Þýsk innrás í enska boltann: „Held að England hafi horft á hvaða leið er vænlegust til árangurs“ Runólfur Trausti Þórhallsson skrifar 24. desember 2021 14:01 Þessir þrír eru allir að þjálfa í ensku úrvalsdeildinni. Getty Images Innkoma Ralf Rangnick í ensku úrvalsdeildina þýðir að nú eru þrír Þjóðverjar að stýra þremur af fjórum stærstu liðum deildarinnar. Jürgen Klopp hjá Liverpool, Thomas Tuchel hjá Chelsea og nú Rangnick hjá Manchester United. Þá er Austurríkismaðurinn Ralph Hasenhüttl hjá Southampton en hann fellur þó í sama flokk og hinir þrír þar sem hann fór í gegnum sama skóla ef svo má að orði komast. Bæði Klopp og Tuchel hafa þjálfað Mainz á ferli sínum. Hasenhüttl þjálfaði RB Leipzig í tvö ár en Rangnick þjálfaði bæði liðið ásamt því að móta stefnu þess. Hvað veldur? Er einhver sérstök ástæða fyrir því að ensk stórlið leita í meiri mæli til Þýskalands eftir hugmyndum og þjálfurum? Vísir ræddi við Frey Alexandersson - þjálfara Lyngby í Danmörku - og Arnar Bergmann Gunnlaugsson - þjálfara Íslands- og bikarmeistara Víkings - í von um að komast til botns í málinu. „Ég hef ekki skýringuna en ég hef tilfinningu fyrir ákveðnum hlutum varðandi þetta,“ sagði Freyr hreinskilinn. Freyr tók UEFA Pro-þjálfaragráðu í Danmörku og kynntist þar tveimur dönskum þjálfurum sem í dag starfa í Þýskalandi. Bo Svensson, þjálfar Mainz, og Mike Tullberg, þjálfar U-19 ára liðs Borussia Dortmund. Freyr Alexandersson, þjálfari Lyngby.Lyngby „Ég hef rætt þetta mikið við þá tvo þar sem þeir hafa verið lengi í Þýskalandi. Það sem ég hef náð að krukka í hausnum á þeim. Hef þá tilfinningu að Þjóðverjar skipuleggi ekki næstu þrjá mánuði, þeir plana þrjú ár fram í tímann.“ „Fótboltinn er búinn að gjörbreytast síðan Barcelona-lið Pep Guardiola fór sigurför um heiminn með tiki-taka fótboltanum sínum. Þá var það heitasta í heiminum: Að senda endalausar hliðarsendingar, halda boltanum og opna svæði þannig. Þú getur ekki spilað svona í dag og ekkert þýskt lið spilar svona. Þjóðverjar gerðu fótbolta að kraftasporti. Snýst um að vera árásargjarn, vinna einn á einn stöðuna, pressa stíft. Voru fyrstir að innleiða þetta hjá sér.“ „Þeir fara í gegnum sterkt menntakerfi og hafa búið til rauða þræði í þessum nokkrum klúbbum sem allir þessir menn snerta einhvern veginn á. Eru þar af leiðandi frumkvöðlar og eru nú leiðandi í þessari bylgju fótboltans,“ sagði Freyr. Arnar tók í sama streng. Arnar Gunnlaugsson í miðri tolleringu eftir að Víkingur varð bikarmeistari í haust.Vísir/Hulda Margrét „Er alltaf þannig í fótboltanum að það koma upp tímabil þar sem lið og lönd eru allsráðandi. Þá fara næstu lið - og lönd - að skoða hvað er hægt að gera til að skáka þessum liðum við. Það var augljóst hvað var að gerast í kringum 2008-2009, Spánn og Barcelona voru allsráðandi með sinn leikstíl, tiki-taka. Stóru þjóðirnar sátu eftir, sérstaklega Þjóðverjar.“ „Þjálfarar og knattspyrnusambönd fara þá að stúdera hvað hægt er að gera til að skáka tiki-taka, hvað þarf að gera betur. Með því varð til þessi „kraftafótbolti,“ þetta rokk og ról, hápressað og spilað af mikilli ákefð. Líkamlegt atgervi þarf að vera betra, það þarf að leggja meiri áherslu á fitness. Þá var leitað í þennan þýska skóla.“ Öðruvísi en forverar sínir og mesti peningurinn í Englandi „Þessir þjálfarar eiga það allir sameiginlegt að þeir eru sem leiðtogar öðruvísi en forverar sínir. Þýski skólinn var á sínum tíma byggður af harðstjórum og þannig átt að stýra fólki en þessir menn eru allir með þann hæfileika að geta átt mannleg samskipti sem túlkast góð árið 2021,“ sagði Freyr og hélt áfram. „Það er eitthvað í menntakerfinu þeirra sem hefur snúið þeim stíl líka. Af því að þjálfun á hæsta stigi í dag er ekki bara það sem við sjáum varðandi taktíkina, rosalega mikið af því er stjórnun. Að vera góður að fá það besta út úr manneskjunni, og þeir eru helvíti góðir í því líka.“ „Skýringin mín ef ég tek þetta saman er menntakerfi og vera réttu mennirnir, á réttum tíma á réttum stað,“ sagði Freyr að endingu. Mynd frá 2005 þegar Rangnick þjálfaði Schalke 04 og Klopp stýrði Mainz.Christof Koepsel/Bongarts/Getty Images „Fyrir mér er þetta bara brainstorming hjá þessum helstu þjálfurum. Hvað þarf að gerast til að komast á toppinn. Sagan sýnir að þeir hafa haft rétt fyrir sér. Tiki-taka er að hverfa þó Barcelona reyni enn að spila slíkan fótbolta að vissu leyti,“ sagði Arnar. „Pep Guardiola hefur áttað sig á þessu og er að spila allt annan fótbolta í dag með Manchester City heldur en hann gerði hjá Barcelona sínum tíma. Líka að mörgu leyti miðað við það sem hann gerði hjá Bayern München.“ „Í fyrsta lagi held ég að hann (þýski skólinn) sé miklu vænlegri til árangurs. Það er langmesti peningurinn í Englandi og þeir geta keypt allt það besta. Straumarnir liggja því í þá áttina. Fyrir mér er alveg ljóst að þjálfun og framfarir í fótbolta munu í framtíðinni eiga sér stað í líkamlegri þáttum og gagnasöfnun heldur en tæknilegri getu.“ „Ég er ekki að segja að við séum búnir að toppa þegar kemur að tæknilegri getu en það er erfitt að bæta hana að miklu leyti miðað við hvað er hægt bæta líkamlega og sálræna þáttinn mikið. Ég held að England hafi horft á hvaða leið er vænlegust til árangurs, þá er augljóst hvernig fótbolti það er. Það er augljóst hvað þessir bestu þjálfarar á Englandi eru að gera hvað það varðar. Það eru þó vissulega mismunandi áherslur í þessari þýsku leið en conceptið hjá þeim öllum er nokkuð svipað.“ „Þetta er bara þróunin í fótbolta. Það er eitthvað ákveðið sem verður allsráðandi og svo er reynt að plotta gegn því til að verða fremstir í því,“ sagði Arnar Bergmann Gunnlaugsson að endingu. Fótbolti Enski boltinn Mest lesið Metamfetamín fannst í báðum sýnum markmannsins Handbolti Tonali braut veðmálareglur fimmtíu sinnum eftir komuna til Newcastle Enski boltinn Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti Gunnar um að mæta dóttur sinni: „Hélt langmest með henni af öllum inn á vellinum“ Sport „Við vorum bara ekki á svæðinu“ Handbolti Eigendur 76ers gefa miða svo Knicks aðdáendur taki ekki aftur yfir Körfubolti „Vörnin í dag, það er það sem vann þetta“ Körfubolti Möguleikar Tottenham á Meistaradeildarsæti að fjara út Enski boltinn „Virkilega léleg frammistaða heilt á litið“ Körfubolti Fiorentina og Olympiacos í kjörstöðu eftir mikla markaleiki Fótbolti Fleiri fréttir Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Arteta hefur beðið Wenger um ráð hvernig eigi að verða meistari Ten Hag bannaði þremur fjölmiðlum að spyrja spurninga Leicester í úrvalsdeildina eftir rassskellingu Leeds Sjá meira
Þá er Austurríkismaðurinn Ralph Hasenhüttl hjá Southampton en hann fellur þó í sama flokk og hinir þrír þar sem hann fór í gegnum sama skóla ef svo má að orði komast. Bæði Klopp og Tuchel hafa þjálfað Mainz á ferli sínum. Hasenhüttl þjálfaði RB Leipzig í tvö ár en Rangnick þjálfaði bæði liðið ásamt því að móta stefnu þess. Hvað veldur? Er einhver sérstök ástæða fyrir því að ensk stórlið leita í meiri mæli til Þýskalands eftir hugmyndum og þjálfurum? Vísir ræddi við Frey Alexandersson - þjálfara Lyngby í Danmörku - og Arnar Bergmann Gunnlaugsson - þjálfara Íslands- og bikarmeistara Víkings - í von um að komast til botns í málinu. „Ég hef ekki skýringuna en ég hef tilfinningu fyrir ákveðnum hlutum varðandi þetta,“ sagði Freyr hreinskilinn. Freyr tók UEFA Pro-þjálfaragráðu í Danmörku og kynntist þar tveimur dönskum þjálfurum sem í dag starfa í Þýskalandi. Bo Svensson, þjálfar Mainz, og Mike Tullberg, þjálfar U-19 ára liðs Borussia Dortmund. Freyr Alexandersson, þjálfari Lyngby.Lyngby „Ég hef rætt þetta mikið við þá tvo þar sem þeir hafa verið lengi í Þýskalandi. Það sem ég hef náð að krukka í hausnum á þeim. Hef þá tilfinningu að Þjóðverjar skipuleggi ekki næstu þrjá mánuði, þeir plana þrjú ár fram í tímann.“ „Fótboltinn er búinn að gjörbreytast síðan Barcelona-lið Pep Guardiola fór sigurför um heiminn með tiki-taka fótboltanum sínum. Þá var það heitasta í heiminum: Að senda endalausar hliðarsendingar, halda boltanum og opna svæði þannig. Þú getur ekki spilað svona í dag og ekkert þýskt lið spilar svona. Þjóðverjar gerðu fótbolta að kraftasporti. Snýst um að vera árásargjarn, vinna einn á einn stöðuna, pressa stíft. Voru fyrstir að innleiða þetta hjá sér.“ „Þeir fara í gegnum sterkt menntakerfi og hafa búið til rauða þræði í þessum nokkrum klúbbum sem allir þessir menn snerta einhvern veginn á. Eru þar af leiðandi frumkvöðlar og eru nú leiðandi í þessari bylgju fótboltans,“ sagði Freyr. Arnar tók í sama streng. Arnar Gunnlaugsson í miðri tolleringu eftir að Víkingur varð bikarmeistari í haust.Vísir/Hulda Margrét „Er alltaf þannig í fótboltanum að það koma upp tímabil þar sem lið og lönd eru allsráðandi. Þá fara næstu lið - og lönd - að skoða hvað er hægt að gera til að skáka þessum liðum við. Það var augljóst hvað var að gerast í kringum 2008-2009, Spánn og Barcelona voru allsráðandi með sinn leikstíl, tiki-taka. Stóru þjóðirnar sátu eftir, sérstaklega Þjóðverjar.“ „Þjálfarar og knattspyrnusambönd fara þá að stúdera hvað hægt er að gera til að skáka tiki-taka, hvað þarf að gera betur. Með því varð til þessi „kraftafótbolti,“ þetta rokk og ról, hápressað og spilað af mikilli ákefð. Líkamlegt atgervi þarf að vera betra, það þarf að leggja meiri áherslu á fitness. Þá var leitað í þennan þýska skóla.“ Öðruvísi en forverar sínir og mesti peningurinn í Englandi „Þessir þjálfarar eiga það allir sameiginlegt að þeir eru sem leiðtogar öðruvísi en forverar sínir. Þýski skólinn var á sínum tíma byggður af harðstjórum og þannig átt að stýra fólki en þessir menn eru allir með þann hæfileika að geta átt mannleg samskipti sem túlkast góð árið 2021,“ sagði Freyr og hélt áfram. „Það er eitthvað í menntakerfinu þeirra sem hefur snúið þeim stíl líka. Af því að þjálfun á hæsta stigi í dag er ekki bara það sem við sjáum varðandi taktíkina, rosalega mikið af því er stjórnun. Að vera góður að fá það besta út úr manneskjunni, og þeir eru helvíti góðir í því líka.“ „Skýringin mín ef ég tek þetta saman er menntakerfi og vera réttu mennirnir, á réttum tíma á réttum stað,“ sagði Freyr að endingu. Mynd frá 2005 þegar Rangnick þjálfaði Schalke 04 og Klopp stýrði Mainz.Christof Koepsel/Bongarts/Getty Images „Fyrir mér er þetta bara brainstorming hjá þessum helstu þjálfurum. Hvað þarf að gerast til að komast á toppinn. Sagan sýnir að þeir hafa haft rétt fyrir sér. Tiki-taka er að hverfa þó Barcelona reyni enn að spila slíkan fótbolta að vissu leyti,“ sagði Arnar. „Pep Guardiola hefur áttað sig á þessu og er að spila allt annan fótbolta í dag með Manchester City heldur en hann gerði hjá Barcelona sínum tíma. Líka að mörgu leyti miðað við það sem hann gerði hjá Bayern München.“ „Í fyrsta lagi held ég að hann (þýski skólinn) sé miklu vænlegri til árangurs. Það er langmesti peningurinn í Englandi og þeir geta keypt allt það besta. Straumarnir liggja því í þá áttina. Fyrir mér er alveg ljóst að þjálfun og framfarir í fótbolta munu í framtíðinni eiga sér stað í líkamlegri þáttum og gagnasöfnun heldur en tæknilegri getu.“ „Ég er ekki að segja að við séum búnir að toppa þegar kemur að tæknilegri getu en það er erfitt að bæta hana að miklu leyti miðað við hvað er hægt bæta líkamlega og sálræna þáttinn mikið. Ég held að England hafi horft á hvaða leið er vænlegust til árangurs, þá er augljóst hvernig fótbolti það er. Það er augljóst hvað þessir bestu þjálfarar á Englandi eru að gera hvað það varðar. Það eru þó vissulega mismunandi áherslur í þessari þýsku leið en conceptið hjá þeim öllum er nokkuð svipað.“ „Þetta er bara þróunin í fótbolta. Það er eitthvað ákveðið sem verður allsráðandi og svo er reynt að plotta gegn því til að verða fremstir í því,“ sagði Arnar Bergmann Gunnlaugsson að endingu.
Fótbolti Enski boltinn Mest lesið Metamfetamín fannst í báðum sýnum markmannsins Handbolti Tonali braut veðmálareglur fimmtíu sinnum eftir komuna til Newcastle Enski boltinn Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti Gunnar um að mæta dóttur sinni: „Hélt langmest með henni af öllum inn á vellinum“ Sport „Við vorum bara ekki á svæðinu“ Handbolti Eigendur 76ers gefa miða svo Knicks aðdáendur taki ekki aftur yfir Körfubolti „Vörnin í dag, það er það sem vann þetta“ Körfubolti Möguleikar Tottenham á Meistaradeildarsæti að fjara út Enski boltinn „Virkilega léleg frammistaða heilt á litið“ Körfubolti Fiorentina og Olympiacos í kjörstöðu eftir mikla markaleiki Fótbolti Fleiri fréttir Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Arteta hefur beðið Wenger um ráð hvernig eigi að verða meistari Ten Hag bannaði þremur fjölmiðlum að spyrja spurninga Leicester í úrvalsdeildina eftir rassskellingu Leeds Sjá meira
Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti
Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti