Innlent

Lögregla ítrekað kölluð út vegna láta og einstaklinga í annarlegu ástandi

Hólmfríður Gísladóttir skrifar
Þó nokkrar hávaðatilkynningar bárust lögreglu í nótt.
Þó nokkrar hávaðatilkynningar bárust lögreglu í nótt. Vísir/Vilhelm

Lögreglan á höfuðborgarsvæðinu varði töluverðum tíma í nótt í að sinna útköllum vegna hávaðakvartana og einstaklinga í annarlegu ástandi.

Tilkynningar bárust um hávaða frá íbúð í miðbænum og nokkrar um skarkala í póstnúmerinu 105 en í einu tilvikinu lék einnig grunur á að verið væri að brjóta samkomutakmarkanir.

Í póstnúmerinu 105 barst einnig tilkynning um aðila sem var að vera til vandræða en engar nánari upplýsingar um atvikið eru gefnar í tilkynningu frá lögreglu. Í Hafnarfirði barst tilkynning um ölvaðan mann sem gat ekki staðið upp sjálfur og í póstnúmerinu 109 var tilkynnt um einstakling í annarlegu ástandi sem er grunaður um að hafa tekið of stóran skammt af fíkniefnum. Var honum ekið á Landspítalann til aðhlynningar.

Lögregla aðstoðaði einnig konu í nótt sem var sögð illa áttuð og virtist ekki vita hvar hún var. Var hún flutt á slysadeild þar sem hún var með áverka á höfði.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.