Katrín horfir á Rodman, Jordan og Zidane til að koma sér í gírinn

Í þáttunum Þetta reddast fær Dóra Júlía til sín góða gesti og með aðstoð þeirra matreiðir hún fram misglæsilega rétti og kynnist viðmælendum sínum í leiðinni.

Í þriðja þættinum mætti Katrín Jakobsdóttir forsætisráðherra í eldhúsið og bökuðu þeir saman íslenskar pönnukökur.

Í þættinum ræddu þær um allt milli himins og jarðar og meðal annars um það hvernig Katrín kemur sér í gírinn áður en hún kemur fram til að halda ræðu eða koma fram opinberlega.

„Ef ég er ekki í gírnum fyrir þá horfi ég stundum á, þetta er mjög asnalegt, Dennis Rodman eða Michael Jordan og tek stundum nokkur mörk frá Zidane. Ég horfi á íþróttamenn vera ná árangri. Stundum hlusta ég líka á svona pepptónlist,“ segir Katrín sem setur stundum Guns N' Roses á fóninn fyrir átök.

Hér að neðan má sjá brot úr síðasta þætti en þættirnir Þetta reddast eru á dagskrá Stöðvar 2 á fimmtudagskvöldum.