann telur sína Innlent Óttast mikinn skaða sem seint yrði fyrirgefinn Innlent Grunaður um að hafa ráðið konu sinni bana Innlent Segja baráttuna bara rétt að hefjast Innlent Steinunn Ólína skýtur föstum skotum á Katrínu Innlent Gera alvarlegar athugasemdir við verðlaunakerfi Tik Tok Erlent Tíðni manndrápa í takt við fjölgun mannfjölda Innlent Undirbúa stærðarinnar sendingar til Úkraínu Erlent Fleiri fréttir Segir Samfylkinguna í „blússandi gír“ og enga óeiningu Réðst á barn sem gerði dyraat Grunaður um að hafa ráðið konu sinni bana Myndaði annan mann í sturtuklefanum Tíðni manndrápa í takt við fjölgun mannfjölda Segja valdarán framið og kirkju aðventista klofna Pétur Guðfinnsson er látinn Biðst afsökunar á að hafa kallað skemmdarvarginn „fífl“ Rafmagnslaust á Blönduósi Segja baráttuna bara rétt að hefjast Berst gegn kvíaeldi á jörð sem hann telur sína Óttast mikinn skaða sem seint yrði fyrirgefinn Úrskurðaður í vikulangt gæsluvarðhald á Akureyri Mikilvægt skref en megi gera betur Katrín og Baldur takast enn á um forystuna Fjögurra milljarða króna tekjur á ári af spilakössum Katrín, Halla og Steinunn Ólína mætast í Pallborðinu Bæjarstjórn fundaði með Þórkötlu Morðrannsókn á Akureyri og sundgestir í uppnámi Vonast til að afgreiða hvalveiðileyfi eins hratt og mögulegt er Tveimur sleppt úr haldi á Suðurlandi Átta hundrað milljóna afgangur í Hafnarfirði Halla telur langt í að fólk sé búið að ákveða sig Sjö sóttu um embætti skólameistara Íbúar sváfu vært meðan á öllu gekk á jarðhæðinni Ásdís Rán búin að safna undirskriftum Kristrún segir ríkisstjórnina vilja gefa auðlindir þjóðarinnar Þjófnaðurinn áfall fyrir reynslumikla öryggisverði Voru að byggja annan bústað Skerjafjarðarskáldið segir Höllu Hrund eina með öllu Sjá meira
Þegar boðað var að Jordan Peterson hygðist halda fyrirlestur í Háskólabíó skiptist fólk í tvennt; margir keyptu sér miða, „áhugaverður sálfræðingur, væri gaman að sjá.“ Aðrir fóru á Twitter og lýstu því að kjarni málflutnings Peterson væri kvenhatur, líkamshatur og hin/kynseginhatur. Það væri því óréttlætanlegt að leggja leið sína á fyrirlesturinn. Jordan Peterson hefur selt fleiri milljónir eintaka af sjálfshjálparbókum á undanförnum árum og sálfræðingurinn er orðinn einn vinsælasti en um leið umdeildasti fræðimaður síns tíma.Vísir/Adelina „Ef þú lítur á samfélagsmiðla er eins og það sé yfirgnæfandi mótstaða við mig,“ segir Jordan Peterson. „Það er einfaldlega ekki satt. Það er bara ekki satt. Ég var til dæmis að skrifa grein í Telegraph, sem var einhver sú grófasta sem ég hefði getað skrifað. Ég hélt að þetta væri búið fyrir mig ef ég birti þessa grein. Ég var í grunninn að kalla eftir fangelsun slátrandi skurðlækna sem eru að framkvæma svokallaðar kynleiðréttingaraðgerðir á fólki undir lögaldri. Ég kallaði samtök bandarískra sálfræðinga (APA) pakk af kjarklausum heiglum og lygurum. Og þetta er býsna skorinort – en niðurstaðan er sú að allar athugasemdirnar eru jákvæðar. Allar. Þannig að það er lítill minnihluti af fólki sem er á móti því sem ég segi við og við og hann er mjög hávær,“ segir Peterson. Ekki spurning um umburðarlyndi Í raunheimum sé óánægjan þó engin; hann hafi verið að flytja fyrirlestra í um 60 borgum, án þess að komið hafi til mótmæla eða annarrar andspyrnu. Peterson fór mikinn um kynleiðréttingaraðgerðir á börnum og hélt því fram að samfélaginu bæri ekki að sýna þeim umburðarlyndi. Að vera á móti þessum aðgerðum er að hans sögn ekki sambærilegt við að hafa verið mótfallinn hjónabandi samkynhneigðra á sínum tíma, heldur séu þetta breytingar af öðrum toga. Peterson sagði þá að stefna nasista hafi í orði kveðnu byggst á umburðarlyndi og samhygð. Kynleiðréttingaraðgerðir sem prófessorinn vísar til, sem gerðar eru á fólki