Innlögðum á Landspítala fækkar milli daga

Fanndís Birna Logadóttir skrifar 17. febrúar 2022 10:20

Enginn er í öndunarvél, þriðja daginn í röð. Vísir/Vilhelm

Alls eru nú 44 inniliggjandi á Landspítala með Covid-19 en um er að ræða fækkun á milli daga. Áfram eru þrír á gjörgæslu, enginn þeirra í öndunarvél. Um 450 fleiri börn eru nú í eftirliti hjá Covid göngudeildinni heldur en í gær.

Að því er kemur fram í tilkynningu á vef spítalans er meðalaldur innlagðra 62 ár. Af þeim 44 sem nú liggja inni á spítalanum hafa 34 fengið að minnsta kosti einn skammt af bóluefni en tíu eru óbólusettir.

Alls eru nú 9.225 sjúklingar í eftirliti hjá Covid göngudeild spítalans, þar af 2.729 börn. Börn sem eru í eftirliti fjölgar um rúmlega 450 milli daga en sjúklingum í heild um rúmlega 1.350.

Starfsmenn spítalans sem nú eru í einangrun vegna Covid eru 342 talsins og fækkar þeim um 21 milli daga.

Í gær voru 48 inniliggjandi á Landspítala, þar af þrír á gjörgæslu en enginn þeirra í öndunarvél. Sex voru inniliggjandi á Spítalanum á Akureyri.

Karlmaður á sjötugsaldri með Covid lést á Landspítala á þriðjudag og hafa því frá upphafi faraldursins 58 látist.

Faraldur kórónuveiru (COVID-19) Landspítalinn

Tengdar fréttir

„Ef fólk er veikt þá er það veikt og verður heima - annað er bara út í Hróa Hött“

Forstjóri Hrafnistu segir að nauðsynlegt geti verið að kalla Covid smitað, einkennalaust heilbrigðisstarfsfólk til vinnu vegna mönnunvarvanda. Forstjórinn leggur áherslu á að veikir starfsmenn verði að sjálfsögðu ekki kallað til vinnu enda veikindaréttur starfsfólks tryggður.

16. febrúar 2022 21:12

Karlmaður á sextugsaldri með Covid lést á gjörgæslu

Karlmaður á sextugsaldri með COVID-19 lést á gjörgæslu í gær.

16. febrúar 2022 10:22

Enginn í öndunarvél annan daginn í röð

48 sjúklingar liggja á Landspítala með Covid-19. Þrír eru á gjörgæslu. Enginn er í öndunarvél, annan daginn í röð.

16. febrúar 2022 09:51

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir