Ók vélsleða á hús

Bílarnir þrír sem lentu saman voru töluvert tjónaðir og einn ökumannanna ákvað að leita á bráðamóttöku vegna eymsla. Síðarnefnda atvikið átti sér stað í Mosfellsbæ en þar komst ökumaður ómeiddur frá árekstrinum. Einhverjar skemmdir urðu hins vegar á húsinu.

Seinna um kvöldið var tilkynnt um eld í skólahúsnæði í Kópavogi, sem reyndist vera í gámi fyrir utan skólann. Þá var einnig tilkynnt um eld í fyrirtæki í Hlíðahverfi en í báðum tilvikum mætti slökkvilið á vettvang og slökkti eldinn.

Einn var stöðvaður á stolinni bifreið og þá var einn handtekinn eftir slagsmál í póstnúmerinu 108. Tvær tilkynningar bárust um innbrot, önnur varðaði fyrirtæki í Hlíðahverfi en hin geymslu í fjölbýlishúsi í miðborginni.