Tónlist

Gústi B gerir upp stóra refamálið og frumsýnir tónlistarmyndband

Sylvía Rut Sigfúsdóttir skrifar
Gústi B hefur gefið út lag um refinn sinn Gústa Jr.
Gústi B hefur gefið út lag um refinn sinn Gústa Jr. Aðsent

„Lagið Gústi Jr. er tilraun til þess að útkljá stóra refamálið í eitt skipti fyrir öll.Málið hefur tekið sinn toll og þrátt fyrir margt gott sem hefur komið í kjölfarið erum við nafnarnir einfaldlega búnir á því.“

Ágúst Beinteinn Árnason, betur þekktur sem Gústi B, frumsýnir í dag á Vísi nýtt tónlistarmyndband. Refurinn Gústi Jr. Kemur ekki sjálfur fram í laginu en teiknimyndaútgáfa af honum leikur þar hlutverk.

Tónlistarmyndbandið má sjá í spilaranum hér fyrir neðan.

Klippa: Gústi B - Gústi Jr.

„Í nýja laginu læt ég allt flakka, það góða og slæma. Þetta eru ákveðin kaflaskil, að minnsta kosti vona ég það. Hver veit? Lagið er unnið af mér og Inga Bauer og svo sá $tarri um masteringu. Þetta var eitthvað sem lá mér á hjarta og ég þurfti að koma þessu frá mér,“ útskýrir Gústi.

Teiknimyndarefurinn Gústi Jr.Aðsent

„Tónlistarmyndbandið gerðu þeir Alex Snær og Úlfur E og svo fékk ég teiknara frá Bandaríkjunum til að breyta Gústa Jr. í teiknimyndafígúru.“

Vísisfrétt um refinn kemur við sögu í myndbandinu.Aðsent

Safnar fyrir Píeta samtökin

Gústi ákvað að nýta þetta tækifæri til að styrkja við málefni sem er honum kært.

„Í tilefni af útgáfu lagsins verður hægt að kaupa bragðarefinn Gústa Jr. í Ísbúðinni Háaleiti og í samráði við Píeta samtökin rennur helmingur af verðinu til þeirra,“ útskýrir Gústi.  

MAST kemur við sögu l laginu.Aðsent

„Nú er Gústi Jr. orðinn bragðarefur, það var alltaf draumurinn. Í refnum eru jarðarber, kökudeig og hlaupperlur en það er einmitt uppáhaldið hans Gústa Jr. Fólk ræður svo hvort það fær sér gamla eða nýja.“ segir Gústi um ísinn.

Frá tökum á myndbandinu.Aðsent

„Með hverjum seldum bragðaref fá Píeta samtökin tæpar sex hundruð krónur svo ég vona auðvitað að sem flestir geri sér ferð í Háaleitið og fái sér einn Gústa. Ég vona að fólk njóti lagsins og ég hlakka til að gefa út meiri tónlist bráðlega,“ segir Gústi að lokum.

Lagið Gústi Jr. er líka komið inn á Spotify og má heyra í spilaranum hér fyrir neðan.


Tengdar fréttir

Refir falli undir skil­greiningu um gælu­dýr

Lögmaður ungs manns sem á ref telur afar skrýtið hvernig Matvælastofnun hefur beitt sér í því að ná refnum af honum. Hann segir að ekki sé hægt að útiloka að refir geti skilgreinst sem gæludýr ef þeir alast upp á heimili manna.

Ruddust inn með leitarheimild til að taka refinn en gripu í tómt

Ágústi Bein­teini Árna­syni brá heldur betur í brún þegar tveir ein­kennis­klæddir lög­reglu­menn mættu að heimili hans á­samt full­trúa Mat­væla­stofnunar (MAST) í síðustu viku með hús­leitar­heimild. Mark­miðið var að finna og taka af Ágústi, sem er kallaður Gústi B, ref sem hann hefur haldið síðasta eina og hálfa mánuðinn, Gústa Jr. Þeir gripu þó í tómt.

Of seint fyrir Gústa að að­lagast náttúrunni og sam­búðin versni þegar hann þroskast

„Gústi refur hefur verið í fjölmiðlum að undanförnu og þá sérstaklega „eigandi“ hans Tiktok stjarnan Ágúst Beinteinn Árnason. Refur þessi er haldinn að því er virðist í miðborg Reykjavíkur þar sem hann er í tjóðri eiganda síns honum til skemmtunar. Það þarf að sjálfsögðu ekki að fjölyrða um að hér er um lögbrot að ræða, enda refir villt dýr sem ekki má halda án sérstaks leyfis.“

Reyndu að taka refinn og koma honum í Hús­dýra­garðinn

Refurinn Gústi Jr. hefur vakið talsverða lukku á samfélagsmiðlinum TikTok en það er Ágúst Beinteinn Árnason, sem á hann. Á miðlinum hefur hann birt fjölda myndbanda af sér og refnum á flakki um bæinn. Matvælastofnun er ekki eins hrifin af uppátækinu, hefur reynt að taka refinn af Ágústi og segir málið vera í ferli hjá héraðsdýralækni.






Fleiri fréttir

Sjá meira


×