yngri en átján ára, eru sárasjaldgæfar í heiminum og alls ekki útbreidd stefna. Hér á Íslandi hafa samkvæmt upplýsingum fréttastofu engar slíkar aðgerðir verið gerðar á einstaklingum yngri en átján ára. Stundum eru kynhormónabælandi meðferðir notaðar til að styðja við trans ungmenni enda er komin löng reynsla á notkun slíkra lyfja við meðferð annarra hópa. Áhrifin þar eru afturkræf. Í viðtalinu er rætt um stjórnmálaástandið og Peterson heldur því þar meðal annars að það sé sök róttæka vinstrisins að umræðan sé orðin eins pólaríseruð og raun ber vitni um.Vísir „Ömurleg gagnrýni“ Í aðdraganda komu Jordan Peterson voru ummæli hans frá fyrri tíð rifjuð upp á samfélagsmiðlum, hvort sem það voru vangaveltur hans um varalit kvenna á vinnustöðum, mótstaða hans á sínum tíma við að nota rétt fornöfn fólks vegna lagalegrar skyldu af hálfu kanadískra stjórnvalda eða athugasemd hans við vaxtarlag fyrirsætu á forsíðu Sports Illustrated fyrir skemmstu. Peterson ræddi farða og klæðnað kvenna á vinnustöðum í viðtali við Vice árið 2017. Spurður út í það viðtal núna segir hann: „Já, það var góð pæling, þetta með varalitinn. Til hvers heldur fólk í alvöru að varalitur sé? Til hvers í fjandanum? Þetta er svo ömurleg og idjotísk gagnrýni. Sú hugmynd að farði hafi ekkert að gera með kynferðislega aðlöðun; ef þú trúir henni ert þú fáviti. Þannig að mér er ljúft og skylt að ítreka þetta viðhorf alveg afdráttarlaust.“ Horfa má á viðtalið í heild sinni í spilaranum hér að ofan, en þar er einnig rætt um pólaríseruð stjórnmál, Bandaríkin, Donald Trump og þar fram eftir götunum. Peterson dvaldi á Íslandi frá föstudegi til sunnudags, en þá tekur næsta land í bókatúrnum við. Hann hefur meðal annars komið við í Noregi og Danmörku.Vísir
Samfélagsmiðlar Íslandsvinir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Biðst afsökunar á að hafa kallað skemmdarvarginn „fífl“ Innlent Segja valdarán framið og kirkju aðventista klofna Innlent Berst gegn kvíaeldi á jörð sem hann telur sína Innlent Óttast mikinn skaða sem seint yrði fyrirgefinn Innlent Grunaður um að hafa ráðið konu sinni bana Innlent Segja baráttuna bara rétt að hefjast Innlent Steinunn Ólína skýtur föstum skotum á Katrínu Innlent Gera alvarlegar athugasemdir við verðlaunakerfi Tik Tok Erlent Tíðni manndrápa í takt við fjölgun mannfjölda Innlent Undirbúa stærðarinnar sendingar til Úkraínu Erlent Fleiri fréttir Segir Samfylkinguna í „blússandi gír“ og enga óeiningu Réðst á barn sem gerði dyraat Grunaður um að hafa ráðið konu sinni bana Myndaði annan mann í sturtuklefanum Tíðni manndrápa í takt við fjölgun mannfjölda Segja valdarán framið og kirkju aðventista klofna Pétur Guðfinnsson er látinn Biðst afsökunar á að hafa kallað skemmdarvarginn „fífl“ Rafmagnslaust á Blönduósi Segja baráttuna bara rétt að hefjast Berst gegn kvíaeldi á jörð sem hann telur sína Óttast mikinn skaða sem seint yrði fyrirgefinn Úrskurðaður í vikulangt gæsluvarðhald á Akureyri Mikilvægt skref en megi gera betur Katrín og Baldur takast enn á um forystuna Fjögurra milljarða króna tekjur á ári af spilakössum Katrín, Halla og Steinunn Ólína mætast í Pallborðinu Bæjarstjórn fundaði með Þórkötlu Morðrannsókn á Akureyri og sundgestir í uppnámi Vonast til að afgreiða hvalveiðileyfi eins hratt og mögulegt er Tveimur sleppt úr haldi á Suðurlandi Átta hundrað milljóna afgangur í Hafnarfirði Halla telur langt í að fólk sé búið að ákveða sig Sjö sóttu um embætti skólameistara Íbúar sváfu vært meðan á öllu gekk á jarðhæðinni Ásdís Rán búin að safna undirskriftum Kristrún segir ríkisstjórnina vilja gefa auðlindir þjóðarinnar Þjófnaðurinn áfall fyrir reynslumikla öryggisverði Voru að byggja annan bústað Skerjafjarðarskáldið segir Höllu Hrund eina með öllu Sjá meira