Fréttir

24 greindust innan­lands

Atli Ísleifsson skrifar
Um 11.700 manns hafa nú greinst með kóronuveiruna innanlands frá upphafi faraldursins.
Um 11.700 manns hafa nú greinst með kóronuveiruna innanlands frá upphafi faraldursins. Vísir/Vilhelm

24 greindust með kórónuveiruna innanlands í gær. Átta þeirra sem greindust innanlands í gær voru í sóttkví við greiningu, eða 33 prósent. Sextán voru utan sóttkvíar, eða 66 prósent.

Þetta kemur fram í uppfærðum tölum á vefnum covid.is. Síðan er ekki uppfærð um helgar en nú kemur fram að 39 hafi greinst á föstudag og tuttugu á laugardaginn.

341 eru nú í einangrun vegna Covid-19, en voru 348 á föstudag. 908 eru nú í sóttkví, en voru 1.164 á föstudag. 454 eru nú í skimunarsóttkví.

Níu eru nú á sjúkrahúsi vegna Covid-19, en voru átta síðastliðinn föstudag. Þrír eru á gjörgæslu, en voru fjórir á föstudag. Enginn er nú í öndunarvél að því er segir í frétt á vef Landspítala.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 114,3, en var 111,0 á föstudaginn. Nýgengi á smiti á landamærum er nú 5,5, en var 7,1 á föstudag.

Alls hafa 11.722 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 33 andlát verið rakin til Covid-19 hér á landi frá upphafi faraldursins.

Tekin voru 468 einkennasýni í gær, 932 sýni á landsmærum og þá greindust 419 í svokallaðri sóttkvíar- og handahófsskimun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.